Dagblaðið Vísir - DV - 04.11.2009, Blaðsíða 10
10 miðvikudagur 4. nóvember 2009 neytendur
Fjármagnaðu neysluna með yFirdrætti
Eyðsla á ári: 72.500 kr.
Á einu ári geturðu með hálfa milljón í yfirdrátt borgað bankanum 72.500
krónur í vexti, enda eru yfirdráttarlán á meðal óhagstæðustu lána sem völ
er á. Ef þú þarft að hækka yfirdráttinn sem vöxtunum nemur verður þú
orðinn gjaldþrota innan fárra ára. Líttu ávallt á heimildina á reikningnum
þínum sem eign og þá verður þú boðaður í „starfskynningu“ í héraðsdóm
áður en langt um líður.
Byrjaðu að reykja
Eyðsla á ári: 306.000 kr.
Taktu „smók“ hjá félögunum á djamminu og eigðu alltaf pakka, ef þig
skyldi langa í sígarettu. Tilfinningin til skemmri tíma þykir eftirsóknarverð
en á móti kemur að þú þarft ekki að borga skuldir þínar fram eftir öllu.
Reykingafólk er líka fólk, bara ekki eins lengi. Sá sem reykir pakka á dag
af algengum sígarettum greiðir 306.600 krónur á ári og verður fyrir miklu
fjárhagslegu og líkamlegu tjóni.
Farðu í helgarFerð á enska Boltann
Eyðsla: 100.000 kr.
Eftir hrun krónunnar hafa utanlandsferðir tvöfaldast í verði. Enski boltinn
er þar engin undantekning. Láttu ekki krepputal draga úr þér máttinn.
Helgarferð á leik í enska boltanum kostar hátt í 100.000 krónur með öllu,
eða um hálf sæmileg mánaðarlaun. Segðu upp áskriftinni að uppáhalds-
tímariti konunnar þinnar og slepptu því að klippa þig í eitt ár. Þá vantar
ekki mikið upp á.
Farðu Fínt út að Borða í hverri viku
Eyðsla á mánuði: 24.000 kr.
Hvers vegna ættirðu að borða núðlur þegar þú ert hvort eð er að verða
gjaldþrota? Stórsteikur á laugardögum lyfta helgunum á æðra plan
og veita manni lífsfyllingu. Það er ekkert grín að borða ódýran
og óspennandi mat þegar reikningarnir streyma inn um
bréfalúguna. Maður hreinlega verður að lyfta sér
upp annað veifið. Ekki gleyma rauðvíninu, til að
fullkomna ljúffenga steik. Færð hvort tveggja
á um sjö þúsund krónur.
sms-lán
Eyðsla á ári: 111.000 kr.
Smálán geta verið lykillinn að því að
komast í þrot. Ef þú ert með fullnýttan
yfirdrátt geturðu með einu SMS-skeyti
fengið lán upp á 40 þúsund krónur. Þér er
lánað í fimmtán daga en þarft að greiða 9.250
krónur að auki, þegar þú borgar til baka. Ef þú gerir
þetta í hverjum mánuði verður vaxtakostnaðurinn
111.000 krónur á ári. Enn meira ef þú getur svo ekki
borgað til baka.
kauptu hlutaBréF
Eyðsla: 957.000 kr.
Taktu áhættu með spariféð
og kauptu hlutabréf. Sá
sem átti hlutabréf fyrir
milljón krónur í Kaupþingi,
fyrir hrun, á ekki
krónu í dag.
Eftir á að
hyggja hefði verið skynsamlegra að kaupa bjór fyrir milljón en hlutabréf
í bönkunum. Sá hefði þá fengið 43 þúsund krónur fyrir að endurvinna
dósirnar. Sú upphæð hefði dugað fyrir einu partíi, eða svo.
taktu lán Fyrir nýjum Bíl
Eyðsla á ári: 1.200.000 kr.
