Fréttablaðið - 07.12.2013, Side 82

7. desember 2013 LAUGARDAGUR| MENNING | 82
Arnaldur Indriðason gerir
það gott í Frakklandi og
alls hafa bækur hans selst
í 2,5 milljónum eintaka
þar í landi. Ein þeirra
bóka hans sem setið
hafa mánuðum
saman á franska
metsölulistan-
um er Bettý, í
þýðingu Pat-
ricks Guelpa.
Fyrir nokkr-
um dögum
var gefin út
sérstök gull-
slegin hátíðar-
útgáfa af gripn-
um í tilefni þess
að bókin hefur selst í yfir 300.000
eintökum þar í landi.
Sjö titlar alls, eftir jafnmarga
höfunda, voru gefnir út af þessu
tilefni og kallaðir í fréttum „Une
famille en or“ eða „gullfjölskyld-
an“. Sammerkt eiga bæk-
urnar að hafa selst í yfir
300.000 eintökum í Frakk-
landi. Höfundarnir, auk
Arnaldar, eru John Irving,
Henning Mankell, Kat-
herine Pancol, Auður Ava
Ólafsdóttir, Jesse Kell-
erman og Hugh Laurie.
Þess má geta að bækur
Arnaldar Indriðasonar
hafa selst í yfir 10 milljón-
um eintaka um allan heim.
Bettý í gullsleginni hátíðarútgáfu
Arnaldur malar gull í Frakklandi, yfi r 300.000 eintök af Bettý seld.
TÓNLIST ★★★★★
Mozart: Sálumessa
Langholtskirkju, aðfaranótt fimmtu-
dagsins 5. desember.
FLYTJENDUR: ÓPERUKÓRINN OG
HLJÓMSVEIT ÁSAMT EINSÖNGVURUM.
STJÓRNANDI: GARÐAR CORTES.
Þeir voru fölir, hljóðfæraleikararn-
ir sem gengu á sviðið í Langholts-
kirkju á miðvikudagskvöldið. Nei,
ekki um kvöldið heldur um nótt-
ina. Klukkan hálf eitt aðfaranótt
fimmtudagsins, hvorki meira né
minna.
Af hverju í ósköpunum að halda
tónleika eftir miðnætti á virkum
degi? Jú, sálumessa Mozarts var á
dagskránni, og Mozart dó skömmu
eftir miðnætti þennan dag árið 1791.
Garðar Cortes stjórnaði Óperu-
kórnum og hljómsveit sem mér
sýndist samanstanda af hljóðfæra-
leikurum úr Sinfóníunni. Hann
hélt stutta tölu á undan. Minntist
þeirra tónlistarmanna sem létust á
árinu. Sagði einnig frá því hvern-
ig dauða Mozarts bar að. Hann var
þá nýbyrjaður að semja sálumessu
sem hafði verið pöntuð. Honum
tókst ekki að klára hana, nemandi
hans sá um það síðar. Nokkrir vinir
Mozarts voru hjá honum á dauða-
stundinni og sungu fyrir hann hluta
úr messunni án hljóðfæraleiks.
Minningarorðin voru hjartnæm,
og það var líka eitthvað hjartnæmt
við tónleikana í heild. Þrátt fyrir
þennan vonda tónleikatíma var
furðulegt hversu vel heppnað-
ist. Hinir fölu hljóðfæraleikarar
spiluðu af nákvæmni og krafti.
Enda prýðilegur konsertmeistari
fremst á sviðinu, Una Sveinbjarn-
ardóttir. Hún leiddi hljóðfæraleik-
arana af röggsemi.
Kórinn var jafnframt frábær.
Söngurinn var gríðarlega þéttur
og líflegur, sem hljómar kannski
mótsagnarkennt þegar sálumessa
er annars vegar. En hafa ber í huga
að sálumessa Mozarts er fyrst og
fremst stórfenglegt tónverk, ekki
trúarathöfn. Atburðarásin er hröð,
framvindan rösk og spennandi.
Garðar stjórnaði túlkuninni
þannig að hún varð afar sannfær-
andi. Hvergi var dauður punktur í
henni. Þvert á móti var hún full af
gleði og lífi.
Einsöngvararnir voru fínir. Það
voru Þóra Einarsdóttir, Sigríður
Ósk Kristjánsdóttir, Garðar Thór
Cortes og Kristinn Sigmundsson.
