Málfríður - 15.10.2010, Blaðsíða 7

Loks hafa nokkrir aðrir erlendir aðilar lagt verkefninu 
lið. Munar þar mest um veglega styrki frá Riksbankens 
Jubileumsfond  í  Svíþjóð  og  Institusjonen  Fritt  Ord  í 
Noregi. Alls  vantar  nú  um  400  milljónir  til  að  fram­
kvæmdir við verkefnið geti hafist. 
Rithöfundar leggja tungumálamiðstöðinni lið
með bókinni Tungumál ljúka upp heimum.
Orð handa Vigdísi
Í tilefni af merkum tímamótum í lífi Vigdísar skrifuðu 
27  íslenskir  rithöfundar  texta  um  mikilvægi  tungu­
málakunnáttu fyrir Íslendinga. Orðin handa Vigdísi er 
gjöf  rithöfundanna  til  Vigdísar  og  framlag  til  alþjóð­
legu  tungumálamiðstöðvarinnar.  Hér  eru  á  ferðinni 
afar  litríkir,  fróðlegir og áhugaverðir  textar, sem með 
ólíkum  hætti  varpa  ljósi  á  gildi  tungumála  fyrir  ein­
staklinga  og  þjóðfélagið  í  heild.  Rithöfundarnir  eru: 
Andri Snær Magnason, Auður Jónsdóttir, Auður Ava 
Ólafsdóttir,  Árni  Bergmann,  Bragi  Ólafsson,  Einar 
Már  Guðmundsson,  Eiríkur  Guðmundsson,  Eiríkur 
Örn  Norðdahl,  Friðrik  Rafnsson,  Gerður  Kristný, 
Guðbergur  Bergsson,  Guðrún  Eva  Mínervudóttir, 
Hermann  Stefánsson,  Jón  Kalman  Stefánsson, 
Kristín  Ómarsdóttir,  Kristín  Marja  Baldursdóttir, 
Matthías  Johannessen,  Njörður  P.  Njarðvík,  Oddný 
Eir  Ævarsdóttir,  Pétur  Gunnarsson,  Rúnar  Helgi 
Vignisson, Sigurbjörg Þrastardóttir, Sigurður Pálsson, 
Steinunn Sigurðardóttir, Sölvi Björn Sigurðsson, Thor 
Vilhjálmsson  og  Vigdís  Grímsdóttir.  Prófarkalestur 
annaðist Uggi Jónsson og ritstjórn Auður Hauksdóttir, 
en  Prentsmiðjan  Oddi  annaðist  umbrot  og  prentun 
5  tölusettra  eintaka.  Pétur  Gunnarsson  rithöfundur 
færði  Vigdísi  fyrsta  eintakið  af  bókinni  í  Listasafni 
Sigurjóns Ólafssonar á Evrópska tungumáladeginum, 
en  allir  sem  að  útgáfu  bókarinnar  komu  gáfu  vinnu 
sína. Bókin hefur nú verið prentuð í stærra upplagi og 
mun  allur  hagnaður  af  sölu  hennar  renna  til  tungu­
málamiðstöðvarinnar. Ekki þarf að  taka  fram, að orð 
rithöfundanna tala á glæsilegan hátt  fyrir verkefninu 
og  gildi  þess.  Fyrirhugað  er  að  þýða  bókina  á  fleiri 
tungumál.
–  Menning  í þýðingum (Cultures  in Translation) árið 
2008
–  Varðveisla til framtíðar: Sjálfbærni tungumáls, menning-
ar og náttúru (Preserving the Future: Sustainability of 
Language, Culture and Nature) árið 2010. 
Á  árinu  2008  var  sett  á  laggirnar  alþjóðleg  ráðgjafa­
nefnd um verkefnið en í henni eiga sæti: Anju Saxena 
prófessor  við  Uppsalaháskóla,  Bernard  Comrie  for­
stöðumaður  málvísindadeildar  Max  Planck  stofn­
unarinnar  í  Leipzig,  Jens  Allwood  prófessor  við 
Gautaborgarháskóla  og  Peter  Austin  prófessor  við 
Lundúnarháskóla. 
Á  árinu  2009  leitaði  menntamálaráðherra  eftir  því 
við  Menningarmálastofnun  Sameinuðu  þjóðanna, 
UNESCO,  að  Alþjóðlega  tungumálastofnunin  hlyti 
vottun  sem  UNESCO­miðstöð  skv.  „Category  II“  en 
vænta  má  að  slík  vottun  mundi  auðvelda  Stofnun 
Vigdísar Finnbogadóttur að eflast enn frekar og rækja 
hlutverk sitt á alþjóðavettvangi. 
Kostnaður við verkefnið og staðan nú
Heildarkostnaður við að reisa byggingu fyrir Stofnun 
Vigdísar og til að skapa þá aðstöðu sem að framan er 
lýst  er  áætlaður  1200  milljónir  króna  auk  lóðar,  sem 
metin er á um 100 milljónir króna. Háskóli  Íslands er 
reiðubúinn að leggja 400 milljónir til verkefnisins auk 
lóðar. Í tengslum við stórafmæli Vigdísar í apríl í ár og 
í tilefni þess að í júní s.l. voru liðin 30 ár frá sögulegu 
forsetakjöri hennar, var efnt til sérstaks átaks til að afla 
fjár til verkefnisins. Alls söfnuðust rúmar 250 milljónir 
króna  hér  á  landi  frá  einstaklingum,  fyrirtækjum  og 
stofnunum  og  frá  færeyskum  stjórnvöldum  og  fyrir­
tækjum, sem styrktu verkefnið með hátt í tuttugu millj­
óna króna framlagi. Þess má geta að Kennarasamband 
Íslands styrkti verkefnið með 10 milljóna króna fram­
lagi og Bandalag háskólamanna með 1,5 milljón króna. 
Áður hafði A. P. Møller og Hustru Chastine Mc­Kinney 
Møllers  Fond  til  almene  Formaal  í  Danmörku  gefið 
vilyrði  fyrir  styrk  að  upphæð  liðlega  100  milljónum 
króna, takist að fullfjármagna verkefnið að öðru leyti. 
••
MÁLFRÍÐUR 7