Dagblaðið Vísir - DV - 04.11.2009, Blaðsíða 29
á m i ð v i k u d e g i
Leyniupptökur
rice
Fróðlegt verður að heyra hvar leyni-
upptökur írska tónlistarmannsins
Damiens Rice fara fram en fyrri tvær
af fjórum eru planaðar í kvöld. Eins
og DV sagði frá í september ætlar
Íslandsvinurinn Rice að halda hér
svokallaðar opnar upptökur þar sem
hann hljóðritar og filmar frumflutn-
ing á nýju efni frammi fyrir áhorf-
endum. Rice hyggst einnig leika lög
af fyrri plötum sínum og eftir flutn-
inginn munu áhorfendur eiga kost
á því að spyrja tónlistarmanninn
spjörunum úr. Aðeins 90 áhorfendur
komast á hverja upptöku og er löngu
uppselt á þær. Upptökurnar fara
fram á höfuðborgarsvæðinu en ná-
kvæm staðsetning verður ekki gefin
upp fyrr en nokkrum tímum áður en
þær hefjast.
Ljósmyndara-
kanónur og
vonarstjarna
Tvær sýningar verða opnaðar
í Hafnarborg, menningar - og
listamiðstöð Hafnarfjarðar, á
laugardaginn klukkan 15. Sýning-
in Úrvalið – Íslenskar ljósmyndir
1866–2009 skartar myndum eftir
þrettán íslenska ljósmyndara
sem allir gerðu ljósmyndun að
ævistarfi. Þar á meðal eru Sigfús
Eymundsson, Nicoline Waywadt,
Sigríður Zoëga, Jón Kaldal og
Ragnar Axelsson. Hvar er klukk-
an? er svo yfirskrift sýningar á
verkum eins af efnilegustu ungu
myndlistarmönnum landsins,
Davíðs Arnar Halldórssonar.
Hann hefur vakið athygli fyrir
litrík málverk og myndheim þar
sem blandað er saman formum
og frásagnarkenndum veruleika.
Útgáfutón-
Leikar Hoffman
Strákarnir í Hoffman hafa gefið út
sína fyrstu breiðskífu sem heitir Your
Secrets Are Safe With Us. Af því til-
efni heldur hljómsveitin útgáfutón-
leika á Sódómu á morgun, fimmtu-
dag, klukkan 22. Plötu Hoffman er
lýst sem melódísku rokki en hún var
samin í upphafi kreppunnar. Lögin
„P.I.R“ og titillagið „Your Secrets Are
Safe With Us“ hafa nú þegar fengið
töluverða spilun á útvarpsstöðvum.
Ásamt Hoffman munu Eyjaböndin
Súr og Júníus Meyvant leika á tón-
leikunum.
Skammdegið er tími glæpasagna
og spennu og þessar vikurnar hafa
spenntir lesendur um margar góðar
sögur í þeim dúr að velja. Þær verða
kynntar á upplestrarkvöldi á kaffi-
húsinu Súfistanum í Iðu-húsinu við
Lækjargötu í kvöld, miðvikudag.
Ragnhildur Sverrisdóttir blaða-
maður ætlar að ríða á vaðið og lesa
upp úr bókinni Sex grunaðir eftir
Vikas Swarup í þýðingu Ísaks Harð-
arsonar. Þeir sem lásu metsölu-
bókina Viltu vinna milljarð? vita að
Swarup kann að segja áhugaverðar
sögur frá Indlandi og fullyrt er að
þessi bók gefi henni ekkert eftir.
Rithöfundarnir Viktor Arnar Ing-
ólfsson og Stefán Máni lesa báðir
upp úr bókum sínum. Viktor Arnar
sendir núna frá sér Sólstjaka, eft-
ir fjögurra ára bókahlé, en hann er
einn þeirra höfunda sem ýttu ís-
lensku glæpabylgjunni af stað. Sól-
stjakar hefst á því að á skrifstofu
sendiherra Íslands í Þýskalandi sit-
ur vafasamur viðskiptajöfur með
iðrin úti og flugbeittan veiðihníf á
kafi í maganum.
Stefán Máni sendir frá sér Hyl-
dýpi þar sem aðalpersónan er tví-
tugur strákur frá Ísafirði, Sölvi að
nafni. Hann lendir í lífshættulegum
ógöngum í Reykjavík þegar leiftur-
sýn frá liðum árum sækir á hann.
Í viðtali við Stefán Mána í síðasta
helgarblaði DV kom fram að höf-
undurinn er á býsna dulrænum
nótum í bókinni.
