Tíminn - 20.12.1961, Síða 8

Víðast dauft yfir sjósókn
Að undanskildum síldveiðunum
við Suðvesturland hefur verið
fremur dauf sjósókn um land allt
að undanförnu. Þó var róið frá
Vestfjörðum alla daga fyrri viku
og góður afli á línu. Hafa bátar
þar haft frá 7—11 tonn í róðri,
þegar sótt hefur verið á djúpmið,
en nokkru minni afla hefur verið
að fá á grunnmiðum.
Á Austfjörðum hefur sjór lítið
verið stundaður í mánuðinum, en
hins vegar verið sæmilegur fiskur,
þegar á sjó hefur gefið. Talsverðs
fisks varð vart inni á fjörðum,
einkum Reyðarfirði, Mjóafirði og
Seyðisfirði og eins var lóðað á smá-
síld, en hún reyndist svo lítil, að
ekki voru tök á að veiða hana. Eins
og að undanförnu munu allmargir
Austfjarðabátar sækja vertíð á
Suðurlandi, einkum Norðfirðingar
og Seyðfirðingar, en að minnsta
kosti þrír stórir bátar frá Norðfirði
verða gerðir út að heiman, Hafald-
an, Hafþór og Stefán Ben.
í Vestmannaeyjum hefur dregið
úr sjósókn, og er aðallega unnið
að undirbúningi vetrarvertíðar,
margir bátar í slipp til viðgerða og
viðhalds. Nokkrir bátar hafa þó
stundað línuveiðar og togveiðar,
og svipaður bátafjöldi og verið
hefur er á slldveiðum í Faxaflóa.
Svipaða sögu er að segja af
Norðurlandi. Þar hefur dregið
mjög úr sjósókn, en afli víðast
hvar sæmilegur, ef gæftir leyfa:
Um fiskvmnslunám
Sölumiðstöð hraðfrystihúsanna
hefur í haust gengizt fyrir all
mörgum námskeiðum fyrir verk-
stjóra og eftirlitsfólk í fiskvinnslu
•stöðvum innan vébanda síölumið-
stöðvarinnar. Hafa verið haldin
til þessa námskeið í öllum lands-
fjórðungum nema Norðurlandi,
en þar var námskeið fyrirhugað
á Akureyri í lok októbermánaðar.
Þótt námskeið þessi standi mjög
stutt,- þá er það einróma álit
kunnugra manna, að þau ger'i mik
ið gagn. Er lögð sérstök áheTzla |
á að kenna starfsfólkinu rétt tök
á meðferð og nýtingu fisksins
m.a. með fyrirlestrum og kvik-l
myndasýningum.
Viðleitni Sölumiðstöðvarinnar i
til þess að þjálfa starfsfólk sitt
og auka vöruvöndun í hraðfrysti-
húsum ber sannarlega að virða.
Eru námskeið þessi því allra
góðra gjalda verð og hin mesta
framför frá þvr sem áður var.
Hinu er ekki að leyna, að þessi
mál verða ekki leyst svo viðhlít-
andi sé, án þess að meira komi
til, og ber brýna nauðsyn til þess
að komið verði upp sérstökum
skóla, sem hafi það hlutverk, að
mennta verkstjóra í fiskiðnaðin-
um, fiskmatsmenn og að'ra þá, sem
vöruvöndun fiskafurða ber undir.
Ég bar fram tillögu um þetta á
Alþingi á sínum tíma ásamt íleir-
um, en því miður náði málið ekki
fram að gamga, þótt það vekti tals
verffa athygli áhugamanna á þessu
sviði, þ.á.m. forráðamanna Sölu-
miðstöðvar hraðfrystihúsanna, og
þykir mér því ekki ósennilegt, að
það verði fyrr eða síðar að veru-
leika, ekki sízt þar sem áhugi j
hraðfrystihúseigenda á málinu erj
þegar vakinn og á væntanlega eft
ir að vaxa, enda málið þess eðlis.
Ingvar Gíslason. l
Engin síldveiði er nú á Eyjafirði
eins og áður hefur verið sagt frá á
Sjávarsíðunni, stóð aðeins 2—3
vikur í október.
Kaupa Færeyingar
1500 tonna skut-
togara?
Útgerðarfélög í Þórshöfn í Fær
eyjum, þ.á.m. Kjölbro-fyrirtækið,
eru að kanna möguleika á því að
fá smíðaðan stóran verksmiðjutog
ara í Þýzkalandi. Getur komið til
mála, segir í norska blaðinu Fisk
aren, að smíðaður verði allt að
1500 lesta togari, sem kosta
mundi 8—9 millj. (danskra) kr.
