Morgunblaðið - 13.09.1958, Blaðsíða 18

18
ORGVNBLAÐIB
Laugardagur 13. *ept. 1958
- Tekur 179
farþega
Frh. a 1 bls. 3
Þá getur íslenzka flugfélagið
Loftleiðir keypt þær og haldið
uppi harðri samkepprli við okk-
ur. Þeir eru annars bráðduglegir
menn hjá Icelandic Airlines.
Og enn heldur hann áfram: ■
Við skulum ekkert láta tæknina
koma okkur á óvart. Ég er sjálfur
orðinn vanur risaskrefum hennar.
Ég byrjaði að fljúga fyrir 20
árum. Það var á lítilli æfingaflug-
vél Bandaríkjahers af tegundinni
PT—3. Hún var einna líkust eld-
spýtnastokk að útliti og styrk-
leika. Manni finnst eins og gamla
æfingaflugvélin hafi verið í allt
öðrum heimi, svo stórt er bilið
milli hennar og þessarar risa-
vöxnu og fullkomnu þotu, sem
við stöndum í.
Fastar ferðir í október
— Hvenær búizt þið við að Pan
American taki slíkar farþegaþot-
ur almennt í notkun á leiðinni
yfir Atlantshaf?
— Fastar áætlunarferðir
milli New York og Evrópu
með Boeing 707 hefjgst í lok
október. Þá fáum við fimm
flugvélar af þessari tegund til
viðbótar.
— Hvað um samkeppnina við
brezku Kómetuna?
— Ég get ekki séð að hún stand
ist keppnina við Boeing 707. Hún
er miklu minni og því óhagkvæm
í rekstri. Svo hefur Bretunum
ekki tekizt að koma henni í fjölda
framleiðslu, en mikil fjöldafram-
leiðsla er þegar hafin á Boeing
707. Við hjá Pan American höf-
um þegar samið um kaup á 23
stykkjum af þessari tegund og
stærstu flugfélög um allan heim
eru nú áköf í að fá hana til notk-
unar.
— Mynduð þér þora að fara
í kappflug við rússnesku Tupo-
lev-þotuna?
— Ég veit ekki um hraða rúss-
nesku þotunnar, en mér skilst að
okkar flugvél sé miklum mun
hagkvæmari í rekstri og það skipt
ir mestu máli.
Aukning ferðalaga fyrir dymm
— Hvaða þýðingu hefur til-
koma þessara nýju flugvéla fyr-
ir flugsamgöngur í heiminum?
— Ég held að það sé aug-
ljóst, svarar Miller kapteinn,
að algerlega ný viðhorf skap-
ast í ferðamálum. Félag okkar
reiknar með því að ferða-
mannastraumurinn frá Banda-
ríkjunum til Evrópu awkist
stórkostlega, þegar förin þang-
að tekur aðeins 6—7 Jdst.
Smám saman fer fólk að líta
flugferð sömu augum og ferð
í strætisvagni. Sjáið þið, —
það verða 179 sæti í þessari
vél, — það sýnir hvort við
gerum ekki ráð fyrir fjölgun.
Þessi flugvél getur farið fjór-
um sinnum yfir Atlantshaf á
einum sólarhring, þó hún verði
máske aldrei nýtt svo mikið.
Þotuöldin er hafin. Það verð-
ur tími stóraukinna ferðalaga
og aukinna kynna meðal þjóð-
anna.
Létt eins og fiðrið
Að lokum spyr ég flugstjórann:
— Hvernig lætur þetta flugvél-
arbákn að stjórn?
— Hún er alveg yndisleg. Þó
hún vegi 120 tonn, þá er hún
létt eins og fiður, þegar hún er
komin á loft. Því miður getið þið
ekki séð vegna myrkursins,
hvernig hún hefur sig til flugs
og hækkar sig. Það má segja að
hún fari næstum lóðrétt upp og
kemst á þremur mínútum upp í
10 þúsund metra hæð. — Já,
það er undarlegt, Spitfire orrustu
flugvélin, sem var svo fræg í
orrustunni um Bretland, héfði
ekki roð við okkar Boeing 707.
