Fréttablaðið - 07.12.2013, Síða 48

7. desember 2013 LAUGARDAGUR| HELGIN | 48
Viðtalið við Hönnu Birnu
er hægt að sjá í þættinum
Pólitíkin á www.visir.is.
visir.is
STJÓRNMÁLAÞÁTTTAKA
Höskuldur
Kári Schram
hks@frettabladid.is
VIÐ VITUM AÐ ÞESSIR EINSTAKLINGAR
SEM ERU AÐ HAKKA SIG INN Í KERFI
OG HEIMASÍÐUR ERU MEIRA OG
MINNA AÐ SÝNA YFIRVÖLDUM OG
ALMENNINGI AÐ ÞEIR GETI ÞAÐ
Netárásir alvarleg ógn
Hanna Birna Kristjánsdóttir innanríkisráðherra segir netárásir ógna nútímasamfélagi og nánast útilokað sé að koma
algjörlega í veg fyrir þær. Hins vegar sé hægt að tryggja að allar persónuupplýsingar séu dulkóðaðar og koma þannig í veg
fyrir leka á borð við þann sem átti sér stað um síðustu helgi þegar ráðist var á heimasíðu Vodafone á Íslandi.
2013 Varaformaður
Sjálfstæðisflokks.
2013 Þingmaður
og innanríkis-
ráðherra.
1985 1990 1995 2000 2005 20101984 1986 1991 1993 1994 1999 20021997 2008 2013
MENNTUN OG HELSTU STÖRF1984 Verslunar-
próf VÍ.
1986 Stúdentspróf
frá Kvennaskólanum
í Reykjavík.
1991 BA-próf í
stjórnmálafræði HÍ. 1993 M.Sc.-próf í alþjóðlegum og evrópskum
stjórnmálum frá Edinborgarháskóla.
1999–2006 Aðstoðarframkvæmda-
stjóri Sjálfstæðisflokksins.
1990-1991 Starfsmaður
öryggismálanefndar. 1994–1995 Deildarsérfræðingur
í menntamálaráðuneytinu.
1995–1999
Framkvæmdastjóri
þingflokks Sjálf-
stæðisflokksins.
1995–1996 Í stjórn hverfafélags sjálf-
stæðismanna í Austurbæ og Norðurmýri.
1995–1999 Í stjórn Sambands
ungra sjálfstæðismanna. 1997–1998 Formaður
nefndar menntamála-
ráðherra um mótun
símenntunarstefnu.
2002-2013
Borgarfulltrúi.
2008-2010
Borgarstjóri
Reykjavíkur.
Innflytjendur
„Það eru mikil tækifæri fólgin
í því að samfélagið sé fjölbreytt
og að það sé umburðarlyndi
fyrir ólíkum skoðunum og gleði
yfir því að það séu einstakling-
ar sem hafa áhuga á að setjast
hér að. Vinna og ala upp
börnin sín. Það eru
sóknarfæri fólgin
í því.“
Reykjavíkur-
flugvöllur
„Ég er þeirrar skoðunar að skipu-
lagsvaldið skuli vera hjá sveitar-
félögunum og að ríkið eigi ekki
að vera að hrófla við því. Ef ríkið
vill koma að samgöngumálum á
einstökum svæðum þá á að
gera það í samvinnu
og samstarfi.“
Aukinn
vopnaburður
lögreglu
„Það hugnast mér ekkert sér-
staklega vel. Það hugnast mér að
lögreglan fái aðbúnað við hæfi
og að hún geti varið sig. En það
hugnast mér ekki að almennir
lögreglumenn fái að bera
skotvopn.“
Þetta er sú ógn sem flest lönd eru að fást við núna. Menn eru að velta því fyrir sér hvernig er hægt að tryggja öryggi þegar kemur að síma- og netnotkun almennings. Árásin um síðustu helgi er hörð áminning fyrir okkur að taka betur á þessu og þess vegna hef ég sett í gang innan ráðuneytisins sjálfstæða úttekt á því hvernig þessir atburðir gátu átt sér stað,“ segir Hanna Birna. Þúsundum smáskilaboða ásamt lykilorð-
um og kennitölum viðskiptavina Vodafone á Íslandi var lekið á Netið um síðustu
helgi þegar ráðist var á heimasíðu fyrirtækisins. Hanna Birna segir að um graf-
alvarlegt mál sé að ræða og að árás sem þessi ógni nútímasamfélagi. Hún segir
að stjórnvöld og eftirlitsaðilar þurfi að tryggja að allar persónuupplýsingar séu
dulkóðaðar. „Við vitum að þessir einstaklingar sem eru að hakka sig inn í kerfi
og heimasíður eru meira og minna að sýna yfirvöldum og almenningi að þeir geti
það. Það er því ekki útilokað að þetta gerist aftur. Við viljum tryggja að almenn-
ingur þurfi þá ekki að hafa áhyggjur,“ segir Hanna Birna.
