Dagblaðið Vísir - DV - 04.11.2009, Blaðsíða 9

fréttir 4. nóvember 2009 miðvikudagur 21
Minna greitt til
atvinnulausra
Vinnumálastofnun greiddi
rúmlega 1,6 milljarða króna
í atvinnuleysisbætur í byrjun
mánaðarins. Eru þetta greiðslur
til 13.100 einstaklinga. Upphæð-
in er þó nokkru minni en um
síðustu mánaðamót þegar rúmir
1,8 milljarðar króna voru greidd-
ir. Þá þáðu hins vegar mun fleiri
bætur, eða 15.324 einstakling-
ar, að því er fram kemur á vef
Vinnumálastofnunar.
Brutu rúðu í
þinghúsinu
Þrír voru handteknir um tvö
leytið í fyrrinótt eftir að hafa
brotið rúðu í Alþingishúsinu.
Um var að ræða tvö ungmenni
og einn fullorðinn. Að sögn
varðstjóra hjá lögreglunni á höf-
uðborgarsvæðinu gat fólkið ekki
gefið neinar haldbærar skýringar
á skemmdarfýsn sinni.
Félag í eigu eignarhaldsfélagsins
Materia Invest, sem aftur er í eigu
fjárfestanna Magnúsar Ármann, Þor-
steins M. Jónssonar og Kevins Stan-
ford, tapaði rúmlega 1.100 milljón-
um króna á framvirkum samningum
á árinu 2007. Þetta kemur fram í árs-
reikningi félagsins sem heitir Sól-
mon. Félagið hefur ekki skilað árs-
reikningi fyrir árið 2008. Magnús
Ármann var eini stjórnarmaður fé-
lagsins en samanlagt tap þess nam
2.200 milljónum króna árið 2007.
Í ársreikningnum er ekki tekið
fram í hvaða félagi Sólmon fjárfesti
með framvirku samningunum. DV
hefur ekki náð í Þorstein til að spyrja
hann út í það og Magnús Ármann er
búsettur í London – mjög erfitt er að
ná í hann.
Slíkir framvirkir samningar með
hlutabréf eru gjarnan gerðir til að
veðja á að hlutabréf í félagi hækki
eða lækki. Þá gerir eignarhaldsfélag
eða einstaklingur samning við lána-
stofnun um fjármögnun á hluta-
bréfakaupunum og um að gengið
verði eitthvað ákveðið á tilteknum
tíma. Ef lántakinn hefur rétt fyrir sér
getur hann innleyst mikinn hagnað í
lok samningstímans.
Hluthafar í FL Group
Aftur á móti verður að teljast nokk-
uð líklegt að Sólmon hafi veðjað á
hækkun hlutabréfa í FL Group á ár-
inu 2007. Ástæðan fyrir því að það er
líklegt er meðal annars sú að Mat-
eria Invest, móðurfélag Sólmons,
átti 11,5 prósenta hlut í FL Group og
Sólmon sjálft átti 2,3 prósenta hlut.
Bæði Þorsteinn og Magnús Ármann
sátu í stjórn FL Group en gengi hluta-
bréfa í félaginu lækkaði umtalsvert
síðla árs 2007. Þetta gæti skýrt tap
Sólmons á framvirkum samningum í
ársreikningnum en öll þau félög sem
gerðu slíka samninga með hlutabréf
í FL Group töpuðu á því á árinu 2007.
Eins hefur verið greint frá því í fjöl-
miðlum áður að Þorsteinn sjálfur
hafi átt 0,3 prósenta hlut í FL Group
í framvirkum samningum.
Stjórnarmenn með framvirka
samninga
DV greindi frá því í síðustu viku að
annar stjórnarmaður í FL Group,
Ingibjörg Pálmadóttir, hefði tapað
rúmum 315 milljónum króna árið
2007 með því að veðja á hækkun
hlutabréfa í FL Group á árinu 2007.
Ingibjörg var hluthafi í FL Group og
eiginkona helsta hluthafa og stjórn-
arformanns félagsins, Jóns Ásgeirs
Jóhannessonar. Þetta kemur fram í
ársreikningi eignarhaldsfélags Ingi-
bjargar, ISP.
Í ársreikningnum kemur fram að
skuldir ISP í hlutabréfaafleiðum hafi
verið nærri 1.230 milljónir króna í
árslok 2007 en að eignir félagsins
í hlutabréfaafleiðunum hafi verið
rúmar 911 milljónir króna.
Einnig hefur verið greint frá því
í DV að annar hluthafi í FL Group,
Þórður Már Jóhannesson fyrrverandi
forstjóri eignarhaldsfélagsins Gnúps,
hafi árið 2007 tapað 94 milljónum
króna á framvirkum samningum í
eignarhaldsfélaginu Kríu, sem hann
á með Bjarna Ármannssyni, á árinu
2007. Gnúpur var um tíma stærsti
hluthafi FL Group með meira en 20
prósenta hlut og Þórður átti 7 pró-
senta hlut í Gnúpi. DV hefur heim-
ildir fyrir því að framvirkir samning-
ar Kríu í Gnúpi hafi verið í bréfum FL
Group.
Hvorki Þórður Már né Bjarni hafa
viljað staðfesta eða neita í samtali við
DV að framvirkir samningar Kríu hafi
verið með hlutabréf í FL Group. Fyr-
irspurnin til Bjarna hefur verið ítrek-
uð.
