Málfríður - 15.10.2010, Blaðsíða 8

Í  apríl  síðastliðnum  átti  undirrituð  viðtal  við  Vigdísi 
Finnbogadóttur,  sem  birtist  í  vorhefti  Málfríðar. 
Skömmu síðar hélt STÍL vel heppnaða alþjóðlega nám­
stefnu,  „Sharing  the  Treasure  Trove,“  þar  sem  Vigdís 
var  bæði  verndari  og  virkur  þátttakandi  og  vakti 
athygli og aðdáun námstefnugesta. 
Þessi  samskipti  við  Vigdísi  Finnbogadóttur  höfðu 
slík  áhrif  á  mig,  að  mér  var  ekki  lengur  til  setunnar 
boðið.  Alþjóðlega  tungumálamiðstöðin  sem  Stofnun 
Vigdísar Finnbogadóttur hefur unnið að á undanförn­
um árum og Vigdísi dreymir um að koma á fót hér á 
landi, varð að máli málanna í huga mér og mér fannst 
nauðsynlegt að finna leiðir til að fá þjóðina til að sam­
einast að baki málefninu og koma því í höfn. 
Allar  götur  frá  því  að  Vigdís  lét  af  embætti  for­
seta  Íslands  hefur  hún  unnið  sleitulaust  að  verndun 
og  framgangi  tungumála,  víðsýni  og  skilningi  milli 
menningarheima. Með störfum sínum sem velgjörðar­
sendiherra tungumála hjá Sameinuðu þjóðunum hefur 
hún þegar  lagt grunninn að byggingu alþjóða  tungu­
málamiðstöðvarinnar, enda ber það við að útlendingar 
banki upp á í Háskóla Íslands og spyrji hvar alþjóða­
tungumálamiðstöðina sé að finna.
Í  þessum  tilgangi  var  efnt  til  stofnfundar  Vina
Vigdísarstofnunar  þann  26.  september  síðastliðinn, 
á  Evrópska  tungumáladeginum,  í  Safni  Sigurjóns 
Ólafsson ar á Laugarnestanga. Vinir Vigdísarstofnunar er 
óformleg hreyfing áhugamanna um alþjóðlegu tungu­
málamiðstöðina, sem hefur það markmið að leggjast á 
árar með Stofnun Vigdísar Finnbogadóttur í erlendum 
tungumálum til að gera hana að veruleika. Hreyfingin 
er  óformleg  að  því  leyti  að  hún  á  hvorki  kennitölu 
né  reikning,  lög  eða  stjórn,  heldur  aðeins  heimasíðu: 
www.vvs.is og póstlista.
Til  að  gerast  Vinur  Vigdísarstofnunar  þarf  aðeins 
tvennt til: að kynna sér áformin um Alþjóðlegu tungu­
málamiðstöðina  og  segja  frá  þeim.  Þannig  munu 
,,fiðrildaáhrifin” breiðast út meðal þjóðarinnar og við 
getum  náð  samstöðu  um  verkefnið.  Nú  þegar  hafa 
safnast fjármunir sem duga að tveimur þriðju hlutum 
fyrir byggingu miðstöðvarinnar og ég er sannfærð um 
að  þegar  almennur  áhugi  og  skilningur  skapast  um 
verkefnið munu þeir fjármunir sem upp á vantar rata 
í hús.
Ástæður þess að mér finnst þessi draumur Vigdísar 
verðugur þess að  sameinast um eru ekki  síst þær,  að 
í honum felst  í senn innri uppbygging, sem ytri. Með 
því  að  stíga  fram  og  bjóða  tungumálum  heimsins 
heimili  á  Íslandi,  mörkum  við  okkur  verðugt  hlut­
verk í alþjóðasamfélaginu þar sem við stöndum hvað 
sterkust fyrir. Framganga okkar gagnvart eigin tungu­
máli er til fyrirmyndar og eftirbreytni. Í alþjóðatungu­
málamiðstöðinni  veitist  okkur  í  senn  tækifæri  til  að 
rækta  umheiminn  sem  og  okkur  sjálf;  næra  sköpun, 
skilning  og  umburðarlyndi  milli  menningarheima  og 
endurheimta  sjálfsmyndina  í  kaupbæti.  Ég  er  sann­
færð um að greiðasta  leið okkar uppúr niðurlægingu 
og ringulreið síðustu mánaða liggur í gegnum alþjóð­
legu tungumálamiðstöðina. 
Vini Vigdísarstofnunar stofna ég sem einstaklingur, en 
tel það samræmast markmiðum STÍL, með því að efla 
stöðu tungumálanna í samfélaginu og skilning á mikil­
vægi þeirra í víðu samhengi. Ég býð tungumálakennara 
velkomna í hóp Vina Vigdísarstofnunar og hvet þá til að 
„fiðrildast“ í anda hreyfingarinnar sem víðast. Enginn 
er þess betur umkominn en við tungumálakennarar að 
skilja  sóknarfærin  sem  liggja  í  þessu  verkefni  og  því 
erum við kjörnir talsmenn tungumálamiðstöðvarinnar. 
Ímyndum okkur  töfrana sem við munum verða vitni 
að,  þegar  hugur  ungs  fólks  upplifir  tungumálin  sem 
umfjöllunarefni í opnu sýningarrými alþjóðlegu tungu­
málamiðstöðvarinnar,  þar  sem  nútímatækni  verður 
nýtt til hins ýtrasta til að gefa þeim innsýn í töfraheim 
tungumálanna. Aðstoðum þjóðina við að  taka á móti 
og nýta sér þessa einstöku gjöf sem draumur Vigdísar 
um alþjóðlegu tungumálamiðstöðina er. 
8 MÁLFRÍÐUR
Ragnheiður Jóna Jónsdóttir,
formaður STÍL.
Ragnheiður Jóna
Jónsdóttir.
– Vinir Vigdísarstofnunar