Morgunblaðið - 01.10.1953, Blaðsíða 11
Fimmtudagur 1. okt. 1953
MORGUNBLABIÐ
11
StAUFARHÖFN
Framh. af bls. 9.
EINANGRUNIN
Þegar svona háttar til, þá er
Raufarhöfn einstæð og að mestu
einangruð hvað snertir samgöng-
Ur og samband við aðra staði.
Ég bregð upp mynd: Það er allt
í fönn. Langvarandi hríðar hafa
staðið. Ekki er lengur bílfært
yestur Sléttuna. Til Kópaskers
eru 55 km, þar sem læknirinn
er. Og enn er ekkert lát á veðr-
inu. Sjúklingur þjáist af óþol-
andi verkjum, líklega með botn-
langabólgu, eða sprunginn botn-
langa. Þegar tala á við lækninn
er símasambandslaust vegna veð-
Urofsans. — Og þetta er ekki til-
búið dæmi, þótt endirinn yrði
góður.
Sagt er, að menn vaxi í mót-
lætinu, og má það til sanns veg-
ar færa undir mörgum kringum-
stæðum. — Eitt það versta er
þó að vera læknislaus á svona
stað. En þorpið og íbúar þess
mæta hvers konar erfiðleikum
yetrarins með kaldri ró í þeirri
trú, að sigurinn bíði þeirra við
dyr vorsins, sem verði inngang-
ur að næsta góðu og gjöfulu
sumri, þegar farfuglamir fara
að sýna sig og svo margir muna
eftir Raufarhöfn.
RAUFARHÖFN HEFUR
RREYTZT MIKIÐ
— Hefur Raufarhöfn ekki
breytzt mikið undanfarin ár?
Það verður ekki annað sagt en
að þær mörgu og miklu fram-
kvæmdir sem átt hafa sér stað á
Raufarhöfn allra síðustu árin,
hafi gerbreytt staðnum í útliti
og sem útgerðarstað. Ber mikið
á hinum myndarlegu sölstunar-
stöðvum, svo sem Söltunarstöð
Óskars Halldórssonar h.f., er
reist var af Óskari sál. Halldórs-
syni og er ekki sízta dæmið um
hinn frábæra stórhug hans. —
Mannvirki þau, er Hafsilfur h.f.
hefur látið gera vegna síldar-
söltunarinnar eru einnig hin
mýndarlegustu. í sambandi við
hinar söltunarstöðvarnar. þrjár,
Norðursíld , h.f., Söltunarstöð
K.N.Þ. og Raufarhafnarhrepps
Söltunarstöð Hóimsteins Helga-
sonar hafa og verið miklar fram-
kvæmdir.
Stóru hraðfrystihúsi er verið
að koma upp og standa vonir til,
að það geti tekið til starfa á
næsta ári, ef ekki bregðast lán,
sem treyst er á. Hefur innrétting
og vélauppsetning tafizt mjög
vegna lánsfjárskorts. Er þetta þó
hið mesta nauðsynjamál. — Að
byggingu þessari stendur hluta-
félag og er Raufarhafnarhreppur
og K.N.Þ. aðalhluthafar, en fjöldi
einstaklinga með smærri hluti.
í húsi þessu eru tvær diesel-
rafstöðvar, sem hreppurinn á, til
samans 125 kw. Mun þriðja sam-
stæðan, 50 kw., koma til við-
bótar. Tók rafveita fyrir staðinn
til starfa seint á s.l. ári, og nýjar
raftaugar voru í fyrra og á þessu
ári lagðar um allt þorpið. —
Holræsalögn er nú einnig komin
um allt þorpið.
Ótalið er nú helzt það, að
K.N.Þ. er langt komið með bygg-
ingu verzlunarhúss, sem mjög
mun bæta úr bagalegum þrengsl-
um fyrir verzlun félagsins á
staðnum, svo og það, að mörg
íbúðarhús hafa verið byggð á
síðustu árum og nú nýlega byrj-
að á nokkrum smáibúðum í sér-
stöku hverfi.
