Morgunblaðið - Sunnudagur - 03.11.2013, Blaðsíða 23

K
nattspyrnukonan Margrét Lára Viðarsdóttir tók
við fyrirliðabandi landsliðsins í vikunni ásamt
því að skora mark í sigurleik gegn Serbíu. Hún
er markaskorari af guðs náð og hefur skorað 70
mörk í 90 landsleikjum.
Hvernig æfir þú?
Ég æfi knattspyrnu 6-7 sinnum í viku. Síðan stunda
ég styrktarþjálfun 2-3 í viku.
Henta slíkar æfingar fyrir alla?
Ég myndi ekki ráðleggja hinum almenna borgara að
æfa eins sérhæft æfingaprógramm og mitt er en hins
vegar ráðlegg ég fólki að stunda einhvers konar hreyf-
ingu á hverjum degi hvort sem það er að fara í göngutúr,
út að hlaupa eða stunda einhverja aðra hreyfingu sem
því þykir skemmtileg.
Hvernig er best fyrir nýliða að koma sér af stað?
Fyrst og fremst er mikilvægt að finna sér þá hreyf-
ingu sem hentar hverjum og einum. Spyrja sig þeirrar
spurningar „hvaða hreyfing finnst mér skemmti-
leg?“ Eftir það er gott að setja sér raunhæf mark-
mið þannig að viðkomandi sjái fram á að ná ár-
angi. Síðan er alltaf gott að finna sér
æfingafélaga sem er á svipuðum stað formlega
séð og maður sjálfur því það er alltaf
skemmtilegra að æfa með einhverjum en að
vera einn að púla. Að lokum ráðlegg ég fólki
sem hefur tök á að fá fagaðila eins og íþrótt-
fræðing eða einkaþjálfara til að hjálpa sér
að setja upp fyrstu æfingapró-
grömm, eins eru þeir gott aðhald
til að byrja með.
Hvernig væri líf án æfinga?
Ég sé sjálfa mig fyrir mér
hreyfa mig langt fram eftir
aldri ef ég verð svo heppin
að geta það heilsunnar
vegna. Fyrir mig er hreyf-
ing svo stór þáttur af
mínu lífi að ég gæti ekki
séð mig án þess. Það eru
forréttindi að geta hreyft
sig og þess vegna á mað-
ur að njóta þess.
Hvaða óhollustu
ertu veik fyrir?
Súkkulaði er mitt vímu-
efni, því miður.
Hvað borðarðu til að
halda þér í formi?
Ég borða yfir höfuð hollan og
næringarríkan mat. Ávextir og
grænmeti eru mjög mikilvægir
þættir. En annars finnst mér best
að borða fjölbreyttan mat og fá
inn næringarefni úr öllum fæðuflokkum. Á móti reyni ég
að halda öllum sætindum í lágmarki.
Hvað ráðleggurðu fólki sem vill bæta mataræðið?
Tala við fagaðila og fá góð ráð. Það sem hefur virkað
best fyrir mig persónulega er að borða hollt, oft á dag en
minni skammta fyrir vikið. Svo má ekki gleyma því að
þegar maður er að hreyfa sig reglulega langar mann
minna í sætindi og óhollan mat.
Hvaða gildi hefur hreyfing og líkamsrækt fyrir þig?
Mikið. Hreyfing er stór þáttur af mínu lífi og minni
daglegu rútínu. Það hefur sýnt sig að ef fólki líður vel
líkamlega líður því líka betur andlega. Hreyfing gefur
manni aukinn kraft til daglegra verka og ætti því að
vera stór þáttur í lífi flestra.
Hvað eru algeng mistök hjá fólki við æfingar?
Að ætla sér of mikið á skömmum tíma og æfa of mikið.
Hver eru heimskulegustu meiðslin
sem þú hefur orðið fyrir?
Það voru ekki beint meiðsli en einu sinni var ég
bitin svo illa af moskítóflugu í ökklann að ég
missti af leik með Val í Evrópukeppninni. Ég
komst ekki í skó í tvo daga, ég var svo bólg-
in.
Hver er besti samherjinn?
Mjög erfitt að velja einhvern einn þar
sem ég hef spilað með mörgum heims-
klassa leikmönnum alls staðar í heiminum.
Hins vegar kenndi Olga Færseth mér afar
mikið á mínum yngri árum og þakka
ég henni mikið fyrir það. Hún hlýt-
ur því þennan titil.
