Birtingur - 01.12.1955, Qupperneq 9

T H O R VILHJÁLMSSON:
Talað við Ma Shao-po
Ma Shao-po er varaforseti Pekingóperunn-
ar og gengur næstur forsetanum Mei Lan-
fang sem Kínverjar kalla höfuðsnilling. Auk
þess er hann víðkunnur leikritahöfundur og
talinn merkur heimildarmaður um þau fræði
er lúta að fornum sjónleikjum í Kína.
Hann er einstaklega heillandi maður í við-
kynningu og látlaus tigin framkoma hans
hlýtur að afla honum virðingar þess sem
á tal við hann. Hann er meðalmaður á hæð
grannur, andlitssvipurinn hreinn og mildur,
enginn harður eða hrjúfur dráttur í því held-
ur allt viðkvæmt og mjúkt og vitnar um mik-
inn næmleik og ljósar gáfur.
Það sem hér fer á eftir er byggt á upp-
lýsingum sem Ma Shao-po veitti mér í við-
ræðum af mikilli þolinmæði og ljúfmennsku.
Ég lét í ljós áhuga að vita um afstöðu
alþýðu manna í Kína til Pekingsöngleikjanna.
Ma Shao-po sagði að þeir væru ómissandi
þáttur í lífi alþýðunnar, án þeirra gæti hún
ekki verið. Menningarvilji er mjög ríkur með-
al kínversku þjóðarinnar allrar sem nýtur
listar og iðkar hajna í margbreytilegustu
myndum. Það eru til 130 mismunandi form
leiklistar sem öll þrífast vel. Auk þeirrar list-
ar sem stendur á gömlum merg er iðkuð
nýtízku leiklist með Vesturlandasniði, kvik-
myndir, tónlist, dans: flest það sem einkenn-
ir nútímalíf. Gamalt og nýtt dafnar hlið við
hlið og lifir frjóu lífi. Allir þurfa á list að
halda í lífi sínu. Áhorfendur sitja á leiksýn-
ingum heillaðir. En alþýðan getur líka skipu-
lagt sjálf sýningar á hinum fornu söngleikj-
um: skólar, verksmiðjur, þorp hve smá sem
þau eru: allir hafa sinn eigin leikflokk.
Þannig er allt menningarlífið mjög auðugt,
segir Ma. Listin er enginn munaður í Kína
heldur lífsnauðsyn.
Ma Hung-ling i hlutverki apakonungsins.
7