Morgunblaðið - 04.06.1964, Blaðsíða 8

8
MORGU N BLAÐIÐ
Fimmtudagur 4. júní 1964
Vatnsveita Kópavogs býður út
5 millj. króna skuldabréfalán
Miklar framkvæmdir í vatnsveitumdlum
fyrirhugaðar
BÆJARSTJÓRN Kópavogskaup-
Úr nýju bæjarstjórnarskrifstofunum í Kópavogi.
staðar hefur samþykkt einróma
að bjóða út 5 milljón króna
skuldabréfalán vegna fyrirhug-
aðra vatnsveituframkvæmda í
Kópavogi. Er lánið til 15 ára með
hæstu lögieyfðum fasteignaláns-
vöxtum og ríkisábyrgð. Skulda-
bréfin eru 1600 talsins, 200 bréf
að upphæð 10 þús. kr., 400 bréf á
5 þús. kr. og 1 þús. bréf að fjár-
hæð kr. 1000. Verður lánið end-
urgreitt á árunum 1965—1979. —
Skuldabréf þessi verða seld í
bæjarskrifstofunni í Kópavogi, í
Sparisjóði Kópavogs og í Búnað-
arbanka íslands.
Hjálmar Ólafsson, bæjarstjóri
í Kópavogi og fulltrúar í bæjar-
ráði skýrðu fréttamönnum frá út-
boði þessu og fyrirhuguðum fram
kvæmdum vatnsveitunnar á
fundi í gær.
Um fimmtán ára skeið hefur
Kópavogur fengið vatn í heild-
sölu hjá Vatnsveitu Reykjavíkur
úr annarri aðalæð hennar, sem
liggur í Fossvogi. Þaðan liggur
svo dreifikerfi um Kópavogsbæ,
nálega 30 km langt að frátöldum
heimtaugum að húsum. Mikill
hluti lagnanna er þó til bráða-
birgða og hefur ekki næga flutn-
ingsgetu. Á þessu ári er áætlað
að verja 4 millj. króna til nýrra
lagninga, en á sl. ári voru lagðir
3,250 metrar af götuæðum og aðal
dreifiæð.
Núverandi vatnsveitukerfi í
Kópavogi ber vott um, að reynt
hefur verið að leggja vatn til sem
flestra á sem ódýrastan hátt um
strjálbýlt svæði. í upphafi var
þess ekki gætt, hve byggðin
myndi þéttast fljótt og ójafnt.
Reyndin hefur því orðið sú, þó
að vatnslagnir séu nú í flestum
byggðum götum bæjarins, að
dreifikerfið er öldungis ófullnægj
andi til þess að sjá fyrir sífellt
aukinni vatnsnotkun.
Bygging vatnsveitukerfisins
hefur orðið með þeim hætti, að
lagðir hafa verið stuttir bútar
hverju sinni til að bæta úr brýn-
ustu þörf eins eða fárra húsa, og
byggðar hafa verið dælustöðvar
til að auka þrýsting og vatns-
magn á einstökum svæðum. Er
nú svo komið, að mikil nauðsyn.
er orðin á endurnýjun og viðbót-
um á vatnsdreifikerfi í flestum
hverfum bæjarins, þar sem nú-
verandi kerfi getur alls ekki flutt
það vatnsmagn, sem nauðsynlegt
er, þrátt fyrir óeðlilega mikla
dælingu.
í ársbyrjun 1961 fól þáverandi
bæjarstjóri verkfræðiskrifstofu
Sigurðar Thoroddsen að gera til-
lögur um endurbætur á vatns-
veitukerfinu. Lágu tillögurnar
fyrir síðla sumars sama ár, en
hafa síðan verið endurskoðaðar
og gerðar á þeim breytingar. í
tillögunum er talið, að aðeins
lagnir í tveimur götum séu not-
hæfar til frambúðar.
Tillögur verkfræðiskrifstofunn
ar voru í aðalatriðum þessar:
1. Byggður verði vatnsgeymir til
dægurmiðlunar innan kaup-
staðarins, því að án hennar
telur Vatnsveita Reykjavíkur
ómögulegt að fullnægja há-
marksvatnsþörf í Kópavogi í
framtíðinni.
Að veituæð verði flutt frá nú-
verandi stað við Klifveg inn
í Blesugróf.
3. Skipting vatnsveitukerfis í
há- og lágþrýstisvæði eftir
legu yfir sjávarmáli.
4. Endurbætur á núverandi
dælustöðvum, sem eru mjög
óhentugar að öllum búnaði.
5. Allsherjarendurbygging á að-
aldreifiæðum í bænum og 100
mm götulögnum, sem gert er
ráð fyrir sem lágmarki.
Verkfræðiskrifstofan miðaði að
eins við hverfi, sem voru skipu-
lögð árið 1961. Verða því fram-
kvæmdir mun umfangsmeiri en
gert er ráð fyrir í tillögum henn-
ar og kostnaður, sem áætlaður
var 30 millj. króna er óraunhæf-
ur orðinn.
