Morgunblaðið - 07.09.1977, Blaðsíða 11

MORGUNBLAÐIÐ, MIÐVIKUDAGUR 7. SEPTEMBER 1977
11
Götumynd frá Gimli
Við eigum þaðan
ljúfar minningar
w
Vestur-Islendingar sóttir heim
Hafnarfirði 15. ágúst 1977
Ég var að lesa blaðagréin, þar
sem er sagt frá snikjuferðum ís-
lendinga til landa okkar vestan
hafs. Þar sem ég hlýt að vera eitt
af þessum sníkjudýrum, langar
mig til þess að lýsa með örfáum
orðum dvöl okkar í Kanada. Ég
var í 38 manna hópí á vegum
Inner Wheel Hafnarfjörður, sem
er félag Rotarykvenna, ásamt
fólki úr Styrktarfélagi aldraðra í
Hafnarfirði. Ferðina skipulagði
ferðaskrifstofan Sunna, en farar-
stjóri var séra Bragi Benedikts-
son i Hafnarfirði. Þar stóðst allt
sem lofað hafði verið — og vel
það. Ferðaskrifstofan hafði engu
lofað öðru en húsnæði á einka-
heimilum og e.t.v. morgunmat, að
öðru leyti yrði fólk að sjá fyrir sér
sjálft hvað mat snerti. Gestgjafar
voru hinsvegar svo gestrisnir, að
við fengum í fæstum tilfellum að
borða á matsölustöðum, heldur
buðu þeir upp á ljúffenga rétti á
heimilum sinum.
Sunnudaginn 26. júní var lent á
Winnipegflugvelli kl. 1900 að
staðartíma. Þar var mætt frú
Florence Johnson frá Árborg, og
sá hún um að koma hópnum fyrir
þar, en Leifur Pálsson á Lundar,
sem er bær þar skammt frá.
Við vorum tvær saman, sem yf-
irgáfum hópinn í Winnipeg, því
að ættingjar voru komnir til að
taka á móti okkur og dvöldumst
við þar til þriðjudagsins 28. júní.
Þriðjudagsmorguninn ök
hópurinn, sem dvaldist í Arborg
og Lundar, til Riverton og Mikl-
eyjar (Hecla island). A þeirri
ökuferð var komið til Gimli, þar
eð hópnum hafði verið boðið til
kaffidrykkju á elliheimilinu
Betel. Komumst við tvær sem
eftir urðum í Winnipeg, þar inn í
hópinn á ný. Þar sem ekki hafði
verið ákveðið hvenær við kæmum
til móts viö hópinn aftur, var eðli-
lega hvorki búið að koma okkur
fyrir í Árborg né á Lundar. Við
vildum fara á gistiheimili
(motel), en það máttum við helzt
ekki. Þar kom að Óskar nokkur
Brandson, sem ég veit því miður
ekki deili á, en hann snérist í
kring um þennan Árborgarhóp,
eins og þetta væru allt ættingjar
hans. Hann sagði að Fjeldsteds-
hjónin vildu taka við okkur næsta
dag, en hjá þeim voru gestir þessa
nótt. Var þá samþykkt að við
færum á gistiheimili eina nótt.
Óskar sagði að við værum boðnar
i morgunmat næsta morgun og
myndi hann koma á gistiheimilið
og sækja okkur kl. 10, hvað hann
gerði. Svona var riú gestrisnin
þar. Við fórum síðan með Óskari í
morgunmat til Sigurborgar og
Jóhannesar Guðmundssonar,
ásamt þeirri þriðju, sem með
okkur var á gistiheimilinu. Að
morgunmat loknum ók Sigurborg
með okkur um bæinn og siðan til
Fjeldstedshjónanna sem tóku
okkur opnum örmum. Þarna
vorum við i góðu yfirlæti i þrjár
nætur, og eigum þaðan ljúfar
minningar.
Til marks um gestrisni Vestur-
íslendinga, má geta þess, að hópn-
um var boðið í heilsdags ferð til
Riding Mountain National Park
og við þurftum aðeins að borga
benzínið. Ekið var um Álftanes og
Grunnavatnsbyggðir íslendinga.
Leiðsögumenn í förinni voru
Gunnar Sæmundsson, bóndi i Ár-
borg, ásamt konu sinni Margréti,
en hún er ættuð frá Vogum i
Grunnavatnsbyggð og Hjörtur
Hjartarson á Lundar og kona
hans Rósa. Á leiðinni í þjóð-
garðinn var staðnæmzt í
Eddystone og bauð þar íslenzkur
kaupmaður, Joseph Johnson,
öllum hópnum i kaffi á hinu
glæsta heimili sinu.
Á þjóðhátíðardegi Kanada,
hinn 1. júlí hélt þjóðræknisdeild-
in á Lundar kvöldverðarboð fyrir
hópinn, er þar var, og var þar
samankominn mikill fjöldi
Vestur-Islendinga.
Finnsk söngkona í
Norræna húsinu
FINNSKÁ sópransöngkonan
Ritva Auvinen heldur tónleika í
Norræna húsinu á fimmtudaginn
kemur, 8. september kl. 20.30.
Undirleikari veröur Agnes Löve.
Ritva Auvinen starfar sem
óperusöngkona i Finnlandi og
fæst einnig við ljóðasöng. Hún
söng fyrst opinberlega í Helsing-
fors 1965. Söngnám stundaði hún
i Finnlandi og siðar á ítaliu og hjá
Gerald Moore og Erich Werba.