Viðstöðunni á íslandi er lok-
ið. Við kveðjum flugstjórann og
horfum á þegar fjórir kraft-
miklir þrýstihreyflar þotunnar
fara af stað. Okkur er sagt, að
kraftur þeirra jafngildi tug þús-
undum hestafla. Gnýrinn frá
þeim er ógnþrunginn og ægi-
legur. Um leið og flugvélin
snýr við og sveiflar sér út
á flugbrautina gerist svolítill
atburður, sem sýnir okkur glöggt
kraftinn.
Hinn ógnarlegi kraftur
Þarna á stéttinni framan við
flugvallarhótelið standa nokkrir
trébúkkar, stórir og gerðir úr
sverustu battingum, svo þungir
að tvo menn þarf til að bera þá.
En þegar Boeing 707 snýr sér við,
svo að blásturinn frá einum
hreyflinum beinist að þyngsta
búkkanum, þá tekst hann á loft
af vindgusunni og kastast eins
og þeytispjald langa leið eftir
hinni malbikuðu stétt. Manni
hrýs næstum hugur við þvílíku
ógnar-afli.
Við setjumst inn í veitinga-
hús flugvallarins að snæðingi
og kaffidrykkju eftir að
standa úti í rigningunni. Eft-
ir um tvær klukkustundir ber-
ast fregnirnar: — Þotan er
lent í París. Hún hætti við
að lenda í Prestvík vegna
þoku. Þegar flugmennirnir,
sem við vorum að tala við fyr-
ir stuttri stundu geta klifrað
upp í Eiffelturninn, ef þeim
býður svo við að horfa, eigum
við eftir klukkustundarferð í
myrkri yfir holótt svað Kefla-
víkurvegarins.
— Þ.Th.
SPÆNSKA ríkisstjórnin hefur
heitið íslendingi styrk til náms
við háskólann í Madrid veturinn
1958—1959. Hefur menntamála-
ráðuneytið lagt til, að Hrafn
Bragason, stúdent, Akureyri,
hljóti styrkinn til náms í
spænsku.
(Frá Menntamálaráðuneytinu).
Forstjóri upplýsingaskrif-
stofu SÞ. á Norðurlöndum
í heimsókn
HINGAÐ til lands er kominn fyr-
ir fáum dögum forstjóri upplýs-
ingaskrifstofu Sameinuðu þjóð-
anna á Norðurlöndum, en sú skrif
stofa er í Kaupmannahöfn. Er
það Svíinn Jan-Gunnar Lind-
ström. Mun hann dveljast hér um
nokkurra daga skeið og leita eftir
viðtölum við málsmetandi menn
og kynna þeim starfsemi Sam-
einuðu þjóðanna.
Lindström átti fund með blaða
mönnum í gær og kynnti Jóhann
es Helgason, formaður félags S.
Þ., hér á landi, gestinn.
Mikilvægt kynningarstarf.
Lindström reifaði málin og
gat þess hve mikilvægt það væri
að sem víðast störfuðu félög S.
Þ. í þeim tilgangi að kynna al-
menningi starf og uppbyggingu
samtakanna. Sameinuðu þjóð-
irnar byggðust fyrst og fremst á
styrk og stuðningi þjóða heims
við samtökin og því aðeins væri
þeim skapaður góður starfsgrur.d
völlur, að almenningur í sem
flestum löndum gerði sér grein
fyrir hverjar hugsjónir S.Þ.
væru.
— En við verðum líka að leggja
stund á annan þátt fræðslustarfs
ins, sagði Lindström, sem sé þann
áð kynna fólkið hvert er ekki hlut
verk SÞ og hvað þær eiga ekki
að gera. Sumir standa enn í þeirri
trú að S.Þ. séu alheimsríki, ríki
sem sé æðra öðrum ríkjum. Þetta
er mikill misskilningur. S.Þ. eru
Jan-Gunnar Lindström.
aðeins samtök þeirra ríkja, sem
undirritað hafa stofnskrána
og hafa ekki meira vald til at-
hafna en þessar meðlimaþjóðir
leggja þeim í hendur.
