Morgunblaðið - Sunnudagur - 03.11.2013, Blaðsíða 50

50 MORGUNBLAÐIÐ SUNNUDAGUR 3.11. 2013
F
ranck Ribéry er ekkert lamb að
leika sér við. Hann er vægðarlaus
þegar mótherjinn er annars vegar
og hefur leikið þá marga grátt.
Þessi þrítugi, eldfljóti og leikni
framherji var lykilmaður í liði þýska stóveld-
isins Bayern München á síðasta keppn-
istímabili og kjörinn knattspyrnumaður árs-
ins í Evrópu í haust. Hann var fremstur
meðal jafningja í liði Bayern sem vann alla
titla sem í boði voru. Það varð Þýskalands-
meistari, þýskur bikarmeistari og fagnaði
sigri í Meistaradeild Evrópu.
Ribéry er markaður eftir mjög alvarlegt
bílslys þegar hann var aðeins tveggja ára.
Fjölskyldubíllinn lenti í árekstri við flutn-
ingabíl, sauma þurfti um 100 spor í andlit
drengsins sem stórslasaðist; áberandi ör í
andlitinu minna hverja einustu stund á þær
þjáningar sem hann gekk í gegnum. Hann
var einhvern tíma spurður hvort hann hygð-
ist ekki láta „laga“ örin, en kvað nei við:
„Þetta er ég.“
Utan vallar er þessi snjalli franski lands-
liðsmaður ljúfur sem lamb; með báða fætur
á jörðinni og afar elskulegur, ef marka má
fund með honum í München fyrir nokkrum
dögum. Rólyndur fjölskyldumaður sem nýtur
lífsins og segist hafa lært margt á hinum
ýmsum mistökum sem hann hefur gert í
gegnum tíðina.
Kröpp kjör
Fjölskylda Ribérys bjó við kröpp kjör í út-
jaðri borgarinnar Boulogne Sur Mer í norð-
urhluta Frakklands þegar hann var barn og
segir hann æskuna hafa mótið sig mjög mik-
ið. Var reyndar baldinn framan af, lagði sig
ekki fram í skóla því hann og félagarnir
treystu fljótt á það að þeir gætu orðið at-
vinnumenn í fótbolta og lifað góðu lífi sem
slíkir.
Sú hefur reyndar orðið raunin með Ri-
béry, hann er nú sagður launahæsti leik-
maður í sögu Bayern – en slíkt er ekki sjálf-
gefið þegar menn eru ungir að árum.
„Lífið var ekki auðvelt þegar ég var ung-
ur. Við bjuggum við erfiðar aðstæður, pabbi
vann alltaf mikið til að við hefðum það bæri-
legt og ég held það sé vegna dugnaðar hans
og elju hvernig manneskja ég er í dag. Ég
hef komist í gegnum ýmsa erfiðleika, haldið
fótunum á jörðinni og borið höfuðið hátt,
vegna þess hvernig ég var alinn upp.“
Ribéry segist mjög gagnrýninn á sjálfan
sig. „Ég spyr mig sífellt þeirrar spurningar
hvað ég geti gert betur, hvort sem er á æf-
ingu eða í leik. Inni á vellinum reyni ég allt-
af að láta mér líða vel og hafa gaman af
verkefninu, en ekki síður að gleðja áhorf-
endur og samherjana.“
Ribéry var í haust kjörinn leikmaður árs-
ins í Evrópu af hópi blaðamanna á vegum
Knattspyrnusambands Evrópu. Hafði þar
betur í baráttu við Lionel Messi hjá Barce-
lona og Cristiano Ronaldo, leikmann Real
Madrid. Sá franski er afar stoltur yfir þessu
en segir það ekki setja á sig meiri pressu en
áður. Hann reyni einfaldlega alltaf að gera
sitt besta, fyrir sem eftir kjörið.
