Árbók Hins íslenzka fornleifafélags - 01.01.2010, Blaðsíða 104

SKAGFIRSKA KIRKJURANNSÓKNIN 103
verið af lögð, því hennar er ekki getið þegar jörðin var seld um eða fyrir
árið 1406.18 Bænhús var reist þar síðar og segir um það í Jarðabók Árna
Magnússonar og Páls Vídalín; „Hjer er bænhús og tíðir veittar af prestinum
á Glaumbæ, þegar heimamenn eru til sacramentis“.19 Bænhússins er einnig
getið í sóknarlýsingu á 19. öld en þar segir að enn sjáist aurmál þess
sunnanvert við bæinn.20 Síðar var kirkjunni breytt í hesthús sem stóð
fram á 20. öld. Kirkjan stóð á hóli er kallaður var Kirkjuhóll og sunnan
og austan við hann var kirkjugarðurinn.21
Síðastliðin ár hafa umfangsmiklar fornleifarannsóknir farið fram á Seylu
í tengslum við jarðsjár- og fornleifarannsóknir bandarískra sérfræðinga á
vegum Bostonháskóla (Skagafjörður Archaeological Settlement Survey/
SASS). Hefur rannsóknin að stórum hluta farið fram á svæðinu frá
Sauðárkróki að Varmahlíð, einkum á Langholti, og hefur töluverð ný
vitneskja bæst við um elstu byggð þar. Til að mynda hafa fundist áður
óþekkt bæjarstæði frá 10.-11. öld í Glaumbæ og á Seylu. Á Seylu fundust
umfangsmiklar fornleifar í sléttuðu túni undir brekku neðan við þann stað
þar sem bærinn stóð fram yfir miðja 20. öld. Engar heimildir eru til um
Mynd 4. Jarðsjármynd sem sýnir hringlaga kirkjugarðsvegg á Stóru-Seylu, Langholti og út -
línur lítillar kirkjubyggingar í miðju garðsins. Birt með leyfi Dr. Brian Damiata.