Tíminn - 18.05.1962, Side 8

Bindindisstarf
Hinn 11. maí s.l. var haldinn
stofnfundur kristilegra bindindis-
samtaka í SafnaSarheimili Lang-
holtssafnaðar í Reykjavík.
Það er Landssambandið gegit á-
fengisbölinu undir forystu Péturs
Sigurðssonar, ritstjóra, sem gengst
fyrir slíku.samstarfi.
Boðaði hann til fundar presta
og safnaðarfulltrúa fyrir ári, eða
12. maí 1961, til að ræða þessi mál,
og kusu þá þegar nokkrir safnað-
anna í Reykjavík og nágrenni full-
trúa innan sinna vébanda til að
sinna þessum málum og undirbúa
samband til átaka gegn áfengisböl-
inu.
Engin slík samtök kristinna safn
aða hafa verið til hér áður og kirkj
an lítt unnið markvisst að bindind-
ismálum, þótt margir prestar hafi
tekið þátt í baráttunni af lífi og
sál.
Kirkjur annarra Norðurlanda
hafa hins vegar löngu stofnað til
samstarfs á þessu sviði, ekki ein-
ungis innan hvers lands, heldur
vinna þær einnig saman og nefn-
ast samtökin Den kristna samfund-
ens nykterhetsrörelse, eða bind-
indishreyfing kristinna safnaða.
f Svíþjóð hefur t.d. slík starf-
semi staðið með blóma yfir 40 ár,
og margir kunnir menn gengið þar
í broddi fylkingar, meðal þeirra
sr. Joel Kullgren, sem verið hefur
framkvæmdastjóri samtakanna í 3
áratugi með miklum dugnaði.
Svíar hafa nú 10 erindreka, sem
ferðast um á vegum þessara sam-
taka og flytja mörg hundruð er-
indi til fræðslu og hvatningar um
bindindismál í kirkjum og sam-
komuhúsum. Þeir sýna einnig kvik
myndir og gangast fyrir bindindis-
dögum og bindindisvikum innan
safnaða og kirkna.
Árlega eru haldin námskeið á
einhverjum vel völdum, fallegum
stað, þar sem fólk er oft í alls kon
ar félagsstarfsemi, sem að gagni
gæti komið í þessum störfum. Hef-
ur íslendingum verið boðið á þessi
námskeið og nokkrir notfært sér
það og orðið stórhrifnir af dugn-
aði, áhuga og öllu, sem þarna fer
fram.
Samtökin gangast einnig fyrir
ársmótum til að ræða mál sín og
vekja áhuga og eftirtekt á starf-
semi sinni, og kirkjur Norðurlanda
halda sambandsþing bindindissam
taka sinna annaf} hvort ár.
Hingað til hefur íslenzka kirkj-
an aðeins átt þar gesti en ekki full
trúa. Það er því ekki vonum fyrr,
að slík samtök eru stofnuð hér,
og væri naumast vanzalaust að
sitja aðgjörðarlaus hjá og horfa
á svona starfsemi án einhverrar
þátttöku, svo brýn sem þörfin er
þó hér á landi.
Söfnuðir í Reykjavík, Hafnar-
firði og Kópavogi, hafa nú þegar
lýst yfir vilja sínum til stofnunar
samtakanna og kosið bráðabirgða-
stjórn, sem undirbýr framhalds-
stofnfund síðar í vor. Nauðsynlegt
er, að allir söfnuðir á þessu svæði
verði í samtökunum, helzt frá upp-
hafi og fylgist vel með öllu, sem
gjört verður til eflingar markvissu
bindindisstarfi innan kirkjunnar.
Svíar verja til starfseminnar allt
að fjórum milljónum ísl. króna ár-
lega, og sést á því, að þeim finnst
það mikilsvert. Hér er því merk
byrjun, sem hlúa verður að til vaxt
ar og viðgangs eftir föngum.
Þótt við verðum ekki þess um-
komin, að ganga í spor milljóna-
þjóða, þá geta samt íslenzkir söfn-
uðir unnið þarna stórvirki, ef þeir
eru vakandi og samtaka, gengizt
fyrir eftirliti með unglingum,
fræðslu um bindindismál, bindind-
isdögum í kirkjum, barnastúku-
starfi, námskeiðum og einnig hjálp
við heimili, sem eru í hættu vegna
áfengisbölsins. Akrarnir eru hvítir
til uppskeru, en verkamennirnir
fáir. Árelíus Níelsson.
