Morgunblaðið - 18.02.2012, Page 42
AF TÓNLISTARVERÐLAUNUM
Arnar Eggert Thoroddsen
skrifar frá Ósló, arnart@mbl.is
Norrænu tónlistarverðlaunin, Nor-disk Music Prize, voru afhent öðrusinni á fimmtudaginn hér í Ósló. At-
höfnin fór fram í Jakobskirkjunni og voru
tólf plötur frá öllum Norðurlöndunum til-
nefndar. Fulltrúar Fróns voru þau Björk
(Biophilia) og GusGus (Arabian Horse) en
leikar fóru þannig að sænski djassleikarinn
Goran Kajfes hreppti hnossið fyrir plötu sína
X/Y, metnaðarfullt og nokk tilraunakennt
verk þar sem djassi, heimstónlist og raftónlist
er hrært saman. Það var Jónsi okkar sem
vann til verðlaunanna í fyrsta skipti í fyrra,
þá fyrir plötuna Go. Verðlaunum þessum
svipar til Mercury-verðlaunanna bresku þar
sem áhersla er lögð á listrænt innihald frem-
ur en frægð og hve markaðsvænar plöturnar
eru. Tilgangurinn er þó öðru fremur að vekja
athygli á frambærilegri norrænni tónlist,
koma henni til umheimsins ef svo mætti
segja. Ekki þá bara að hinn vestræni popp-
heimur, með sínum bresku og bandarísku
áherslum verði var við hvað er að gerast
hérna heldur einnig norrænu löndin sjálf en
það er í raun stórmerkilegt hversu lítill tón-
listarlegur samgangur er á milli Norður-
landanna, þegar nánar er að gáð.
Athöfnin í Jakobskirkjunni var hinglæsilegasta og fulltrúar listamanna og
hinna ýmsu anga norræna tónlistarbransans
voru á staðnum. Verðlaunaafhendingin er
undir hatti by:Larm-hátíðarinnar sem mætti
lýsa sem norsku útgáfunni af Airwaves. Mikil
„showcase“-hátíð þar sem ungar og efnilega
sveitir ota sínum tota sem mest þær mega.
Óvænt úrslit í Ósló
Sigurvegari Goran Kajfes er Svíi af júgóslavneskum ættum. Plata hans X/Y er metnaðarfullur
bræðingur hinna ýmsu stíla, þar sem hið gamla og hið nýja rennur saman á fumlausan hátt.
Hátíðin snýst þá ekki einvörðungu um tón-
leika, fjör og flipp heldur er þetta og funda-
og vinnuhátíð, aðilar úr tónlistariðnaðinum
hittast og koma á samböndum, bóka hljóm-
sveitir og garfa í sínum málum eins ötullega
og kostur er. Einnig er mikil og vegleg ráð-
stefnudagskrá með fyrirlestrum, viðtölum,
vinnubúðum og svo framvegis.
En komum okkur aftur inn í Jak-
obskirkjuna. Það var danski menningar-
málaráðherrann Uffe Elbae sem afhenti
verðlaunin, íklæddur Dr. Martens-skóm og
bol. Flottur fýr og „ligeglad“ eins og þeir eru
stundum blessaðir Baunarnir. Það verður að
segjast að úrslitin komu nokkuð í opna
skjöldu. Margir voru á því að Björk myndi
taka þetta örugglega og söngkonur eins og
Lykke Li og Ane Brun þóttu einnig líklegar.
Sama má segja um teknómeistarann The
Field og dönsku unglingapönkarana í Iceage
sem hefur mikið verið hampað að und-
anförnu.
En Kajfes er vel að verðlaununum kom-
inn og nokkuð sterkt útspil að taka þennan
óvænta vinkil. Það er eitthvað smart við það
líka að verðlauna ónorrænustu plötuna af
þeim öllum, bæði gefur það til kynna áherslu
á að góð tónlist ráði för, hvernig svo sem hún
er samsett og að frægir, ráðsettir listamenn
geti ekki gert ráð fyrir áskrift að verðlaun-
unum.
Greinarhöfundur var reyndar að vonast
til þess að Björk myndi taka þetta, þar sem
Sigur Rós og Ólöf Arnalds verða með nýjar
plötur í ár sem þýðir að við hefðum einnig
tekið verðlaunin á næsta ári. Hinar þjóðirnar
hefðu í framhaldinu gengist fyrir því að verð-
launin yrðu lögð niður vegna þessarar óþol-
andi smáþjóðar sem allt þykist eiga og allt
þykist geta. Nei, ég segi svona.
Ég fór síðar um kvöldið og sá GusGusleika í flottum klúbbi á tólftu hæð í há-
hýsi einu í miðborginni. Söngvararnir Urður,
Daníel og Högni tóku áhorfendur í nefið með
glæstu hálftíma setti og Forsetinn og Veiran
voru eitursvöl á bakvið, stýrðu taktföstu,
nærri því sefandi flæðinu með miklum glæsi-
brag og reisn. Er nema von að maður hugsi,
þó ekki sé nema stundum, að Ísland sé best í
heimi? Að minnsta kosti alveg örugglega á
Norðurlöndum!
