Breiðholtsblaðið - 01.04.2008, Blaðsíða 12
12 Breiðholtsblaðið APRÍL 2008
Þegar ég var að alast upp á Mel-
unum í Vesturbænum var Breið-
holtið að byggjast upp. Áhersla var
lögð á að byggja vel skipulagt og
barnvænt hverfi. Eins og gjarnan er
um ný hverfi dró Breiðholtið til sín
ungt fjölskyldufólk. Á unglingsárun-
um er mér vel minnistætt hversu
miklir fordómar ríktu í garð krakk-
anna í Breiðholti. Í augum margra
í Vesturbænum voru unglingarnir
í Breiðholti hinir mestu villingar.
Ef fregnir bárust af óknyttum ung-
linga einhvers staðar í Reykjavík
var gjarnan ályktað að þar hefðu
krakkar úr Breiðholti verið að
verki. Ofursett fordómum í garð
Breiðholtskrakkanna hugsaði ég
með sjálfri mér að í Breiðholtið
myndi ég aldrei á ævinni flytja. En
vísast er að spara allar fullyrðing-
ar um hvað lífið ber í skauti sér.
Einn fagran sumardag fyrir fáein-
um árum flutti ég ásamt fjölskyldu
minni í Breiðholtið. Nú er ég stolt-
ur Breiðhyltingur og ber hag hverf-
is míns alls fyrir brjósti.
Þeir eru ófáir íbúar í Breiðholtinu
sem finnst að enn séu til fordómar í
garð Breiðholtsbúa og að ímynd
hverfisins hafi átt undir högg að
sækja undanfarin misseri. Áhyggj-
urnar eru ekki að ástæðulausu.
Fólk er sér meðvitað um að fordóm-
ar eru þess eðlis að það getur tekið
áraraðir að vinda ofan af þeim nái
þeir að myndast. Séu fordómar und-
irliggjandi þarf oft ekki nema eina
neikvæða uppákomu til að festa þá
enn frekar í sessi.
Skortur á upplýsingum eða ein-
hliða upplýsingar eru ein helsta
uppspretta fordóma og einnig það
sem viðheldur þeim einna helst.
Ef hrekja á fordóma þurfa nýjar
jákvæðar upplýsingar að berast.
Þess vegna er svo mikilvægt að
vandað sé til allrar umfjöllunar um
hverfi eins og Breiðholt og að þeir
sem flytja fréttirnar fari vel með
þær upplýsingar sem þeir byggja
frétt sína á. Umfjöllun fjölmiðla
skiptir sköpum því fréttaflutningur,
þar sem áherslan er e.t.v. að draga
upp dökkar myndir af mannlífinu í
hverfinu, litar eðlilega huga og við-
horf almennings.
Í Breiðholtinu finnst margbrotið
mannlíf. Ástæðan fyrir því að fólk
velur að búa þar er vegna þess að
því finnst hverfið uppfylla vænting-
ar sínar og barna sinna. Vissulega
má margt betrumbæta eins og geng-
ur og gerist í hverfum sem komin
eru af yngsta skeiði. Börn og ung-
lingar sem alast upp í Breiðholtinu
mynda tengsl við umhverfi sitt. Í
stað þess að mæta fordómum eins
og börnin á sjöunda og áttunda
áratugnum, vilja Breiðhyltingar að
börnunum líði vel í hverfinu sínu
og geti stolt sagst búa í Breiðholti.
Til að svo megi verða þarf að leggj-
ast á eitt með að flytja almenningi
upplýsingar
sem eiga sér
stoð í raun-
veruleikanum
og eru lýsandi
fyrir heildina.
Með því er
sýnt fram á
að hæpið sé
að mynda sér
skoðun á þrið-
ja tugþúsund
íbúum í Breið-
holti byggða á
neikvæðum upplýsingum um e.t.v.
afmörkuð tilvik. Það er tímabært að
losa um áratuga fordóma gagnvart
íbúum í Breiðholti og Breiðholts-
hverfi öllu. Í svo fjölmennu og marg-
breytilegu hverfi sem Breiðholtið
er, býr þverskurður samfélagsins.
