Morgunblaðið - 11.04.1976, Side 26

26
MORGUNBLAÐIÐ, SUNNUDAGUR 11. APRlL 1976
— Reykjavíkur-
bréf
Framhald af bls. 25
ekkert um merkingu oröa. En
þeir eru margir, sem lifa á orð-
hengilshætti, bæði í blöðum og
annarsstaðar, eins og kunnugt er.
Það er vert að íhuga þessi atriði
og þá einnig nýlegt dæmi sem
birtist (að sjálfsögðu) í Þjóð-
viljanum, þar sem sagt var í
leiðara hinn 7. apríl s.l. að ýmis-
legt sé sameiginlegt með brezku
og íslenzku þjóðfélagi, eins og
komist er að orði: „Bæði ríkin
byggja á kapítalisku hagkerfi. . .“
Það fer ekki mikið fyrir sann-
leiksást þess blaðamanns, sem
lætur slíkt út úr sér. Fá þjóðfélög
eru ólikari að innri gerð en hið
íslenzka og hið brezka. Enda er
hið síðarnefnda byggt á auð- og
aðalsskipulagi, sem lifir enn góöu
lífi þar í landi. En þetta er aðeins
lítið dæmi, þó vert íhugunar. Það
sýnir að i forystugreinum blaða
halda menn, aö hægt sé að bera
hvaða rétt á borð, sem er. Pólitísk-
ur plokkfiskur leiðarahöfundar-
ins áb. er að vísu sama kássan og
hann mallar -viðstöðulaust handa
sjálfum sér, en aðrir hafa lítinn
áhuga á þessari matargerð, enda
ekki ástæða til. Það er jafnfárán-
legt að segja að tsland sé
kapitalístískt ríki eins og Bret-
land og ef einhver héldi því fram,
að islenzkt þjóðfélag væri sósial-
istískt eins og Sovétríkin. Það
datt Harold C. Schonberg að sjálf-
sögðu ekki í hug. Hann bar okkur
saman við Dani og má það til
sanns vegar færa. En þó að
Bandaríkjamenn kalli danskt
þjóðfélag sósíalistískt, þá eru
aðrir sem telja það borgaralegt í
hæsta máta, enda eru velferðar-
rikin á Norðurlöndum byggð upp
á sérstæðan hátt, sem hvorki er
hægt að kenna við kapítalisma né
sósíalisma, heldur það eitt sem
þau eru: norræn velferðarriki. Að
sjálfsögðu hafa þessi ríki fengið
margt það bezta úr borgaralegri
arfleifð, en jafnframt ýmislegt
gott og nýtilegt úr þeirri sósíal-
istísku tilraun, sem gerð hefur
verið í heiminum frá seinasta
l.luta síðustu aldai
Gagnrýnisverð
embættisveiting
Embættisveiting prófessors í
kvensjúkdómum og fæðingar-
hjálp hefur vakið mikla athygli og
varð jafnvel til þess að umræður
urðu um hana utan dagskrár á
Alþingi nú í vikunni, en slíkt er
óvenjulegt. Albert Guðmundsson
tók málið upp og taldi, að lækna-
deild og menntamálaráðherra
hefðu sniðgengið samdóma níður-
stöðu norrænnar hæfnisnefntjar,
sem fengin hafði verið til að meta
hæfni umsækjenda, en hún hafði
miT=ia gi>iat
Verðlækkun
á ^Ja/uíi/
þvottavélum
Vegna lækkunar á lírunni veröur
sending, sem nýkomin er til landsins,
á lægra verði. Næsta sending veröur
aítur á móti á hærra verði.
Verðið á dag:
CANDY M 140 (5 kg)
kr. 86.000,00
CANDY D 250 (5 kg)
kr. 104.500,00
Greiðsluskilmálar eru þeir, að um 40%
kaupverðs eru greidd við afhendingu,
en afgangur á 6 mánuðum.
PFAFF
Skólavörðustíg 1
og Bergstaðastræti 7
einróma mælt með dr. Gunnlaugi
Snædal í embættið. Vilhjálmur
Hjálmarsson, menntamálaráð-
herra, sem veitti embættið, svar-
aði því til, að hann hefði farið að
ábendingum læknadeildar
Háskólans sem með nokkrum
meirihluta hefði mælt með dr.
Sigurði S. Magnússyni í embættið.
