Fréttablaðið - 07.12.2013, Page 85

LAUGARDAGUR 7. desember 2013 | MENNING | 85
Karlakórinn Stefnir í Mosfellsbæ,
Breiðfirðingakórinn í Reykja-
vík, Kammerkór Reykjavíkur,
Drengjakór Þorfinnsbræðra og
hinn nýstofnaði kór níu lærðra
söngkvenna, Boudoir, syngja hver
í sínu lagi og saman á jólatónleik-
um í Dómkirkjunni á morgun.
„Síðustu fimm lögin syngja
kórarnir saman. Þá verður til
risakór með 120 til 130 manns,“
segir Julian Hewlett skipuleggj-
andi tónleikanna. Sjálfur stjórnar
hann fjórum kóranna í vetur, eða
öllum nema Drengjakór Þorfinns-
bræðra sem hann segir gestakór.
„Þetta eru ekki beinlínis drengir,
allir kringum fimmtugt, sextugt.
Þetta var bara sniðugt nafn sem
þeir tóku upp,“ upplýsir hann og
bætir við að Guðbjörg Tryggva-
dóttir, sem er einsöngvari með
Kammerkór Reykjavíkur ásamt
Kristínu R. Sigurðardóttur, stjórni
drengjunum.
„Þetta er alþjóðleg tónlist. Ekki
einvörðungu jólatónlist en text-
arnir eru allir hátíðlegir, svolítið
friðartengdir,“ segir Julian sem er
höfundur þriggja þeirra laga sem
flutt verða. Eitt þeirra nefnist Jól
í bænum og sá titill var yfirfærður
á tónleikana því að sögn Julians er
textinn jákvæður og einkennandi
fyrir dagskrána.
Julian kom frá Englandi til
Íslands fyrir tuttugu og fimm
árum og hefur starfað við tónlist
alla tíð síðan sem kennari, tón-
skáld og kórstjóri, fyrst á Skaga-
strönd og síðan Egilsstöðum, sex
ár á hvorum stað, en flutti suður
árið 1988. Hann leikur á píanó á
tónleikunum á morgun, ásamt
Guðríði Sigurðardóttur.
Miðar verða seldir við inngang-
inn á 1.500 krónur en 1.000 fyrir
eldri borgara og öryrkja og frítt er
fyrir börn yngri en tólf ára.
- gun
Ekki beinlínis drengir
Jól í bænum er yfi rskrift hátíðlegra tónleika í Dóm-
kirkjunni síðdegis á morgun. Þar syngja fi mm kórar.
KAMMERKÓR REYKJAVÍKUR er einn þeirra fimm kóra sem koma fram í Dóm-
kirkjunni á morgun, sunnudag.
Þetta er sjötta árið í röð sem tón-
leikarnir eru haldnir og þriðja árið
í röð sem samið er jólalag fyrir
okkur sérstaklega,“ segir Björg
Þórhallsdóttir um Ljósberatón-
leikana sem hún stendur fyrir í
Akureyrarkirkju á sunnudaginn.
„Í ár er það Michael Jón Clarke
sem semur lag við ljóðið Jól eftir
Kristján frá Djúpalæk.“
Björg hefur fengið fleiri lista-
menn í lið með sér en auk henn-
ar koma fram þau Kristjana Arn-
grímsdóttir, Ragnheiður Gröndal
og Ívar Helgason, félagar úr Kór
Akureyrarkirkju undir stjórn
Eyþórs Inga Jónssonar, kammer-
sveit norðlenskra tónlistarmanna,
Elísabet Waage hörpuleikari og
fleiri. Eyþór Ingi Jónsson leikur á
orgel og stjórnandi hljómsveitar er
Hilmar Örn Agnarsson. Allir sem
að tónleikunum koma gefa vinnu
sína og rennur ágóðinn óskiptur í
Líknarsjóðinn Ljósberann en til-
gangur sjóðsins er að veita líknar-
og viðlagaastoð til Akureyringa
með sérstaka áherslu á aðstoð
fyrir jólin.
