Morgunblaðið - Sunnudagur - 03.11.2013, Side 42
* Einhver albesta fjárfesting semAurapúkinn hefur gert var þegar
hann keypti sér stafræna farang-
ursvog. Aurapúkinn á það til að
vera nokkuð á ferðinni og hefur
oftar en einu sinni lent í þeirri
skelfilegu aðstöðu að þurfa að
borga dýru verði nokkur aukakíló
af farangri.
* Púkinn er fyrir lönguorðinn sannfærður um að yfirvigt-
argjöld hljóti að vera
ein helsta tekju-
lind flugfélag-
anna, svo
hátt er
gjaldið.
Sem dæmi
kostar það farþegann
aukalega 4.900 kr. ef
flogið er innan Evr-
ópu með Icelandair
og taskan vegur meira en 23 kg,
13.100 kr. ef flogið er til N-
Ameríku. WOW miðar við að
taskan sé 20 kg og rukkar 1.495 kr
fyrir hvert kíló umfram það. Hjá
EasyJet kostar aukakílóið 10 pund á
flugvellinum, eða um 1.925 kr.
* Létt og nett farangursvigtinhjálpar til við að hafa hemil á
þyngdinni ef verið er að versla, og
veitir mikla hugarró með því að
gefa vissu um að töskurnar séu
ekki yfir mörkum.
púkinn
Aura-
Vogin með
í ferðalagið
*Fjármál heimilannaNýr möguleiki í sjúkratryggingum stendur nú til boða hér á landi
Ekki þarf að kynna Bjarna Arason söngvara
fyrir lesendum blaðsins. Bjarni er óðara að
komast í jólagírinn en hann verður með
söngdagskrá á Grand Hótel Reykjavík frá
miðjum nóvember. Hann segir orðið tíma-
bært að endurnýja 15 ára fjölskyldubílinn.
Hvað eruð þið
mörg í heimili?
Fimm manns í heimili. Ég og mínar fjórar
konur. Eiginkonan og þrjár stelpur sem við
eigum. Sannkallað kvennaríki.
Hvað fer fjölskyldan með í mat
og hreinlætisvörur á viku?
Ekki alveg með það nákvæmlega á hreinu en
það er alveg heill hellingur, alltof mikið í
þessu ófjölskylduvæna landi okkar.
Mikið ójafnvægi á milli launa og verðlags.
Hvar kaupirðu helst inn?
Við reynum að blanda þessu. Það helsta kaup-
um við í lágvöruverslunum en það hentar
samt ekki alltaf, fer svolítið eftir hvað er verið
að kaupa inn. Vil helst ekki kaupa kjöt í
myrkri.
Hvað áttu alltaf
til í ísskápnum?
Það er mjólkin fína, egg og sódavatn en það
verður alltaf að vera til. Tómatsósan kemur
sterk inn líka.
Hvernig sparar þú
í heimilishaldinu?
Með því að reyna að kaupa skynsamlega inn
sem manni tekst nú ekki alltaf reyndar. Það
þarf ekki alltaf að borða mat í dýrari kantinum
á degi hverjum, það er vel hægt að útbúa góð-
an mat án þess að kosta endilega svo miklu til.
Hvað vantar helst
á heimilið?
Konuna vantar safapressu og svo þarf að end-
urnýja bifreið fjölskyldunnar en bíllinn okkar er
15 ára og orðin ansi lúinn.
Eyðir þú í sparnað?
Já, ég geri það nú. Ég á sparibauk.
Skothelt sparnaðarráð?
Það er til dæmis að kaupa ríflega í matinn svo
það verði afgangur daginn eftir, nýta meira af
þeirri matvöru sem til er í skápunum. Það er
oft ýmislegt þar ef maður spáir í það. Svo er
alltaf hægt að skera brauðið í báða enda og
borða það endalaust. Einnig er alltaf ágætistrikk
að mæta í heimsókn hjá vinum og vandamönn-
um svona um hálfsex á kvöldin sem leiðir til
þess að manni er bara boðið að vera í kvöld-
mat, passa bara að gera ekki of mikið af þessu.
BARNI ARASON SÖNGVARI Á SPARIBAUK
Ýmislegt leynist í eldhússkápunum
Bjarni segist ekki kaupa kjötvöru hvar sem er.
E
f heilsan skyldi bresta getur
verið ómetanlegt að hafa
keypt sjúkdómatryggingu.