Árlega er kjörinn leikmaður ársins í heim-
inum á vegum Alþjóðaknattspyrnusambands-
ins, FIFA, og franska tímaritsins France
Football; keppt er um gullboltann – Ballon
d’Or – og Ribéry dreymir að sjálfsögðu um
þá nafnbót eins og aðra. „Það yrði stórkost-
legt og ég tel mig alveg geta unnið. Ég hef
sveiflast upp og niður á ferlinum en síðustu
tvö og hálft ár hef ég verið mjög ánægður
með sjálfan mig og er nú á toppnum. Það
gleddi mig mjög ef ég fengi gullboltann en
slík viðurkenning skiptir fleiri máli en mig;
félagið mitt að sjálfsögðu, en faðir minn og
eiginkona eiga líka stóran þátt í velgengn-
inni og eiga verðlaunin ekki síður skilið að
mínu mati, ef svo má segja.“
Ribéry er þó ekki með hugann við kjörið,
heldur leiki Bayern og ekki síður viðureignir
Frakklands við Úkraínu sem eru framundan;
umspilið um sæti í heimsmeistarakeppninni í
Brasilíu næsta sumar. Frakkar eru nefnilega
í sömu sporum á Íslendingar hvað þá keppni
varðar.
„Leikirnir við Úkraínu eru okkur gríð-
arlega mikilvægir. Það verður flókið að eiga
við Úkraínumenn því þeir eru mjög gott lið,
en ég verð ekki undir meiri pressu en venju-
lega. Reyni bara að standa mig vel sem
endranær; ég hef oft mætt erfiðum andstæð-
ingum þannig að það er engin nýlunda og
við erum staðráðnir í að hafa betur því við
viljum fara til Brasilíu.“
Áfram Ísland - og Króatía!
Talandi um HM. Ribéry er spurður um bæði
Bosníu-Hersegóvínu, sem komið er á HM í
fyrsta skipti, og „litla“ Ísland sem enn á
möguleika.
„Mér fannst frábært að Bosníu-Hersegó-
vínu skyldi takast að komast beint á HM.
Leikmenn liðsins eru tilbúnir að leggja mik-
ið á sig í hvert einasta skipti og það skilaði
árangri. Ég óska þeim alls góðs á HM.“
Ribéry segist verða að viðurkenna að
hann þekki ekkert til íslenska liðsins, en
ítrekar að gaman sá ef fámennar þjóðir eigi
fulltrúa í Brasilíu. „Tækist liðinu að komast
á HM yrði það að sjálfsögðu algjör draumur
fyrir fólkið; alveg stórkostlegt. En Króatía
er með mjög gott lið og ég yrði leiður fyrir
hönd vinar míns Mario Mandzukic, samherja
míns hér hjá Bayern, ef lið hans kæmist
ekki til Brasilíu, því hann vill auðvitað líka
fara á HM. Ég óska því báðum þjóðum vel-
farnaðar. Vona að betra liðið vinni í þessari
rimmu.“
Afar pólitískt og skynsamlegt svar!
Ribéry hefur víða farið á ferlinum. Var
fyrst á mála hjá liði heimabæjarins, þá þrjú
ár sem unglingur hjá Lille en fór síðan aftur
heim. Lék því næst með Ales, þá Brest og
Metz áður en hann fór 2005 til Galatasary í
Tyrklandi. Staldraði reyndar mjög stutt við
þar, aðeins í nokkra mánuði og snéri þá til
stórliðs Marseille í heimalandinu. Þar sló
okkar maður loks í gegn, var hjá suður-
Mikilvægt
að allir finni
hamingjuna
FRANSKI KNATTSPYRNUMAÐURINN FRANCK RIBÉRY VAR KJÖRINN SÁ
BESTI Í EVRÓPU Í HAUST. HANN ER GOTT DÆMI UM AÐ ENGAN SKYLDI
STIMPLA FYRIRFRAM; ÞESSI ÓGNVEKJANDI LEIKMAÐUR, SEM LENT HEFUR Í
ALLS KYNS VANDRÆÐUM Á LÍFSLEIÐINNI, ER ALLT ÖÐRUVÍSI VIÐKYNN-
INGAR EN HALDA MÆTTI, VIRKAR BÆÐI LJÚFUR OG ÞÆGILEGUR.
Skapti Hallgrímsson skapti@mbl.is
Franck Ribéry fyrir aftan Lionel Messi fyrir kjör knattspyrnumanns ársins í Evrópu í Mónakó í ágúst.
Morgunblaðið/Skapti Hallgrímsson
Viðtal