Tíminn - 10.02.1965, Qupperneq 2

TIMINN
MIÐVIKUDAGUR 10. febrúar 1965
Þriðjudagur, 9. febrúar.
NTB-Montgomery. — Martin
Luther King fór í dag, ásamt
um 200 öðrum blökkumönnum,
í mótmælagöngu um götur
Montgomery í Alabama. Gang-
an var farin í því skyni að örva
blökkumenn til þess að láta
skrá sig á kjörskrá.
NTB-Kaupmannahöfn. — Út-
Iendingur nokkur, líklega Norð
maður eða Svíi, tók nýlega,
með aðstoð falsaðra pappíra,
út um 240 þúsund danskar
krónur út úr banka í Kaup-
mannahöfn. Lögreglan leitar nú
að svindlara þessum.
NTB-Hollywood. — Félag er-
lendra blaðamanna úthutuðu í
gærkvödi sínum árlegu verð-
launum. Þau skiptust þannig:
Bezta erlenda kvikmynd ársins
„Hjónaband á ítölsku“. Vinsæl-
ustu leikarar ársins Sophia
Loren og Marcello Mastroianni.
Bzta söng- og gamankvikmynd
ársins „My Fair Lady“. Bezta
„alvarlega“ kvikmynd ársins
„Becket". Bezti leikari ársins
Peter O’Toole. Bezti leikari
ársins í söng og gamanmyndum
Rex Harrison. Bezta leikkona
ársins Ann Bankroft fyrir
„The Pumpkin Eater“. Bezta
leikkona ársins í söng- og
gamanmyndum Julie Andrews
fyrir „Mary Poppins“. Bezti
leikstjórinn George Cukor fyr-
ir „My Fair Lady“. Beztan leik
í aukahlutverki Edmund O’Bri-
en fyrir „Sjö dagar í maí“.
Beztan kvikmyndasöng Dimitri
Tiomkin fyrir „Circus World“.
James Stewart fékk Cecil de
Mille-verðlaunin fyrir frábært
starf í þágu kvikmyndaiðnaðar-
ins.
NTB-London. — Tilkynnt
var í dag, að flutningar á brezk
um hermönnum til Malaysíu
hefjist á föstudaginn.
NTB-Flórens. — Ógift
kennslukona í Flórens, Maria
Favretti, arfleiddi köttinn sinn
að öllum eignum sínum, sem
nema um 70 þúsundum ísl.
króna. Lögreglan leitar nú að
hugsanlegum ættingjum
kennslukonunnar, en kötturinn
<tvelur um þessar mundir á
heimili fyrir eigendalaus dýr.
NTB-London. — Brezki sam-
veldismálaráðherrann, Arthur
Bottomley, heimsækir Rhodesíu
í þessum mánuði ásamt æðsta
manni brezkra dómsmála, Lord
Cardifer. Er þetta tekið sem
tákn þess, að liugsanlegt sé að
ástandið milli Bretlands og
Rhodesíu batni eitthvað í fram-
tíðinni, og að hægt verði að
ná samkomulagi um sjálfstæði
Rhodesíu.
NTB-Madrid. — Sérlegur full
trúi Frankós, einræðisherra á
Spáni, í Kairó, hefur verið
fenginn til þess að reyna að
miðla málum milli Arabiska
sambandsýðveldisins og Vestur-
Þýzkaands, en frekar kalt hef-
ur verið milli landanna tveggja
undanfarið vegna fyrirhugaðr-
ar heimsóknar Ulþrichts,
kommúnistaleiðtoga í Austur-
Þýzkalandi, til Kairó.
TRUNAÐARTAL
VIÐ SATCHMO
JHM-Reykjavík, þriðjudag.
„Louis Armstrong kom,
söng og sigraði," sagði einn
af aðdáendum hans, þegar
næst síðustu tónleikum hans
lauk í Háskólabíói á mánudags
kvöld.
Fréttamaður Timans hitti
Satchmo í herbergi því, sem
hann hélt til í undir senunni
í Háskólabíói, á milli hljómleik
anna. Þar sat hann í hæginda-
stól með vasaklút bundinn um
höfuðið alveg eins og forfeð-
ur hans, sem unnu sem þræl-
ar við bómullartínslu í Suður-
ríkjunum. Hann var önnum
kafinn við að rita nafn sitt
á blöð og snepla fyrir unga
sem gamla aðdáendur. Einka-
þjónninn hans stjórnaði aðdá-
endahópnum og hrópaði í sí-
fellu: „Bara tvö í einu — bara
tvö í einu.“
— Hæ ja paps, sagði kon-
ungur djassins, þegar frétta-
maður kom inn.