Afgreiðslutími þarf ekki að verða
meira en 14 mánuðir, og líklegt,
ef úr smíðmni verður, að skipið
verði, ásamt kæliklefum og hrað-
frystingu, búið flökunarvélum og
síldarvinnslutækjum. Ætlunin er
að stunda veiðar aðallega við
Grænland og Nýfundnaland.
Vaxandi útgerð
Grænlendinga
Eftir því sem lesa má í dönsk-
um og norskum blöðum hefur mik
ill útgerðaráþugi gripið um sig
meðal Grænlendinga. Hin klass-
ís'ka mynd af grænlenzkum eski-
móurn róandi á húðkeipum er því
líkleg til að verða afmáð á næstu
árum, en í þess stað komi nútíma
sjómannastétt með útlærffum skip
stjórum og mótoristum og væntan
lega skólagengnum matsveinum,
sem tilreiða kjöt að dönskum
hætti og bjóða engum manni upp
á að slafra í sig hrátt selspik
ásamt volgu blóði.
Nýstofnað grænlenzkt hlutafé-
lag, hið fyrsta í sögunni, hefur
keypt stórt norskt fiskiskip og er
það jafnframt fyrsta grænlenzka
skipið, sem fært er til að fiska
á djúpmiðum. Er skipið að mestu
mannað Færeyingum, sem kenna
Grænlendingum rétt tök á veiði
og skipstjórn. Útgerðarfélag þetta
hyggur á stórframkvæmdir, og er
í undirbúningi að reisa mikla út-
gerðarstöð á stað, sem á dönsku
er kallaður Munkebugtorwog er ör-
skammt frá Júlíenuvon. Eru hafn-
arskilyrði þar talin góð frá nátt-
úrunnar hendi, aðdýpi mikið, svo
þar er fært stórum skipum upp
í fjörusteina, en undirlendi víst í
minna lagi. Þar er ætlunin að
koma upp fiskvinnslustöðvum.
vélaverkstæði og birgðageymslum,
svo að skipin geti fengið þar alla
nauðsynlega fyrirgreiðslú.
Auk þessa «tórfyrirtækis er al-
mennur útgerðaráhugi meðal smá
útvegsmanna, og hafa Grænlend-
ingar pantað um 20 nýja báta
af stæfðwini 10—20 lesta, sem
væntanlega bætast flota þeirra á
næstu árum. Verður þar um veru
lega aukningu að ræða og muti
vafalaust hleypa nýju fjöri í græn
lenzkt athafnalíf, enda mun sízt
af veita. Grænlenzk smábátaútgerð
er um 30—35 ára gömul, og
stunda menn þar aðallega línu- og
handfæraveiðar. Fiskimið eru víða
mikil og góð við Grænland og veið
ist þar bæð'i þorskur, lúða, stein-
bítur og karfi, einnig talsvert af
laxi. Sérstakir bátar hafa verið
gerðir út til fiskleitar og rann-
sókna, og m.a. hafa fundizt ágæt
rækjumið í Diskóflóa og svæðinu
kringum Narssaq. Flytja Græn-
lendingar þegar nokkurt magn af
rækju á erlendan markað. Salt-
fiskverkun skipar enn heiðurssæt
ið í fiskvinnslu Grænlendinga, en
flökun og frysting sækir á.
Síðasti róður
fyrir jól
Þegar Sjávarsiðan átti tal við
fréttamann Tímans á Ólafsfirði
s.l. sunnudag, sagði hann, að flokk
ur manna úr Reykjavík væri þang
að kominn með 18 tonna ýtu og
stóran „trukk“ til þess að ná út
vélskipinu Sæþóri, sem hleypt var
upp í sandinn í illviðrinu í fyrra
mánuði. Bjóst hann við', að verkið
mundi sækjast vel. Ógæftasamt
hefur verið í Ólafsfirði í haust,
en sjór sóttur eftir því sem veður
hefur leyft, og aflabrögð sæmileg
miðað við aðstæður Sagði frétta-
ritarinn að hlé mundi veröa á
veiðiskap nú um jólin og væru
bát.arnir að fara sinn seinasta róð-
ur í bill.
