Morgunblaðið - 20.09.1957, Side 15

rastudagur 20. sept. 1957
iif n n n n v n r a n i ©
15
Mikill ábyrgbarhluti að svipta
þjóðir heims voninni um
varanlegan frið
NEW YORK, 19. sept. —
Dulles, utanríkisráðh. Banda-
íkjanna, flutti ræðu á Alls-
herjarþingi Sameinuðu þjóð-
anna í dag og skoraði á aðild-
arríki samtakanna að styðja
afvopnunartillögur Vestur-
veldanna og taka höndum
saman og varna því að upp úr
sjóði í ríkjunum fyrir botni
Miðjarðarhafsins.
Ræddi hann mikið um vígbún-
aðarkapphlaupið og kvað nú vera
hafna framleiðslu nýrra og geig-
vænlegra vopna. — Engin leið
væri að fylgjast með þessari
vopnaframleiðslu nema með
ströngu eftirliti. — Hann kvað
Rússa hafa fullyrt, að hægt væri
að framleiða kjarnorku- og
vetnisvopn á laun.
Allir samningar nm afvopnun
væru því gagnslausir, ef ekki
fylgdi mjög nákvæmt eftirlit. —
Það væri hið eina, sem tryggt
gæti þjóðum heims, að hættunni
á skyndiárás væri bægt frá. Ekki
væri hægt að treysta fögrum
orðum og yfirlýsingum — og
byggja á þeim.
Þá ræddi Dulles nokkuð tillögu
Eisenhowers um eftirlit úr lofti
og kvað afvopnunartillögur Vest-
urveldanna vera að miklu leyti
byggðar á henni. Rússar hefðu nú
hafnað tillögunum, en Bandarík-
in vildu ekki sætta sig við það,
að það hefði verið síðasta orð
Rússa.
Dulles kvaðst ekki vera von
laus um að eitthvert sam-
komulag næðist, enda væri
það mikill ábyrgðarhluti af
hendi Báðstjórnarinnar, að
svipta þjóðir heims voninni
um varanlegan frið, með því
•ð skella skollaeyrum við
•Ilri viðleitni Vesturveldanna
til þess að ná samkomulagi
við Ráðstjórnina.
Dulles sagði, að Bandaríkja-
menn mundu ekki slaka á fram-
leiðslu og tilraunum með vetnis-
og kjarnorkuvopn meðan málum
væri háttað sem nú. Takmarkið
væri að framleiða „hreinar“
kjarnorkusprengjur, sprengjur,
sem engum yllu tjóni öðrum en
þeim, sem þeim er beint gegn i
styrjöld.
Hann kvað Rússa hafa til-
kynnt, að þeir ættu nú langdræg
skeyti, sem gætu flutt kjarnorku
sprengjur hvert á land , sem
væri — og valdið mikilli eyði-
leggingu. — Bandaríkjamönnum
væri einnig kunnugt um hvernig
þetta mætti verða, en stefna
þeirra væri hins vegar að koma
í veg fyrir að slíkt gæti nokkurn
tíma átt sér stað.
Þá vék Dulles að atburðunum
fyrir botni Miðjarðarhafsins og
sagði, að Ráðstjórnin hefði rask-
að styrkleikahlutföllunum þar
svo mjög með vopnasendingum
sínum til Sýrlands og Egypta-
lands, að ískyggilegt væri. Hann
kvað Tyrki vera í herkví. Rússar
ógnuðu þeim að norðan — og
hefðu hervætt Sýrlendinga að
sunnan. Alltaf væri sú hætta fyr-
ir hendi, að þjóðir þær, er Ráð-
stjórnarríkin hervæddu, leiddust
til árásar.
Bandaríkin væru reiðubúin til
þess að styðja heilbrigða efna-
hagslega þróun i löndunum fyrir
botni Miðjarðarhafsins — við-
komandi þjóðum til styrktar og
aukinnar velmegunar.
Franska stjórnin
talin fallvölt
PARÍS 19. september. — Stjórn,
Maunourys hlaut mikið áfall í
dag, er íhaldsmenn báru fram
vantrauststillögu á hana á þingi.