— Þú ert góður við aðdá-
endur, nennir þú alltaf að
veita þeim eiginhandaráritun.
— Já, já, þau elska mig, ég
elska þau, svo einfalt er nú
það mál.
— Hvar býrðu í Bandaríkj-
unum, ekki þó í New Orleans. .
— ... nei-nei, löngu flutt-
ur þaðan, nú bý ég á Long
ísland, þá sjaldan roaður er
heima. Þetta er eitt stórt ferða
lag hjá okkur, og stundum er
maður rétt viku eða tíu daga
heima hjá sér í einu. Samt er
maður aldrei þreyttur, þótt
maður sé alltaf á ferðinni ár-
ið um kring.
— Ert þú sá eini í fjöl-
skyldunni, sem er í músík-
inni?
— Já, sá eini, annars á ég
systur og uppeldisbræður 1
New Orleans, en þau hlusta
bara á djass, koma ekki ná-
lægt hljóðfærum.
— Ég var í New Orleans í
sumar og fór á hverju kvöldi
niður í Burbon Street til að
hlusta á þína gömlu vini og
félaga.
— Það ættu fleiri að gera.
New Orleans er höfuðborg
djassins, því að þar byrjaði
þetta allt saman. Það er hvergi
eins gaman að hlusta á djass
og í New Orleans, því að þar
er umhverfið hið rétta, og
sjálf Missisippi er þar, og þar
voru allir fljótabátarnir, sem
áttu svo mikinn þátt í því, að
djass varð til. Fannst þér ekki
gaman að koma þar og hlusta
á djass í sínu rétta umhverfi?
— Sérstaklega þótti mér
gaman að koma á lítinn stað
í Burbon Street, sem heitir
Preservation Hall, þar sem
jafnaldrar þínir koma inn og
fá að spila á kvöldin. Margur
þeirra hefur aldrei lært að lesa
eina einustu nótu.
— Það er rétt, en þeir spila
samt betur en allir aðrir, enda
hafa þeir hina réttu sveiflu
(swing) og þeir skilja djass
því að þeir hugsa djass.
—Mér fannst mest gaman
að sjá hljóðfæraskipunina hjá
þeim og hvernig þeir gátu
spilað án þess að hafa nokk-
urn tíma æft saman.
— Það kemur af því, að
þeir hugsa (,,dig“) djass, eins
og ég geri og við allir gerum,
sem spilum.
— Hefur þú ekki meira
gaman af Dixielanddjass, held-
ur en nútíma (modern) djass?
— Allir, sem spila vel,
hljóma vel í mínum eyrum. I
like them all. Ég geri engan
greinarmun á músík, svo fram
arlega sem hún er vel spiluð
— það er sama hvort hún er
kölluð nútíma djass eða blues
eða Dixieland djass, I like
them all — ef þeir spila vel,
þá hljóma þeir vel, ekki satt-
— Attu enn fyrsta hornið
þitt?
— Nei, það er á safni í
New Orleans. Sástu þaS
kannski? Hin hef ég gefið,
sum í skóla, eitt til Suður-
Afríku og eitt til Trinidad og
sum á ég eins og þetta hér,
sagði Louis og brosti sínu
fræga brosi. Trompetið lá gull
litað í töskunni, sem var fóðr-
uð með fjólubláu flaueli við
hliðina á meistaranum sjálfum,
sem hefur blásið svo lengi í
það og svo vel að allir hlusta
og kalla manninn „the king
of jazz“.
— Er erfitt að blása fyrir
íslendinga?
— Alls ekki, þeir hlusta bet-
ur en margir aðrir og kunna
að meta músíkina. Það hafa
allir gaman af djass, hvort sem
það er í Afríku eða
Skandinavíu eða Júgóslavíu,
ég spilaði fyrir þá þar ekki
alls fyrir löngu.
Þjónninn hélt áfram að
senda fólkið inn og hrópaði
Satchmobrosið
alltaf öðru hverju: „Bara tvö
— bara tvö í einu.“
Eftir að hafa þakkað meist-
aranum fyrir rabbið og óskað
honum góðrar ferðar til baka
þá hrópaði hann á eftir mér:
„Segðu íslendingum að „I love
them all“ og þakkaðu þeim
fyrir góðar móttökur — og
bættu svo við, að ég vonist til
að koma hingað aftur fljót-
lega.“
Varð sprenging í flugvélinni?
NTB—New York, þriðjudag. !
