Dagblaðið Vísir - DV - 04.11.2009, Blaðsíða 4

4 miðvikudagur 4. nóvember 2009 fréttir
Hörður Sigurjónsson, sem situr í
gæsluvarðhaldi í Argentínu vegna
fíkniefnamisferlis, var einn þeirra
manna sem reyndu að hitta 13 ára
gamla tálbeitu Kompássmanna árið
2006. Hann mælti sér mót við ungu
stúlkuna og mætti á stefnumótið.
Hörður, ríflega sextugur að aldri,
var handtekinn um miðjan október-
mánuð á alþjóðaflugvellinum í Bu-
enos Aires í Argentínu. Í fórum hans
fundust fimm kíló af kókaíni og var
hann í kjölfarið úrskurðaður í gæslu-
varðhald. Hörður hefur verið búsettur
á Spáni undanfarin ár en áður starfaði
hann sem rannsóknarlögreglumað-
ur hjá lögreglunni í Reykjavík og hjá
embætti ríkislögreglustjóra.
Engin afskipti
Hörður var ráðinn til embættis rík-
islöreglustjóra árið 1997, þá til fimm
ára, en tveimur árum síðar var ákveð-
ið að flytja hann aftur til lögreglunnar
í Reykjavík. Hann stefndi íslenska rík-
inu vegna flutningsins en tapaði því
máli, á báðum dómstigum, en Hæsti-
réttur dæmdi honum í óhag í sept-
ember 2002. Hörður flutti þá til Spán-
ar og hefur verið þar flestum stundum
síðan.
Smári Sigurðsson, yfirmaður al-
þjóðadeildar ríkislögreglustjóra, segir
að argentínsk yfirvöld hafi óskað eft-
ir ítarlegum upplýsingum um Hörð.
Aðspurður staðfestir hann að Hörður
hafi verið handtekinn með áðurnefnd
fimm kíló af kókaíni. „Við fengum til-
kynningu um þetta og þar kemur fram
magn fíkniefnanna. Við höfum veitt
lögreglunni þær upplýsingar sem beð-
ið hefur verið um, að öðru leyti skipt-
um við okkur ekki af þessu. Við höfum
engin afskipti af málinu, ekkert frekar
en að þarlend yfirvöld myndu skipta
sér af okkar málum,“ segir Smári.
Vildi unga stúlku
Fréttaskýringaþátturinn Kompás á
Stöð 2 fjallaði á sínum tíma ítarlega
um fimm karlmenn sem reyndu að
komast á fund 13 ára stúlku með það
fyrir augum að eiga við hana kynmök.
Stúlkan var aftur á móti aðeins tál-
beita og kvikmyndatökumenn þáttar-
ins biðu mannanna á stefnumótinu.
Hörður var einn þeirra manna sem
mæltu sér mót við ungu stúlkuna við
Bónusvídeó á Grensásvegi og mætti
á stefnumótið. Þar náðust af honum
myndir en ekki viðtal.
Kompássmenn afhentu lögregl-
unni í Reykjavík gögn úr þættinum og
út frá myndefni var ákveðið að ákæra
þrjá þeirra sem vildu tálbeituna.
Hörður var ekki í þeim hópi. Á endan-
um voru þremenningarnir sýknaðir í
Héraðsdómi Reykjavíkur þar sem vafi
lék á því hvort lögregla mætti notast
við tálbeitugögn Kompássmanna.
Slegnir samstarfsmenn
Geir Jón Þórisson, yfirlögregluþjónn
hjá lögreglunni í Reykjavík, er sleg-
inn yfir tíðindum þess efnis að Hörð-
ur hafi verið handtekinn. Hann segir
kynni sín af Herði vera góð og að hann
hafi þá alls ekki verið líklegur til vand-
ræða. „Auðvitað er okkur mjög brugð-
ið, þetta er mjög sorglegt. Ég þekki
hann ágætlega og ég vissi ekki ann-
að en hann væri algjör sómamaður.
Í vinnunni var hann mjög vandvirk-
ur og nákvæmur. Fyrir vikið voru tíð-
indin virkilega sorgleg, það slær okkur
virkilega að hann skyldi hafa ratað inn
á þessa braut,“ segir Geir Jón.
Aðspurður segist Smári þekkja
Hörð og að hann þekki ekki til fyrri
brota Harðar. Smári segir það leiðin-
legt að heyra af vandræðum fyrrver-
andi samstarfsmanns því hann hafi
verið handtekinn á svæði þar sem
hart er tekið á fíkniefnabrotum. „Já,
ég þekki viðkomandi enda vann ég
með honum í eina tíð. Þannig að ég
kannaðist við hann hérna áður en hef
ekki séð hann í mörg ár. Mér finnst
það fyrst og fremst sorglegt að þessi
staða sé komin upp og sorglegt hvern-
ig komið er fyrir viðkomandi,“ segir
Smári að lokum.
Hörður Sigurjónsson, fyrrverandi lögreglumaður, situr í gæsluvarðhaldi eftir að hafa
reynt að smygla fimm kílóum af kókaíni frá Argentínu. Hann hætti hjá lögreglunni
í Reykjavík eftir að hafa tapað dómsmáli gegn embættinu en kom fjórum árum síðar
sjálfur inn á borð lögreglunnar í tálbeitumáli Kompáss.
Grunaður fíkniefnasali
vildi tálbeitu kompáss
„Mér finnst það fyrst og
fremst sorglegt að þessi
staða sé komin upp og
sorglegt hvernig komið
er fyrir viðkomandi.“
Mætti til leiks Hörður mætti á
stefnumót við 13 ára tálbeituna
hjá Bónusvídeó á Grensásvegi.