Menntamálaráðherra fór að ósk
stjórnar læknadeildar og skipaði
dómnefnd og verður að telja, að
skilyrðin um faglega, hæfa, óvil-
halla og hlutlæga nefnd hafi
þannig verið fullnægt. Nefndina
skipuðu íslenzkur prófessor og
tveir erlendir sérfræðingar í
kvensjúkdómum og hefði lækna-
deild að sjálfsögðu átt að hlíta
niðurstöðu nefndarinnar, úr því
að hún sjálf stóð fyrir því að hún
var skipuð. En þá bregður svo við
í læknadeild, að meirihluti henn-
ar greiðir atkvæði með þeim um-
sækjanda, sem nefndin taldi síður
uppfylla þau skilyrði um vísinda-
leg vinnubrögð sem ætlazt er til
af prófessorsefni og nefndin jafn-
vel höfð að háði og spotti (!). 1
bréfi fimm lækna til forseta
læknadeildar segja þeir m.a. um
þetta mál: „Vér ítrekum þó, að
vér teljum deildarstjórn hafa
staðið rétt að þessu máli og vér
teljum dómsnefndarálit
prófessoranna Þorkels Jóhannes-
sonar, Ingelman-Sundmark og
Ingerslev standa óhaggað og vera
einan rökheldan grundvöll fyrir
veitingu prófessorsémbættis í
kvensjúkdómum og fæðingar-
hjálp."
En læknadeildín hunzaði þessa
niðurstöðu, eins og alkunna er. I
ræðu sinni á Alþingi sagði Albert
Guðmundsson m.a.: „Einróma álit
nefndarinnar er, að dr. med.
Gunnlaugur Snædal sé hæfari til
þess að gegna umræddri
prófessorsstöðu við Háskóla Is-
lands og vísar nefndin til þess. að
hann stendur frá vísindalegu
sjónarmiði greinilega framar hin-
um umsækjandanum, þótt þeir
séu að öðru leyti jafnokar." Síðar
leitaði þingmaðurinn álits
menntamálaráðherra á þvi hvers
vegna gengið hefði verið framhjá
dr. Gunnlaugi Snædal, sem nefnd-
in mælti með. Hann hefur auk
visindastarfa unnið á fæðingar-
deildinni i 16 ár svo að ekki sé nú
talað um framlag hans í bar-
áttunni við krabbamein.
Á þetta er ekki minnzt hér til að
varpa rýrð á þann umsækjanda
sem prófessorsembættið hlaut dr.
Sigurð S Magnússon, enda á hann
áreiðanlega betra skilið vegna
hæfni og mannkosta en verða til
þess, að á starfsbróður hans sé
níðst.
Reyndar verður að koma i veg
fyrir svona yfirgang og klíkuskap
i háskóianum — ef það er þá
hægt. En menntamálaráðherra
svaraði fáu sem engu á Alþingi og
skaut sér á bak við álit meirihluta
læknadeildar, enda þótt hann
hafi áður ekki farið að ábendingu
háskóladeilda.
Aðalatriðið er að sjálfsögðu
það, að niðurstaða hæfnisnefndar
var sniðgen^in og þannig brotið á
öðrum umsækjandanum, þeim
sem gengið var framhjá, þrátt
fyrir betri meðmæli nefndar, sem
læknadeildin sjálf óskaði eftir að
fjallaði um málið.
Að sjálfsögðu getur meirihluti
læknadeildar verió á móti
nefndaráliti, en hann verður þá
að rökstyðja af hverju. Það hefur
hann ekki gert frekar en t.a.m.
Tíminn, sem heldur því fram á
forsíðu s.l. fimmtudag, ef lesið er
í málið, að úrslitum hafi átt að
ráða, að meirihluti nemenda dr.
Sigurðar „skrifuðu undir trausts-
yfirlýsingu honum til handa".
Eiga nemendur að ákveða
kennara sina? Þá mættu ýmsir
beztu kennarar landsins fara að
vara sig.
Það er þvi nauðsynlegt að
endurskoða atkvæðisbærni
manna um stöðuveitingu við
háskólann, því að bersýnilegt er,
að hinar einstöku deildir valda
ekki þessu verkefni. En það, sem
verst er af öllu í þessu sambandi,
er að læknadeildin hefur sjálf
hunzað niðurstöðu sérfræðinga-
nefndar og pólitískur ráðherra
þarf því ekki í framtíðinni að
hlusta á niðurstöður dómnefnda,
hvað þá að fara eftir þeim, þegar
læknadeildin sjálf sniðgengur
þær af einhverjum dularfullum
ástæðum. Læknadeildin hefur því
með þessu veitt pólitískum ráð-
herrum óskertan rétt til þess að
sniðganga allar þær nefndir sem
ákvarða eiga um hæfni um-
sækjenda við háskólann, og ekki
einasta það, heldur geta pólitíkus-
ar nú, með skírskotun til afstöðu
læknadeildar í þessu tilfelli, snið-
gengið vilja deildanna sjálfra og
skipað í stöður við háskólann
eftir pólitískum linum eingöngu,
eða þá eftir geðþótta hvers og
eins ráðherra.
Það er þetta sem harma ber. I
þessu liggur kjarni málsins. Með
þessari atkvæðagreiðslu í lækna-
deildinni hefur sjálfstæði
háskólans verið skert, það er aug-
ljóst mál. Hann getur ekki krafizt
þess lengur að hafa úrslitaáhrif í
eigin málum. Flokkadrættir og
alls kyns pukurstarfsemi í lækna-
deild undanfarið hafa því sýni-
lega flutt valdið, sem átt hefði að
vera í hinum einstöku deildum i
háskólanum, upp í Stjórnarráð.
