Breiðholtsblaðið - 01.04.2008, Blaðsíða 2
ÍR í Suður Mjódd
Íþrótta- og tómstundaráð
Reykjavíkur hefur lagt til við borg-
arráð að gengið verði til samninga
við ÍR um uppbyggingu íþróttaað-
stöðu í Suður-Mjódd. Um er að
ræða byggingu fjölnota íþrótta-
húss á svæði ÍR. Í húsinu er fyrir-
hugað að öll íþróttastarfsemi ÍR
vegna æfinga og keppni verði í
húsinu, þar á meðal bæði hand-
knattleikur og körfuknattleikur. Þá
er gert ráð fyrir að Ölduselsskóli
og aðrir skólar munu nýta aðstöð-
una eftir þörfum.
Slökkvistöð við
Stekkjarbakka
Drög að tillögu að breytingu á
Aðalskipulagi Reykjavíkur 2001 til
2024 liggja nú fyrir til kynningar.
Drögin fela í sér breytta landnotk-
un við Stekkjarbakka í Breiðholti
þar sem fyrirhugað er að reisa
slökkvistöð fyrir höfuðborgar-
svæðið. Stekkjarbakkinn þykir
hafa þá kosti til að bera að hann
liggur nokkuð miðsvæðis þegar
tekið er tillit til alls höfuðborgar-
svæðisins auk þess sem auðvelt
er að komast inn á meginumferð-
aræðar. Gert er ráð fyrir að um
0,6 ha. opið svæði norðan Stekkj-
arbakka verði tekið til sérstakra
nota vegna fyrirhugaðrar slökkvi-
stöðvar.
Fleiri konur stjórana
hjá ÍTR
Fleiri konur eru nú við stjórn-
unarstörf hjá ÍTR en karlar. Þetta
kemur fram í nýlega gerðri könn-
un um hlutfall kynja í stjórnunar-
stöðum hjá stofnuninni. Konur
eru nú 61% stjórnenda hjá ÍTR
en karlar 39%. Hlutfall kynja er
nokkuð jafnt þegar litið er til alls
starfsfólks ÍTR. Hlutfall kvenna er
um 54% og hlutfall karla er 46%.
Í störfum stjórnenda á skrifstofu
tómstundamála eru 72% konur
en 28% karlar. Kynjaskipting allra
starfsmanna á skrifstofunni er
á þann veg að 68% af þeim eru
konur en 32% karlar. Á skrif-
stofu íþróttamála er skiptingin
þannig að 31% stjórnenda eru kon-
ur en 69% karlar. Kynjaskipting
alls starfsfólks sem vinnur á skrif-
stofu íþróttamála er á þann veg
að 43% starfsmanna eru konur en
57% karlar. Þetta er fyrsta könnun-
in sem gerð er á hlutföllum kynja
hjá ÍTR en ætlunin er að gera slíka
könnun ársfjórðungslega í fram-
tíðinni.
Skráning hafin í
vinnuskólann
Skráning er hafin í Vinnuskóla
Reykjavíkur en vinnuskólinn hef-
ur það að markmiði að reyna að
tryggja öllum unglingum í efstu
bekkjum grunnskólans öruggt,
hvetjandi og þroskandi vinnu-
umhverfi yfir sumarmánuðina.
Markmiðið með störfum ungling-
anna er að bæta borgarumhverf-
ið, skapa skilning á verðmætum
í umhverfinu og áhuga á að fræð-
ast meira um borgina. Launatíma-
bil er frá 11. til 10. hvers mánaðar.
Ánægja með þjónustu-
miðstöðvarnar
Mikill meirihluti þeirra sem nýta
sér þjónustu þjónustumiðstöðva
Reykjavíkurborgar eru ánægðir
með hana og hátt í sex af hun-
draði þjónustunotenda eru mjög
eða frekar ánægðir með þjónustu
Barnaverndar. Þetta kemur fram í
skoðanakönnun Capacent-Gallup,
sem gerð var á tímabilinu 7. til 14.
janúar síðastliðinn. Þar kemur ein-
nig fram að 93% eru ánægðir með
viðmót og framkomu starfsfólk á
þjónustumiðstöðvum og rúm 84%
ánægð með viðmót og framkomu
starfsfólks Barnaverndar.
Á að stórhækka
stöðumælagjöld?