3 Bandaríska flugmálastjónnin hóf
j$ í dag rannsókn á braki þvi semj
» fundist hefur úr flugvélinni, sem
K hrapaði í hafið fyrir utan Newi
* York á mánudagskvöldið. 84 manns i
'k voru í flugvélinni, og hefur enginn
fundist Iifandi. Flugslys þetta er
hið þriðja stærsta í sögu Banda-i
ríkjanna, að undanskildum flug-!
slysum, þar sem fleiri en ein flug
vél hafa lent í sama slysinu. Einn
sjónarvottur segir, að sprenging j
hafi átt sér stað í vélinni áður en
hún féli í sóinn.
Flugvélin, D7-7 skrúfuvél, sem
er í eigu Eastern Airlines, og var
á leið frá Boston til Atlanta í
Georgíu. Fugvélin hrapaði fyrir
utan Long Island rétt eftir að hún
hóf sig til flugs frá Kennedy-flug
velli.
Einn sónarvottur a.m.k. segir
Framhald á 15. síðu.
Fundum allsherjarþingsins
frestaö fram í september?
NTB-New York, þriðjudag.
Talið er líklegt að allsherjarþingi Sameinuðu þjóðanna, sem hefur
lítið getað gert að undanförnu vegna fjárhagsvandræða samtakanna,
verði frestað fram í september. Forseti þingsins, Alex Quaison-Sackey
frá Ghana, sagði í dag að hann vonaðist til þess að geta frcstað
fundum þingsins á föstudaginn — svo að deiluaðilar fái nægan tíma
til þess að komast að samkomulagi um þau mörgu vandamál sem
friðargæzla Sameinuðu þjóðanna hefur í för með sér — sagði
hann.
U Thant, framkvæmdastjóri SÞ,
hélt ræðu á fundi þingsins í
gærkvöldi, og lagði til, að frekari
fundum þingsins yrði frestað um
óákveðinn tíma á meðan reynt
verði að leysa deilurnar um friðar
gæzluna og greiðslur vegna henn-
ar. Sagði hann, að viðræður, sem
fram hefðu farið að undanförnu,
bentu til þess að meirihluti aðild-
arríkjanna væru fylgjandi frestun.
U Thant lagði aftur á móti á-
herzlu á, að allsherjarþingið verði
að afgreiða ýmis mál áður en
fundum þess verður frestað. Meðal
þeirra mála eru ýmsar fjárveiting
ar, sem teknar voru fyrir eftir að
fjárhagsáætlunin var samþykkt fyr
] ir síðasta ár, bráðabirgðafjárlög
fyrir árið 1965 og framlenging á
dvöl flóttamannaskrifstofu SÞ í
j Palestínu, einnig verður að ákveða
j staðsetningu hins fyrirhugaða al-
þjóðlega SÞ-skóla og ganga frá
ýmsum atriðum í sambandi við við
skipta- og þróunarmálaráðstefnu
Sþ. Sagði U Thant, að hætta væri
á að starfsemi samtakanna yrði
mjög takmörkuð, ef þessi mál
yrðu ekki afgreidd fyrir frest-
unina.
Quaison-Sackey vinnur enn að
því að skipa fulltrúa í efnahags-
og félagsmálaráð Sþ og önnur sér
samtök Sameinuðu þjóðanna, og
hefur hann sama hátt á og við kjör
fulltrúa í Öryggisráðið í desember.
Blöð flugu
í þingínu
Harkalega var deilt um fram
tíð brezka flugiðnaðarins í
brezka þánginu í dag, og lenti
þeim þar saman, Harold Wil-
son, forsætisráðherra, og Peter
Thorneycroft fyrrverandi varn
armálaráðherra. Lauk því með
að Wilson yfirgaf þingsalinn.
Thorneycroft las úrdrátt úr
grein í blaðinu Daliy Express,
þar sem stóð að Verkamanna
flokkurinn hefði lofað þvi fyr-
ir kosaiingar, að hætta ekki við
framleiðslu TSR- 2-vélarinnar,
Wilson greip fram í fyrir hon
um og bað hann að lesa þær
línur, sem kæmu næst á eftir
kaflanum, sem Thorneycroft
hafði lesið. Þessu neitaði
Thorneycroft og kastaði blað
inu í reiði yfir á borð Wilsons.
Wilson kastaði því til baka.
Thorneycroft fleygði því etm á
ný til Wilsons og sagði honum
sjálfum að lesa það. Wilson
las því næst greinarkaflann, en
þar stóð, að stjórn Verkamanna
flokksins myndi ekki hætta við
TSR 2, ef þessi sprengiflugvél
væri forsvaramlegt fyrirtæki
fjárhagslega séð og ef hún
væri hernaðarlega séð áhrifia-
ríkt vopn. Pingmenn verka-
manna gerðu hróp að Thorney-
croft og nokkrum mínútum síð-
ar yfirgaf Wilson þingsalinn.