Tíminn - 24.03.1962, Blaðsíða 13

/
SEXTUGUR:
Guðmundur Björnsson,
kennari á Akranesi
i.
Hann er fæddur í NðfMdafe-
tungu í Miðfirði 24. marz 1902.
Foreldrar hans voru hjónin Ás-
gerður Bjarnadóttir bónda í
Núpsdalstungu Bjarnasonar og
Björn Jónsson bónda s. st. Teits-
sonar. Ættfeður Guðmundar
hafa um aldir fram verið bænd-
ur í Núpsdalstungu. Systkin
hans voru mörg og hið mesta
atgervisfólk. Guðm. dvaldi í
Flensborgarskóla veturinn 1920
—’21 og gerðist 'eftir það kenn-
ari í heimabyggð sinni. Miðfirði,
en vann á sumrin að búi for-
eldra sinna. 1 kennaraskólann
fer svo Guðm. haustið 1933 og
lauk þar prófi 1934 og gerðist
kennari á Akranesi sama ár. Því
starfi hefur hann gegnt síðan.
Hann hefur farið nokkrar náms-
og kynnisferðir erlendis.
Hann kvæntist 19. maí 1935
Pálínu Þorsteinsdóttur frá Ós-
eyri í Stöðvarfirði. Börn þeirra
eru fimm: Ormar Þór við arki-
tektnám í Þýzkalandi, búsettur
í Stuttgart, Gerður gift í Reykja
vík, Björn við laganám, búsett-
ur í Reykjavík, Ásgeir skrifstofu
maður, búsettur á Akranesi og
Atli enn í foreldrahúsum. Barna
börnin eru þegar oi’ðin fimm.
II.
Ungur að árum valdi Guðrn.
Bj. sér fræðslustarfið. Það var
áreiðanlega engin tilviljun. Hann
á í sér öll einkenni hins góða
fræðara. Hann er maður leit-
andi, víðlesinn og fjölfróður um
hin ólíkustu efni. Hann er snyrti
menni í framkomu, reglusamur
með alla hluti og býr yfir ó-
brigðulum drengskap Slíkur
mdður er þeim ungu holl fyrir-
mynd. Það var því Akranesi
mikið lán að Guðm. skyldi ílend-
ast þar. Auk þess að hafa verið
traustur og farsæll kennari við
barnaskólann í nær 30 ár, var
hann stundakennari við Iðn-
skóla Akraness 1936—’60 og
kenndi þar einkum íslenzku,
enda er hann óvenjulega vel
að sér í þeim fræðum og bæði
vel máli farinn og ritfær. Nem-
endahópur Guðm. er því orðinn
stór og metur hann mikils.
III.
Guðm. Björnsson er ágætur
félagsmálamaður en hlédrægur
um of. Hafa samferðamennirnir
oft viljað að hann tæki^t meira
á hendur í þeim efnum .enda
vel til þess fallinn. Baráttan
fyrir daglegum þörfum hefur
vafalaust verið hér nokkur
hindrun. Kennaralaunin hafa
jafnan verið lág, heimilið þungt
— börnin mörg og þeim veitt sú
bezta menntun, sem þau óskuðu
og völ var á. Þrátt fyrir þetta á
Guðm. sín spor á vettvangi fé-
lagsmálanna.
Hann var um tíma varabæjar-
fulltrúi. Hefur um nokkurt
skeið og á enn sæti í stjórn
Sparisjóðs Akraness og yfir-
skattanefnd. í stjórn Barna-
verndarfélags Akraness og Nor-
ræna félagsins. óg mjög virkur
þátttakandi í norrænu sam-
starfi. Hefur lengi verið ritari
Framsóknarfélags Akraness,
enda jafnan verið i forustuliði
flokksins á Akranesi og í Borg-
arfjarðarsýslu. Það er almanna-
rómur að hverju því starfi sé
vel borgið, sem Guðm. tekur að
sér. Slíkt traust hefur hann al-
mennt og er það að verðleikum.