„Þetta er líknarsjóður sem við
í fjölskyldunni stofnuðum 2008 til
minningar um föður minn, Þórhall
Höskuldsson, sem var prestur við
Akureyrarkirkju,“ útskýrir Björg.
„Hans hugsjónamál var líknar-
starf og hann beitti sér mjög fyrir
aðstoð við þá sem búa við bágust
kjör.“ - fsb
Heldur áfram líknar-
starfi föður síns
Hinir árlegu Ljósberatónleikar verða í Akureyrarkirkju
á sunnudaginn. Fyrir þeim stendur Björg Þórhalls-
dóttir söngkona og allur ágóði rennur til líknarmála.
LJÓSBERI Björg og fjölskylda hennar stofnuðu líknarsjóð til minningar um föður
hennar, Þórhall Höskuldsson, sóknarprest á Akureyri. Fréttablaðið/GVA
ÁRMÚLI 2
Mjög glæsileg skrifstofubygging um 3.500 m2
sem stendur á stórri lóð með 110 bílastæðum.
Húsið er vel staðsett og sérstaklega vel búið
fyrir upplýsinga tæknifyrirtæki. Húsið er einnig
góður kostur sem höfuðstöðvar stórra fyrirtækja
sem þurfa góða staðsetningu og auglýsinga gildi.
Getur leigst án VSK.
KÖLLUNARKLETTSVEGUR 2
Vöruskemma með fullbúnu rekka kerfi, lofthæð
7m, um 1060m2. Þjónusturými á jarðhæð um
500m2. Vandað skrifstofurými á 2. hæð (slétt af
efra bílaplani) um 350m2. Samtals um 1910m2.
Húsið er mjög vel búið og tilbúið til notkunar,
mjög stórt útisvæði. Þessi eignarhlutar þurfa
ekki allir að leigjast sama n. Getur leigst án VSK.
SÍÐUMÚLI 23
Skrifstofu- og lagerhúsnæði, vel staðsett með
mikla möguleika samtals um 1550m2. Á annarr i
hæð hússins eru góð skrifstofu herbergi. Á jarð-
hæð eru opin skrifstofu- og verslunarrými ásamt
lager í aftari hluta hússins. Húsinu eru hægt að
skipta upp í nokkrar minni einingar. Fyrir liggur
áætlun um endurbætur á ytra byrði hússins.
LYNGHÁLS 9
Allt að 1630m2 geta verið lausir í þessu húsi.
Mjög vandað skrifstofuhúsnæði með skrif stofum
og opnum rýmum. Húsnæðið var endur nýjað
fyrir fáum árum. Þessi eign býður upp á frábæra
aðstöðu í vandaðri byggingu með góðri aðkomu
og nægum bílastæðum. Getur leigst án VSK.
GRENSÁSVEGUR 10
Gott skrifstofuhúsnæði á þremur hæðum um
1558m2 og 220m2 versluna r- eða þjónustu rými
á jarð hæð, samtals um 1778m2. Rýmin tengjas t
um stigahús þannig að þau geta mynda ð eina
heild. Gott bílaplan er við húsið og frábærar
tengingar við almennings samgöngur. Einnig
kemur til greina að leigja húsið í smærri hlutu m.
Getur leigst án VSK.
Allar nánari upplýsingar gefur Börkur Grímsson í síma 892 1542
FASTEIGNASJÓÐUR
BÝÐUR ATVINNUHÚSNÆÐI
TIL LEIGU
FASTEIGNASJÓÐUR Í REKSTRI
AUÐAR CAPITAL
FASTEIGNAAUÐUR 1 hefur tekið við rekstri eftirtalinna húseigna og býður þær
nú til leigu til traustra leigutaka. Tækifæri til að semja við öflugan leigusala sem er
tilbúinn að laga húsnæðið að þörfum leigutaka.