Morgunblaðið - 08.10.1958, Side 12
1?
M O R C V 1S Tt L A Ð 1 Ð
Miðvikudagur 8. okt. 1958
Verkefni stjórnmálanna er að
gera lífsharáttu al-
mennings léttari
Fjölmenn samkoma ungra Sjálf-
stæðismanna i Rangárvallasýslu
FJÖLNIR, félag ungra Sjálfstæðismanna i Rangárvallasýslu, hafði
fjöimenna og ánægjulega samkomu í Gunnarshólma í Landeyjum
síðastiiðinn laugardag.
Jón Þorkelsson frá Hellu setti samkomuna og stjórnaði henni.
Ræðumenn voru ingólfur Jónsson, alþingismaöur, og Guðmundur
H. Garðarsson, viðskiptafræðingur.
Guðmundur H. Garðarsson
sagði m. a.:
Islendingar hafa frá alda öðli
litið á frelsi sitt til orðs og æðis
sem þýðingarmesta þáttinn í and-
legum og veraldlegum verðmæt-
um. í aldaraðir vann ekki erlend
kúgun, fátækt, hörmungar eða
hungur sigur á frelsisþrá þjóðar-
innar og endurheimti hún á ný
fullkomið frelsi sitt árið 1944.
Kjarni þjóðarinnar og flestir
íorystumenn hennar í hinni löngu
frelsisgöngu aldanna eru runnir I
frá íslenzkum bændum. Samhliða |
harðri lífsbaráttu börðust þeir |
íyrir frelsi þjóðarinnar, varð- (
veittu tungu hennar og þjóðar-
einkenni.
Samstarf Framsóknar
og kommúnista
Eins og nú horfir í íslenzlcum
þjóðmálum er full þörf á að
vekja islenzka æskumenn til um-
hugsunar um að íslenzkt lýð-
ræði, byggt á sögulegum grunni,
er í mikilli hættu, vegna þess er-
lenda fyrirbæris, sósíalisma, sem
stöðugt er unnið að að koma á
fyrir tilstuðlan kommúnista og
Framsóknarmanna. Þessir tveir
hópar manna afneita hinum sögu-
lega uppruna íslenzks lýðræðis
og róa að því öllum árum að inn-
leiða á íslandi alræði fámennra
forystumanna, búa í haginn fyrir
„hina nýju stétt“. 1 þessum ti!-
gangi misnota kommúnistar trún-
að verkalýðsins, en forkólfar
Framsóknarflokksins samvinnu-
hugsjónina. Skyldi gömlu hug-
sjónamönnunum, þeim Tryggva
Gunnarssyni, Benedikt Jónssyni
frá Auðnum og Jóni Sigurðssyni
á Gautlöndum, ekki bregða, ef
þeir fengju nú séð hvernig for-
ráðamenn Framsóknarflokksins
hafa leikið hugsjón þeirra me'ð
því að hneppa hana í stjórnmála-
lega ánauð, stefnunni til mikils
skaða og þó sérstaklega þeim,
sem hún á helzt að vinna fyrir,
íslenzkum bændum, samtímis
því sem mestu fjandmenn bænda
menningar og sjálfstæðs búrekstr
ar, kommúnistar, hafa verið
leiddir í valdastól á íslandi, fyrir
beina tilstuðlan þeirra manna,
sem segjast öðrum fremur bera
hagsmuni íslenzkra bænda fyrir
brjósti. Ekki þarf að fjölyrða um
stefnu kommúnista, sem m. a.
byggist á afnámi eignarréttarins
og því að þjóðnýta allan atvinnu-
rekstur, hvort sem er í landb., iðn
aði eða öðrum atvinnugreinum.
Nærtæk dæmi um þetta er eigna-
svipting allra bænda í Austur-
Evrópulöndunum.
Kona óskast
í eldhúsið
Matbarinn
Lækjargötu 6
Sendisveinn óskast
eftir hádegi nú þegar. —
suiÍRimun
Langholtsveg 49
Stúlka
Rösk stúlka óskast í bókaverzlun hálfan dag-
inn nú þegar. Enskukunnátta nauðsynleg.
Umsóknir sendist afgr. Mbl. fyrir 11. þ.m.
merkt: „Rösk — 7911“.
Sjálfstæðismenn aðhyllast
frjálsa atvinnu- og viðskipta-
hætti og viðurkenna því sam-
vinnurekstur jafnt sem einka-
rekstur, en gera jafnframt kröf-
ur til jafnréttis til þess að heil
brigð samkeppni fái notið sín.
Meginhugsjón þeirra er sjálf-
stæði einstaklingsins.
