Breiðholtsblaðið - 01.04.2008, Blaðsíða 15
15BreiðholtsblaðiðAPRÍL 2008
Fréttir
Íflróttafélag Reykjavíkur
Skógarseli 12 • Sími 587 7080
Myndsími: 587 7081
Tölvupóstur: iradal@isholf.is
Borgarráð samþykkti nýlega
samning Reykjavíkurborgar og
Íþróttafélags Reykjavíkur (ÍR),
um uppbyggingu íþróttamann-
virkja í Suður-Mjódd.
Þá var samþykkt tillaga borg-
arstjóra um mikilvægi þess að
tryggja gönguleið við Suður-
Mjódd sem fyrst til að auðvelda
öruggt aðgengi barna og annarra
vegfarenda í tengslum við upp-
byggingu íþróttamannvirkja og
íbúða á svæðinu.
Í samningnum er gert ráð fyr-
ir að Reykjavíkurborg verji allt
að 1.550 mkr til uppbyggingar
íþróttahúss ÍR auk tengibygginga
á svæði félagsins í Suður-Mjódd
á næstu fimm árum, 2008 - 2012,
þar af 150 mkr á árinu 2008. Þá
mun ÍR fá rekstrarstyrk í sam-
ræmi við gildandi reglur og er
áætlað að þegar mannvirkin
verða að fullu byggð upp nemi
styrkurinn um 40 mkr. á núgild-
andi verðlagi. Menntasvið Reykja-
víkurborgar gerir samning við
félagið um notkun íþróttahússins
fyrir nemendur grunnskóla.
Tillaga að deiliskipulagi fyrir
svæðið er þegar komið í auglýs-
ingu og má sjá það á heimasíðu
Reykjavíkurborgar www.reykja-
vik.is. Breyting er gerð á athafna-
svæði ÍR sem gerir ráð fyrir að í
jaðri íþrótta- og útivistarsvæðis-
ins verði íbúðir fyrir eldri borgara
og blandaða atvinnustarfsemi.
Aðilar hafa ennfremur orðið ásátt-
ir um að haga hönnun og bygg-
ingu íþróttahúss svæðisins þan-
nig að það geti hýst landsleiki.
Uppbygging Íþróttamannvirkja
ÍR í Suður-Mjódd
Á dögunum var ritað undir fjög-
urra ára samstarfs samning við
Hummel en þeir munu þjónusta
allar deildir ÍR hvað æfinga- og
keppnisfatnað varðar. Þetta er
fyrsti samningurinn sem ÍR gerir
fyrir allar deildir félagsins og telj-
um við að þetta sé stórt stökk með
að sameina félagið enn frekar þ.e.
að allar deildir skulu vera í sams-
konar íþróttafatnaði. Undanfarin
ár hafa deildir verið að semja hver
og ein en nú er sem sagt breyt-
ing á og vonandi til batnaðar fyr-
ir alla. Við teljum einnig að þetta
sé sparnaður fyrir foreldra því ef
barn er í fleiri en einni íþróttagrein
hjá ÍR þarf ekki að kaupa nema
einn utanyfirgalla í staðinn fyrir
tvo eða fleiri. Bragi eigandi Leik-
sport í Hólagarði mun vera með
vörurnar til sölu og hvetjum við
alla til þess að hafa samband við
hann eða viðkomandi deild þegar
vörur eru verslaðar. Einnig getur
Hörður framkvæmdastjóri gefið
ykkur nánari upplýsingar.
Með von um að þetta sé hagur
fyrir alla ÍR-inga.
Hörður Heiðar Guðbjörnsson,
framkvæmdastjóri ÍR
Samningur við Hummel!
ÍR lék sinn síðasta leik mið-
vikudaginn 16. apríl í körfunni á
þessari leiktíð en þá töpuðu þeir
fyrir Keflvíkingum í oddaleik um
hvort liðið kæmist í úrslit um
Íslandsmeistaratitilinn.
Lið ÍR-inga var búið að slá út
KR-inga í átta liða úrslitum en þeir
töpuðu einmitt fyrir þeim í úrslita-
keppninni í fyrra. Okkar menn
stóðu sig með prýði og gáfu allt
sem þeir áttu í þessa lokaviður-
eign. Mikil og góð reynsla og frá-
bær frammistaða í úrslitakeppn-
inni er eitthvað sem lið ÍR hefur
öðlast og hlökkum við til næsta
tímabils.