Hann rækir af jafnmikilli trú-
mennsku afgreiðslu- og inn-
heimtustörf fyrir Tímann og
umboðsstarf fyrir Almennar
tryggingar, þó ólík séu, og munu
báðir aðilar telja þau svo vel af
hendi leyst, að betur verði ekki
gert. Þar kemur bezt í ljós hin
meðfædda árvekni og reglusemi,
sem aldrei bregst, samfara dugn-
aði og góðum gáfum. Þá hefur
hann um langt skeið verið frétta
ritari Tímans á Akranesi. Blað-
ið hefur því margt að þakka
honum frá löngu samstarfi.
IV.
Enn er Guðm. ungur í anda —
hress og glaður — þrátt fyrir 60
árin og gráu hárin. Hann er um
margt hamingjunnar barn og
mun áreiðanlega játa það sjálf-
ur. Hann á myndarlegt og á-
nægjulegt heimili, sem ágæt
eiginkona hefur sett svipmót
sitt á. Hann á mörg mannvæn-
leg börn, tengdabörn og barna-
börn, sem veita honum mikla
lífshamingju og hann styður
svo sem tök eru á. Elzti sonur-
inn — Ormar Þór — hefur ný-
lega hlotið verðlaun fýrir skipu-
lagsuppdrátt í samkeppnisút-
boði meðal arkitekta og í fyrra
fyrir kirkjuteikningu.
Við sextugsafmælið getur
Guðm. litið yfir farinn veg og
giftusamlegt dagsverk. Sú verði
ur þó óskin mest hjá samherj-
um hans, vinum og samstarfs-
mönnum. að þeir megi sem
lengst njóta samfylgdar hans og
drengilegs samstarfs. Megi þvi
heilladísirnar enn halda vörð
um hann og fjölskyldu hans um
mörg ókornin æviár.
Dan. Ágústínusson.
Frú Matthildur
Guðmundsdóttir
Fædd 8. október 1889.
Dáin 21. janúar 1962.
Kveðja frá barnabörnum.
Þú kenndir okkur góðan guð að þrá
og gafst okkur það bezta sem þú áttir.
Að starfa -hlauzt svo mikið sem þú máttir
svo margföld laun þú öðlast himnum á.
Við kveðjum þig með kærri þökk og trega,
og kær þín verður minning ævinlega.
Þú fórna vildir öllu, amma mín,
og allt þú vildir reyna að bæta og græða.
Þú beindir sjón og huganum til hæða,
svo heillavænleg urðu ráðin þín.
Þú áttir trú á Drottinn ævi alla,
því opin stóð þér braut til lífsins halla.
Það er svo gott að byggja bjargi á.
Þótt blási kalt, þar hæli er gott að finna
því náðarstrauma lætur Guð ei linna,
og lífsins veig þá barn hans teyga má.
Og ljóssins berg því ætlað er að eygja
því eitt sinn verður maður hver að deyja.
Hve marga stund af þrautum varstu þjáð.
Með þolinmæði barstu sjúkdómsokið.
En nú er þinni lífsins göngu lokið,
og læknað allt, sem mjög þú hefur þráð.
Á kveðjustundu margs er nú að minnast
og mikið verður dásamlegt að finnast.
Já, hjartans þakkir, elsku amma kær.
Þú alltaf varst svo mild og blíð í sinni.
Nú unir þú þér glöð í eilífðinni.
og ástarkveðjan þangað til þín nær.
Engin neyð þar angrar þínu hjarta.
Um þig Ijómar dýrðarsólin bjarta.
T f M I N N, laugardagur 24. marz 1962.
Heimaviðgerðir

•ÚþiíárjjsýíéöiejríáÍS::
RafviÍBerðlr
100 watta með fylgitækjum
V:$n fylgitækjá
: ■ —
meS fylgitækjum
|ÍNÍ6tíÍM GEGN PÓSTKRÖFÚ
Íj'Sifio;