Kolbrún Jónatansdóttir, fram-
kvæmdastjóri Bílastæðasjóðs
Reykjavíkurborgar, segir gjaldskrá
Bílastæðasjóðs Reykjavíkur langt
á eftir miðað við það sem gerist
í nágrannalöndunum. Gjaldtaka
fyrir stöðubrot sé aðeins brot af
því sem gerist annars staðar. Verð
fyrir bílastæði í bílastæðahúsum
Bílastæðasjóðs er 80 krónur fyrir
fyrsta klukkutímann og 50 krónur
eftir það. Hálfur dagur kostar því
230 krónur. Til samanburðar kosti
hálfur dagur í Osló 2.520 krónur.
Hún segir að lagt sé 1500 kr. gjald
á bifreið ef gjaldmælir sé fallinn,
gjald sem lækki í 950 kr. ef það sé
greitt innan þriggja daga. Í Kaup-
mannahöfn þurfi hins vegar að
greiða 8.364 kr. fyrir sama athæfi.
Hún segist einnig vilja bæta við-
horf borgarbúa til Bílastæðasjóðs
og ekki síst stöðuvarða sem eru
eingöngu að sinna vinnu sinni.
Leiðarljós sjóðsins sé að sýna lip-
urð í samskiptum og jafnræðis-
reglan í hávegum höfð.
Aukin stuðningur við
fötluð börn
Borgarráð Reykjavíkur sam-
þykkti á dögunum að auka stuðn-
ing við fötluð börn á frístunda-
heimilum Reykjavíkurborgar frá
því sem fjárhagsáætlun ársins
2008 gerði ráð fyrir. Af þeirri 56
milljón króna aukafjárveitingu
sem ÍTR fær til reksturs heilsárs
frístundaheimila renna 31,7 millj-
ón króna til stuðnings barna með
sérþarfir. Með þessari fjárveit-
ingu og fjármunum sem fyrir eru
í fjárhagsáætlun ÍTR verður kleift
að reka frístundaheimili í sumar
þannig að þau verði rekin á heils-
ársgrunni.
Samgöngumiðstöð í
Vatnsmýrinni
Ólafur F. Magnússon, borgar-
stjóri kynnti tillögur að lausn sam-
göngumála í Vatnsmýri sem miða
að byggingu samgöngumiðstöðv-
ar á fundi með Kristjáni L. Möller,
samgönguráðherra. Samgöngu-
miðstöðinni er ætlað að hýsa
alla samgöngustarfsemi og skal
hún vera miðstöð flugstarfsemi,
almenningssamgangna, hópferða-
bifreiða, leigubifreiða o.s.frv.
Framkvæmda- og
eignasvið flytur og
heiðrar starfsmenn
Framkvæmda- og eignasvið
Reykjavíkurborgar hefur flutt starf-
semi sína úr Skúlatúni 2 yfir í nýtt
og glæsilegt húsnæði að Borgar-
túni 10 til 12. Alls hafa 65 manns
unnið í tuttugu ár eða lengur hjá
Framkvæmda- og eignasviði hlutu
11 manns viðurkenningu fyrir 40
ára starf eða lengur í tilefni dags-
ins þegar flutningurinn fór fram.
Einn þeirra, Gunnar Ágústsson,
sem hefur unnið hjá Reykjavíkur-
borg í 52 ár. Átján voru heiðraðir
fyrir starf í 30 til 39 ár og þrjátíu
og sex hafa unnið í 20 til 29 ár.
2 Breiðholtsblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Þórður Ingimarsson, Sími 551 1519, 893 5904
Netfang: thord@itn.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Landsprent ehf.
Dreifing: Íslandspóstur
4. tbl. 15. árgangur
Breiðholtsblaðið er dreift frítt í öll hús í Breiðholti
S T U T T A R
B O R G A R F R É T T I R
A ð undanförnu hefur ritstjórn Breiðholtsblaðsins borist nokkuð af símtölum frá fólki í Breiðholtinu sem látið hefur í ljósi áhyggjur af þeirri ímynd sem það telur að
hverfið sitt búi við. Þetta á sér að hluta til rætur í því að nokkuð
hefur verið um óhappaverk í Breiðholtinu að undanförnu. Í máli
þessa fólks hefur komið fram að fjölmiðlar tíundi Breiðholtið í
hvert sinn sem óhappaverk verður í hverfinu en láti sér nægja
að tilgreina austur- eða vesturborgina eigi þau sér stað annars
staðar. Nú sé svo komið að fólk veigri sér við að taka orðið Breið-
holt í munn vegna þess hversu neikvæðan blæ það beri með sér
en segist fremur búa í Seljahverfi, Bökkum, Hólum og Fellum.