Þeir sem kynnst hafa á eigin skinni
hvernig það er að búa í Breiðholti
bera hverfinu góða sögu og geta
jafnvel hvergi annars staðar hugs-
að sér að búa.
Margbrotið mannlíf í Breiðholti -
Hlúa þarf að ímyndinni
Kolbrún Baldursdóttir, stjórnarmaður Íbúasamtakanna Betra Breiðholt skrifar:
Kolbrún
Baldursdóttir.
María Ásgeirsdóttir er lesandi
Breiðholtsblaðsins að þessu sinni.
Hún er verslunarstjóri hjá Eymunds-
son í Mjódd.
Ég er eins og svo margir Íslend-
ingar forfallinn bókasafnari og á orð-
ið ansi gott safn af ýmsum bókum
sem ég er svo í vandræðum með
að koma fyrir á heimili mínu. Það
hreinlega vellur út úr bókahillunum
þó ég sé búin að koma eldri bókum
fyrir ofan í kassa og inn í geymslu.
Því ekki hendi ég góðum bókum
eins og bókafíklar vita, maður veit
aldrei hvenær maður þarf á þeim
halda síðar. Annars held ég frekar
upp á fræðibækur, listaverkabækur
og ýmsar handbækur, þær eru mitt
gull. Um þessar mundir safna ég
mikið af bókum sem tengjast áhuga-
málum mínum, það er að segja allt
um óhefðbundnar lækningar eins og
jurtalækningar, ilmolíukjarnafræði,
nálastungur, um austurlensk fræði
eins og Ayurveda og yoga. Nú nýver-
ið festi ég kaup á bók hér í Eymunds-
son sem fjallar um mannslíkamann
hún heitir THE HUMAN BODY
BOOK, AN ILLUSTRATED GUIDE TO
ITS STRUCTURE, FUNDTION AND
DISORDER. Frábær bók með flottum
litmyndum og góðum skýringum um
hvernig mannslíkaminn virkar, ein-
nig fylgir DVD diskur með sem sýnir
öll líkamskerfin og hvernig líffærin
starfa. Ég var líka svo heppin að fá
í afmælisgjöf bókina Maðurinn sem
JPV útgáfa gaf út nú fyrir jólin. Þess-
ari bók er skipt niður í átta kafla sem
fjalla um öll svið mannlegrar tilveru
eins og starfsemi mannslíkamans,
um æviskeið mannsins, menningu,
trúarbrögð og þess háttar. Þetta er
ein af þessum bókum sem maður
flettir upp í aftur og aftur. Ég verð all-
taf svo glöð þegar svona flottar bæk-
ur eru þýddar yfir á íslenska tungu,
önnur athyglisverð bók í sama bóka-
flokki er bókin Jörðin. Hún er einnig
prýdd stórkostlegum myndum og er
hafsjór af fróðleik um umhverfi okk-
ar og andrúmsloft.
Ég verð nú að nota tækifærið og
hrósa bókaútgefendum fyrir hvað
þeir eru orðnir duglegir við að gefa
út skáldsögur og ævisögur í kilju-
formi. Nú er landinn loks farinn að
kunna að meta þetta ágæta bókar-
form sem er bæði miklu ódýrara og
þægilegra í meðförum og þess vegna
kaupir maður mun oftar bækur fyrir
sjálfan sig en áður.
Ég hef nýlokið við lesningu á bók-
inni Bíbí Ólafsdóttir sem skrifuð er af
Vigdísi Grímsdóttir. Mjög vel heppn-
uð bók, Vigdísi tekst svo vel að koma
persónunni Bíbí á blað að ég hrein-
lega heyrði rödd Bíbar þegar ég las
bókina, í orðsins fyllstu merkingu.
Lyktarskyn mitt fór líka algjörlega
á stað og ég fann ilminn af aðstæðum
hennar hvort sem var í Múlakampi
eða í sveitinni að Fossi við Bíldudal.