Haft er eftir Erich Werba: „Ritva
Auvinen hefur óvenjumikla hæfi-
leika, — hún gæti með söng sin-
um og innlifun fært Finnlandi
nýja vini um heim allan“.
Á efnisskrá Norræna hússins
eru sönglög eftir Edv. Grieg, S.
Rachmaninov, Hugo Wolf, Rich.
Strauss og Yrjö Kilpinen. Vert er
að vekja sérstaka athygli á söng-
lögum Kilpinens, en hann er tal-
inn i fremstu röð þeirra tónskálda
sem samið hafa sönglög á tutt-
ugustu öldinni, og ættu verk hans
skilið mun meiri útbreiðslu en
verið hefur til þessa. Aðeins fá
verk þessa serstæða finnska tón-
skálds hafa verið flutt hér á landi
áður.
(Fréttatilkynning.)
Laugardagsmorguninn 2. júlí
ók hópurinn til bæjarins Baldur,
sem er í Argylebyggð, suðvestur
af Winnipeg. Þangað var komið
milli kl. 3 og 4 e.h. og öllum boðið
i kaffi á fallegu heimili frú Lilju
Bjarnason. Þar var fyrir frk.
Hansina Gunnlaugsson kennari,
en hún hafði tekið að sér skipulag
fyrir ferðaskrifstofuna Sunnu í
Baldur og Glenboro, sem er lítill
bær þar skammt frá. Að öðrum
ólöstuðum var frk. Hansína sér-
stakur fyrirmyndarskipu-
leggjandi. Þar var þó sá hængur á
að gestirnir virtust ekki vera
nógu margir til þess að allir gætu
fengið gesti, er þess óskuðu. Um
kvöldið var öllum boðið í mat í
félagsheimili í Baldur og þangað
komu gestgjafar, bæði frá Baldur
og Glenboro, og sóttu gesti sína. A
báðum þessum stöðum urðum við
orðlaus yfir gestrisni heimafólks.
Yfir borðum kynnti frk. Hansína
einn af þingmönnum Manitoba-
fylkis, af íslenzkum ættum, en
hann á sæti á þingi í Ottawa.
Ávarpaði hann hópinn og bauð
velkominn til Manitoba og vonaði
að dvöl ■ þeirra yrði þeim til
ánægju. Hann minntist ánægju-
legra samskipta landanna og lof-
aði hæfileika og dugnað íslenzkra
landnema í Kanada. Séra Bragi
Benediktsson svaraði með ávarpi
og þakkaði fyrir hópinn.
Sunnudaginn 3. júlf söng sr.
Bragi messu yfir miklu fjölmenni
í kirkjunni i Baldur. Að messu
lokinni var íslenzka hópnum boð-
ið til kaffidrykkju í félags-
heimilnu og komu þangað margir
Vestur-Islendingar til að hitta
landa að heiman. Við messuna og
í kaffisamsætinu var Einarson,
þingmaður Argylebyggðar á þingi
Manitoba i Winnipeg. Hann
ávarpaði hópinn á góðri íslenzku
en afi hans og amma höfðu verið
landnemar í Argylebyggð.
Þriðjudaginn 5. júlí var ekið til
Vatnabyggða og staðnæmzt i
Wynyard. Þar tók á móti okkur
frú Guðrún Dunlop. I Vatna-
byggðum dreifðis.t hópurinn á
vestur-íslenzk heimili, sumir til
ættingja og vina en aðrir til fólks
af íslenskum ættum sem gjarnan
vildi fá íslendinga til dvalar og
sagðist hafa svo gaman af að geta
æft sig í islenzkri tungu. Á
miðvikudagskvöld var hópnum
haldið kaffisamsæti í Wynyard.
Þar ávarpaði Walter Paulson lög-
maóur, hópinn og mælti á
íslenzku.
Föstudaginn 8. júlí kl. 9 árdegis
var lagt af stað frá Wynyard
áleiðis til Winnipeg. Öllum stóð
til boða að dveljast á einka-
heimilum í Arborg síðustu
vikuna, en flestir vildu heldur
vera í Winnipeg og tókst sr. Braga
fararstjóra að komast að góðum
kjörum við St. Regent hótelið í
miðborg Winnipeg um dvöl þar.
Ég vil að lokum þakka sr. Braga
fyrir góða fararstjórn og
umburðarlyndi við hópinn og
ferðaskrifstofunni Sunnu fyrir
góða fyrirgreiðslu.
Lára Jónsdóttir.
ÚTSALAN
er' 5 verzlunum samtímis
Laugavegi 66,
Laugavegi 20,
Austurstræti 22,

/Í
Á Affr’SvVuA Austurstræti 22.
If: „ 2 hæö. simi 281 55
Austurstræti 22,
r
í&st sídasti &&Í
FÖT
SKYRTUR
PEYSUR
BOLIR
KÁPUR
KJÓLAR
O.FL.
FRÁ KR. 12.900.
FRÁ KR. 1250.
FRÁ KR.
FRÁ KR.
FRÁ KR.
FRÁ KR.
O.FL. O.FL.
1790.
500.
6000.
3000.
Allt nýjar
og nýlegar
vörur
Verið
velkomin