Morgunblaðið - Sunnudagur - 03.11.2013, Blaðsíða 2
2 MORGUNBLAÐIÐ SUNNUDAGUR 3.11. 2013
Þegar Jón Gnarr tók við starfi
borgarstjóra var hvergi að finna í
starfslýsingunni að borgarstjóri
ætti að verða talsmaður mannrétt-
inda á heimsvísu. Í lýsingunni var
ekki minnst á að borgarstjóra bæri
að tala gegn einelti og berjast gegn
ofbeldi hvenær sem færi gæfist.
Ekki var heldur sérstaklega gert
ráð fyrir öflugum og áberandi
stuðningi við réttindabaráttu sam-
kynhneigðra. Þessu bætti Jón
Gnarr við starfslýsinguna að eigin
frumkvæði. Hann tók ekki við
þeim forsendum sem gefnar voru í
upphafi heldur breytti þeim – og
bætti við. Hið útjaskaða orð for-
sendubrestur hefur verið áberandi
eftir hrun. Það vísar til þess að í
upphafi hvers kyns samskipta eru
gjarnan tilteknar forsendur gefn-
ar. Þegar forsendurnar sem lagt er
upp með breytast þá breytist út-
koman líka. Þetta getur átt við til
dæmis þegar lán eru veitt eða þeg-
ar kjósandi treystir stjórnmála-
manni fyrir atkvæði sínu. Það er
enginn vafi á að forsendur í borg-
armálum eru breyttar. Ekki af því
að neinn brestur hafi orðið heldur
má miklu frekar tala um betrun
eða bætingu. Svona eins og þegar
maður fær eitthvað sem maður
vissi ekki að mann vantaði, og datt
ekki í hug að biðja um. Reykvík-
ingar voru ekki endilega á hött-
unum eftir leiðtoga á sviði mann-
réttinda – en þeir fengu hann í Jóni
Gnarr. Reykvíkingar gengu fæstir
að kjörborðinu með það í huga að
kjósa þann sem líklegastur væri til
að tala hæst gegn einelti og ofbeldi
– en þeir fengu slíkan borgarstjóra
í Jóni Gnarr. Bara vissu ekki að um
það væri kosið. Nýja orðskrípið
sem gæti komist á flug eftir tíð
Jóns Gnarr gæti því verið for-
sendubæting. Skulum samt forðast
svona löng orð, þau eru bara til
trafala. Höldum bara áfram að
bæta okkur, hvort sem við búum í
borg eða sveit.
RABBIÐ
Breytt og bætt
Eyrún Magnúsdóttir
Haustið er búið og Vetur konungur kominn með allri sinni dýrð. Stutt er síðan frétt kom inn á veraldarvefinn undir fyrirsögninni Allt á kafi í snjó á Ak-
ureyri. Sunnanlands bítur aðeins kuldinn og lítið þarf að moka snjó af bílum á morgnana – bara ís. Hitnar svo yfir daginn þannig að hægt er að klæðast
aðeins góðri úlpu. Þessi ágæti drengur varð á vegi ljósmyndara Morgunblaðsins í ljósaskiptunum þar sem hann arkaði eftir stígnum með forvitnar endur
sér við hlið. Naut fegurðarinnar með eyrunum í stað augnanna og hélt áfram sína leið. Kannski var hann á rölti eftir dansleik, eins og segir í textanum
við lagið Við Reykjavíkurtjörn. Það er aldrei að vita. Það verður kalt alla helgina um allt land og því betra að taka upp kertin og aðra kósí hluti upp. Inni-
veran verður einhver því kuldaboli getur bitið ansi fast.
AUGNABLIKIÐ
Morgunblaðið/Eggert
VIÐ REYKJAVÍKURTJÖRN
HITASTIGIÐ HEFUR LÆKKAÐ UNDANFARNA DAGA EN ÞESSI ÁGÆTI DRENGUR LÉT ÞAÐ EKKI Á SIG FÁ –
HELDUR HÆKKAÐI BARA Í GRÆJUNUM, KANNSKI MEÐ LAGIÐ VIÐ REYKJAVÍKURTJÖRN Í RAUÐA BOTNI.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Flóa- og hönnunarmarkaður.
Hvar? Hinu húsinu.
Hvenær? Laugardag kl.14-17.
Nánar: Ungir hönnuðir og annað ungt
fólk hreinsar til í fataskápunum og selur
á flóa- og hönnunarmarkaði.
Hreinsað til í skápnum
Hvað? Safnahelgi á
Suðurlandi.
Hvar? Sveitarfélaginu
Árborg.
Hvenær?1.-3.nóv-
ember.
Nánar: Sveitarfélagið Árborg býður til
veislu fyrir öll skynfæri.
Matur og menning
Í fókus
VIÐBURÐIR HELGARINNAR
Hvað? Saumamaraþon á Njálurefilinn.
Hvar? Sögusetrinu á Hvolsvelli.
Hvenær? Alla helgina.
Nánar: Saumað á hördúkinn sem
Brennu-Njálssaga verður saumuð á.
Tilboð á gistingu. Skráning á
njalurefill@gmail.com.
Nál og tvinni
Hvað? Óvitaherbergi.
Hvar? Þjóðleikhúsinu.
Hvenær? Á af-
greiðslutíma Þjóðleik-
hússins milli kl.12-18
um helgar.
Nánar: Einstakt fyr-
irbæri í Þjóðleikhúsinu. Óvitaherbergi
þar sem börn eru stór og fullorðnir litl-
ir. Hægt er að koma og skoða herbergið
án þess að vera að koma á sýningu.
Fullorðnir verða börn
Hvað? Messa með mikilli tónlist.
Hvar? Lindakirkju Kópavogi.
Hvenær? Sunnudag kl. 20.
Nánar: Messa með örlítið breyttu sniði
þar sem tónlistin verður í aðalhlutverki.
Tónleikamessa
Hvað? Örsmiðja
fyrir börn og for-
eldra.
Hvar? Kjarvals-
stöðum.
Hvenær? Sunnu-
dag kl.14-16.
Nánar: Hildigunnur Birgisdóttir, mynd-
listarkona, stýrir örsmiðju í tengslum
við sýningu Alexander Rodchenko.
Barnasmiðja
* Forsíðumyndina tók Eggert Jóhannesson