Vopnuð lögregla
Lögreglumenn hafa viljað skoða möguleikana á því að fá auknar heimildir til
vopnaburðar. Í könnun sem Landssamband lögreglumanna lét gera í byrjun síð-
asta árs kom fram sterkur vilji meðal lögreglumanna til að kanna málið meðal
annars vegna aukinnar hörku í undirheimum. „Lögreglan er að skoða þetta og
meta þessa áhættu og öryggisþörf og mér skilst að þeirri vinnu ljúki í kring-
um áramótin. Við þekkjum þessa umræðu og ég held að það sé mikilvægt fyrir
okkur stjórnmálamenn að leyfa lögreglunni að klára þessa vinnu. Við erum auð-
vitað öll að vonast til þess að við getum búið í samfélagi sem er tiltölulega laust
við þessa hluti. Þar sem þetta er ekki hluti af veruleika venjulegs fólks. En lög-
reglan verður auðvitað að geta gripið til slíks við aðstæður þar sem þess gerist
þörf. Þannig að ég mun sjá niðurstöðurnar og fara yfir þær,“ segir Hanna Birna.
Fjölgun hælisleitenda
Hælisleitendum hefur fjölgað verulega hér á landi á undanförnum árum. Í lok
septembermánaðar höfðu komið fram 137 umsóknir um hæli samanborið við 83
umsóknir í fyrra. Hanna Birna segir viðbúið að þessi þróun haldi áfram og hefur
lagt áherslu á að hraða málsmeðferð slíkra mála. „Þegar einstaklingar þurfa að
bíða í langan tíma eftir svari þá er það þungt fyrir kerfið og kostnaðarsamt og
líka afar erfitt fyrir hælisleitandann. Þannig að við viljum tryggja að þeir fái
svör fyrr og hraðar. Við höfum talað um svokallaða 48 klukkustunda reglu. Það
er norska leiðin. Það þýðir að hælisleitandinn fær svar innan 48 klukkustunda
um hvort hann fær hæli eða ekki.“
Einkaaðilar fjármagni vegaframkvæmdir
Hanna Birna vill skoða hvort hægt sé að fá einkaaðila til að koma í auknum
mæli að fjármögnun vega- og samgönguframkvæmda. Hún vísar til reynslu
Norðmanna og Hollendinga í þessum efnum. „Ríkið hefur takmarkað fjár-
magn til vegaframkvæmda og þess vegna finnst mér mikilvægt að við
skoðum leiðir eins og hafa verið farnar í Noregi, Hollandi og víðar þar sem
einkaaðilar hafa komið að þessum framkvæmdum,“ segir Hanna Birna.
Hún nefnir Sundabraut í Reykjavík sem dæmi og segir að borgaryfirvöld
hafi tekið vel í þá hugmynd að einkaaðilar fjármagni það verkefni að ein-
hverju eða öllu leyti. „Við munum vonandi fyrir áramót kynna tvö til þrjú
verkefni sem við teljum að geti hentað vel sem samstarfsverkefni einka-
og opinberra aðila. Við teljum að þannig megi hraða framkvæmdum, auka
gæði þeirra og tryggja að þær fari fyrr af stað heldur en ella,“ segir Hanna
Birna.