Bóndinn hefur um aldir
staðið einn
Er það í fullu samræmi við
sögulega uppbyggingu íslenzks
iýðræðis þar sem bóndinn, sem
yrkir jörð sína, hefur um alda-
raðir staðið einn. Honum er það
í blóð borið að vera sjálfstæður,
taka áhættunni, berjast við óblíð
náttúruöfl og hafa lokasigur, svo
sem sjá má af hinum glæsilegu
býlum og búm víðs vegar um
sveitir landsins. Það að standa og
hugsa einn er annað eðli bónd-
ans og er hann því mikilsverð-
asti málsvari einstaklingsfrelsis-
ins í orði og verki. Þessa eigin-
leika vill Sjálfstæðisflokkurinn
efla og varðveita í íslenzku þjóð-
félagi og forða þjóðinni frá hættu
múghyggjunnar, sem getur verið
lýðræðislegu þjóðfélagi hættu-
legt vopn í höndum óhlutvandra
manna.
Þá ræddi Guðmundur afleið-
ingar hinnar neikvæðu stjórnar-
stefnu, sem „ríkisstjórn hinna
vinnandi stétta“ hefði rekið und-
anfarin tvö ár. Blasa þær hvar-
vetna við: Verðbólga, minnkandi
kaupmáttur launa, gildisrýrnun
krónunnar, öryggisleysi í atvinnu
málum, tvískinnungsháttur í
varnarmálum og innbyrðissundur
þykkja valdhafanna í einu þýð-
ingarmesta hagsmunamáli þjóð-
arinnar í dag, landhelgismálinu.
Kommúnistar una vel sínum
hag því niðurrif íslenzks lýð-
ræðis er framundan ef svo held-
ur áfram sem horfir.
Unga fólkið þarf að láta enn
meira til sín taka í stjórnmálum
og ala með sér og samborgurum
sínum ríkari skilning á hvernig
unnt er að varðveita og efla lýð-
ræði á íslandi, koma í veg fyrir
þá óheillaþróun, sem nú á sér
stað. Ungir Sjálfstæðismenn vilja
vinna að uppbyggingu þjóðfélags
ins í anda einstaklingsfrelsis.
Þeir eiga ört vaxandi fylgi meðal
æsku landsins og munu fyrir til-
styrk hennar hrista þá hlekki af
þjóðinni, sem núverandi valdhaf-
ar hafa búið henni.
Framtíð íslenzkrar menningar
byggist á frjálsum og óháðum
einstaklingum.
Ræða Ingólfs Jónssonar
Ingólfur Jónsson sagði m. a., að
lífsbaráttan í landi hér hefði alla
tíð verið hörð, það væri hlutverK
stjórnmálanna m.a. að vinna
að því að lífsbaráttan yrði
léttari og lífskjörin gætu batnað.
Þess vegna væri það skylda
hvers manns að hugsa hlutlaust
um landsmálin og gera sér fulla
grein fyrir því hvað er hollast
fyrir þjóðfélagið og hvað reynist
bezt í hinni erfiðu lífsbaráttu.
Við Sjálfstæðismenn, sagði Ing-
ólfur, förum aðeins fram á það að
fólkið láti dómgreindina ráða.
Ingólfur Jónsson taldi að margt
hefði áunnizt til batnaðar á und-
anförnum árum. Skilyrði til þess
að hafa sæmileg lífskjör væru
betri nú en áður. Þó væri ljóst,
að í tíð núverandi ríkisstjórnar
hefði lífsbaráttan verið gerð
erfiðari heldur en áður, vegna
ört vaxandi dýrtíðar. Kaupmátt-
ur launanna færi stöðugt minnk-
andi, afurðaverðið, sem bændur
fá, hækkaði ekki í samræmi
við þá hækkun sem þeir verða
að greiða fyrir aðfluttar vörur.
Bændur njóta ekki þess þótt út-
söluverð varanna hækki nokkuð,
ef mestur hluti hækkunarinnar
fer í dreifingarkostnað.
Ræðumaður minnti á hin
mörgu loforð stjórnarflokkanna
fyrir síðustu alþingiskosningar,
loforð um vinnufrið, loforð um
stöðvun dýrtíðarinnar, loforð um
bætta afkomu almenningi til
handa. Taldi hann ekki þörf á að
fara mörgum orðum um loforðin
og efndirnar. Almenningur hlyti
að hafa gert sér grein fyrir veru-
leikanum. Væri og ljóst á viðtöl-
um við ýmsa, sem áður fylgdu
stjórnarflokkunum, að mælirinn
væri nú fullur og nú væri þörf á
að segja: Hingað og ekki lengra.
Það er þjóðarnauðsyn að breyta
nú þegar um stefnu. Dýrtíðina
verður að stöðva og tryggja gengi
og traust krónunnar inn á við og
út á við, en eins og kunnugt er,
hefur stefna vinstri stjórnarinnar
leitt til þess, að erlendir bankar
neita nú að skrá íslenzku krón-
una. Er það Ijósasti vitnisburður-
inn um álit annarra þjóða á fjár-
málastjórn íslendinga, sagði
ræðumaður.