Skattrannsóknarstjóri rannsak-
ar framvirka samninga
Athugun DV á ársreikningum þess-
ara aðila sem tengjast FL Group virð-
ist því benda til þess að þeir hafi bæði
átt hefðbundin hlutabréf í félaginu en
einnig bréf sem voru bundin í fram-
virkum samningum. Þeir veðjuðu því
á að hlutabréfin í eigin félagi myndu
hækka í verði. Áhættan sem þessir
einstaklingar tóku með þessum fjár-
festingum var því tvöföld ef svo má
segja. Þeir settu því gríðarlegt traust
á hækkun bréfa í FL Group.
Embætti skattrannsóknarstjóra
rannsakar nú slíka framvirka hluta-
bréfasamninga og einn-
ig framvirka gjald-
miðlaskiptasamninga, en með
slíkum samningum er hægt að veðja
á hækkun eða lækkun á gengi tiltek-
inna gjaldmiðla á tilteknu tímabili.
Þetta segir Bryndís Kristjánsdóttir
skattrannsóknarstjóri aðspurð hvort
embættið hafi rannsakað slíka fram-
virka samninga sérstaklega og hvort
löglega hafi verið staðið að þeim.
Rannsóknin nær nokkur ár aftur
í tímann og miðar að því að athuga
hvort fjármagnstekjuskatti hafi ver-
ið skilað af hagnaði þessara samn-
inga. „Það er verið að afla gagna frá
bönkunum um þessa samninga og
fara yfir þau. Meðal annars snýst at-
hugunin um hvort fjármagnstekju-
skatturinn af hagnaðinum af þess-
um samningum hafi skilað sér til
ríkisins,“ segir Bryndís en sérstak-
ur starfshópur, sem tók til starfa um
miðjan október, rannsakar þessi mál
nú fyrir embættið.
Bryndís segir að nokkur mál sem
tengjast slíkum framvirkum samn-
ingum séu nú þegar komin á rann-
sóknarstigið þar sem grunur leikur á
að refsiverð brot hafi verið framin.
Aðspurð hvort
framvirkir
samningar
með hluta-
bréf í FL
Group hafi
verið rann-
sakaðir sér-
staklega segir
Bryndís að hún
geti ekki rætt
um einstök
mál.
Töpuðu gríðarlega
á FL Group Félagarnir
Magnús Ármann og
Þorsteinn M. Jónsson
töpuðu báðir
gríðarlegum
fjármunum á FL
Group á árinu
2007, meðal
annars vegna
framvirkra
samninga
með bréf í
félaginu í
gegnum
eignar-
haldsfélagið
Sólmon.
Skattrannsóknarstjóri rannsakar nú framvirka gjaldeyrisskipta- og hlutabréfasamn-
inga frá árunum fyrir hrun. Grunur leikur á að fjármagnstekjuskattur hafi í ein-
hverjum tilfellum ekki verið greiddur af samningunum. Nokkrir aðstandendur FL
Group voru bæði hluthafar og veðjuðu á hækkandi gengi bréfa í félaginu.
TÖPUÐU RÚMUM MILLJARÐI
Á FRAMVIRKUM SAMNINGUM
InGI F. VILHjáLmSSon
blaðamaður skrifar ingi@dv.is
„Það er verið að afla
gagna frá bönkunum
um þessa samninga og
fara fyrir yfir þau.“
FL Group í öldudal Jón Sigurðsson
tók við sem forstjóri FL Group af
Hannesi Smárasyni í desember árið
2007 eftir að rekstur félagsins hafði
gengið illa á því ári. Félagið skilaði
tugmilljarða tapi og hluthafarnir
töpuðu miklum fjármunum því
gengi hlutabréfanna lækkaði nokkuð
og framvirkir hlutabréfasamningar
þeirra með FL-bréf skiluðu tapi.
Skattamáli Jóns
Ásgeirs frestað
Aðalmeðferð í skattamáli ríkis-
lögreglustjóra gegn Jóni Ásgeir
Jóhannessyni, Kristínu Jó-
hannesdóttur og Tryggva Jóns-
syni hefur verið frestað þar til
eftir áramót. Málið var á dag-
skrá í Héraðsdómi Reykjavíkur
í fyrradag en var frestað þar til í
gær og nú þar til eftir áramót.
Málið snýst um skattamál
systkinanna Jóns Ásgeirs og
Kristínar, barna Jóhannesar
Jónssonar í Bónus, og Tryggva
Jónssonar, fyrrverandi forstjóra
Baugs.
Skattrannsóknastjóri vísaði
máli þeirra til ríkislögreglu-
stjóra á sínum tíma eftir að
hafa rannsakað málið.
Ekkert að frétta
Lögreglan á Suðurnesjum verst
enn fimlega frétta í mansals-
málinu og gefur ekkert upp um
gang rannsóknarinnar. Hún er
enn með til rannsóknar grun-
semdir um mansal, fjársvik,
tryggingasvik, nauðungarvinnu
og íkveikjur. Gæsluvarðhald
yfir sexmenningunum, fimm
Litháum og einum Íslendingi,
rennur út síðdegis í dag og þá
kemur í ljós hvort krafist verð-
ur áframhaldandi gæsluvarð-
halds eða hvort ákærur verði
gefnar út.