Gaman var að sjá hversu fjöl-
menn stuðningssveit fylgdi ÍR lið-
inu í gegnum þessa úrslitakeppni.
Þeir mæta hundruðum saman á
alla leikina, láta vel í sér heyra og
eru félaginu okkar til mikils sóma.
Þarna voru ungir piltar sem söfn-
uðust saman fyrir leiki og sáu til
þess að allir á pöllunum tækju
undir hvatningaróp þeirra. Þetta
er eitthvað sem við vonumst til
að verði áfram og þá hjá fleiri
deildum félagsins. Það er klárt að
svona stuðningur þjappar öllum
saman þegar mikið er í húfi.
Frábærri úrslitakeppni lokið
Fyrsta skóflustunga að nýjum
skíðaskála skíðadeilda ÍR og Vík-
ings í Bláfjöllum var tekin Laug-
ardaginn 12. apríl. Framkvæmd-
ir hefjast á næstu dögum og er
áætlað að skálinn verði afhentur
fyrir 1. desember 2008.
Um er að ræða parhús á tveim-
ur hæðum auk kjallara en skíða-
deildir ÍR og Víkings munu hafa
aðstöðu í sitt hvorum enda húss-
ins. Aðstaða er fyrir um 50 manns
í gistingu, góð nestisaðstaða fyrir
iðkendur og almenning auk skíða-
geymslu og viðgerðaraðstöðu.
Frá því að skíðadeildin flutti af
Hengilssvæðinu fyrir um tveimur
árum hefur hún haft aðstöðu í
gámum á Bláfjallasvæðinu og því
ljóst að skálinn mun gjörbreyta
aðstöðu iðkenda og foreldra. Nú
er skíðaveturinn farinn að stytt-
ast en þessi vetur hefur verið
einn sá besti í langan tíma fyrir
skíðaiðkendur. Reynslan af Blá-
fjöllum síðustu tvo vetur hefur
verið góð og bíður svæðið upp á
mikla fjölbreytni fyrir iðkendur og
foreldra. Þegar þessi orð eru skrif-
uð er nægur snjór og því er bara
að skella sér á skíði.
Skóflustunga tekin að
nýjum skíðaskála ÍR
Þjálfurum og starfsfólki hjá ÍR var boðið á nám-
skeið til að fá leiðsögn í notkun á hjartastuðtæki
ásamt nokkrum grundvallaratriðum í skyndihjálp
laugardagana 29. mars og 5. apríl.
Atorka og Íþróttabandalag Reykjavíkur tóku hönd-
um saman og gáfu flestum íþróttamannvirkjum í
Reykjavík slíkt tæki en Slökkvilið höfuðborgarsvæð-
isins sér um kennslu í notkun á tækinu. ÍR æfir víðs
vegar um bæinn en eins og er eru þessi tæki sem að
okkur snúa til í ÍR-heimilinu, Austurbergi, Seljaskóla
og Frjálsíþróttahöllinni Laugardal. Vonandi verða
þau komin í Fellaskóla, Breiðholtsskóla og Keiluhöll-
ina áður en langt um líður.
Hjartastuðtækið er eins einfalt og fullkomið og
hugsast getur, tækið er búið einföldum búnaði með
mjög góðum leiðbeiningum á íslensku og talar það
fólk skref fyrir skref í gegnum aðgerðina. Tækið met-
ur og greinir takt hjartans. Þetta getur skipt sköpum
þegar bregðast þarf við á vettvangi áður en sjúkra-
bíll kemur á staðinn. Hjartastuðtækið er notað við
hjartastoppi, þ.e. þegar einstaklingur missir meðvit-
und, hefur engan púls og andar ekki eðlilega.
ÍR vill nota tækifærið og þakka Atorku, ÍBR og SHS
fyrir frábært framtak.
Kennt á Hjartastuðtæki í ÍR heimilinu
Fyrsta skólfustungan tekin.
GETRAUNANÚMER ÍR ER 109
Aðalfundur Íþróttafélags
Reykjavíkur verður miðvikudag-
inn 30. apríl 2008 kl. 19.30 í ÍR-
heimilinu við Skógarsel 12.