Sjúkdómatryggingar ís-
lensku tryggingafélaganna ná m.a.
yfir krabbamein, MS, hjarta- og
æðasjúkdóma, útlimamissi og
blindu. Allt eru þetta áföll sem eru
þess eðlis að vera erfið viðureignar
og geta lagt miklar byrðar – ekki
síst fjárhagslegar– á bæði sjúkling-
inn og fjölskylduna.
Í undarlegri stöðu eftir bata
Framfarir í læknavísindum hafa
orðið til þess að sjúkdóma sem eitt
sinn gátu ýmist verið dauðadómur
eða ávísun á mjög skert lífsgæði er
í dag hægt að lækna eða halda í
skefjum.
Við það kemur upp óvenjuleg
staða fyrir tryggingatakann, því
sjúkdómatryggingar er almennt
ekki hægt að endurvekja eftir að
búið er að greiða þær einu sinni.
Hefur borið á að þeir sem náðu að
komast í gegnum veikindin hafi
ekki verið ánægðir með að geta
ekki sjúkratryggt sig á ný.
OKKAR líftryggingar hafa nú
riðið á vaðið með endurvekjanlegri
sjúkdómatryggingu sem bregst við
þessari þróun:
„Sjúkdómatryggingin nær yfir
tuttugu bótaþætti sem skiptast í
fimm flokka. Ef tryggingartaki
veikist og fær greiddar út bætur
getur hann nú, án nýrrar umsókn-
ar, endurvakið trygginguna í öllum
flokkum nema þeim sem hann fékk
greitt úr,“ segir Bjarni Krist-
jánsson, forstöðumaður sölu- og
markaðsmála hjá tryggingafélag-
inu.
Þetta þýðir að viðskiptavinur
sem fær hjartaáfall getur strax
sjúkdómatryggt sig að nýju gegn
t.d. krabbameini og taugasjúkdóm-
um en ekki gegn hjarta- og æða-
sjúkdómum. Tryggingataki getur
því, fræðilega séð, fengið sjúk-
dómatrygginguna greidda út allt að
fimm sinnum á lífsleiðinni eða einu
sinni í hverjum flokki.
Bjarni segir þennan sveigjan-
leika ekki hækka iðgjöldin og vá-
tryggingafjárhæðin verður sú sama
í nýrri tryggingu. Sjúkdómatrygg-
ingar sem þegar eru í gildi hjá
OKKAR líftryggingum verða sjálf-
krafa endurnýjanlegar. Segir hann
tryggingafélög erlendis hafa byrjað
að bjóða upp á þennan möguleika í
sjúkdómatryggingum árið 2005
með góðum árangri.
Fleiri gætu fylgt á eftir
Upplýsinga var leitað hjá hinum
tryggingafélögunum og fengust þar
þau svör að endurvekjanlegar
sjúkdómatryggingar væru ekki í
boði að svo stöddu.
Ólafur Njáll Sigurðsson, fram-
kvæmdastjóri Sjóvár-Almennra líf-
trygginga, segir ekki ólíklegt að
fleiri tryggingafélög muni taka að
bjóða upp á endurvekjanlegar
sjúkdómatryggingar.
„Frá því að sjúkdómatryggingar
komu fyrst á markaðinn fyrir um
15 árum hefur læknavísindunum
sem betur fer fleygt mikið fram.
Betur gengur í dag að meðhöndla
marga sjúkdóma sem áður voru
jafnvel ólæknandi,“ segir hann og
bætir við að það sé alls ekki loku
fyrir það skotið að viðskiptavinir
geti fengið nýja tryggingu eða
keypt sjúkdómatryggingu hjá öðru
tryggingafélagi eftir að hafa einu
sinni fengið sjúkdómatryggingu
greidda út.
„Þá er litið til sjúkrasögu við-
komandi til að ákvarða hvaða
tryggingar er hægt að bjóða í
hverju tilfelli fyrir sig.“
FRAMFARIR Í LÆKNINGUM KALLA Á NÝJA NÁLGUN Í TRYGGINGUM
Nú hægt að endurvekja
sjúkratrygginguna
TRYGGINGAFÉLAG RÍÐUR Á VAÐIÐ MEÐ NÝJA TEGUND SJÚKRATRYGGINGA. SKIPTIR TRYGGINGUNNI Í FIMM
FLOKKA OG HÆGT AÐ HALDA VERNDINNI Í ÞEIM FLOKKUM SEM EKKI HEFUR VERIÐ GREITT ÚR.
Ásgeir Ingvarsson ai@mbl.is
Þar til nýlega gátu þeir sem höfðu fengið greiddar bætur úr sjúkdómatrygg-
ingu alla jafna ekki sjúkdómatryggt sig að nýju. Mynd úr safni.
Morgunblaðið/ÞÖK