Bíbí hefur átt án efa skrautlega ævi
og þurft að takast á við mikið and-
streymi, en samt er engin vælutónn í
Bíbí og glettin húmor hennar kemur
svo vel fram í bókinni. Ég hvet alla
sem hafa gaman af skemmtilegu fólki
til að lesa þess dásamlegu bók. Næst
ætla ég lesa Minnisbók Sigurðar Páls-
sonar ljóðskálds þar sem hann segir
frá endurminningum sínum í Frakk-
landi á árunum 1967 til 1982. Þessi
bók hlaut íslensku bókmenntaverð-
launin 2007 og hefur fengið frábæra
dóma. Önnur bók sem ég mæli með
er Yacoubian Byggingin sem Bjartur
gaf út eftir Alaa al- Aswany. Þetta
er saga sem gerist í Egyptalandi og
fjallar um ólíka hópa fólks sem býr
í gömlu háhýsi í miðborg Kairó. Bók
sem fjallar um völd, peninga, kynlíf,
stjórnmál og trú. Öðruvísi bók sem
leynir á sér. Aðrar bækur sem bíða
lesningar eru Bréf til Láru eftir Þór-
berg Þórðarson og Piltur og stúlka
eftir Jón Thoroddsen sem nú hafa
verið endurútgefnar. Þarna eru tvær
klassískar en ólíkar bækur á ferð sem
vert er að kunna skil á. Tímastjórnun
í starfi og einkalífi eftir Ingrid Kuhlm-
an er bók sem ég er með við hönd-
ina í augnablikinu. Ingrid Kuhlman er
framkvæmdastjóri Þekkingarmiðlun-
ar og hefur haldið fjölda námskeiða
og fyrirlestra um starfsmannamál,
markmiðasetningu og samhæfingu
vinnu og einkalífs. Þetta er ekki bók
sem ég mundi venjulega velja mér,
en vinnunnar vegna þarf ég að lesa
svona bókmenntir líka og viti menn
þetta er hin fínasta bók, fljótlesin og
auðskiljanleg.
Í þessari bók eru ýmsar góðar ráð-
leggingar sem ég get nýtt mér til að
skipuleggja tíma minn betur. Ef til
vill mun ég hafa meiri tíma til að lesa
fleiri bækur.
Hvaða bók/bækur ertu að lesa?
María Ásgeirsdóttir
Einstakur megrunarkúr með
öllum efnum, sem líkaminn þarfnast.
Einfalt að halda kjörþyngd.
LR kúrinn er eftirfarandi:
6*450 g dósir Figu Aktiv,
Probalance 360 töflur,Te,
Aloe Vera djús 1L
og Ph mæli strimlar.
Dugir í 5-6vikur.
Þýskar hágæða Aloe Vera,
næringar og snyrtivörur
á lágu verði.
Tækifæri þitt til hagsældar!!
Eiríkur Einarsson
s. 5626261 og 8693846
eirikureinars@simnet.is
LR Henning
kúrinn
Heilsu
demanturinn.
Forvarnir,
líkamsvöxtur
og lausnir.
Draumalíkaminn
Þjónustumiðstöð Breiðholts,
Barnavernd, Heilsugæslan í
Efra-Breiðholti og BUGL hafa
gert með sér samstarfssamning
um þverfaglega samvinnu.
Meginmarkmið samningsins
er að samhæfa úrræði og þróa
nýjar leiðir í þjónustu fyrir ein-
staklinga, börn með hegðunar-
og geðraskanir og fjölskyldur
þeirra. Barna og unglingageð-
deildin hefur jafnframt sýnt
áhuga á að taka þátt í samstarf-
inu sem er mikið framfaraspor
sem styttir vonandi biðlista
og gerir þjónustuna enn heild-
stæðari og markvissari. Að sögn
Þorsteins Hjartarsonar hefur
Þjónstumiðstöð Breiðholts sett
sér það markmið á árinu að ná
samskonar samstarfi við Heilsu-
gæsluna í Mjódd.
Samstarf um þjónustu
vegna geðraskana
NETSAGA.IS