Litli Bergþór - 01.07.2014, Blaðsíða 11

Litli-Bergþór 11
verði viðsnúningur í því. Í
Fremstaveri hefur komið fyrir
að fólk skilur ruslið eftir úti
þegar það fer, sem er sérlega
bagalegt, þar sem enginn fastur
vörður er þar. Það fýkur þá, eða
dýr fara í það. Yfir hásumarið
þjónustum við því skálann þar
hér heiman að, oft á hverjum
degi. Því miður hefur eitthvað
verið um að fólk notfæri sér
það að fara í opið húsið og
nota gas og pappír án þess
að greiða fyrir. Og í fyrra var
brotist þar inn og öllu stolið. Það hefur líka tvisvar
verið brotist inn í Gíslaskála. En þetta er svona
bakhliðin á þessum rekstri.
Á veturna er Loftur oft á ferðinni í eftirliti og ef
húsin eru leigð þarf hann að fara vegna rafstöðvar
o.fl. Það hefur t.d. verið vinsælt að halda
þorrablót í Gíslaskála. Eitthvað er um að hópar
komi óvænt, sem þarf að sinna. En það er nær
undantekningarlaust gengið vel um. Hrefnubúð er
matsölustaður og þess vegna má ekki leigja hana
undir einkasamkvæmi og Árbúðarhúsið er orðið
gamalt og þar er ekki rafstöð, svo þau hús eru lítið
notuð á veturna.
Í heildina verðum við að segja að samskiptin við
ferðafólkið eru ánægjuleg og gefandi segja þessi
starfssömu hjón, sem greinilega
fellur aldrei verk úr hendi.
Þess má geta að Vilborg
opnaði um mánaðamótin maí
– júní Ullarmarkað heima í
Myrkholti þar sem lopapeysur
og fleira er til sölu.
Það var fróðlegt og skemmti-
legt að heyra um þessa
góðu þjónustu við ferðafólk
á hálendinu og heima í
Myrkholti. Óskar Litli-Bergþór
þeim hjónum Vilborgu og Lofti
áframhaldandi góðs gengis í
rekstri sínum og þakkar fyrir
sig.
Geirþrúður Sighvatsdóttir.
Lopapeysumarkaður í Myrkholti.
Sonardætur þeirra Vilborgar og Lofts í lopapeysum frá
ömmu sinni, Vilborg Eva, Ester Lilja og Stefanía Malen
Guðmundsdætur.