Eftir næstu alþingiskosningar
verður Sjálfstæðisflokkurinn að
taka að sér mikilvægt en erfitt
hlutverk. Hafi hann ekki nægi-
legt fylgi til þess að leysa vand-
ann verður að leita liðstyrks til
þeirra' sem líklegastir eru til þess
að leggja vel og drengilega hönd
á plóginn í sambandi við við-
reisnarstarfið. Verkefnin eru m.
a. þau að stöðva dýrtíðina, verð-
lagið og kaupgjaldið, að endur-
heimta það traust, sem þjóðin hef
ur tapað út á við, að leysa land-
helgismálið á farsælan og heppi-
legan hátt, að byggja upp nýjar
atvinnugreinar og vinna að því
að útflutningsverðmætin verði
Vinna
Stúlkur og karlmenn óskast
til verksmiðjuvinnu. —
HF. HAMPIÐJAIM
Stúlka óskast
Sæla Café
Brautarholti 22 — Sími 19521
aukin og þjóðin geti eftirleiðis
aflað þeirra verðmæta, sem hún
hverju sinni notar. Til þess að
það megi verða þarf að gera
stórvirkjun í Þjórsá og koma á
stóriðju, sem aflar landinu er-
lends gjaldeyris. Fjármagn í
þessu skyni ætti að vera auðvelt
að fá, þar sem ekki er erfitt að
sanna að slík virkjun og iðja
með þeirri aðstöðu, sem þar verð-
ur, er fjárhagslega gott fyrirtæki.
Hið erlenda fjármagn, sem til
framkvæmdanna verður tekið
greiðist með framleiðslu iðju-
versins.
Nýting mjólkurinnar
Þá er oft talað um offram-
leiðslu mjólkur. í því sambandi
er nauðsynlegt að athuga hvort
ekki er heppilegt fyrir okkur ís-
lendinga að koma á fót penicillin
verksmiðju, en við framleiðslu
þess lyfs er notuð mjólk. Mark-
aður í hinum fjarlægari löndum
virðist vera óþrjótandi fyrir
þetta lyf. Danir munu hafa fram-
leitt penicillin til útflutnings fyr-
ir hátt á annað hundrað milljón
danskra króna árlega. Nauðsyn-
legt er að athuga þetta mál gaum
gæfilega, eins og margt fleira,
þegar um það er að ræða að
koma á fót nýjum atvinnugrein-
um í því skyni að gera fram-
leiðsluna fjölbreyttari og auka
þjóðartekjurnar. Sú stefna, sem
fylgt hefur verið í tíð núverandi
ríkisstjórnar, að taka lón er-
lendis, jafnvel til eyðslu, svo sem
að greiða ríkissjóði tolla o. s. frv,
verður að hætta. Þjóðin má ekki
taka erlend lán, nema til arð-
bærra framkvæmda. Hún verður
eftirleiðis að afla þeirra verð-
mæta sem hún eyðir. Til þess að
svo megi verða, þurfá þjóðfélags-
þegnamir að vinna að öflun verð-
mætanna, og þá er víst að lífs-
kjörin fara batnandi og lífsbar-
áttan mun verða léttari.
Hér í Gunnarhólma boðaði
fjármálaráðherra að feigðargöng-
unni skyldi haldið áfram, að ríkis
stjórnin myndi gera á komandi
vetri viðbótarráðstafanir í efna-
hagsmálum.
Allir vita hverjar þær viðbót-
arráðstafanir eru í huga fjármála
ráðherra. Það eru viðbótarskattar
og viðbótartollar ofan á það sem
vinstri stjórnin hefur lagt á þjóð-
ina síðastliðin tvö ár. Ætlun fjár-
málaráðherra er að koma með
nokkur hundruð milljónir króna
til viðbótar á komandi þingi, en
það sem vinstri stjórnin hefur
tekið af almenningi sl. tvö ár, eru
300 millj. kr. um áramótin 1956—
1957, nærri 800 millj. kr. á sl.
vori, og auk þess nærri 600 millj.
króna í erlendum lánum á þessu
tímabili. Allt of mikill hluti af
þeirri upphæð hefur farið í
eyðsluhítina. Vinstri stjórnin hef-
ur runnið sitt skeið. Þjóðin veit
nú að hún hefur ekki efni á að
búa við það stjórnarfar, sem nú
er. Sá skóli reynslunnar, sem
þjóðin hefur nú fengið, er dýr,
en að því leyti gagnlegur, að
vinstri stjórn mun ekki aftur
komast til valda á Islandi. Al-
þýðan í þessu landi styður ekki
þá stjórn, sem víðsýnasti og
frjálslyndasti flokkurinn, Sjálf-
stæðisflokkurinn, á ekki hlut-
deild að, sagði Ingólfur Jónsson
að lokum.
Ræðumönnum var báðum
ágætlega tekið og gerður göður
rómur að máli þeirra. Að loknum
ræðuhöldum skemmti Jón Sigur-
björnsson með einsöng við undir-
leik Asgeirs Beinteinssonar, Þóra
Borg með kvæðalestri við undir-
leik Emelíu Borg og Emelía Jón-
asdóttir með leikþáttum.
Að lokum var dansað. Öll var
samkoma þessi hin ágætasta.
í dag er næst síðasti söludagur. Dregið verður á föstudag
Happdrœtti Háskóla íslands