Málfríður - 15.10.2010, Blaðsíða 29
Atviks eða virknilýsingar eru reyndar ævafornar en
hafa fallið í skuggann af þeirri ofuráherslu sem lögð
hefur verið á próf (Ingvar Sigurgeirsson, 1998). Þær fara
þannig fram að kennarinn gengur um stofuna, fylgist
með nemendum vinna og skráir svo hjá sér virkni ein
stakra nemenda á sérstakt eyðublað eða gátlista sem
einfalt er að fylla út. Þessar virknilýsingar geta í bland
við annað mat aukið á fjölbreytni og sanngirni matsins.
Gátlistar sem notaðir hafa verið í FSu eru af tvennum
toga. Annars vegar hafa þeir verið samdir sérstaklega
af viðkomandi kennurum út frá færnimarkmiðum sem
nemendur eiga að ná á kaflaprófum eða öðrum verk
efnum, t.d. þemaverkefnum. Hins vegar hafa sjálfs
matslistar í Evrópsku tungumálamöppunni (ETM)
verið notaðir óbreyttir (sjá nánar um Námsmöppur).
Með því að nota gátlista í tengslum við verkefni og
próf er hægt að tryggja að nemendur viti til hvers er
ætlast af þeim og hvaða námsmarkmiðum þeim er
ætlað að ná með viðkomandi verkefni eða prófi. Þá er
minni hætta á að nemendum sé ekki ljóst hvaða kröfur
eru gerðar til þeirra í viðkomandi verkefni eða prófi
(sjá heimasíðu FDK).
Ígrundun er hluti sjálfsmats og felur í sér hugleið
ingar nemenda um nám sitt og markmið, stöðu sínaog
viðhorf til námsins. Ígrundun hefur verið skilgreind
þannig (í þýðingu greinarhöfundar): að hugsa um eitt
hvað á meðvitaðan og einbeittan hátt. Í tungumála
námi er hægt að ígrunda staðreyndir varðandi mark
málið, ferlið sem við fylgjum þegar við leitumst við
að læra það og ferlið sem tengist því að nota það. Við
það bætist að við getum ígrundað áður en við tökumst
á við viðfangsefnið eða tjáskiptaverkefnið, á meðan við
vinnum viðfangsefnið eða verkefnið (fylgst með ferlinu)
og eftir að við höfum lokið við það (mat lagt á árangur).
Ígrundun er talið öflugt tæki til þess að auka náms
vitund nemenda (Little, D. og Perclová, R., 2001).
Það er reynsla okkar kennaranna í FSu að ígrundun
nemenda þarf að vera stýrð í upphafi, hún má ekki
eiga sér stað of oft og ekki of sjaldan. Með því að fylgja
ábendingum Little og Perclová sem tíundaðar eru hér
að ofan, verður ástæða ígrundunar skiljanlegri fyrir
nemendur og þá er líklegra að þeir sinni henni vel.
Sem dæmi má nefna að nemendur eru gjarnan beðnir
um að skrifa ígrundun fyrir próf, eftir próf eða í sam
bandi við annars konar námsmat. Þeir eru beðnir um
að segja frá því hvernig þeim gekk og hver skýringin
gæti verið á því, ásamt því að setja sér næstu markmið
sín og hvernig þeir ætli sér að ná þeim.
Ígrundun er mjög upplýsandi fyrir kennara því hægt
er að lesa út úr ígrundun hvernig viðhorf nemandans
er til námsins og svo hvernig honum vegnar og hvers
vegna og kennarinn getur þá brugðist við eftir þörfum.
Besta leiðin til þess að nemendur haldi vel utan um
ígrundun sína er skv. reynslu okkar í FSu að þeir skrifi
hana í leiðarbók (sjá heimasíðu FDK).
sem þeir mættu gera betur. Ég tel nauðsynlegt að nem
endur læri að þeim ber að forðast allar fordæmingar
og sleggjudóma.
Leiðsagnarmat: Þessi tegund endurgjafar leiðbeinir
nemendum á meðan á námi þeirra stendur. Það gefur
nemendum mikilvægar upplýsingar sem þeir geta nýtt
sér til að bæta nám sitt jafnóðum. Það miðast við hvern
einstakling og hans þarfir. Megintilgangur þess er að
gefa upplýsingar sem hægt er að nota til að leiðbeina
okkur í kennslunni og um leið bæta nám nemenda.
Leiðsagnarmat verður að vera í samræmi við náms
markmiðin. Skýr námsmarkmið og matsviðmið ásamt
gegnsæjum matskvörðum (sjá síðar) geta stuðlað að
bættu námi með því að auðvelda nemendum við sjálfs
mat í þeim tilgangi að þeir hafi áhrif á eigin framfarir
(Gronlund et al., 2009, 21–23). Leiðsagnarmat er gefið
hverjum einstaklingi og miðast við hans þarfir. Ein
hentug aðferð við að gefa leiðsagnarmat er *„tvær
stjörnur og ein ósk“ sem felst í að nefna eitthvað tvennt
í verkefni nemandans sem hægt er að hrósa fyrir og í
lokin eitt atriði sem nemandinn gæti gert betur.
Það er athyglivert að mati Black og Wiliam (2001), að
leiðsagnarmat gagnast mest slakari nemendum og þar
með hækkar meðaltal einkunna í bekknum. Þetta er
mjög áhugavert fyrir okkur sem kennum nemendum
í hægferða og undirbúningsáföngum. Nemendur sem
eru vanir að fá lágar einkunnir hafa tilheigingu til að
fá það álit á sjálfum sér að þeir geti ekki lært. En það
þýðir óhjákvæmilega að þeir reyna það ekki einu sinni,
hanga kannski í tímunum iðjulausir eða truflandi aðra,
en það er alger tímasóun. Framtíðarvandi þessara
nemenda er oft sá að þeir ljúka engu námi og geta átt í
samfélagslegum vandamálum allt sitt líf.
Matstæki sem nota má við óhefðbundið námsmat:
Hér á eftir fer lýsing á nokkrum þeirra matstækja sem
til boða standa við óhefðbundið námsmat. Því fleiri
tæki sem kennarinn notar þeim mun fjölbreyttara
verður námsmatið. Þannig eru meiri líkur á að kennara
takist að meta sem flesta þætti í málanáminu.
Atvikslýsingar/skráningar um virkni geta verið
heppilegar þegar kennarar vilja skrá virkni nemenda
sem eiga erfitt með að koma kunnáttu sinni og færni
til skila á prófum. Flestir kennarar þekkja líklega slíka
nemendur sem oft eru virkir og vinnusamir í tímun
um, en af einhverjum ástæðum ná ekki að sýna það
á prófum að þeir hafi náð námsmarkmiðunum. Þar
getur komið til prófkvíði, gölluð námstækni eða aðrar
þær aðstæður sem kennarinn þekkir ekki til. Það er
ekki eðlilegt að slíkir nemendur fái eingöngu lága ein
kunn sem byggir á frammistöðu á prófum þegar þeir
geta verið virkir og vel með á nótunum í tímunum og
jafnvel iðnir við heimanámið. Öll slík vinna hlýtur að
skila einhverju þó erfitt geti verið að mæla það með
skriflegu prófi.
MÁLFRÍÐUR 29