Það getur varla verið auðvelt að
syngja einsöng eftir miðnætti!
En ekki var nein þreytumerki að
heyra á einsöngvurunum. Þvert á
móti. Söngurinn var hljómmikill
og tær, fyllilega í anda tónskálds-
ins. Þetta var áhrifarík stund.
Jónas Sen
NIÐURSTAÐA: Sálumessa Mozarts
var stórbrotin og glæsileg.
Hjartnæmir tónleikar
Æfingar eru hafnar hjá Leikfélagi
Akureyrar á Gullna hliðinu eftir
Davíð Stefánsson. Egill Heiðar
Anton Pálsson leikstýrir verkinu
en það er nú sett upp í fjórða sinn
hjá LA. Sýningin er hátíðarsýning
félagsins á fjörutíu ára atvinnu-
afmæli þess.
Verkið fjallar um uppgjör kerl-
ingar við líf sitt og Jón mann sinn.
Ferðalag hennar til hins gullna hliðs
með sálartetur bónda síns í skjóðu
er löngu orðið þekkt í íslenskum
leikbókmenntum og leitast upp-
færslan við að vera trú þessari reisu
og varpa ljósi á hvaðan við komum.
Hljómsveitin Eva, með þær Sig-
ríði Eir Zophoníasardóttur og
Jóhönnu Völu Höskuldsdóttur
innan borðs, semur nýja tónlist við
verkið og tekur þátt í uppfærslunni
með lifandi tónlistarflutningi.
Með hlutverk kerlingarinnar fer
María Pálsdóttir sem eftir nokkurt
hlé stígur aftur á fjalirnar hjá LA.
Auk hennar leika Aðalbjörg Árna-
dóttir, Hannes Óli Ágústsson, Hilm-
ir Jensson og fjórtán nemendur úr
Leiklistarskóla Leikfélags Akureyr-
ar í sýningunni. Egill Ingibergsson
hannar leikmynd og lýsingu, Helga
Oddsdóttir hannar búninga, Ingi-
björg Huld Haraldsdóttir er aðstoð-
arleikstjóri og Gígja Hólmgeirsdótt-
ir aðstoðarkona er í starfsnámi hjá
LA. Frumsýning er 17. janúar.
Hið gullna afmælishlið LA
Leikfélag Akureyrar setur upp Gullna hliðið í tilefni af fj örutíu ára afmæli sínu.
María Pálsdóttir leikur kerlinguna en leikstjóri er Egill Heiðar Anton Pálsson.
Sendiherra Noregs á Íslandi Dag Wernø Holter mun í dag opna sýningu
á norsku samtímalisthandverki í Hönnunarsafni Íslands.
Sýningarstjóri Paradigm er listamaðurinn Lars
Sture og samanstendur sýningin af verkum 18
norskra listamanna sem vinna með gler, ker-
amik og málma. Verkin á sýningunni eru eftir
marga af fremstu listamönnum Norðmanna og
fór val verkanna fram í náinni samvinnu við þá.
Verk eftirtalinna eru á sýningunni: Ulla-Mari
Brantenberg, David & Linnéa Calder, Tulla Elie-
son, Jens Erland, Sidsel Hanum, Karen Klim,
Vidar Koksvik, Liv Midbøe, Irene Nordli, Ruta
Pakarklyte, Tovelise Røkke-Olsen, Heidi Sand,
Leif Stangeby-Nielsen, Marit Tingleff, Svein
Thingnes, Gunnar Thorsen, Pål Vigeland.
Paradigm í Hönnunarsafni
Sýning á verkum norskra hönnuða.
GARÐAR CORTES „Garðar stjórnaði túlkuninni þannig að hún varð afar sann-
færandi. Hvergi var dauður punktur í henni.“ FRÉTTABLAÐIÐ/STEFÁN
HÓPURINN Leikhópurinn fór í Laufás í fyrstu viku æfinga til að anda að sér
torfbænum. MYND: BJARNI EIRÍKSSON
GULLBÓK Hin gullslegna franska
hátíðarútgáfa af Bettý.
www.tjarnarbio.isMiðasalan er opin frá kl. 15:00-18:00 þri-fösmidasala@tjarnarbio.is / 527-2100 / midi.is
MENNING