Mikil þekking.
Lindström kvaðst vera ánægð-
ur með það hve vitneskja almenn
ings um starf S.Þ. hér á landi
væri mikil og hve íslenik blöð
birtu oft frásagnir af starfi S.Þ.
Nú væri á næstunni dagur S.Þ.
sem er '24. október og myndi þá
efnt til alþjóðlegrar útvarpsdag
skrár, þar sem beztu tónlistar-
menn kæmu fram í þremur stór-
borgum heims og Dag Hammar-
skjöld flytti ávarp. Kvaðst hann
vonast til þess að þessi dagskrá
yrði flutt hér í Ríkisútvarpið.
Lindström var áður forstjóri fyr
ir kvikmyndaeftirlitinu sænska
en unir sér betur í núverandi
starfi sínu. í upplýsingaskrifstof-
unni í Höfn starfa 8 manns. Að-
stoðarforstjóri upplýsingaskrif-
unnar, er Ivar Guðmundsson
blaðamaður og fór Lindström
miklum viðurkenningarorðam
um hann.
Lindström kvaðst að lokum
hugsa vel til viðræðna sinna hér
á landi og vonast til þess að
starf félags Sameinuðu þjóðanna
mætti eflast í framtíðinni.
• •
Orlygur opnar
sýningu
ÖRLYGUR Sigurðsson listmál-
ari opnar listsýningu í Lista-
mannaskálanum við hliðina á A1
þingishúsinu kl. 4,30 í dag. Þar
mun hann sýna 95 myndir, aðal-
lega andlitsmyndir og vatnslita-
myndir. örlygur hefur haldið 7
sýningar £ Reykjavík, sú síðasta
var í bogasal Þjóðminjasafnsins
í desember 1955.
Málverkasýning
í Hafnarfirði
HAFNARFIRÐI, 12. sept. — 1
dag verður opnuð í nýja Iðnskól-
anum málverkasýning, þar sem
sýnd verða alls um 100 málverk,
olíu- og vatnslitamyndir, teikning
ar og pastellmyndir. Er það Hösk
uldur Skagfjörð, leikari, sem
stendur fyrir sýningunni, og eru
myndirnar, sem sýndar verða,
eftir þessa málara: Ásgeir Bjarn-
þórsson, Braga Ásgeirsson, Egg-
ert Guðmundsson, Höskuld
Björnsson, Nínu Sæmundsson,
Pétur Friðrik, Sigfús Halldórs-
son, Svein Björnsson, próf.
Magnús Jónsson og Þorlák Hall-
dórsen. Kennir þarna margra
grasa.
Þá verða í einni stofunni
sýnd nýtízkuhúsgögn í stofu og
blómaverzlun ein sér um blóma-
skreytingar. Sýningin, sem jafn-
framt er sölusýning, stendur yf-
ir í vikutíma. GE.
Sýíimgarfei’ð
um allt land
KJARTAN Ó. Bjarnason er lagð-
ur upp í sýningarför út um land
og hefur meðferðis sex myndir,
eina frá Finnlandi, Austfjarðar-
þætti og mynd af íslenzkum
börnum í leik og starfi, mynd írá
Olympíuleikunum í Cortina og
Ölympíuleikum hestamanna £
Stokkhólmi og loks skautamynd
„Holiday on ice“. Ætlar Kjartan
að sýna myndina í yfir 60 kaup-
stöðum, kauptúnum og félags-
heimilum til sveita.
