Breiðfirðingur - 01.04.1997, Page 171

STARF BREIÐFIRÐINGAFÉLAGSINS
169
Kjörnefnd skipuð þannig: Sigvaldi Þorsteinsson, Halldór
Guðjónsson og Eggert Kristmundsson.
Félagsgjald fyrir næsta ár kr. 800.
A næsta ári verða tímamót hjá félaginu en þá eru liðin
sextíu ár frá stofnun þess. Mikill og góður félagsandi hefur
ríkt allt frá upphafi og margir hafa lagt félaginu lið til þess að
sem bestur árangur næðist. Oft hafa markmiðin verið stór sem
sett hafa verið og ávallt skilað sér sem til var ætlast. Markmið
okkar nú er að stækka hópinn þ.e.a.s. fá fleiri Breiðfirðinga til
þess að ganga í félagið og reyna að efla það enn meir. Því fer
ég þess á leit við félagana nú að allir leggist á eitt um að skrá
nýja félaga inn. Innritunareyðublöð liggja alltaf frammi í Breið-
firðingabúð. Markmiðið er að félagarnir verði sex hundruð á
sextíu ára afmælinu. Á síðasta ári gengu inn 29 nýir félagar,
góðar fréttir það. Ég vil þakka þeim fjölmörgu sem vinna vel
og dyggilega fyrir félagið svo allt það sem við ætlum okkur að
gera geti heppnast sem best og að hinn almenni félagi finni í
dagskrá okkar eitthvað við sitt hæfi og eigi þar góðar stundir.
Félagar góðir! Þið eruð ávallt velkomnir í Búðina, hvort heldur
sem er til starfs eða leiks. Að lokum þakka ég félögum og
velunnurum samstarfið á liðnu starfsári.
Sveinn Sigurjónsson, formaður