Eftirfarandi framkvæmdir eru
nú á döfinni'á vegum vatnsveit-
unnar:
a) bygging vatnsgeymis með
tilheyrandi aðveitulögnum, b)
breytingar á dælustöðvum og
endurbygging að hluta, c) lagn-
ing aðaldreifiæða, en þegar er bú
ið að leggja um 1350 m af 250 og
300 mm leiðslum, d) margvísleg-
ar endurbætur á þeim stöðum í
bænum, þar sem vatnsskortur er.
Vatnsveita Kópavogs er sjálf-
stætt fyrirtæki, sem á að standa
sjálft undir kostnaði við rekstur,
viðhald og nýbyggingar með
tekjum af vatnsskatti og stofn-
gjöldum. Miðað við það ástand,
sem nú er, er talið áreiðanlegt, að
mikill rekstrarhalli ásamt nauð-
synlegum lántökum sé óhja-
kvæmilegur á næstu árum til
þess að tryggja öllum íbúum bæj
arins nóg vatn á hvaða tíma sðl-
arhrings sem er í öllum hverfum
bæjarins.
Fjöldi gesta vi5
uppsögn Fiens-
borgarskóla
Hafnarfirði — Flensborgarskól
anum var sagt upp síðastliðinn
laugardag af skólastjóranum
Ólafi Þ. Kristjánssyni. Við skóla
uppsögn var fjöldi gesta, gaml-
ir nemendur skólans, og færðu
þeir honum gjafir og peninga í
sjóði skólans.
í vetur voru 416 nemendur í
skólanum í 16 bekkjardeildum
og kennarar 17. Luku 54 gagn-
fræðaprófi og urðu þau hæst og
jöfn Guðmý Sigurvinsdóttir og
Björn Magnússon með 8,82. Ung-
lingaprófum luku 134 og fékk
Hjálmar Sigurðsson hæsta eink-
unn eða 9,16 og var það jafn-
framt hæst yfir skólann. 28 voru
í landsprófi og gekk mjög vel
hjá þeim.
Eins og fyrr segir voru mætt-
ir nokkrir eldri árgangar skól-
ans. Fyrir 50 ára talaði prófessor
Einar Ól. Sveinsson, fyrir 40 ara
séra Jón M. Guðjónssom, 25 ára
séra Bjami Sigurðsson, 20 ára
Kristján Kristjánsson skipstjóri,
15 ára Hjörtur Gunnarsson kenn
ari og fyrir 10 ára Guðni Kristj-
ánsson bifreiðarstjóri. >á var
mættur einn nemandi skólans,
sem var í honum fyrir 60 árum,
en það er Árni Helgason ræðis-
maður í Chicago.
Loks skal þess getið, að einn af
kennurum skólans, Halldór G.
Ólafsson, lauk fyrir skömmu BA
prófi í dönsku og ensku frá Há-
skólanum. _ G.E.
Lltíl síld
hjá G.O.
Sars
Beregn, 1. júní (NTB)
NORSKA hafrannsóknarskipið
„G. O. Sars“ er nú við síldar-
rannsóknir austur af íslandi, og
stjórnar Ole Johan Ostvedt,
haffræðingur, leiðangrinum.
í dag barst skeyti frá skip-
inu, þar sem segir m. a.: Höfum
kannað svæði frá Færeyjum
vestur- og nprðureftir að Seyðis-
fjarðardjúpi. Dreifðir síldarhóp-
ar um 60 sjómílum fyrir norð-
austan Færeyjar. Einnig fannst
síld um 120 sjómílum fyrir norð-
an Færeyjar, en hvergii nógu
þétt til veiða“.
Húsvörður
Viljum ráða nú þegar duglegan mann til húsvörzlu.
Þeir sem vilja sinna þessu sendi umsóknir ásamt
uppl. um fyrri störf fyrir 12. júní n.k.
Landsmiðjan
- SJALFsfr

ÞRIR BILAR
Verðmæti 700 þús. — Dregið eftir 5 daga.
Happdrætti Sjálfstæðisflokksins.
Skrifstofustúlka
óskast strax á skrifstofu í miðbænum. Umsókn er
greini aldur, menntun og reynslu, sendist blaðinu
merkt: ,,9953“.
Verkafólk — Síldarvinna
Síldarstúlkur og karlmenn vantar á nýja söltunar-
stöð á Raufarhöfn. — Nýtízku íbúðar og mötuneyti
á staðnum. — Uppl. í síma 36 Raufarhöfn og
50165, Hafnarfirði.
Mademoiselle LeRoy
fegrunarsérfræðingur frá hinu heimsfræga
franska snyrtivörufyrirtæki
ORLANE
verður til viðtals og leiðbeininga fyrir viðskipta-
vini okkar í dag og á morgun í verzlun vorri. —
Munið að öll fyrirgreiðsla og leiðbeiningar eru yður
að kostnaðarlausu.
Laugavegi 19 — Sími 17445.