Morgunblaðið - 05.02.1963, Blaðsíða 3

Þriðju'dagnr 5. febrúar 1963
MORGUNBLAÐ1Ð
3

I FEBRÚAR 1960 réðu tvær
íslenzkar stúlkur, sem höfðu
unnið í Landsbankanum, sig
til starfa sem flugfreyjur hjá
stærsta flugfélagi heimsins,
Pan American Airways. önn-
ur þeirra, Alda Guðmunds-
dóttir, vinnur ennþá hjá fé-
laginu, og um þessar mundir
er hún stödd hér heim í fríi.
Við hittum Öldu að máli til að
frétta af starfi hennar.
— Hvernig datt þér í hug
að ráða þig til Pan-Am?
— Við sóttum nokkrar um
og vorum valdar úr tvær. Ég
veit ekki hvernig okkur datt
þetta í hug. Við höfðum ekki
verið flugfreyjur áður.
— Hvernig líkar þér svo
starfið?
— Það er voðalega gaman
að geta ferðazt hvert sem
vera skal. Eftir að vera búin
að vera þetta lengi, er ég
komin í þá aðstöðu að geta
valið sjálf sum flugin, sem ég
fer, og það er ógurlega gam-
an.
Alda Guð mundsdóttir.
— Það hafa flestir nóg að
gera allan tíimann. Annars er
sérstaklega gaman að atíhuga
öryggisvörðinn, því það er
aldrei hægt að segja um það,
hverjir eru öryggisverðir og
hverjir ekki. Þó rúaður sé far-
in að kynnast mönnunum og
hafi flogið með þá oft, er það
ekki fyrr en maður rekst á
þá á vappi á hótelgöngunum,
að maður kemst að því að þeir
eru í öryggisverðinum.
— Þekkir þú ekki eitthvað
af fslendingum vestan hafs?
— Ég þekki mjög fáa þar,
og þá helzt á flugvellinum.
Annars eru tveir aðrir íslend-
ingar hjá Pan-Am, Garðar
Halldórsson, sem vinnur í flug
þjónustunni og Árni Ágústs-
son, sem er flugumsjónarmað-
ur. Ég hef íbúð með finnskri
stúlku, sem er hlaðfreyja hjá
Loftleiðum á Idlewild.
•— Hvernig er annars að
halda sambandinu við ísland
við?
— Ég er alltaf hérna hálf-
an mánuð á ári, hálft fríið.
Hinn helminginn nota ég til
að ferðast og síkoða mig meira
um. Bréfaskriftirnar hjá mér
gera ekki_ mikla lukku. Öll
bréf mín eru send til New
York, og þar liggja þau þar
til ég kem þangað aftur.
Þau liggja þar oft hálfan mán
uð áður en ég sé þau og get
svarað þeim. Annars kaupi

Hong Kcng mitt annað haimili
— Hvaða leið flýgur þú
mest?
— Hong Kong er mitt ann-
að heimili. Þar er skipt um
áhöfn á vélunum, sem eru
í hnattfluginu. Við fljúgum
líka alla leið til Johannesar-
borgar í Afríku, pólflug til
London og yfirleitt út um all-
an heim.
— Hvert finnst þér skemmti
legast að koma?
— Hong Kong, Bangkok og
Lissabon eru mjög fallegar
borgir, sem allar hafa sinn
sérstæða arkitektur. Hong
Kong stendur auk þess á ein-
hverju fallegasta bæjarsætði,
sem ég hef séð.
— En hvernig finnst þér
Evrópa?
— Gamla Evrópa er ágæt á
veturna, en þar er svo mikið
af ferðamönnum á sumrin og
svo mikið tilstand þeirra
vegna, að mér finnst hún leið-
inleg, En það er indælt að
koma til Evrópu á veturna,
góð leikrit í leikhúsunum og
svoleiðis.
— Hvaða flugvélar notið
þið aðallega?
— Við fljúgum ekki í öðru
en þotum. Boeing 707 er not-
uð í hnattfluginu og pólarflug
inu, en DC 8 yfirleitt annars.
— Ertu ekkert smeyk við
að fljúga í Boeing vélunum?
Nei, ég get ekki hugsað
mér neitt betra. Það er alveg
draumur að fljúga í þeim og
ég mundi helzt aldrei ferðast
í öðrum vélum.
— Við höfum haft fréttir af
því, að þú hafir verið flug-
freyja á vél, sem flutti starfs-
lið Hvíta hússins?