Frá Raufarhöfn
Opnu vélbátarnir á Raufarhöfn
i eru að mestu eða öllu hættir róðr-
j um, en þilfarsbátar róa alltaf þeg
ar gæftir leyfa. Unnið var að því
s.l. sumar að koma upp legufær-
l um í höfninni fyrir bátana, og
í reyndust þau ágætlega í illviðr-
! inu, sem gekk yfir Norðurland í
lök fyrra mánaðar. Hafa trillur
þær, sem nú eru hættar róðrum,
ekki verið settar á land, en í stað
! þess lagt við hin nýju legufæri.
i Komur farmskipa hafa verið all
tíðar til Raufarhafnar og búið að
skipa út miklu magni síldarafurða.
Er talið að eftir séu um' 20 þús.
tunnur saltsíldar ófarnar, nokkuð
af lýsi og mikið af mjöli. Unnið
Rifstjóri: INGVAR GÍSLASON
er að smíði mjölgeymslu á vegum
Síldarverksmiðja ríkisins á Raufar
höfn og skapar það m.a. talsverða
atvinnu. Auk þess mimu Raufar-
hafnarbátar halda áfram fiskveið-
um að heiman og því líklegt, að
færri fari í atvinnuleit suður á
land í vetur en oft áðuT.
Norðmenn búast við
góðri síldveiði við
ísland næst^ sumar
Norðmenn eru ánægðir með ár-
angur síldveiða sinna við ísland
sl. sumar. Segir í frétt í „Fiskar-
en“, að verðmæti síldaraflans sé
um 50 millj. norskra króna, þar
af um 30 millj. fyrir bræðslusíld,
! en heildar bræðslusíldaraflinn var
! 946.700 hektólítrar, sem skiptist
á 88 veiðiskip. Saltsíldaraflinn
! reyndist 148.860 tunnur, og er
verðmæti hans um 20 millj. króna.
Tvö stór flutningaskip voru í för-
um með bræðslusíld og fluttu sam-
tals 254.800 hl. til verksmiðja
heima í Noregi, en hitt var flutt
á veiðiski.punum sjálfum.
„Fiskaren" segir, að meira sfld
armagn hafi verið á miðunum sl.
sumar en mörg undanfarin ár og
hefur - það eftir -hafraTwisóknar
mönnum, að búast megi við góðum
sildarafla næstu ár.
Þá segir enn fremur, að 159
reknetabátar hafi stundað veiðar
á íslandsmiðum í sumar og fært
að landi samtals 128.840 tunnur
og að auki hafi 13 herpinótabátar
og 5 önnur skip flutt rúmar 20
þús. tuíinur af afla reknetabát-
anna. Nokkur hluti af afla rek-
netabátanna fór í bræðslu.
Ágæt síídveiði
sl. viku
Góð síidveiði var síðastliðna
viku og varð vikuaflinn 101.463
uppmældar tunnur. Heildarmagn
á land komið sl. laugardag 16. des
ember var 481.720 uppmældar
tunnur.
Veiðistöðvar:
Vestmannaeyjar
Þorlákshöfn
Grindavík
Sandgerði
Keflavík
Vogar
Hafnarfjörður
Reykjavík
Akranes
Hellissandur
Ólafsvík
Grundarfjörður
Stykkishólmur
Patreksfjörður
Tálknafjörður
ísafjörður
Samtals
Tunnur:
12.204
148
43.537
34.964
104.446
212
56.319
124.056
91.670
706
7.142
3.879
1.067
654
526
190
481.720
Víðir II. enn hæstur
Af 107 skipum, sem fengið höfðu
afla á vetrar-síldveiðunum í lok
siðustu viku, var Víðir II. hæstur
með 14.806 tunnur. Eftirtalin
skip hafa einnig veitt yfir 10 þús-
und tunnur:
Árni Geir
Bergvík
Björn Jónsson
Guðmundur Þórðarson
Halldór Jónsson
Haraldur AK
Höfrungur II AK
Ingiber Ólafsson
Þórkatla
10.097
11.503
11.634
Rvík 10.072
10.794
10.815
11.652
11.211
10.183
Frá Ólafsfirði
Það er ekki alltaf svona kyrrt í Ólafsfirði. En þegar Grétar Ólason tók þessa mýnd af nokkrum bátum í Ólafs-
fjarSarhöfn í septembermánuði sl, blakti ekki hár á höfði, og fjörðurinn var eins og spegill. En í fárviðri því,
sem gekk yfir Norðurland 23—24. nóv. var fjörðurinn yggldari en við sjáum á myndinni, enda mun sennilega
hafa orðlð meira tjón í Ólafsfirði af völdum veðursins en á flestum öðrum stöðum.
8
T í MIN N, miðvikudaginn ’20. desember 1961.