Að lokum les Freyr Eyjólfsson
upp úr nýjustu bók spennusagna-
meistarans Arnaldar Indriðasonar
sem ber heitið Svörtuloft. Erlend-
ur og félagar eru þar enn einu sinni
mættir á svæðið. Eitt af því sem fé-
lagarnir þurfa að glíma við er morð
á konu sem sökuð hafði verið um
fjárkúgun en hún var barin til ólífis
nánast fyrir augum lögreglunnar.
Upplesturinn á Súfistanun hefst
klukkan 20.
Lesið úr spennubókum
Myndin fylgir poppkóngnum Mich-
ael Jackson og hirð hans við undir-
búning á endurkomutónleikunum
margumtöluðu. Eftir allskonar vesen
hafði Michael loksins tekið sig til um
að sýna heiminum það sem í raun
skipti máli. Hann var orðinn meira
þekktur sem neflaust frík dinglandi
smábörnum fram af svölum og bjóð-
andi barnastjörnum upp á Jesúdjús.
Þessir tónleikar hefðu vafalaust gert
nákvæmlega það ef þeir hefðu orðið
að raunveruleika. Myndin hefði að
sjálfsögðu verið flottust ef efni af æf-
ingum hefði verið undanfari að sjálf-
um tónleikunum sem við urðum af í
kjölfar dauða M.J.
Myndin er of löng miðað við inni-
hald en kemst í huga margra upp
með það. Því Mikjáll á það marga
harða aðdáendur sem myndu ekki
vilja hafa þetta neitt öðruvísi. Svo
þú þarft að vera harður aðdáandi til
að njóta myndarinnar til fullnustu
en eftir nokkra áratugi á toppnum
á M.J. í flestum. Fyrir vikið grípur
myndin mann með reglulegu milli-
bili og heldur manni við efnið. Eins
og til dæmis að sjá hann fimmtugan
dansandi eins og vindinn. Sérstak-
lega mögnuð er danssenan við Billie
Jean. Það er einnig magnað að sjá
hvað hann hefur gríðarleg áhrif sem
á sér m.a. birtingarmynd í öllu því
hæfileikafólki sem fylgir honum og
tárast við það eitt að tala um hann.
Síðan er ánægjulegt hvernig hann
notar áhrifin til góðs. Á sinn barna-
lega og krúttlega hátt nær hann til
manns í lagi og myndbandi Earth
Song.
Myndin sýnir einnig hvað hann
var í raun mikill listamaður. Í dag
velur bransinn sæta stelpu/strák
sem kann að syngja og dansa. Rest-
in er pródúseruð og stíliseruð. En
þannig er ekki farið með Mikjál.
Hann er rosalegur þar sem hann
fæst við alla þætti tónleikanna. Hann
er með aðstoðarmenn en hefur áhrif
á hvert einasta smáatriði. Ef einhver
hefur efni á að vera með hroka þá er
það væntanlega Mikjáll. Reglan er
að mun minni stjörnur þenja sig en
M.J. sýnir þvílíka auðmýkt, virðingu
og kurteisi að það hlýtur að vekja að-
dáun.
Hópur harðra aðdáenda hef-
ur opinberlega lýst yfir ósætti við
að það sjáist ekki í myndinni hvað
hann var orðinn veikur. Ég hef litl-
ar áhyggjur af því að það verði ekki
nóg af myndum sem munu fókusera
á það neikvæða við líf Michaels Jack-
son. Þessi mynd er ekki í þeim hópi.
Hinn þvílíki undirbúningur sem sést
hér á sér fáa líka. Við sjáum hinn
fjölmenna hóp fullkomna dans, ljós,
grafík, hljóð, brellur, tónlist og þar
fram eftir götunum. Fáum nasaþef af
því sem hefði ef til vill orðið flottasta
tónleikaupplifun sögunnar. En við
fáum nefnilega bara nasaþefinn. Við
fáum mikið runk en ekkert klímax.
Erpur Eyvindarson
mikið
runk,
Lítið kLí ax
Rosalegur „Hann er rosalegur
þar sem hann fæst við alla
þætti tónleikanna. Hann er með
aðstoðarmenn en hefur áhrif á
hvert einasta smáatriði.“
fókus 4. nóvember 2009 miðvikudagur 29
Hvað Heitir Lagið?
„Stríð, krakkar, er bara
byssuskot í burtu. Bara
byssuskot í burtu.“
Svar: Gimme Shelter með Rolling Stones.
Arnaldur Indriðason Lesið verður úr nýju bókinni hans á Súfistanum í kvöld, þó
ekki af höfundinum.
This is iT
heimildamynd
Leikstjóri: Kenny Ortega
kvikmyndir