•— Ég er flugfreyja á
þeirri vél og er alltaf með
þegar Kennedy hreyfir sig.
— Hvaða fólk er þetta nú?
— Þetta eru bæði blaða-
menn, ýmsir starfsmenn Hvíta
hússins og svo náttúrlega ör-
yggisverðir forsetans. Forset-
inn sjálfur flýgur aftur á móti
í sérstakri flugvél frá hem-
um.
ég alltaf Morgunblaðið og fæ
það sent vestur, og núna með-
an prentaraverkfauið hefur
staðið hef ég alltaf séð heims-
fréttirnar þar fyrst.
— Ég heyri að þú kannt vel
við starfið, svo þú hefur nátt-
úrlega engar áætlanir um að
breyta til?
— Nei, blessaður vertu, það
er orðið alltof gaman núna,
þegar ég er komin með þetta
langan starfstíma.
— Þ.
— Er ekki gaman að fylgj-
ast með vinnunni kringum
forsetann?
Flugstjóri og flugfreyjur á flugvélinni, sem starfslið Hvíta hússins notar á ferðaiögum
Kennedys. Alda er lengst til hægri á myndinni.
Barnagamcun í
Háskólabíói
Nýstárleg barnaskemmtun á sunnud.
NÆSTA sunnudag gerir Háskóla
bíó tilraun með barnaskemmtun,
með allnýstárlegu sniði. Lárus
Fálsson leikari mun sjá um
skemmtanirnar en honum til að-
stoðar verða fóstrur undir for-
ystu Idu Ingólfsdóttur, forstöðu-
konu í Stigahlíð. Skemmtanir
þessar eru aðallega ætlaðar börn
um á aldrinum fjögra til tíu eða
ellefu ára.
Barnagaman þetta kemur í stað
kvikmyndasýninga kl. 3, og telja
forstöðumenn Háskólabíós þetta
breytingu til bóta. Foreldrar geti
sent þangað börn sín og skilið
þau eftir, þar eð þau verða á
meðan á skemmtuninni stendur
í höndum sérfræðinga, þar sem
fóstrurnar eru, og muni þær hafa
eftirlit með börnunum.
Skemmtanirnar hefjast kl. 14
og er ætlazt til að börnin komi
þá. Fósturnar taka á móti þeim
í anddyrinu og fylgja þeim í sal-
inn og sitja hjá þeim meðan
á skemmtuninni stendur. Vand-
að verður til þessara skemmt-
ana eftir föngum, og áherzla
lögð á að kenna börnunum góða
frambomu og umgengni.
Á þessari fyrstu skemmtun
verður ýmislegt til skemimtunar,
fóstrurnar syngja með börnunum,
skátar sýna varðeld, krökkunum
verða sagðar sögur og stutt kvik-
mynd verður sýnd.
Byrjað verður að selja aðgöngu
miða að þessum barnaskemmtun-
um á föstudaginn, og er það
bæði gert til að forðast biðraðir
og þrengsli og til að gefa börn-
unum tækifæri til að hlakka til.
f ráði er að þessar skemmtanir
verði á hverjum sunnudegi.
Á fundi sem Friðfinnur Ólafs-
son og prófessor Alexander Jó-
hannesson ásamt þeim Lárusi og
Idu héldu með fréttamönnum í
gær, lagði Friðfinnur áherzlu á,
að ekkert sælgæti yrði selt á
þessum skemmtunum. Verð að-
göngumiða væri 25 krónur og
mjög stillt í hóf og að það væri
von sín að þessari nýbreytni yrði
vel tekið af foreldrum jafnt sem
börnunum og að hún yrði til
menningarauka um leið og börn-
umun væri séð fyrir góðri
skemmtun.
Skákþing
Reykjavíkur
TVÆR umferðir- hafa nú verið
telfdar í úrslitakeppni Skákþings
Reykjavíkur. Leikar hafa farið
þannig:
1. umferð: Jón Kristinsson vann
Jónas Þorvaldsson, Ingi R. Jó-
hannsson vann Jón Hálfdánar-
son, Friðrik Ólafsson og Sigurð-
ur Jónsson gerðu jafntefli og
Júlíus Loftsson og Björn Þor-
steinsson jafntefli.
2. umiferð: Jón Kristinsson
vann Júlíus, Friðrik vann Jón
Hálfdánarson, Jónas vann Sigurð
og Ingi R. vann Björn.
