Morgunblaðið - Sunnudagur - 03.11.2013, Blaðsíða 28
*Matur og drykkur Leikhópurinn GRAL og fjölskyldur gæddu sér á kræsingum á notalegu mánudagskvöldi »32
H
ugrún Halldórsdóttir er einn af umsjónar-
mönnum Íslands í dag á Stöð 2. Sunnudags-
blaðið nálgaðist hana, enda er hún áhugamann-
eskja um kökubakstur og ákvað að deila með
lesendum uppskrift að dýrindis döðlupekansúkkulaðiköku.
Hugrúnu fannst gríðarlega gaman að bara á yngri ár-
um og hefur reynt að halda í bökunarhæfileikana. „Ég
var mjög dugleg að baka þegar ég var yngri en hef eitt-
hvað slakað á síðustu ár. Ég hef samt litlu gleymt og
þegar ég held boð finn ég fyrir tilhlökkun yfir bakstr-
inum,“ segir Hugrún. „Ég á mjög mikið af uppáhalds-
réttum en sá sem er mér efst í huga núna er döðlupek-
ansúkkulaðikakan sem ég gef hér uppskrift að.
Uppskriftina fékk ég frá frænku minni sem hefur ósjald-
an boðið upp á kræsingarnar. Kakan er mjög einföld,
ódýr og unaðslega góð.“
Hugrún segist ekki hugsa oft um mat og geti því ekki
kallað sig matgæðing. „Ég verð að viðurkenna að mér
finnst það oft meiri vinna en skemmtun að borða, nema
þegar kemur að kökum, brauðréttum og öðrum sætindum
þá get ég farið aðeins of geyst og oftast er það vel þess
virði,“ segir Hugrún en hún bætir við að oft hafi komið
upp einhverjar katastrófur í eldhúsinu. „Já, alveg þó-
nokkrum sinnum hefur svoleiðis komið fyrir og flestar
tengjast þær bökuninni sjálfri. Ég á það til að gleyma
mér þegar herlegheitin eru komin inn í ofn. Ég hef þurft
að endurtaka leikinn nokkuð oft og hlaupið út með log-
andi skúffu oftar en einu sinni,“ segir hún og hlær.
Morgunblaðið/Ómar
ALLTAF SPENNT FYRIR BAKSTRI
Veik fyrir sætindum
KÖKUBAKSTUR ÞARF EKKI AÐ VERA FLÓKINN EN GETUR AUÐVELDLEGA FARIÐ ÚRSKEIÐIS
EINS OG MARGT ANNAÐ. HUGRÚN HALLDÓRSDÓTTIR ER ANSI LUNKINN BAKARI EN
HEFUR STUNDUM ÞURFT AÐ HLAUPA ÚT MEÐ LOGANDI OFNSKÚFFU.
Gunnþórunn Jónsdóttir gunnthorunn@mbl.is
Hugrún í Íslandi í dag hefur dálæti á að baka kökur og kræsingar.
2½ dl döðlur
2½ dl pecanhnetur
11⁄4 dl 70% súkkulaði (eða 56%)
Saxa þetta allt
2½ dl hrásykur
3 msk. spelt
1 msk. vanilludropar
3 msk. vatn
2 egg
1 tsk. lyftiduft
Aðferð: Allt sett í skál, blandað saman með
skeið og látið standa í 15 mínútur.
Hræra aftur í og setja í form (smelluform er
þægilegast) og bakað í 40 mínútur á 150°C,
stillt á blástur.
Það er ekki sjón að sjá kökuna án súkku-
laðispæna og er þeim stráð yfir þegar hún kem-
ur úr ofninum, eða a.m.k. á meðan hún er heit.
Síðan er hún borin fram með rjóma og/eða
jafnvel ís.
Einföld en ljúffeng
döðlusúkkulaðikaka