Prentarinn - 01.02.1998, Blaðsíða 23

BOKAGERÐARMENN
bandsverkfæri og efni frá Páli
Sveinssyni í Kaupmannahöfn og var
hann síðan við bókband á vetrum.
Hafði hann þá ekki átt við bókband í
rúmlega átta ár.
Sigfús var mjög mikilvirkur ljós-
myndari, að frátöldum viðskipta-
árunum við Noreg, og tók mikið af
útimyndum, landslagi sem heillaði
hann og myndir úr þorpum og borg-
inni, ásamt mannamyndum.
Daníel Daníelsson hóf ljósmynda-
og bókbandsnám hjá Sigfúsi í nóv.
1881, en síðari kona Sigfúsar var
hálfsystir Daníels. Vann Daníel á
myndastofunni til 1909 og sá um
alla ljósmyndun er tímar liðu.
1876 gerðist Sigfús umboðsmaður
hér á landi fyrir Allan-Línuna, sem
flutti Vesturfara héðan til Ameríku.
Hann var að heita mátti einvaldur
um Vesturheimsferðirnar, þó
Beaver-Línan keppti í nokkur ár við
Allan-Línuna um ferðirnar, en
Sigmundur prentari Guðmundsson
var umboðsmaður fyrir þá Línu. Var
Sigfúsi fundið það til foráttu af
mörgum að hjálpa fólki að yfirgefa
landið, en hann stuðlaði aldrei að
því og gerði sitt til að bæta meðferð
á Vesturförum.
3. maí 1887 keyptu Sigfús og Sig-
urður Jónsson jámsmiður, prent-
smiðju þá er Sigmundur Guðmunds-
son átti og starfrækti á Skólavörðu-
stíg. Var kaupverðið 7000 kr. og var
prentsmiðjan áfram á Skólavörðu-
stígnum þar til í desember er hún
var flutt í hús Sigfúsar í Lækjargötu
og var þar á neðri hæð hússins. í
september árið eftir keypti Sigfús
hlut Sigurðar en seldi síðan prent-
smiðjuna aftur þann 1. maí 1890
Halldóri Þórðarsyni bókbindara og
nokkrum fleirum og fékk hún þá
nafnið Félagsprentsmiðjan. 1 júlí var
hún flutt á Laugaveg 4, þar sem hún
var til 1917 og keypti þá Ársæll
Ámason húsnæðið fyrir bókaverslun
og bókbandsvinnustofu.
Sigfús hóf bókaútgáfu árið 1886.
Lagði hann einkum stund á að gefa
út vandaðar bækur sem hefðu bók-
menntalegt gildi og fræðibækur fyrir
almenning. Hann hóf t.d. útgáfu á
bókaflokki er hann nefndi „Sjálf-
fræðarann“ og fékk nokkra af bestu
mönnum þjóðarinnar til að rita bæk-
umar.
Hann gaf út nýja útgáfu sálma-
bókarinnar 1886. Hafði Kristján Ó.
Þorgrímsson reynt að fá forlagsrétt-
inn en ekki tekist. Síðan glapaðist
Kristján til, er Einar prentari Þórðar-
son flosnaði upp, að kaupa af hon-
um við litlu verði talsvert af göml-
um sálmabókum, innbundnum í
Kaupmannahöfn.
Þegar innleiðsla nýju sálmabókar-
innar var tekin fyrir á safnaðarfundi
í Reykjavík, hafði Kristján þegar
gert sem hann gat til að smala at-
kvæðum gegn innleiðslu bókarinnar,
enda sá hann fram á að sitja uppi
með sfnar bækur. Nýja sálmabókin
var seld í ýmiskonar bandi, eða á
allt að sjö mismunandi verði. Hafa
bindin verið skreytt í hinni nýju
gyllingarvél Sigfúsar, hinni fyrstu á
landinu, sem hann fékk um veturinn
1884-85.
Auk þess að selja forlagsbækur
sínar í bandi, gátu viðskiptavinirnir
fengið þær í materíu og tilbúin bind-
in. Sá þá kaupandinn sjálfur um að
sauma bókina og skera og ganga frá
henni í bindinu.
Ekki er vitað hvenær bókbandið
lagðist niður hjá Sigfúsi, en það var
starfrækt fram yfir aldamótin. En
síðlaárs 1915 stofnaði bókaverslun
Sigfúsar Eymunds-
sonar, eða þáverandi
eigandi hennar og
Brynjólfur bókbind-
ari Magnússon, nýja
bókbandsvinnustofu
í Gutenbergshúsinu í
Þingholtsstræti 6 og
kannski var það upp
úr leifum vinnustofu
Sigfúsar.
Sigfús var um
langt skeið einn af
mestu nytsemdar- og
sæmdarmönnum
Reykjavíkur. Hann
var dugnaðarmaður
mikill, hjálpsamur mjög og sannur
drengskaparmaður. í stjómmálum
átti hann mikinn þátt á síðari ámm
sínum og var í miðstjórn Heima-
stjómarflokksins. Hann var maður í
hærra lagi, fremur grannur, bjartur á
hár og glaðlyndur. Hann lést 20.
október 1911.
Á bóksveigsborða, er prentsmiðj-
an Gutenberg lagði á gröf hans, var
þetta letrað:
„Blessuð sé hans minning!
Blessuð af vinum
mannásta, mannkosta,
mennta og snilli.
Rauntrygga, ráðholla
rausnarmenni,
Eymundsson, þökk
fyrír ástúð og samhug. “
s?
ií&'

^nátnskeiá! TöJ
*

Y
K6

sy
Photoshop
QuarkXPress FreeHand
Macintosh Director Heimasíðugerð
Margmiðlun Internet Litprentun
Bókband og margt fleira.
HringiS og biðjiS um námskeiöaskrá
Vlrí- t
V
m

Prenttæknistofnun
http:/ / www.apple.is/ prent/
Sími 562 0720
PRENTARINN ■ 23