Þriðja unlferð verður í kvöld
kl. 8 í Snprrasal, Laugaveg líi.
Þá hefir Ingi R. hvítt gegn Frið-
rik Ólafssyni.
SIAKSItlMR
Framsókn og fríverzlun
Vinstri stjórnin lót eins og
kunnugit er fulltrúa sína í Efna-
hagssamvinnustofnun Evrópu
greiða atkvæði með ályktun þess
efnis, að komið yrði á íríverzl-
unarsvæði við Efnahagsbandalag
ið sem íslendingar ættu aðild að.
Gylfi Þ. Gíslason, viðskiptamála-
ráðherra, víkur að þessu í grein,
sem hann ritar í Alþýðublaðið.
Þar segir hann m.a.:
„En ég gat aldrei orðið annars
var en að Framsóknarflokkurinn
teldi jafn sjálfsagt og Alþýðu-
flokkurinn, að við tækjum þátt
í þessum viðræðum, gerðum
grein fyrir þeirri sérstöðu, sém
ið töldum okkur nauðsyn á, og
gerðumst aðilar að slíku fríverzl
unarsvæði Vestur-Evrópuríkj-
anna, ef það yrði stofnað.“
Afstaða Eysteins
V
Á ráðstefnu, sem Frjáls mewn
ing hélt í fyrra, lýsti Eysteinn
Jónsson, formaður Framsóknar-
flokksins því yfir, að hann teldi,
að íslendingar ættu að tengjast
Efnahagsbandalagi Evrópu á
grundvelli 238 gr. Rómarsáttmál
ans, þ.e.a.s. greinarinnar um auka
aðild. Þá var ekki kominn kosn-
ingarskjálfti í Framsóknarmenn
og þess vegna leituðust þeir við
að ræða málin á heilbrigðum
grundvelli. Síðar féliu þeir í þá
freistni að reyna að gera Efna-
hagsbandalagstmálið að megin-
kosningamáli og gerðu sér vonir
um, að þannig myndi þeim auðn
ast að auka fylgi flokksins og
sérstaklega að geðjast kommún
istum og fylgifiskum þeirra. En
í rógsherferðinni á hendur Við-
reisnarstjórninni hafa þeir verið
svo óheppnir að benda á, að sú
stjóm mundi reyna að Ieysa
vandamál okkar í sambandi við
efnahagssamvinnu Evrópu með
svipuðu hugarfari og hún leysti
landhelgismálið. Þá unnu íslend
ingar einhvern mesta stjórnmála
sigur sinn og sýndu hvort
tveggja í senn, festu og hæfni til
að ná ntákilvægum árangri með
alþjóðlegum samningum. Það
væri því sannarlega giftusam-
legt, ef vandkvæði okkar út af
tilvist Efnahagsbandalags Evrópu
yrðu leyst á svipaðan veg og land
helgismálið leystist.
Aukið fé til íbúða
Framsóknarmenn þykjast ttfi
sérstakir baráttumenn fyrir því,
að húsbyggjendum verði gert
kleift að fá hagstæð lán til fram
kvæmdanna. En ekki er úr vegi
að rif ja upp, hvernig þessum mál
um var háttað í þeirri stjóm,
sem Fram.sóknarmenn telja
bezta hafa verið hér á landi,
þ.e.a.s. vinstri stjórninni. Þegar
hún tók við völdum var hið al-
menna veðlánakerfi nýtekið til
starfa og liafði þá lánað að meðal
tali 8,7 milljónir á mánuði hverj-
um. Á tíir.um vinstri stjórnarinn-
ar minnkuðu lánveitingar jafnt
og þétt og voru að meðaltali 3,9
millj. á mánuði. Meðallán út á
hverja íbúð lækkuðu líka mikið,
en hinsvegar hækkaði bygging-
arkostnaður við 100 fermetra í-
búð úr 280 þúsund kr. í 375 þús.
kr. Auðvitað hlaut þetta að leiða
til mannkandi íbúðabygginga, og
þess vegna var það eitt af meg-
in verkefnum Viðreisnarstjóm-
arinnar að byggja á ný upp heil
brigt lánakerfi fyrir húsbyggj-
endur. Miklu hefur þegar verið
áorkað í því efni, þótt enn þurfi
að auka lánveitingar, en það verð
ur þvi aðeins hægt að viðreisn-
in haldi áfram.