Það ber svo sannarlega að harma.
Það var ekki framfaraspor. En
hæfni dr. Gunnlaugs Snædals
hefur ekki minnkað við það.
— Ferðamenn
Framhald af bls. 2
k'erðamenn er hingað komu í
marz s.l. voru langflestir Banda-
rikjamenn eða 1668, þá komu 231
frá V-Þýzkalandi, 215 frá Sviþjóð,
212 frá Danmörku, 166 frá Bret-
landi og 120 frá Noregi. Frá öðr-
um þjóðum komu færri en 100.
— Líbanon
Framhald af bls. 1
fundurinn hófst að hann markaði
timamót og honum væri ætlað að
staðfesta og leggja áherzlu á lýð-
ræði og heilbrigð þingstörf. Sér-
fræðingar segja að í frásögn út-
varpsins hafi mátt ráða að
Franjieh forseti muni fallast á að
fara frá völdum ef hann fallist á
að farið hafi verið að stjórnar-
skrárlögum og þingsköp haldin.
— Skákþing
Framhald af bls. 48
ýmsir garpar meðal keppenda,
svo sem Gunnar Gunnarsson, for-
seti Skáksambandsins, Jón Þor-
steinsson, Jóhann Örn Sigurjóns-
son og svo kornungir og efnilegir
skákmenn eins og Þröstur
Bergmann og Jón L. Árnason.
— 200 manns
Framhald af bls. 48
Tveggja herb. íbúðirnar hjá Ein-
hamri kostuðu 3,3 millj. kr. og
þriggja herb. 3,8 m. kr.
Gissur sagði að lokum að Ein-
hamar hefði fengið úthlutað lóð-
um í janúar s.l„ en þeim hefði
fylgt sú kvöð að ekki mætti hefja
framkvæmdir fyrr en i október
n.k. En vegna góðrar aðstoðar ým-
issa manna, og þá sérstaklega
Alberts Guðmundssonar, hefði
fengist að hefja framkvæmdir í
vor.
— Afmæli
Framhald af bls. 15
búreksturinn að miklu, en Willi
var og er önnum kafinn i sinum
verzlunarviðskiptum.
Eftir lát Þórs hefur hann búið
einn með háæruverðugum góð-
templara, hundinum Lappa, án
búreksturs í þess orðs fyllstu
merkingu, en bréfin, frímerkin
og eggin halda áfram að streyma
frá Halldórsstöðum og allar
tekjur búsins eru í erlendum
gjaldeyri án niðurgreiðslu.
Sveitungar og aðrir vinir Willa
munu ýmist heimsækja hann, eða
hugsa til á afmælinu.
Af miklu er að taka en fátt eitt
tínt til, línum þessum fylgja beztu
afmælisóskir.
Gunnar Sigurðsson.
— Maó
Framhald af bls. 1
hefðu ekki viðurkennt ósigur
sinn mvndu leggja út í „baráttu á
banasænginni". 1 ritstjórnargrein
Dagblaðs alþýðunnar segir að
Teng hafi verið andsnúinn Mao
Tse-tung I langan tíma. „Mao for-
maður bjargaði honum (eftir
niðurlægingu hans I menningar-
byltingunni) og gaf honum tæki-
færi til að hefja störf sín að nýju,
en hann brást menntun og hjálp
Maós.“
— DAS-hús
Framhald af bls. 2
og maí á næsta ári verða tveir
einbýlishúsavinningar.
Miðum i Happdrætti DAS
verður nú fjölgað um 10 þús-
und og er sala þeirra þegar
hafin í húsinu sjálfu, en hefst í
umboðum eftir helgi. Jafn-
framt verður vinningum fjölg-
að I 500 á hverjum mánuði.
Miðaverð verður 400 krónur á
mánuði. Ferðavinningar verða
200, á 100 þúsund, 150 þúsund
og 250 þúsund krónur hver,
bílavinningar verða 100 sem áð-
ur á 500 þúsund krónur, eina
milljón króna og 1,5 milljón.
Stórar litmyndir-stórkostleg vasavél
Nýja FUJICA vasavélin frá Fuji
OCKET
FUJICA
Myndirnar úr FUJICA vasavélinni eru bjartar
og skýrar. FUJICA vasavélin er með mjög
Ijósnæmri linsu, — laufléttur afsmellari
kemur í veg fyrir hreyfðar og óskýrar mynd-
ir. Og með FUJICOLOR F-ll litfilmunni er
árangurinn tryggður, því FUJICOLOR F-ll er
20% Ijósnæmari en aðrar litfilmur.
FUJICA vasavélinni fylgir litfilma og flasskubbur í fallegum
gjafakassa.
FUJICA vasavélin fæst i helztu Ijósmyndaverzlunum, — en
aðeins í litlu magni vegna geysilegrar eftirspurnar, þar sem
verðið er auðvitað það allrabezta.

Einkaumboðá íslandi
LJÓSMYNDAVÖRUR hf.
Pósthólf 100 Kópavogi.