Bókasafnið - 01.01.2002, Blaðsíða 54

vinsælt hjá nemendum og þykir þeim ef til vill of
mikil fyrirhöfn að notfæra sér það.
Aðstoð starfsfólks bókasafns- og upplýsingamið-
stöðva reyndist nægileg að mati um 68% nemenda og
var lítill munur á skólunum hvað þetta snertir. í MS
og FÁ töldu um 10% nemenda að þjónusta starfsfólks
væri of lítil en tæplega 6% nemenda Kvennaskólans
voru þeirrar skoðunar eins og fram kemur á mynd 9.
Eins og fram kemur á mynd 10 taldi mikill meiri-
hluti nemenda bókasafns- og upplýsingamiðstöð skól-
ans mjög mikilvæga eða frekar mikilvæga, eða um 77%,
og er það hvatning til bókasafns- og upplýsingafræð-
inga að halda áfram að standa vörð um að ekki verði
dregið úr þjónustu safnanna á niðurskurðartímum.
Mynd 9
(17. sp. - aðstoð starfsfólks bókasafns- og
upplýsingamiðstöðvar skólans)
Mjög Frekar Ekki Veit ekki Svara
mikilvægt mikilvægt mikilvægt ekki
■ FÁ ■ Kvennask. ■ MS
Spurt var um vinnuumhverfi, bókakost og aðstöðu
á bókasöfnum skólanna. Söfnin eiga það öll sam-
eiginlegt að þau búa við mikil þrengsli.
Um 70% nemenda töldu bókakost safnanna góðan
eða sæmilega góðan. Nemendur skólanna reyndust
einnig nokkuð ánægðir með aðgengi að safngögnum,
lýsingu og umgengni.
Um 70% nemenda FÁ taldi vinnurými gott eða
sæmilega gott, um 75% nemenda í Kvennaskólanum
taldi það sæmilegt eða lélegt og 77% nemenda í MS
taldi vinnurýmið sæmilegt eða lélegt.
Um 80% nemenda FÁ taldi vinnufrið góðan eða
sæmilega góðan, 77% nemenda í MS taldi vinnufrið
sæmilegan eða lélegan og um 70% nemenda í
Kvennaskólanum var sama sinnis.
Húsgögnin fengu ekki góða dóma. í MS töldu um 70%
nemenda borð sæmileg eða léleg og um 76% töldu stóla
sæmilega eða lélega. 68% nemenda Kvennaskólans töldu
borð sæmileg eða léleg og um 66% töldu stóla sæmilega
eða lélega. Um 67% nemenda FÁ töldu borð góð eða
sæmileg og um 77% töldu stóla sæmilega eða lélega.
Um 56% nemenda MS og Kvennaskólans og um
37% nemenda FÁ töldu aðgang að skanna sæmilega
góðan eða lélegan. Um 51% nemenda FÁ töldu aðgang
að tölvum sæmilega góðan eða lélegan og um 77%
nemenda Kvennaskólans og MS voru sama sinnis.
Fátt kemur á óvart í umsögnum nemenda skólanna
um vinnuaðstöðu þeirra á bókasafns- og upplýsinga-
miðstöðvunum. Helst er lýst yfir óánægju með þrengsli,
loftræsbngu og aðgang að tölvum, skanna og þess
háttar. Enn fremur er almenn óánægja með húsbúnað
en oft er húsbúnaður á bókasafns- og upplýsingamið-
stöðvum framhaldsskólanna látinn mæta afgangi.
Athyglisvert er hve nemendur FÁ eru ánægðari en
nemendur Kvennaskólans og MS með vinnufrið og
vinnurými. í Kvennaskólanum og MS höfðu einmitt
um 18% nemenda sagst koma á safnið til að hitta
félagana sem kann að valda nokkrum óróa á söfnun-
um en nemendur treysta sér almennt ekki til að
þagga niður í félögunum. Það vekur upp þá spurningu
hvort að öllu leyti sé jákvætt að bókasöfn- og upp-
lýsingamiðstöðvar framhaldsskóla séu miðsvæðis í
skólunum þar sem það virðist fjölga heimsóknum
þeirra sem ekki eiga þangað beint erindi.
Nemendur voru beðnir að forgangsraða níu atrið-
um sem þeir töldu að helst vantaði á söfnin. í öllum
skólunum settu flestir stærra húsnæði í fyrsta sæti,
fleiri lesbása í annað sæti og betri aðgang að tölvum í
það þriðja. í fjórða til áttunda sæti settu nemendur
fleiri bækur, betri hópvinnuaðstöðu, fleiri tímarit,
myndbönd og margmiðlunarefni. Þetta vekur athygli
þar sem aðeins um 3% sögðust hafa leitað upplýsinga
á margmiðlunardiskum. í níunda og neðsta sæti settu
flestir meiri aðstoð við heimildaöflun svo ánægja
virðist ríkja með þjónustu starfsmanna safnanna.
Af framansögðu má ráða að brýnt er að betrum-
bæta húsnæði safnanna og bæta vinnuaðstöðu. Sér-
staklega er brýnt að bæta lesaðstöðu og efla tölvukost
og einnig þarf að bæta hópvinnuaðstöðu og úrval
safngagna. Nemendur FÁ reyndust heldur ánægðari
með húsnæði bókasafnsins en nemendur Kvenna-
skólans og MS enda er það heldur stærra eða 196 m2
(4,3 nem. á m2) en 140 m2 (5,6 nem. á m2) í MS og 96 m_
(5,6 nem. á m2) í Kvennaskólanum.
Þegar spurt var um afgreiðslutíma safnanna kom í
ljós, eins kom fram kemur á mynd 11, að samdóma
álit um 56% nemenda í öllum skólunum er að af-
greiðslutími bókasafnanna væri hæfilega langur en
aftur á móti töldu um 19% aðspurðra hann of stuttan.
í reynd er afgreiðslutími bókasafns FÁ 42 klst. á
viku, MS 43 klst. og Kvennaskólans 48 klst. en ekki
virðist vera fylgni milli lengdar afgreiðslutíma og
hvað nemendum finnst um lengd hans.
52
BÓKASAFNIÐ 26. ÁRG. 2002