— Hvert er nú erindi þitt hing-
að Leifur?
Ég vil helzt ekki fara þar út í
neinar upptalningar, en get sagt
þér það, að ég hef rekið hér er-
inda fyrir Raufarhafnarhrepp
vegna Rafveitu Raufarhafnar o.fl.
Annað er ég vil nefna er stórmál
fyrir þann stað og á ég þar við
vatnsveitu. Hefur mér tekizt að
fá hér nokkuð af vatnsrörum og
verða þau lögð í haust sem fyrsti
áfangi í stórum, nauðsynlegúm
framkvæmdum. — Er það eitt
stærsta framtíðarmál staðarins,
ekki sízt ef fullnægja á í þeim
efnum þörfum síldarsöltunar,
hraðfrystingar og síldarbræðslu,
svo að vel sé. Ég álít, að það
mál eigi Síldarverksmiðjur rík-
isins og Raufarhafnarhreppur að
leysa í sameiningu með dyggi-
legri fjárhagsaðstoð ríkisins. En
í þetta mun þurfa mikið fé.
FRAMTÍÐARMÁL
STAÐARINS
— Ertu ekki bjartsýnn á fram-
tíð Raufarhafnar? |
Já, þú spyrð mig um álit mitt
viðvíkjandi framtíðarmálum stað
arins. Mér er ljúft að segja per- |
sónulega skoðun mína um þau
efni, enda þótt framtíðin sjálf sé
ætíð óráðin gáta. Allt virðist mér
benda til þess, að Raufarhöfn
verði áfram ört vaxandi útgerð-
ar og framleiðslustaður sjávar-
afurða, því að ágæti hafnarinnar !
og lega staðarins við beztu síld-
armiðin, hlýtur að vekja trú á
staðinn. Ég, sem fylgzt hef með
útgerð og veiði þarna yfir 20 ár
hef þá trú, að aldrei bregðist
síldveiði á miðum nærri Raufar-
höfn nema alger ördeyða sé alls
staðar, og yfirburðir staðarins í
síldartregðu hafa þegar ótvírætt
sannað sig. Að mínu áliti liggur
staðurinn engu síður vel við
þorskmiðum, og mundi það þeg-
ar hafa fyrir löngu sannazt með
mikilli útgerð, ef blessuð síldin
og umstangið við hana hefði ekki
skyggt þar á.
HÖFNIN
Þá vík ég aftur að fram-
kvæmdamálum. Auk þess, er ég
i hef á minnzt hér áður um vatns-
veitu, byggingu hraðfrystihúss-
ins, sjúkraskýlis, skóla o. fl., þá
eru ótalin hafnarmál — og eru
það engin smámál á svona stað.
, Sumarið 1952 var dýpkunarskip-
ið Grettir fengið til að grafa
nokkurn hluta hafnarinnar að
innan til og var það nauðsynlegt
vegna flestra söltunarstöðvanna.
Eftir borkönnun, er gerð var það
sama sumar má sjá, að mögulegt
er að dýpka mikinn hluta inn-
hafnarinnar til stórra muna. En
sé dýpkun þannig framkvæmd
með mokstri og brottflutningi
uppmoksturs, án þess að uppfyll-
ing sé gerð við sandinn að norð-
an þá vitum við, sem kunnugir
erum þarna, að sandurinn að
norðan sogast jafnharðan suður
í höfnina og mun valda á stutt-
um tíma landeyðingu, auk þess
sem það gætu ekki talizt hagan-
leg vinnubrögð. Jafnframt því
sem höfnin mun í náinni framtíð
verða dýpkuð, er það einnig álit
hafnarstjórnar, að fylla þurfi í
svonefnt Litla-Sund. En þessar
og fleiri umbætur þarna munu
að miklu leyti eiga sína fram-
kvæmdamöguleika undir því,
hversu hið opinbera vill leggja
þar fé til. Mætti ætla, að stjórn-
arvöld ríkisins álíti ekki, að því
fé sé á glæ kastað, sem til fram-
kvæmda fer á Raufarhöfn, eftir
þá gjaldeyrisöflun, er þar hefur
átt sér stað undanfarin ár. Má og
ætla, að útgerðarmexm og sjó-
menn láti sig þessi mál einhverju
skipta.
