Bókasafnið - 01.01.2002, Blaðsíða 49
Kristín Björgvinsdóttir og Þórdís T. Þórarinsdóttir
Þj ónustumælingar
í framhaldsskólum
Samanbwður á bókasafns- og upplýsingamiðstöðvum Fjölbrautaskólans við Ármúla, Kvenna-
skólans í Reykjavík og Menntaskólans uið Sund. Könnun lögðfyrir úrtak nemenda vikuna 3. - 7.
apríl 2000.
Bókasafns- og upplýsingafrœðingar skólanna, þær Kristín Björgvinsdóttir, Ragna Guðmundsdótt-
ir, Svanhildur Agnarsdóttir og Þórdís T. Þórarinsdóttir, sömdu spurningalista og framkvœmdu
könnunina. Björgvin Sigurðsson vann netútgáfu spurningalistans og vélræna samantekt niður-
staðna. Umsjónarmaður verkefnisins var Þórdís T. Þórarinsdóttir.
Greinin byggist á skýrslu ofangreindra bókasafns- og upplýsingafrœðinga um könnunina og
niðurstöður hennar. Spurningalistinn er birtur aftan uið greinina.
Inngangur
Haustið 1998 hófu Fjölbrautaskólinn við Ármúla (FÁ),
Kvennaskólinn í Reykjavík (Kvennaskólinn) og
Menntaskólinn við Sund (MS) skipulegt samstarf sín
á milli. Einstakir faghópar skólanna funduðu og báru
saman starfsemi, starfshætti og þjónustu skólanna.
Starfsfólk bókasafns- og upplýsingamiðstöðvanna
skilaði meðal annars samanburðarskýrslu um stærð
safnanna, fjárveitingar, afgreiðslutíma, safnkost, út-
lán og millisafnalán, búnað á söfnunum og þjónustu
þeirra. í framhaldi af þeirri vinnu vaknaði áhugi á að
standa saman að frekari samræmdum mælingum á
þjónustunni og leggja viðhorfskönnun fyrir notendur
til að bera saman starfsemina á breiðari grunni.
Samstarfsaðilar sóttu um styrk til menntamála-
ráðuneytisins til að gera þjónustumælingar á bóka-
safns- og upplýsingamiðstöðvum skólanna. Ráðuneyt-
ið veitti styrk úr Þróunarsjóði framhaldsskóla til verksins.
Markmið
Eitt af aðalmarkmiðum með gerð þjónustukönnunar
er að komast að því hvaða þjónusta er veitt og hvort
hún uppfyllir þarfir og óskir notenda.
Góð þjónusta er mikilvægur þáttur í starfsemi
stofnana og fyrirtækja. Pjónustumat og eftirlit þarf
því að fara fram nokkuð reglulega til að sýna hvort
þjónustumarkmiðum sé náð.
Sá sem mótar og veitir þjónustu á ekki auðvelt
með að meta hana sjálfur. Algengt er því að fá aðra til
að meta, til dæmis þá sem nota þessa þjónustu. Því
var valin sú leið að leggja könnun fyrir úrtak nem-
enda í öllum skólunum.
Bókasafns- og upplýsingafræðingum skólanna er
mikið í mun að fýlgjast með hversu vel söfn þeirra
uppfylla þarfir og óskir notenda, sem og að safna
upplýsingum til að nota við áætlanagerð og ákvarð-
anatöku. Ætla má að starfsemi bókasafns- og upp-
lýsingamiðstöðvar framhaldsskóla í Reykjavík sé af-
mörkuð og því auðvelt að meta hana. Notendakann-
anir þarf samt að gera reglulega ásamt því að mark-
mið og leiðir bókasafns- og upplýsingamiðstöðvar-
innar séu endurskoðuð.
Könnun á viðhorfi nemenda til þjónustu bókasafns-
og upplýsingamiðstöðva skólanna þriggja á að sýna
hvort og þá hvernig nemendur nýta sér starfsemi og
búnað miðstöðvanna, hvernig nemendur meta þjón-
ustuna og hvað þeir leggja til að gert verði til að bæta
hana. Jafnframt eiga niðurstöður könnunarinnar að
auðvelda samanburð á starfsemi bókasafns- og upp-
lýsingamiðstöðva þriggja ekki mjög ólíkra framhalds-
skóla nú og í framtíðinni. Slík samanburðarrannsókn
hefur ekki verið gerð áður hér á landi svo vitað sé en
gerðar hafa verið athuganir á aðstöðu, búnaði, hús-
næði, fjárveitingum, safnkosti og fjölda starfsmanna
bókasafna í framhaldsskólum.1
Lýsing á verkefninu,
skipulagi þess og framkvæmd
Bókasafns- og upplýsingafræðingar skólanna þriggja
hófu undirbúninginn á því að sækja námskeiðið Þjón-
ustugceði og mœlingar sem haldið var á vegum Endur-
menntunarstofnunar Háskóla íslands í samstarfi við
Félag bókasafnsfrœðinga dagana 12. og 13. apríl 1999.
BÓKASAFNIÐ 26. ARG. 2002
47