Morgunblaðið - 04.03.1960, Blaðsíða 14

14
MORCUNBLAÐIE
Föstudagur 4. marz 1960
Somkomur í Ddmkirkjunni
Kristilegt Stúdentafélag heldur almenna samkomu í Dóm
kirkjunni í kvöld kl. 20,30.
Ræðumenn Ingólfur Guðmundsson stud. theol, og
herra Sigurbjöm Einarsson biskup.
Einsöngur og kórsöngur AUir velkomnir.
SXJÓRNIN.
Málakennsla
Kenni byrjendum ensku (t.d. með tilliti til lands-
prófs) og þýzku. Uppl. sími: 10912.
Sælgætisgerð
Óskum að taka á leigu sælgætisgerð. Tilboð merkt:
„3 ár — 9829“ sendist blaðinu fyrir þriðjudags-
kvöld.
Hárgreiös I ustofa
Óska eftir húsnæði í miðbænum sem fyrst, fyrir hár-
greiðslustofa. Tilboð merkt: „Hárgreiðsla — 9833“.
sendist afgreiðslu Mbl. strax.
Verksmiðjuvinna
Ungur reglusamur, lagtækur maður óskast til starfa
við þrifalegan iðnað. Umsóknir ásamt mynd og með-
mælum ef til eru sendist afgreiðslu Morgunbl. fyrir
hádegi á laugard. merkt: „Árvakur — 9827“.
Ný ibúð til leigu
4ra herbergja íbúð á II. hæð í nýju húsi við Hvassa-
leiti til leigu frá 20. þ.m. Einhver fyrirframgreiðsla.
Tilboð merkt: „Hvassaleiti — 4332“ sendist afgr.
Mbl. fyrir þriðjudag.
Cuðriður Ólafsdóttir
frá Húsavík — minning
GUÐRÍÐUR Ólafsdóttir var fædd
í Mýrarhúsum á Seltjarnarnesi
9. júní 1867 og var því nær 93
ára að aldri er hún lézt hinn
22. febrúar sl. í sjúkrahúsi hér
í Reykjavík, eftir langa og erfiða
banalegu.
Foreldrar hennar voru hjónin
Ólafur Guðmundsson Pálssonar
í Mýrarhúsum og Karitas Runólfs
dóttir Þórðarsonar í Saurbæ á
Kjalarnesi. Þau giftust 1860 og
bjuggu í Mýrarhúsum. Börn
þeirra voru: Halldóra kaupkona
í Reykjavík, Þórunn kona séra
Ólafs Finnssonar í Kálfholti,
Runólfur útgerðarmaður í Mýr-
arhúsum, Guðmundur hrepp-
stjóri í Nýjabæ á Seltjarnarnesi,
Guðríður og Guðrún kona Sig-
urðar Sigurðssonar á Fiskilæk.
Karitas andaðist 31. maí 1870 og
þremur árum seinna giftist Ól-
afur aftur og var seinni kona
hans Anna Björnsdóttir á Möðru-
völlum í Kjós, Kortssonar. Börn
þeirra voru: Karitas, kona Ólafs
steinsmiðs Péturssonar í Reykja-
vík, Helga óg., Rannveig kona
Sigurðar Hjaltested bakarameist-
ara, Ingibjörg kona Sigurðar
skipstjóra Péturssonar í Hrólfs-
skála, Björn skipstjóri í Mýr-
arhúsum og Ingunn kona Ásgeirs
G. Gunnlaugssonar kaupmanns.
Er þetta alkunn ætt hér syðra.
Guðríður var tæpra þriggja ára
er hún missti móður sína. Fór
hún þá í fóstur til hinna merku
hjóna Kristins Magnússonar
skipasmiðs í Engey og Guðrúnar
Pétursdóttur. Ólst hún upp hjá
þeim til 16 ára aldurs og þótti
jafn vænt um þau sem hefði
þau verið foreldrar hennar. Leið
henni þar vel, en þó fór að bera
á útþrá hjá henni og fannst
henni Engey heldur þröngur
heimur fyrir sig. Var það
svo úr, að vorið 1883 réðist hún
að Odda til séra Matthíasar
Jochumssonar, sem þá hafði verið
prestur þar um tvö ár. Kona
Matthíasar var Guðrún Runólfs-
dóttir, móðursystir hennar, en
ekki réði skyldleikinn neinu um
það að hún vistaðist þangað. Þó
tók Guðrún frænku sinni vel og
reyndist henni vel. f Odda var
stórt bú og mannmargt heimili
og lærði Guðriður þar margt um
hússtjóm, sem kom henni vel
seinna í lífinu. í Odda dvaldist
hún fram til 1887. Þá fékk Matt-
hías Akureyrarprestakall og
fluttist hún með þeim hjónum
norður þangað.