Óhappaverk verða hvarvetna þar sem ógæfufólk er og Breið-holtið verður ekki undan því skilið frekar en aðrir borgar-
hlutar og borgarhverfi. Hins vegar felst engin lausn í að þegja
slík verk í hel. Stinga tilvist þeirra undir stól eða sópa þeim und-
ir teppi. Um þau verður að fjalla eins og annað sem verða vill
og hugleiða á opin hátt hvernig bregðast megi við slíkum verk-
um þótt stundum geti verið við ramman reip að draga - einkum
þar sem fíkn hefur tekið öll völd.
V issulega geta óhappaverk af þeim toga sem nýlega urðu í Breiðholtinu haft áhrif á ímynd borgarhluta eða borgar-
hverfis. Þann ímyndarvanda, sem fólk telur sig finna gangavart
Breiðholtinu, má þó rekja öllu lengra aftur í tímann eða allt
aftur til þess tíma sem yngri hlutar þess voru í byggingu. Þessi
vandi varð til vegna mikils skipulagsslyss við hugmyndasmíði
Fellahverfisins og þá einkum efri hluta þess og afleits arkitekt-
úrs sem erfitt er að skilja til nokkurrar hlítar. Byggingarmátinn
er vægast sagt undarlegur og einnig sá háttur að raða íbúðum
ætluðum fólki með félagsleg vandamál í heila spilaborg eins og
gert var í Fellunum á sínum tíma. Þótt umtalsverður hluti þess-
ara íbúða hafi verið seldur á almennum markaði þá lifir lengi í
fyrstu glæðum og íbúðaverðið hefur aldrei náð jöfnuði við önn-
ur hverfi borgarinnar.
E inar Skúlason, forstöðumaður Alþjóðahússins, sem er uppal-inn í Fellahverfi, segir í viðtali hér í blaðinu að slæmir hlutir
sem átt hafi sér stað hafi að einhverju leyti orðið undirrót þess-
arar umræðu. Ímyndarsmíðin hafi einkum tengst óhamingju og
sorg ákveðinna einstaklinga og fjölskyldna sem áttu við óreglu
og önnur vandamál að stríða. En þetta hafi verið mikill minni-
hluti og langflestir nágrannar fjölskyldu hans verið besta fólk.
En umræðan hafi engu að síður magnast. Oft þurfi ekki mikið
til að fréttir bólgni út þegar þær fara um fleiri munna. Þetta eru
orð að sönnu.
Þessi umræða og ímynd hefur orðið lífseig og raunar lagst á allt Breiðholtshverfið. Íbúi í Breiðholtinu lét það sjónarmið
í ljósi við Breiðholtsblaðið á dögunum að líklegast yrði þessu
ekki breytt nema að jafna kastalann og lönguvitleysurnar tvær
gegnt Fellaskóla við jörðu og skipuleggja þann hluta Fellahverf-
is upp á nýtt. Þarna er líklega um allt að 800 íbúðir að ræða og
sýnt að slíkt verkefni yrði risavaxið á Reykvískan mælikvarða.
Því miður virtust borgaryfirvöld gleyma þessu fjölmennasta hverfi Reykjavíkur eftir að byggingu þess lauk og fátt var
framkvæmt þar um árabil. Nú virðast þau vera að vakna til lífs-
ins samanber samráðsfund borgarstjóra með íbúum Breiðholts
á dögunum. Margt jákvætt er einnig að gerast í hverfinu og má
í því efni nefna starf allra skólana þar og einnig ýmis félagasam-
tök sem vinna góð verk í þágu hverfisins og íbúanna. Þótt ekki
verði farið í svo róttækar aðgerðir að brjóta niður hundruð
íbúða og endurbyggja er ljóst að borgaryfirvöld og íbúasamtök
í hverfinu verða að taka höndum saman um að breyta þessari
ímynd. Nauðsynlegt er að efna til þrauthugsaðra verkefna sem
geta verið til þess fallin og að efla kynningarstarf og jákvæða
umræðu um Breiðholtið í heild sinni. Þetta þolir enga bið og
gætu hverfisráðið og íbúasamtökin Betra Breiðholt byrjað á að
velta þessum málum fyrir sér.
Ímynd Breiðholtsins
APRÍL 2008
Nú er rétti tíminn til þess að undirbúa
næsta veiðitímabil. Veiðikortið veitir aðgang að
rúmlega 30 vatnasvæðum vítt og breitt um landið
fyrir aðeins 5000 kr. Frí heimsending þegar verslað
er beint á www.veidikortid.is
Tryggðu þér Veiðikortið í tíma!
Á að veiða
í sumar?
borgarblod.is
borgarblod@simnet.is