Saka íhalðsmenn stjórnina um
að brjóta lög landsins og verða
ekki við vilja mcirihluta þings-
ins hvað viðvíkur landbúnaðar-
málunum. Búizt er við því, að
forseti þingsins muni vísa tillög-
unni frá á þeim forsendum, að
þingið hafi verið kvatt til auka-
lundar til þess að ræða tillögu
stjórnarinnar í Alsirmálinu.
Enginn vafi leikur á því, að van
trauststillaga þessi hafi veikt hina
þriggja mánaða gömlu stjórn
Maunourys mikið og ólíklegt er,
að stjórnin verði langlíf, ef meiri
hluti þingmanna er samþykkur
vantrauststillögunni — enda þótt
forsetinn vísi henni frá núna.
t
Framkoma tillögunnar er aðal-
lega talin eiga rætur sínar að
rekja til þess, að fjármálaráð-
herrann, Gaillard, hefur ekki
gengið nógu langt til móts við
kröfur bænda um hærra verð á
landbúnaðarafurðum.
Ekki hefur framkoma ráðherr-
ann heldur orðið til þess að efla
trú manna á ianglífi stjórnarinn-
ar. Forsætisráðherrann lét t.d.
svo um mælt á dögunum, að arf-
taki hans í forsætisráðherrastóln-
um mundi fá allt annað en
skemmtilegt viðfangsefni þar
sem lausn Alsírmálsins væri. —
Fjármálaráðherrann hefur einnig
hætt við Bandaríkjaför — og virð
ist ástæðan engin önnur en sú,
að hann sé hræddur um að stjórn-
in falli.
Maunoury mun gera úrslitatil-
raun til þess að fá þingmenn sem
flestra flokka á sitt band á föstu
dag, en þá hefur hann boðað leið
toga allra flokka að kommúnist-
um og Poujade-istum undanskild
um á fund sinn.
Verður Alsírmálið þá rætt..
Það mun vera Mollet, fyrrum
forsætisráðherra og leiðtogi jafn
aðarmanna, sem hugmyndina
átti að þessum fundi.
Siðar í dag bárust fregnir þess
efnis, að Gaillard fjármálaráð-
herra hefði haldið ræðu í þing-
inu þar sem hann bauð bændum
hærra verð fyrir afurðir sinar,
en kvað aftur stjórnina verða
nauðbeygða til þess að leggja
7,000 milljóna aukaskatt á lands-
menn til þess að vega upp á móti
slíkri hækkun. Óliklegt er talið,
að þessi boðskapur verði til þess
að styrkja stjórnina — og full-
víst er, að stjómin nýtur ekki
stuðnings meirihluta þinglieims,
þegar landbúnaðaráætlun hennar
verður afgreidd.
Ungling
vanfar til blaðburðar við
Lindargötu

Byggingaframkvæmdir á
Patreksfirði
PATREKSFIRÐI, 19. sept. —
Nýlega er hafin bygging prests-
bústaðar á Patreksfirði. Búið er
að steypa grunninn og leggja
skólpræsi. Unnið verður við
bygginguna eitthvað fram eftir
hausti.
Einnig er unnið að því að reisa
olíutank við höfnina undir hrá-
plíu fyrir ESSÖ. Verður þetta
500 tonna tankur.
Skólabyggingin stendur yfir og
miðar vel áfram. í Tálknafirði
er verið að byggja nýtt hrað-
frystihús, en þar brann frystihús
í fyrra. Verður sú bygging komin
undir þak í haust. — Karl.
AIR-WICK
L
Y
K
T
E
Y
Ð
A
N
D
I
SILICOTE
H
Ú
S
G
A
G
N
A
B
í
L
A
G
L
J
Á
I
LNIKUM
★ ★ ★
Gólfklútar — borðklútar —
plast — uppþvottaklútav
fyrirliggjai.di
★ ★ ★
Ólafur Gíslason t Co. h.f.
Simi 18370.
Songgram landftótta
Leitaði hælis í
Kambodiu
PNOM PEHN, Kambódíu, 19.
sept. — Songgram, fyrrum for-
sætisráðherra í Thailandi, var í
dag veitt hæli í Kambódíu sem
pólitiskum flóttamanni. Song-
gram yfirgaf Bankok, höfuðstað
Thailands, fyrir þrem sólarhring
um, er herinn gerði stjórnarbylt-
ingu í landinu og tók völdin í
sinar hendur. Hélt hann þá þeg-
ar af stað til Kambódíu og leit-
aði þar hælis.