Á hverjum degi greiðir þú að lágmarki 3.225 krónur fyrir það eitt að eiga
nýjan bíl sem kostar rétt rúmar 2 milljónir króna og er ekið 30 þúsund
kílómetra á ári. Rekstrarkostnaður við slíkt farartæki nemur 1,2 milljónum
króna á ári, fyrir utan afborganir af láninu! Það gera 100 þúsund á mánuði,
samkvæmt ársgömlum útreikningum FÍB. Kaup á nýjum bíl eru líkleg til
að hafa mikil áhrif á fjárhag þinn.
segðu upp vinnunni
Eyðsla: 100.000 kr.
Þú getur lækkað tekjur þínar snarlega með því að segja upp vinnunni
þinn og sækja um atvinnuleysisbætur. Þú finnur fljótt og vel fyrir tekju-
skerðingunni, sérstaklega þar sem þú færð engar bætur fyrstu vikurnar, ef
þú hefur sagt upp vinnunni þinni. Tekjuskerðingin getur hæglega numið
helmingi. Sá sem hafði 200 þúsund á mánuði getur auðveldlega lækkað
niður í 100 þúsund.
Fáðu þér nýjan Flatskjá
Eyðsla: 400.000 kr.
Nýr flatskjár er skilvirk og um leið skemmtileg aðferð til að setja fjarhag-
inn í uppnám. Veglegur 50 tommu flatskjár með öllu getur kostað um 400
þúsund krónur. Ef þú setur það rakleiðis á yfirdráttinn bætast allavega 12
prósent við upphæðina árlega. Þessi leið er afar skilvirk ef það er markmið
þitt að fara á hausinn. Það getur aftur á móti verið bráðskemmtilegt að
horfa á skjáinn, þar til að skuldadögum kemur.
ekki nota peninga
Eyðsla á mánuði: 20.000 kr.
Rannsóknir hafa sýnt að notkun greiðslukorta gerir það að verkum
að fólk eyðir meiri peningum. Varlega áætlað má reikna með
að þú eyðir 20 prósent meira ef þú notar bara greiðslukort.
Sá sem eyðir að jafnaði 100.000 krónum á mánuði getur
áreynslulaust aukið eyðsluna um 20 þúsund krónur
ef hann greiðir alltaf með korti. Ef þú leggur þig
fram við að handleika aldrei peninga, getur þú
á fáum mánuðum sneytt þig allri tilfinningu
fyrir eyðslunni. Forðastu heimabankann og
útibú bankanna eins og heitan eldinn og þú stefnir
hraðbyri til fjárhagslegrar glötunar.
taktu út sparnaðinn
Eyðsla á ári: 40.000 kr.
Ef þú tekur út einnar milljónar króna sparnað verður þú af
40 þúsund króna vaxtagreiðslum á ári, miðað við hóflega
verðtryggða vexti. Sumir kjósa að geyma peningana undir
koddanum eða í hanskahólfinu á bílnum en með því
móti eru þokkalegar líkur á því að þú verðir rændur.
ekki opna póstinn
Eyðsla: 500.000 kr.
Gluggapóstur er aldrei spennandi fyrir þá sem
skulda. Með því að hunsa pappírsflóðið geturðu
aukið skuldir þínar verulega. Milljón króna
skuld getur hæglega hækkað um 50 prósent
ef þú gætir þess að opna umslögin aldrei. Ef þér er annt um umhverfið
geturðu safnað þeim saman og sett í endurvinnslu.
tileFnislaus veisla
Eyðsla: 100.000 kr.
Sláðu upp veislu við minnsta tilefni og sláðu um þig með því að bjóða
upp á fríar veitingar. Kostnaður við mat og drykk í 50 manna veislu getur
hæglega numið 100.000 krónum. Upphæðin verður líklega mun hærri
ef leigja þarf sal. Ekki íþyngja vinum þínum með því að þiggja gjafir.