»En Kajfes er vel aðverðlaununum kominn
og nokkuð sterkt útspil að
taka þennan óvænta vinkil.
42 MENNING
MORGUNBLAÐIÐ LAUGARDAGUR 18. FEBRÚAR 2012
Á sunnudag verða Fjöruverðlaunin, bók-
menntaverðlaun kvenna, afhent í sjötta
sinn á bókmenntahátíð kvenna - Góugleði. .
Hátíðin fer fram í Iðnó og hefst dagskráin
klukkan 11.00.
Dagskráin hefst á því að Ljótikór syngur
nokkur lög og að því loknu flytur sérstakur
gestur hátíðarinnar, Sandi Toksvig, ræðu
og svarar spurningum úr sal. Toksvig er
þekktur rithöfundur, grínisti og dag-
skrárgerðarmaður. Hún hefur einnig verið
formaður dómnefndar Orange-bókmennta-
verðlaunanna bresku sem eru bókmennta-
verðlaun kvenna.
Fjöruverðlaunin eru veitt í þremur flokk-
um og eru þrjár bækur tilnefndar í hverj-
um þeirra. Í flokki fagurbókmenna eru til-
nefndar Jójó eftir Steinunni
Sigurðardóttur, Kanill: ævintýri og örfá
ljóð um kynlíf eftir Sigríði Jónsdóttur og
Jarðnæði eftir Oddnýju Eiri Ævarsdóttur.
Í flokki fræðibóka eru tilnefndar Mannvist
– Sýnisbók íslenskra fornleifa eftir Birnu
Lárusdóttur, Nútímans konur: Menntun
kvenna og mótun kyngervis á Íslandi 1850-
1903 eftir Erlu Huldu Halldórsdóttur og
Ríkisfang ekkert: flóttinn frá Írak á Akra-
nes eftir Sigríði Víðis Jónsdóttur. Í flokki
barna- og unglingabóka eru tilnefndar
Flugan sem stöðvaði stríðið eftir Bryndísi
Björgvinsdóttur, Gegnum glervegginn eftir
Ragnheiði Gestsdóttur og Með heiminn í
vasanum eftir Margréti Örnólfsdóttur.
Allt áhugafólk um bókmenntir er vel-
komið. Aðgangseyrir er 1.500 krónur og
innifalið í því verði er samloka, kaffi og
gos. Dagskráin hefst kl. 11 og stendur til
kl. 13.
Fjöruverðlaunin, bókmenntaverðlaun
kvenna, voru fyrst veitt árið 2007. Fjöru-
verðlaunin á síðasta ári hlutu Agniezka No-
wak og Vala Þórsdóttir fyrir Þankagöngu
Kristín Steinsdóttir fyrir Ljósu og
Kristín Loftsdóttir fyrir Konuna sem
fékk spjót í höfuðið.
Fjöruverðlaunin veitt í sjötta sinn
Bækur níu kvenna voru tilnefndar til bókmenntaverðlauna kvenna
Bókmenntahátíð kvenna, Góugleði, verður haldin í Iðnó á sunnudag
Morgunblaðið/Ómar
Tilnefndir höfundar Níu bækur eru tilnefndar til verðlaunanna, þrjár í hverjum flokki fagurbókmennta, fræðibóka og barna- og unglingabóka.
Danski Hammond-orgelleikarinn Kjeld Lau-
ritsen leikur á fimmtu tónleikum djass-
tónleikaraðarinnar á KEX hostel, Skúlagötu
28, á þriðjudag. Lauritsen leikur með tríói
sem skipað er honum, Sigurði Flosasyni saxó-
fónleikara og Einari Scheving trommuleik-
ara. Tríóið mun flytja fjölbreytt úrval
þekktra djasslaga auk nokkurra eigin tón-
smíða.
Kjeld Lauritsen hefur um árabil verið einn
þekktasti og vinsælasti Hammond-orgelleik-
ari Dana og leikur meðal annars reglulega á
hinum vinsæla djassstað LaFontain í Kaup-
mannahöfn.
Hann heldur út eigin tríói í heimalandinu,
en einnig djasssveitinni The Organizers sem
hann stofnaði 1991 með saxófónleikaranum
Bob Rockwell, en The Organizers hefur gefið
út fimm plötur. Lauritsen hefur leikið með
mörgum helstu djasstónlistarmönnum Norð-
urlanda og einnig með alþjóðlegum stjörnum.
Kjeld Lauritsen var gestur Jazzhátíðar
Reykjavíkur 2010
Tónleikarnir hefjast kl. 20.30 og standa í
um tvær klukkustundir með hléi. Aðgangur
er ókeypis.
Tríó Kjelds
Lauritsens leik-
ur á KEX djass
Kexdjazz Hammondleikarinn Kjeld Lauritsen.