8
Bör: „Nú förum við Hansen út og fáum okkur prufutúr á mótorhjólinu". — Talið frá vinstri: O. G. Hansen, sýsluskrifari (Eggert Ólafsson), Niels
á Furuvöllum (Ingólfur Bárðarson). Lára ísaksen (Guðrún Bjarnadóttir); Bör Börson (Sigurjón Vilhjálmsson).
BÖR BÖRSSON I KEFLAVIK
Þegar ég heyrði, að setja ætti
leikritið Bör Börsson hér á
svið, langt leikrit, með 17 eða
18 leikendum, óttaðist ég, að
þau í leikfélaginu hefðu ekki
kunnað að sníða sér stakk eftir
vexti. Frumsýningin kom mér
þó á aðra skoðun. Hún sann-
færði mig um, að hið unga fé-
lag, þessi nýgræðingur leiklist-
arinnar á Suðurnesjum hefur
örugglega fest hér rætur. Sigur
jón Vilhjálmsson fer með
stærsta hlutverkið, sjálfan Bör
Börsson jr., generalagentinn,
bankastjórann og milljónerann.
Hann hefur aldrei leikið fyrr,
en tekst þó að gera Bör að ó-
gleymanlegri persónu í hugum
áhorfenda. Bör er frá höfund-
arins hendi erfið ,,rulla“. í
skapi hans eru sífelld veðra-
brigði. Hann bæði hlær og
grætur, barmar sér og hoppar
af kæti, en er þó alltaf hinn
sami einfaldi og sjálfumglaði
Bör. Sigurjón gerir þessu öllu
hin beztu skil. Þarna á að vísu
ekki að vera neinn fríðleiksmað
ur á ferðinni, en þó finnst mér
gervið fullsterkt. Ágúst Jóhann
esson leikur Bör eldri. Leikur
hans er mjög góður og gervið
ágætt. Ingvi Þorgeirsson leikur
Óla í Fitjakoti á gamansaman
hátt, en mætti vera hressilegri
í fyrrihluta leiksins. Guðrún
Bjarnadóttir leikur Láru ísak-
sen og vakti mikla hrifningu á-
horfenda í hlutverki búðarjóm-
frúarinnar. Guðrún er glæsileg
á sviði og hreyfingar hennar
léttar og fallegar. Hún hefur
nú unnið annan sigur og stærrj
er húa sigraði í fegurðarsam-
keppninni á laugardaginn. og
hlaut þar með titilinn Fegurð-
ardrottning fslands. — Önnur
smærri hlutverk eru svo mörg,
að of langt mál yrði að telja
upp, en meðferð leikaranna í
heild það góð, að þótt finna
mætti hnökra hér og þar, bætir
ágætur leikur sumra þessara
leikenda það fyllilega upp. —
Kristjáni Jónssyni hefur tekizt
furðuvel að leysa sinn mikla
vanda með stóran hóp óreyndra
leikara. Að baki þessarar sýn-
ingar liggur mikil vinna, ekki
aðeins fjölmargar æfingar, eft
ir venjulegan vinnudag, heldur
vantaði hér flesta hluti til að
setja leikinn á svið. Á sviði Ung
mennafélagshússins voru gerð-
ar gagngerðar umbætur. Leik-
stjórinn lét m.a. setja í húsið
góða sviðslýsingu á einfalda.n og
frumlegan máta. — Leiktjöldin
gerði Óskar Jónsson og eru þau
mjög haganlega sniðin við þær
erfiðu aðstæður, sem þarna eru
til leiksýninga. Óskar hefur lika
sýnt, að hann er góður leik-
tjaldamálari. Búningana gerði
Ásta Árnadóttir, en Guðrún Hin
riksdóttir sá um andlitsförðun,
hún annaðist það einnig í My
Fair Lady. — Vonandi láta Kefl
víkingar og aðrir Suðurnesja-
menn ekki fram hjá sér fara
þetta gullna tækifæri til að
kynnast Bör í eigin persónu.
S. K.
Gamli Bör (Ágúst Jóhannesson).
Jfísilí
■i-fMi'Míii
Lára ísaksen (Guðrún Bjarnadóttir),
Bör (Sigurjón Vilhjálmsson).
TÍMINN, föstudaginn 18. maí-1962|