Verulega brugðið Geir Jón segir fyrrverandi
samstarfsmann sinn hafa verið sómamann
sem þekktur var fyrir vandvirkni.
TrauSTi HafSTEinSSon
blaðamaður skrifar: trausti@dv.is
tugmilljóna sekt
fyrir skattsvik
Tveir karlmenn voru í gær
dæmdir fyrir meiriháttar skatt-
svik. Héraðsdómur Reykjavík-
ur dæmdi annan manninn í 15
mánaða fangelsi og til greiðslu
93 milljóna króna sektar. Hinn
var dæmdur í 7 mánaða fang-
elsi og honum gert að greiða 34
milljóna króna sekt. Þriðji mað-
urinn var ákærður í málinu en
var sýknaður.
Mennirnir voru dæmdir fyrir
að standa ekki skil á virðisauka-
skattskýrslum og virðisauka
vegna fyrirtækjanna Perlan ehf.,
Eystrasaltsviðskipti ehf. og SK
Smáverk ehf.
endurskipulagn-
ing hjá toyota
Toyota á Íslandi hefur sent frá sér
yfirlýsingu vegna fréttar á Stöð
2 og vill koma því á framfæri að
skilanefnd Landsbankans sé ekki
við það að taka yfir rekstur Toyota
á Íslandi eins og greint var frá þar.
„Unnið hefur verið að því í sam-
vinnu við skilanefndina að end-
urskipuleggja rekstur og fjárhag
fyrirtækisins en aldrei hefur staðið
til að Landsbankinn eða aðrar
fjármálastofnanir taki yfir rekstur
Toyota á Íslandi. Um þetta hefur
ríkt gagnkvæmur skilningur milli
Toyota og skilanefndar,“ segir í yfir-
lýsingunni.
Fyrr á þessu ári stóð til að skila-
nefndin gengi að veðum í fyrirtæk-
inu hér á landi en þær fyrirætlanir
gengu ekki eftir vegna andstöðu
hjá höfuðstöðvum Toyota í Evrópu.
Neyðarmót-
taka í vanda
Hópur fólks berst fyrir því að
bjarga neyðarmóttöku vegna
nauðgana hjá Landspítalanum
sem hópurinn segir berjast fyr-
ir lífi sínu vegna niðurskurðar.
Stofnaður hefur verið Face-
book-hópur sem telur tæplega
fimmtán hundruð manns sem
eru alls ekki sátt við niður-
skurðinn á móttökunni. „Þetta
er gjaldfrjáls þjónusta fyrir
karla, konur og börn sem orðið
hafa fyrir kynferðislegu ofbeldi
og er lífsnauðsynleg sem slík.
Hátt í tvö þúsund Íslendingar
hafa nýtt sér þjónustuna síð-
an móttakan var stofnuð árið
1993. Flestir þeirra voru á aldr-
inum tólf til átján ára,“ segir á
Facebook-síðu hópsins.
Mælt fyrir
frestuninni
Ragna Árnadóttir, dóms-
mála- og mannréttindaráð-
herra, mælti í gær fyrir frum-
varpi sem felur í sér frestun
á stofnun embættis héraðs-
saksóknara til ársins 2011.
Til stóð að stofna embættið
á þessu ári en nú á að fresta
því vegna sparnaðar. Ragna
sagði að ekki væri lagt til að
ákvæði um héraðssaksóknara
í lögum um meðferð sakmála
yrði fellt úr gildi. Markmið-
ið með því hafi verið að auka
réttaröryggi með því að bæta
stjórnsýslustigi við ákæru-
valdið. Embættinu verði
komið á fót síðar.
Garðyrkjubændur mættu við Alþingi með gjafakörfur og færðu þingmönnum blóm:
Stofnar 200 störfum í hættu
„Raforkuverð til garðyrkjubænda hef-
ur hækkað um 30 prósent frá því í jan-
úar á þessu ári og dæmi eru um að
bændur slökkvi ljósin til lengri tíma
í gróðurhúsum til að spara. Fram-
leiðsla á íslenskum tómötum hefur
minnkað um 17 prósent það sem af er
ári,“ segir í tilkynningu frá Sambandi
garðyrkjubænda. Sambandið efndi til
mótmæla við Alþingishúsið í gær til
að mótmæla háu raforkuverði.
Í upphafi þingfundar urðu lífleg-
ar umræður um garðyrkjubændur.
Atli Gíslason, þingmaður VG og for-
maður sjávarútvegs- og landbúnað-
arnefndar, sagði að senn litu tillög-
ur um breytingar á raforkuverði til
garðyrkjubænda dagsins ljós. Hann
kallaði garðyrkjuna græna stóriðju
og kvaðst sammála þeim sem lækka
vildu raforkukostnað garðyrkjubænd-
anna. Hann spurði hvort garðyrkjunni
hefði verið gefinn 20 milljarða króna
afsláttur eins og áliðjunni.
Fram kom í máli þingmanna að
raforkuverð til garðyrkjubænda hefði
hækkað um 30 prósent á þessu ári.
Hugsanlega kynni störfum að fækka
um 200 af þeim 900 sem eru í grein-
inni.
Þverpólitískur vilji til þess að bæta
stöðu garðyrkjubænda virðist ríkja á
Alþingi.
rangt skilgreindir Björgvin G. Sigurðs-
son segir að ástæða hás raforkuverðs til
garðyrkjubænda sé sú að þeir hafa ekki
enn verið skilgreindir sem stórnotendur
á raforku. Mynd KriSTinn MagnúSSon