Arás á sfrœtisvagnstjóra
við biðstöðina við Frakkastiginn
Lars Nordrum og Inger Andersen
Sýningar á nýrri mynd
frú Cuðrúnar Brunborg
FRÚ Guðrún Brunborg dvelst nú
hér á landi, og á þriðjudag-
inn kemur hefjast sýningar á
mynd, er hún sýnir til ágóða
fyrir norsk-íslenzk menningar-
tengsl. Titill myndarinnar á ís-
lenzku er: Frú blaðamaður —
Herra húsmóðir. — Fjallar hún
um ung hjón, sem bæði eru
blaðamenn, en frúnni verður
betur ágengt í starfinu og end-
irinn verður sá, að maðurinn
segir upp starfi sínu til að hugsa
um heimilið og barnið, en frúin
heldur áfram á frama- og met-
orðabrautinni. Hér skal atburða-
rásin ekki rakin lengra, til að
spilla ekki fyrir þeim, sem sjá
myndina.
Aðalhlutverk leika: Inger
Marie Andersen og Lars Nord-
rum.
STRÆTISVAGNASTJÓRI hefur
kært til rannsóknarlögreglunnar
yfir líkamsárás er hann varð fyr-
ir, er hann sat undir stýri strætis-
vagns á Frakkastígsbiðstöðinni
við Laugaveginn klukkan rúm-
lega 10 á laugardagskvöldið var.
Vagnstjórinn heitir Mey-
vant Meyvantsson Sörlaskjóli 20,
og hefur hann legið rúmfastur
undanfarna 3 daga vegna togn-
unar í hálsi.
Meyvant hefur skýrt rann-
sóknarlögreglunni svo frá að um-
rætt laugardagskvöld hafi maður
komið í vagninn við biðstöðina
hjá Múla við Suðurlandsbraut.
Kveðst Meyvant ekki hafa Veitt
manninum sérstaka eftirtekt.
Brátt kom í ljós að maður þessi
var ölvaður og var eitthvað að
rausa. Nokkru seinna stöðvaði
Meyvant vagnstjóri strætisvagn-
inn og bað manninn að ganga út
þar eð hann væri ölvaður. Mað-
urinn neitaði og við það varð
að sitja a.m.k. í bili. Þegar Vagn-
inn nam staðar við Frakkastíg-
ipn kom ölvaði maðurinn fram
að sæti Meyvants, og áttu þeir
nokkur orðaskipti. Maðurinn hót-
aði að kæra Meyvant og um leið
réðst hann á hann þar sem hann
sat undir stýri vagnsins.
Nokkuð af farþegum var í
vagninufn. Þeir mun ekkert hafa
aðlic. i ., bar þetta
bráðan að. Maðurinn greip helj-
ar haustaki á vagnstjóranum,
sem seildist í hurðarhún við sæti
sitt og lét sig velta út úr vagn-
inu niður á götuna. — Árásar-
maðurinn hélt takinu svo fast að
hann fylgdi á eftir.
Er að þeir skullu í götuna,
sleppti árásarmaðurinn takinu,
en Meyvant spratt þegar á fætur,
stökk upp í vagninn og ók af
stað. Hann hafði að sjálfsögðu
engan tíma til þess að fást við
dónann, því vagninn varð að
balda áætlun.
Að því er þeir skýrðu frá sem
í vagninum voru er þetta gerðist,
mun enginn þeirra hafa vitað
nein deili á árásarmanninum.
Það getur aftur hugazt að ein-
hverjir farþegar með vagninum
í umrætt skipti, er farnir voru út
á fyrri viðkomustöðum, gætu
gefið rannsóknarlögreglunni
haldgóðar uppl. svo hægt sé að
hafa hendur í hári árásarmanns-
ins. Eru þeir beðnir að koma til
viðtals í skrifstofu rannsóknar-
lögreglunnar.
Einn af vagnstjórum Strætis-
vagna Reykjavíkur hefur vakið
athygli blaðsins á því að þetta sé
í annað sinn nú á þessu sumri
sem vagnstjóri verður fyrir lík-
amsárás og bent á þá stórkost-
legu hættu sem það getur haft í
för með sér, þegar slíkir árásar-
menn leika lausum hala.