Og skipulagning svo ört vax-
andi staðar, sem Raufarhöfn er,
er bæði vandasöm og erf ið, vegna
hinna óútreiknanlegu breytinga
og þarfa, sem skyndilega koma
upp á. En til er ný skipulags-
tillaga með það fyrir augum að
fjöldi söltunarstöðva kæmi þarna
og að hafnarbakki kæmi þá í
sambandi við það skipulag.
ER AÐ MÓTAST í DEIGLUNNI
Og nú mun e. t. v. einhver
spyrja, sem gerir sér ljóst hversu
gífurlegt fjármagn mundi þurfa
til að framkvæma það, sem ég
hef hér nefnt og sem þarf að
framkvæma, sé Raufarhöfn ætlað
að taka á móti þeim miklu verð-
mætum, sem hugsanlegt er að
þangað geti borizt. hvers vegna
Raufarhöfn sé ekki gerð að lands
höfn.
Því svara ég ekki, og vil engu
spá um framtíð þessara mála. En
hitt er víst: Raufarhöfn er stað-
ur mikilla möguleika og stórra
happa. Óhöpp og skuggar eru
fyrirbæri líðandi stqndar, fyrir-
bæri á stað, sem er í deiglunni
og getur vonandi mótazt til meiri
fullkomnunar eftir því, sem hon-
um vex fiskur um hrygg. Með
bjartsýni og velvild þarf að
byggja staðinn upp, því að hann
verðskuldar það. Og hann á sér
enn aðeins stutta sögu, en að lík-
indum langa framundan, svo að
með tilliti til framtíðarinnar er
saga Raufarhafnar eins og blað,
þar sem lítið er ritað nema upp-
hafið á, sagði Leifur Eiríksson,
oddviti í Raufarhöfn, að lokum.
Sv. Þ.
yPPÞVOTTAGRI^DUR
Plastichúðaðar uppþvottagrindur, komnar aftur.
J. Þorláksson & Norðmann h.f.
Bankastræti 11. Sími 1280.
STÚLKA
30 ára eða eldri, getur fengið fasta atvinnu við
glasaþvott í Laugavegs Apóteki.
Uppl. á skrifstofunni.
GÓLFFLÍSAB
rauðar, hvítar og svartar, 10x10 og 15x15 cm.
fyrirliggjandi
J. Þorláksson & Norðmann h.f.
Bankastræti 11. Sími 1280.
mmm
Hampnet fyrirliggjandi.
Nylonnet væntanleg.
Gæði viðurkennd.
Verðið samkeppnisfært. [
m
m
^JCriótján Cj (jíslaóovi CJ (Co. h.j :
Afgreihslumahur
reglusamur, helzt vanur, með gagnfræða- éða Verzlun-
arskólamenntun, óskast sem fyrst í herra og sportvöru-
búð í miðbænum. — Bílpróf æskilegt.
Tilboð sendist afgr. Morgbl. merkt: 879.
Jk
or
ÞVÖTTAVÉLARMAR
eru komnar, pantanir
óskast sóttar sem fyrst.
J. ÞoiTáksson
& Norðmann h.f.
Bankastræti 11. Sími 1280.
u- og
í Háskólanum.
Námskeið fyrir byrjendur, 2 tímar á viku til áramóta.
Þátttökugjald kr. 200.00.
Framhaldsnámskeið eftir áramót.
ítölskunemendur komi til viðtals í Háskólann föstu-
daginn 2. okt. kl. 5,30. — Spænskunemendur sama dag
kl. 6,30. — Nánari upplýsingar í síma 82686 á kvöldin.
Hörður Þórhallsson, B. A.
nýkomið
Sími 1-2-3-4
• r ..............................