Á heimili séra Matthíasar
kynntist hún bróðursyni hans,
Jóni Arasyni, og tókust með þeim
ástir. Jón útskrifaðist úr presta-
skólanum 1887 og árið eftir var
honum veitt Þóroddstaðapresta-
kall. Þá giftu þau sig og settust
þar að. En ekki bjuggu þau þar
nema þrjú ár, því að 1891 var
séra Jóni veitt Húsavíkurpresta-
kall. Sátu þau svo þann stað
meðan séra Jón lifði, en hann
andaðist 14. marz 1928. Þeim varð
sex bama auðið. Þrír synir þeirra
eru látnir: Ólafur læknir í
Reykjavík, Finnbogi Rútur vél-
fræðingur í Reykjavík og Krist-
inn kaupmaður á Húsavik, valin-
kunnir menn. Á lífi eru Ari lækn-
ir á Fljótsdalshéraði, Karitas
Halldóra húsfreyja í Reykjavík
og Katrín skrifari í Reykjavík,
og fósturdóttir Ástríðar Eggerts-
dóttir húsfreyja í Reykjavik.
Eftir lát manns síns dvaldist
frú Guðríður hjá bömum sínum
og barnabörnum, fyrst á Húsa-
vík, en seinustu árin í Reykja-
vík.
Guðríður var talin glæsileg
kona á yngri árum og hún var
einnig glæsilegt gamalmenni. —
Lífsþróttur og kjarkur fylgdi
henni frá vöggu til grafar. Mót-
læti og sorgir megnuðu ekki að
buga hana, og virtist hún þó ekki
þrekmikil þeim, sem lítt höfðu
kynnzt henni. Ég held að ást
á lífinu hafi verið styrkur henn-
ar, ekki aðeins ást á þessu hverf-
ula stundlega lífi, heldur á hinu
mikla og endalausa alheimslífi.
Þeir, sem þannig eru innrættir,
eru ekki í sífelldri leit að bjálk-
um í augum meðbræðra sinna, til
þess að hneikslast á og ergja
sjálfa sig. En þessi ást hennar
á lifinu tryggði það, að hún
helt þar sínum sess til æviloka.
Heimilið á Húsavík var oftast
mannmargt og þar var mikill
gestagangur. Kom það sér þá vel
að Guðríður var enginn viðvan-
ingur á stóru búi. Séra Jón var
valmenni mesta, framúrskarandi
dagfarsprúður, gáfaður vel sem
hann átti ætt til, og hneigður
til fróðleiks, en mun lítt hafa
verið gefinn fyrir búsumstang.
Kom því stjórnsemi öll, bæði úti
og inni oft á herðar húsfreyjunn-
ar og var rækt vel án fums og
óðagots, en með festu og glögg-
skyggni. Aldrei voru þau rík,
líklega mætti segja að þau hefði
verið bjargálna. Aldrei gætti þar
óhófsemi í neinu, en allt bar vott
um þrifnað og snyrtimennsku.
Guðríður var glaðlynd kona
að eðlisfari og gat stundum verð-
ið dálítið glettin í orðum, þótt
græzkulaust væri. Kom stundum
fram í því hinn innri maður.
Einu sinni trúlofuðst karl og
kona á Húsavík, bæði komin af
æskualdri, en elskuðust svo dátt
á almannafæri, að af bar.Þá varð
Guðríði að orði: „Fyrr má nú
vera, en flugurnar springi af
hita“. Með því lét hún í ijós van-
þóknun sína á því, að menn væru
að bera tilfinningar sínar út á
stræti og torg. Þessari skapgerð
sinni hélt hún til æviloka. Og
andlega eltist hún ekki þótt ellin
sækti að. Hún var stálminnug og
fylgdist með öllu er gerðist fram
til hinztu stundar, því að sálin
var síung þótt líkamskraftar léti
undan síga.
Frú Guðríður verður hugstæð
öllum þeim, sem henni kynntust,
og þó einkum þeim, er kynnust
henni bezt.
Á.
Verkakvennafélagið Framsókn
Aðalfundur félagsins verður sunnud. 7. marz n.k.
í Iðnó kl. 2 s.d.
Fundarefni: Venjuleg aðalfundarstörf.
Konur fjölmennið á fundinn.
Sýnið skírteini eða kvittun við innganginn.
STJÓRNIN.
II
T
S
A
L
A
TS ALA
Baritaskór
Verð frá kr. 80.—
Inniskór
Verð frá kr. 25.—
Kvenbomsur
Vtirð frá kr. 75.—
Kvenskór
Lítil númer. Verð frá kr. 100.—
Karlmannaskór
Lítil númer (frá nr.39—40).
Verð frá kr. 100.—
Laugaveg 20