Stjórnin í Kambódíu hefur
veitt Songgram leyfi til þess að
dveljast í landinu svo lengi sem
hann vill með þeim skilyrðum,
að hann blandi sér ekki í mál,
sem geta stofnað hlutleysi lands-
ins í hættu.
Þá herma fregnir frá Bankok,
að talsmaður Sarit Thanarats
hershöfðingja, sem nú hefur tek-
ið stjórn Thailands í sinar hend-
ur, að hershöfðinginn mundi ekki
setjast í forsætisráðherrastólinn.
„Sarit hefur enga pólitíska metn
aðargirnd. Hann vill starfa í
anda óska þjóðarinnar" — sagði
talsmaðurinn.
Phumiphon Aduldet konungur
hefur rofið þing og útnefnt 123
menn, sem flestir eru hershöfð-
ingjar, til þess að sitja á þingi
þar til næstu kosningar fara fram
— eftir 90 daga.
í dag hófst í Bankok fundur
Suðaustur-Asíubandalagsins. —
Fundinn sækja 64 fulltrúar frá öll
um bandalagslöndunum.
Ungverjalands-
málið á dagskrá
NEW YORK, 19. sept. — í dag
var samþykkt í dagskrárnefnd
Allsherjarþingsins með 13 atkv.
gegn 2 að Ungverjalandsmálið
yrði tekið á dagskrá Allsherjar-
þingsins, sem hefst á þriðjudag-
inn. Fulltrúar Ráðstjórnarinnar
og Tékkóslóvakíu greiddu mót-
atkvæðin. Utanrlkisráðherra
Kadarstjórnarinnar mótmælti at-
hæfinu og kvað það íhlutun i
innanríkismál landsins.
Öllum þeim, fjær og nær, einstaklingum og félögum,
sem minntust mín á 70 ára afmæli mínu 6. sept. sl., með
hlýjum kveðjum, höfðinglegum gjöfum og virðulegu
samsæti, sem sveitungar mínir heiðruðu mig og f jölskyldu
mína með, flyt ég hugheilar þakkir og bið þeim allrar
blessuna.
Jónas Helgason,
Grænavatni.
Hjartanlega þakka ég öllum þeim, er sýndu mér vin-
arhug og kærleika á sjötugsafmæli mínu 9. þ.m., ög gerðu
mér daginn ánægjulegan.
Guð blessi ykkur öll.
Jóhanna ísleifsdóttir,
Sjafnargötu 9.
Hjartanlega þakka ég öllum þeim, sem sýndu mér vin-
áttu með heimsóknum, skeytum, blómum og gjöfum á
80 ára afmælisdaginn 16. þ.m.
Guð blessi ykkur öll fyrir hlýhug og vinsemd og gefi
ykkur góða framtíð.
Kristín Magnúsdóttir,
frá Glaumbæ.
Þökkum innilega hluttekningu við andlát og jarðarför
fóstursonar, stjúpsonar, bróður og mágs
HAUKS MAGNÚSSONAR
frá Oddgeirshólum.
Einnig þá fræbæru ástúð og hjálp er honum var auð-
sýnd í veikindum hans.
Vandamenn.
Öllum þeim, sem á einn eða annan hátt auðsýndu okkur
vinsemd og samúð við andlát og jarðarför
ÁRNA GÍSLASONAR
færum við okkur innilegustu þakkir.
Sigurbjörg Sigurðardóttir,
Yngvi Þórir Árnason
og aðrir ættingjar.
Þökkum innilega auðsýnda samúð og vináttu við andlát
og jarðarför
ÞORSTEINS ÓLAFSSONAR
Borgarnesi.
Sigríður Þorstelnsdóttir,
. Finnbogi Guðlaugsson.
Innilegt þakklæti fyrir auðsýnda samúð við andlát og
jarðarför
JÚLÍÖNNU HARALDSDÓTTUR
Börn hinnar látnu.