Skemmtileg saga frá ferlinum?
Þegar landsliðið spilaði við
Íra á Laugardalsvelli árið 2008
á ísilögðum vellinum, það var
ógleymanlegur leikur fyrir
þær sakir að við leikmenn-
irnir gátum með engu móti
staðið í fæturna þar sem
völlurinn var frosinn. Leik-
menn flugu á hausinn hvað
eftir annað úti um allan völl
og maður gat ekki annað en
hlegið. Ásta Árnadóttir var
þekkt fyrir að taka flikk flakk
fimleika innköst og í einu inn-
kastinu rann hún svo illa að hún
lenti á hausnum. Öll stúkan piss-
aði í buxurnar af hlátri sem og við
leikmennirnir. Til að toppa kvöldið
þá unnum við leikinn 3-0 og
tryggðum okkur þar með fyrst ís-
lenskra knattspyrnuliða farmiða á
stórmót.
ÍÞRÓTTAKEMPA DAGSINS
Missti af leik vegna flugu
3.11. 2013 MORGUNBLAÐIÐ SUNNUDAGUR 23
Vinur minn er meistari í að finna afsakanir fyrir því að hreyfa sigekki og líkami hans er farinn að láta á sjá af þessum sökum.Hann er illa þjakaður af vinnuálagi og skyldustörfum tengdum
fjölskyldulífi (að eigin sögn) og þetta eru helstu ástæðurnar fyrir því að
hann hefur engan tíma aflögu til að hreyfa sig.
Þessi tiltekni einstaklingur er engu að síður
gríðarlega vel að sér í ýmsum samfélags-
málum sem eru efst á baugi hverju sinni.
Hann hefur gjörsamlega skoðanir á öllu á milli
himins og jarðar enda fylgist hann með sjón-
varpsfréttum á hverjum degi. Í raun horfir
hann á tvo fréttatíma daglega og svo missir
hann aldrei af Kastljósi á „voddinu“ eftir að
börnin eru farin í háttinn.
Það eru margir í sömu stöðu og þessi frétta-
sjúki vinur minn og því er áhugavert að taka
saman tímann sem þessi helgistund tekur í lífi
fólks. Hefðbundinn fréttatími RÚV tekur um
30 mínútur, fréttatími Stöðvar 2 stendur yfir í
20 mínútur og ofan á þetta leggst Kastljós sem er tæplega hálftíma
þáttur. Þá má ekki gleyma íþróttafréttunum en þar bætast við 10 mín-
útur á Rúv og 5 mínútur á Stöð2. Samtals tekur þetta sjónvarpsgláp
eina klukkustund og 35 mínútur og þetta er sá tími sem vinur minn
eyðir í fréttaáhorf á hverjum einasta degi. Á þessum tíma mætti auð-
veldlega taka góða klukkutíma æfingu og fara í sturtu.
Það er gott að vera meðvitaður en það er enn mikilvægara að við-
halda góðri heilsu. Afsakanir fyrir hreyfingarleysi vegna tímaskorts
eiga ekki rétt á sér ef þú horfir á tvo fréttatíma á hverju kvöldi, strokum
þá afsökun út af listanum! Hreyfing þarf ekki að taka langan tíma, það
sem skiptir máli er að hreyfa sig reglulega, helst á hverjum degi. Það
gerist nákvæmlega ekkert hræðilegt þótt þú missir af einum fréttatíma,
jafnvel tveim. Ágóðinn af því að hreyfa sig daglega er hinsvegar vega-
nesti sem þú býrð að alla ævi.
Sjónvarpsgláp tekur dýrmætan tíma frá mörgum og ólíkt því sem margir
halda þá stendur tíminn ekki í stað á meðan maður horfir á fréttir.
Morgunblaðið/Kristinn
SLÖKKTU Á
FRÉTTUNUM
JÓN HEIÐAR
GUNNARSSON
Heilbrigt líf
Niðurstöður hóprannsókna Hjartaverndar benda eindregið til að
reglubundin hreyfing minnki hættuna á að fá kransæðasjúkdóma um
þriðjung. Þar kom einnig fram að hreyfing dregur verulega úr heild-
ardánartíðni af völdum ýmissa sjúkdóma, þar á meðal krabbameins.
Hreyfing veitir lengra líf* „Látið hreyfingu vera þaðsem þið viljið gera, en ekkiþað sem þið þurfið að gera.“
Höfundur óþekktur
Morgunblaðið/Kristinn