Afþakkaðu þær fyrir fram.
Farðu svangur út í Búð
Eyðsla á ári 72.000 kr.
Rannsóknir benda til að þeir sem gera innkaupin svangir kaupa að jafnaði
meira en þeir sem fara saddir í búðina. Ef við gefum okkur að sá sem
kaupir alltaf inn mat svangur kaupi að jafnaði um 10 prósent meira en
hinn saddi, og að matarinnkaupin nemi 60 þúsund krónum á mánuði,
nemur kostnaðurinn við það að fara svangur út í búð um 72.000 krónum
á ári. Svo er auðvitað spurning hvort þú kaupir óþarfa eða hvort þú
hendir jafnvel matnum sem þú keyptir aukalega.
aktu í vinnuna
Eyðsla á ári: 93.000 kr.
Sá sem ekur alltaf 10 kílómetra leið í vinnuna og sömu leið heim aftur,
ekur um 5.200 kílómetra á ári. Ef hann á bíl sem eyðir 10 lítrum á hundraði
nemur kostnaðurinn 93 þúsund krónum á ári, miðað við bensínverð í dag.
settu ísskápinn á kreditkortið
Eyðsla á ári: 458.000 kr.
Vertu sannur Íslendingur og kauptu það sem þig langar í, til dæmis
amerískan ísskáp með klakavél. Dragðu fram kreditkortið ef þú átt ekki
fyrir honum. Ef heimildin er ekki næg á kortinu (ísskápurinn kostar um
400.000) geturðu fengið að skipta greiðslum og borgað jafn háa vexti og
af yfirdráttarláni. Aukalegur kostnaður nemur við það 58 þúsund krónum
ef þú deilir á 12 mánuði, miðað við núverandi vexti. Ef þjónustufulltrúinn
þinn setur á sig snúð geturðu boðist til að flytja vanskil þín annað.
Vaxtakostnaður og vanskil eru yfirleitt góðar tekjulindir fyrir bankana.
láttu dæla Fyrir þig
Eyðsla á ári: 36.000 kr.
Um tíu krónum getur munað á því að kaupa bensín á sjálfsafgreiðslustöð
og þjónustustöð. Sá sem ekur 20 þúsund kílómetra á ári myndi spara 36
þúsund krónur á ári ef hann myndi dæla sjálfur. Það er hins vegar ekkert
gaman þegar veðrið er leiðinlegt, eins og yfirleitt á Íslandi. 36 þúsund
krónur er bara dropi í hafið. Láttu aðra dæla fyrir þig.
góð stund á goldFinger
Eyðsla á kvöldi: 30.000 kr.
Fyrst þú stefnir á annað borð á gjaldþrot er tilvalið að skella sér
á Goldfinger. Kunnugir segja að einkadans kosti um það bil
þúsund krónur á hverja mínútu. Það borgar sig ekki að fara
fyrir minna en hálftíma. Þannig geturðu á einni kvöldstund
eytt 30 þúsund krónum.
próFaðu FíknieFni
Eyðsla á mánuði: 465.000 kr.
Með því að nota til dæmis eitt gramm af kókaíni á
dag ertu ekki bara fljótur að eyðileggja heilsu þína.
Grammið er sagt kosta í kringum 15 þúsund
30 leiðir til að Fara á
Fáðu bíladellu eða veiðidellu, byrjaðu að reykja, kauptu jeppa,
hækkaðu yfirdráttinn, hættu að borga eða stefndu einhverjum
fyrir meiðyrði. Kauptu hlutabréf eða segðu upp vinnunni. Allt
þetta ættirðu að gera ef þú ert áfjáður í að verða gjaldþrota. DV tók saman þrjátíu óbrigðul ráð um það hvernig
maður steypir sjálfum sér í fjárhagslega glötun. Lítið á ráðin sem víti til varnaðar. umsjón: baldur guðmundsson