Litli Bergþór - 01.07.2014, Blaðsíða 21

Litli-Bergþór 21
Aðalfundur Lionsklúbbsins Geysis í Biskupstungum, sem haldinn var hinn 21. maí 2014, samþykkti tvær
eftirfarandi ályktanir:
Ályktun um velferðarmál. Ályktunin hefur verið send sveitarstjórn Bláskógabyggðar.
Lionsklúbburinn Geysir tekur undir með félögum sem undanfarið hafa ályktað um nauðsyn þess að komið
verði á stofn hjúkrunar- og dvalarheimili í Laugarási. Það blasir við að þörf fyrir svona heimili er mikil
og vaxandi, en lasburða fólk er nú flutt úr sínum heimahögum hér í uppsveitunum, til annara byggðarlaga,
sem búa betur að sínum skjólstæðingum. Æskileg stærð væri fyrir 16 til 24 vistmenn. Í Laugarási er
öll grunnaðstaða fyrir hendi, þar sem er heilsugæslustöðin með starfandi læknum, hjúkrunarfólki og
félagsþjónustu. Þar er meira að segja tilbúin fín lóð fyrir slíkt heimili. Félagsmenn í Lionsklúbbnum
Geysi skora á sveitarstjórnamenn í Laugaráslæknishéraði að beita sér fyrir að stofnsett verði hjúkrunar
og dvalarheimili í Laugarási.
Ályktun um samfélagsmál. Ályktunin hefur verið send biskupi Íslands.
Félagsmenn í Lionsklúbbnum Geysi fagna þeirri miklu umræðu sem verið hefur að undanförnu um málefni
Skálholts, þótt margt hafi þar verið með öðrum hætti en heimamenn kysu. Skálholt er sunnlendingum
mjög mikilvægur staður, bæði af sögulegum ástæðum, og líka af praktískum ástæðum í nútíð og framtíð.
Því förum við þess vinsamlega á leit við biskup og kirkjuráð að hafa náið samráð við sóknarnefnd
Skálholtssóknar, og sveitarstjórnir Bláskógabyggðar og nágrannasveitarfélaga, þegar ráðum er ráðið
varðandi starfsemi, rekstur og stjórnunarhætti í Skálholti.
Lionsklúbburinn Geysir lýsir yfir fullum stuðningi við vígslubiskupinn í Skálholti enda hefur hann, fyrr og
síðar borið hagsmuni Skálholts mjög fyrir brjósti, bæði sem sjálfstæðs staðar og sem þýðingarmikils hluta
af samfélagi og byggðum uppsveitanna og landsins alls.
Örn Erlendsson, fráfarandi formaður Lionsklúbbsins Geysis.
og dvalarheimili í Laugaráslæknishéraði. Hin var
hvatning til biskups Íslands og kirkjuráðs varðandi
Skálholtsstað. Þessar ályktanir má lesa á öðrum stað
í blaðinu.
Sá ánægjulegi áfangi varð í starfi Lionsklúbbsins
Geysis á starfsárinu að af klúbbnum varð til
nýr klúbbur, Lionsklúbburinn Dynkur í Skeiða-
og Gnúpverjahreppi, með 35 félaga. Við og
Lionshreyfingin öll býður þennan glæsilega hóp
velkominn í sínar raðir og óskar honum allra heilla.
Lionsmenn í Biskupstungum horfa
bjartsýnir fram í tímann. Ný, öflug og
kraftmikil stjórn er tekin við, með nýjar
áherslur en sömu markmið. Nýju stjórnina
skipa:
Kristófer Tómasson, frá Helludal,
formaður.
Guðmundur Ingólfsson, Iðu, varaformaður.
Helgi Guðmundsson, Hrosshaga, ritari.
Snorri Guðjónsson, Tjörn, gjaldkeri.
Örn Erlendsson, fráfarandi formaður.
Fráfarandi stjórn og nýja stjórnin. F.v. Hallgrímur Magnús-
son, Örn Erlendsson, Sveinn A. Sæland, Kristófer Tóm-
asson, Snorri Guðjónsson og Helgi Guðmundsson.
Á myndina vantar myndasmiðinn Guðmund Ingólfsson.
Guðríður Valgeirsdóttir tekur við, f.h. sjúkraflutninga-
manna í Árnessýslu, gjöf til hjartastuðtækis úr hendi
Arnar Erlendssonar.
Ljósmyndari Guðmundur Ingólfsson.