Tímarit Máls og menningar - 01.05.2002, Blaðsíða 20

Vigfús Geirdal
Tangó Argentínó
Heitar ástríður, frelsisbarátta og
hin svarta saga nýlendustefnunnar
Argentínskur tangó er tregasöngur heillar
heimsálfu. Hann er ferð Ódiseifs gegnum ótelj-
andi raunir, helför tugmilljóna manna. Hann
segir frá rótlausu fólki, draumum sem urðu að
martröð. Hann birtir í senn þrá eftir óheftu frelsi
og viðleitni til að hemja þessa frelsislöngun. I
tangó er ekkert sem sýnist. Sá sem á yfirborð-
inu hefur völdin hefur þau ekki. Sú sem er und-
irgefin stýrir í raun ...
Eitthvað á þessa leið komst chilensk vinkona
mín í Lundi í Svíþjóð eitt sinn að orði þegar hún
reyndi árangurslaust að vekja áhuga minn á að
dansa tangó.
i sjálfu sér hefði ég svo gjarnan viljað geta
dansað tangó. Það var bara eitt í veginum. Mér
var ómögulegt að sjá mig, heldur luralegan ís-
lending, sýna það machismó sem sæmdi góð-
um tangódansara.
Orð hennar um inntak þessa dulmagnaða
dans hafa engu að síður leitað á mig allar götur
síðan.
Þegar hnattveeðingin byrjaði
Þetta byrjaði allt saman árið 1492. Fólkið flykkt-
ist hálfnakið niður að ströndinni til að fagna
bleiknefjunum sem komu á þessum undarlegu
og stóru fleytum. Eftirá skrifaði foringi komu-
manna, Kristófer Kólumbus, meðal annars svo
um þennan atburð í dagbók sína:
Þeir... færðu okkur páfagauka og baðmullar-
hnykla og spjót og fjölmarga aðra hluti, sem
þeir létu í skiptum fyrir glerperlur og skjald-
bökuskeljar. Þeir vildu glaðir skipta öllu sem
þeir áttu.... Þeir voru vel vaxnir, fagurlimaðir og
fríðir sýnum. ... Þeir bera ekki vopn og þekkja
þau ekki, því að ég sýndi þeim sverð, þeir tóku
í fávísi sinni utan um egg þess og skáru sig.
Þeir þekkja ekki járn. Spjót þeirra eru gerð úr
reirstöngum ... Þeir yrðu góðir þrælar. ... Þótt
við værum aðeins fimmtíu talsins þá gátum við
hæglega yfirbugað þá alla og látið þá gera hvað
sem við vildum.1
Þrælar og svo gull voru Kólumbusi efst í
huga þegar hann steig á land og var boðinn vel-
kominn af vinsamlegu fólki sem var þeim Kól-
umbusi jafn framandi og þeir voru því. Svona
hófst heimssagan.