Dagskráin er eftirfarandi:
1. Kosning þriggja manna kjör-
bréfanefndar.
2. Kosning fundarstjóra og fund-
arritara.
3. Skýrsla stjórnar um starfsemi
ársins.
4. Lesnir og skýrðir endurskoð-
aðir reikningar.
5. Lagabreytingar.
6. Ákveðin árgjöld.
7. Lögð fram starfs- og fjárhagsá-
ætlun næsta starfsárs.
8. Kosinn formaður.
9. Kosnir aðrir stjórnarmenn og
varastjórnarmenn.
10. Kosnir tveir skoðunarmenn.
11. Önnur mál.
Allir lögmætir félagsmenn hafa
rétt til fundarsetu, málfrelsi og til-
lögurétt á aðalfundi félagsins.
Vonumst til þess að sjá sem
flesta
F.h. aðalstjórnar ÍR
Hörður Heiðar Guðbjörnsson
Framkvæmdastjóri ÍR
Aðalfundur ÍR
Frá áramótum hafa íþróttafélög-
in ÍR og Leiknir ásamt ÍTR, KSÍ og
Þjónustumiðstöð Breiðholts stað-
ið fyrir sérstökum íþróttaklúbb
í Breiðholti. Tilgangurinn með
íþróttaklúbbnum og markmið
hans er að fá unglinga í efri bekkj-
um grunnskólans til þátttöku í
íþróttum án þess að um undirbún-
ing að keppni sé að ræða.
Hörður Guðbjörnsson, fram-
kvæmdastjóri ÍR segir að með
þessu sé verið að ná til krakka
sem hafi gaman af að vera með
í íþróttum en hafi ekki áhuga á
keppni. Reyndin sé að margir falli
úr og hætti þátttöku þegar komi á
síðari hluta grunnskólatímabilsins
vegna þess hversu þátttakan sé
miðuð við keppni. “Á þessum tíma
fá krakkarnir oft fleiri áhugamál og
vilja ekki binda sig um of við íþrótt-
irnar en hafa engu síður áhuga á
að vera með ef þau fá tækifæri til
þess. Þau hætta að gefa sig í að
mæta á æfingar allt upp í fjórum
sinnum í viku og fara eftir strön-
gu þjálfunarprógrammi. Í íþrótta-
klúbbnum er ekki mætingaskylda
þannig að það eru ekki alltaf þau
sömu sem koma á æfingar,” segir
Hörður.
Til þessa hefur starf íþrótta-
klúbbsins eingöngu snúist um
knattspyrnu en í athugun er að
fjölga greinum. Jafnvel strax á
næsta hausti. “Við erum að þreifa
okkur áfram og læra af því hvað
gengur upp og hvað ekki. Við
byrjuðum t.d. starfið utanhúss
en vegna veðráttunnar í vetur þá
gekk það ekki. Við fengum því inni
fyrir þetta í íþróttahúsi Fellaskóla
og þá fóru krakkarnir að mæta á
æfingar.” Hörður segir að allt að
20 krakkar hafi komið á æfingar en
stundum færri sem verði að teljast
gott miðað við að þessi starfsemi
sé rétt að fara af stað. “Ég er viss
um að ef við fjölgum greinum þá
koma fleiri og við stefnum að því
að þetta verði fastur liður í íþrót-
ta- og félagsstarfi í Breiðholtinu.”
Hörður segir einnig stefnt að því
að allar æfingar fari fram innan-
húss og reynt verði að tengja þær
meira daglegu skólastarfi. “Best
væri ef krakkarnir gætu farið beint
á æfingar eftir skóla. Það myndi án
efa auka þátttökuna en það bygg-
ist nokkuð á því hvenær íþrótta-
húsin losna á daginn. Björn Bjart-
mars hefur séð um að leiðbeina
krökkunum í íþróttaklúbbnum og
þjálfa þau í vetur.
Íþróttaklúbburinn hefur farið vel af stað
Þessi hópur var mættur á æfingu Íþróttaklúbbs ÍR, Leiknis, ÍTS, KSÍ og
Þjónustumiðstöðvar Breiðholts á dögunum. Björn Bjartmars, þjálfari
þeirra er lengst til vinstri. Ljósm: ÁHG.
Kennt á hjartastuðtækið.