Litli Bergþór - 01.07.2014, Blaðsíða 7
Litli-Bergþór 7
Veiðifélagi Hvítárvatns um 1987 og er í eigu þess.
Var það Guðni Lýðsson sem byggði þann skála með
aðstoð áhugamanna.
Sjálf byggðum við síðan Skálann í Myrkholti sem er
gistiheimili með eldunaraðstöðu fyrir 38 manns og var
hann vígður árið 2009.
Árið 2011 byggðum við veitinga- og söluskála við
Árbúðir, sem nefndur er Hrefnubúð og var hún
vígð 2012, og sama ár tókum við einnig á leigu
reksturinn í Hólaskógi af sveitarfélaginu Skeiða-
og Gnúpverjahreppi. En það er sæluhús á afrétti
Skeiðamanna og Gnúpverja, milli Búrfells- og
Sultartangavirkjana, með gistirými fyrir 67 manns.
Reksturinn hefur því stækkað jafnt og þétt og er
samanlagt gistirými nú fyrir um 207 manns. Auk þess
er hægt að bæta við a.m.k. 20 dýnum. Tímabilið er líka
að lengjast, byrjar þegar vegur opnast um miðjan júní
eða fyrr og í ár er bókað út ágúst. Árbúðir opna fyrst
af skálunum og í fyrra seldum við til dæmis fullan pott
af kétsúpu fyrsta daginn sem opnaði, traffíkin var svo
mikil.
Við höfum orðið vör við mikla aukningu, sérstaklega í
Árbúðum eftir að kaffistofan Hrefnubúð opnaði. Fólki
finnst gott að koma inn í hlýjuna og geta keypt sér
kaffi eða kakó og kleinur og ástarpunga með, eða þá
bara ölglas. Þá eru lopapeysurnar líka mjög vinsælar.
Það er stundum kalt og fólk hefur gaman af að geta
keypt sér fallega flík á svona ólíklegum stað. Fyrir utan
það sem ég prjóna sjálf, segir Vilborg, fæ ég peysur
frá konum héðan úr sveitinni og að norðan. - Á stól í
stofunni liggur bunki af lopapeysum og aðspurð segist
Vilborg hafa prjónað þær allar. Ætli ég sé ekki búin
að prjóna hátt í 30 lopapeysur frá áramótum segir hún!
Fólki finnst líka varið í að fá upplýsingar um konuna
sem prjónaði peysuna sem það er að kaupa, það gerir
kaupin miklu persónulegri.
Það var kona að leysa mig af í viku í Hólaskógi í
fyrra og gekk þar um í lopapilsi og gúmmístígvélum.
Útlensk kona, sem var þar á ferðinni, varð svo hrifin
af pilsinu að hún linnti ekki látum fyrr en varðkonan
fór úr pilsinu og seldi henni það! – Annað skemmtilegt
tilvik var þegar austurrísk listakona kom inn í Árbúðir
og fann draumaflíkina sína þar í Hrefnubúð, lopakápu
sem ég prjónaði. Hún smellpassaði svona líka, svo
hún varð að kaupa hana!
Mestu viðskiptin eru samt þegar kerlingarnar fara að
finna á sér, segir Loftur og glottir. Þá getur komið upp
múgæsing í hópnum og þá er allt keypt!
Hvernig þjónustu veitið þið?
Við seljum gistingu í skálana og þjónustum alla
sem koma. Erum með heysölu fyrir hestamenn og
sjáum um allt viðhald á húsum og hestagerðum. Við
förum yfir og þrífum skálana og klósettin og sköffum
klósettpappír og hirðum rusl. Fólk gengur betur um
ef húsin eru hrein og snyrtileg og þrífur þá betur
sjálft. Við getum ekki sagt annað en að það sé góð
umgengni í húsunum á sumrin og undantekning að
Viðtal:
Geirþrúður Sighvatsdóttir
Fremstaver.