Morgunblaðið - 07.09.1977, Blaðsíða 14

14
MORGUNBLAÐIÐ, MIÐVIKUDAGUR 7. SEPTEMBER 1977
Ekkja Maos verður
Brezka blaðið Times sagði fyrir síðustu helgi í frétt frá blaða-
manni New York Times í Peking, Harrison Salisbury, að Li
Hsein-nien, 4. valdamesti maður Kfna, hefði sagt sér I viðtali að
Chiang Ching, ekkja Mao Tse-tungs formanns^og samsærismenn
hennar þrír yrðu ekki teknir af lífi: „Við munum láta þau lifa og
gefa þeim að borða“.
ekki líflátin
I viðtalinu sagði Li, sem er
einn af varaformönnum kín-
verska kommúnistaflokksins,
að Kínverjar væru mjög von-
sviknir yfir því hve tregur
Carter Bandarikjaforseti væri
að slíta tengslum við Formósu-
stjórn til að opna leiðina fyrir
fullum stjórnmálatengslum
Kína og Bandaríkjanna. Li
sagði að nokkrir bandarískir
stjórnmálamenn hefðu sagt við
kínverska ráðamenn að þeir
yrðu að taka tillit til tilfinninga
bandarísks almennings og vina
Bandaríkjamanna á Formósu,
en sagði að Kínverjar teldu að
það væri ekki bandarískur al-
menningur, sem væri þannig
þenkjandi heldur nokkrir
stjórnmálamenn og ákveðin öfl
hjá bandarískum fjölmiðlum,
sem styddu Formósustjórn.
Li lét það álit sitt í ljós, að
samanborið við Sovétríkin
væru Bandaríkin í varnarstöðu
í heiminum, að reyna að vernda
hagsmuni sína, meðan Sovét-
menn væru í sókn og reyndu
alls staðar að beita útþenslu-
stefnu sinni. Rússar héldu uppi
þrýstingi á landamærum sinum
við Kína, en Bandaríkin og Jap-
an væru þeim jafnmikilvæg
skotmörk. Hann neitaði því að
Kína væri þjóð í stríðshugleið-
ingum, Kínverjar myndu aldrei
hleypa af fyrsta skotinu i
venjulegu stríði eða kjarnorku-
styrjöld. „Hvers vegna skyldum
við vilja stríð? Við erum ekki
rik þjóð, en það er ósatt sem
sagt er að við eigum ekki nægi-
leg hráefni, við höfum nóg til
að lifa af.“
Er fjallað var um örlög
Chiang Ching og félaga hennar,
eins og skýrt er frá fyrr í frétt-
inni, sagði Li, að Mao formaður
hefði alltaf lagt á það áherzlu,
að kínverskir kommúnistar
mættu ekki drepa of margt
fólk. Hið rétta væri að reka
fólk, sem gerzt hefði sekt um
pólitíska glæpi, úr kommúnista-
flokknum og svipta það stöðum
sínum og einnig hafa það i
haldi ákveðinn tima. Aðgerðir
fjórmenninganna hefðu valdið
verulegum óróa í mörgum hér-
uðum t.d. í Hangshow, þangað
hefði ekki verið hægt að senda
erlenda gesti, en þeim sagt að
verið væri að gera við stöðu-
vatnið. Shanghai, sem verið
hefði helzta virki fjórmenning-
anna, hefði sloppið við undir-
róður, þar sem glæpamennirnir
hefðu þurft á stöðugleika að
halda þar meðan þeir sköpuðu
stjórnmálalega og efnahagslega
erfiðleika annars staðar.
Ekki bara litsiónvarp, heldur
PHIUPS
litsjónvarp
mcð eðlilegum litum
Myndgæói PHILIPS litsjónvarpstækja eiga
tæpast sína líka. Þar séróu alla hluti eins
eðlilega og hægt er. Rautt er rautt, blátt
blátt, grænt grænt o.s.frv. PHILIPS hefur
leyst vandamálið við villandi og óeðlilega
liti og það er eins og að vera sjálfur á
staðnum þar sem myndin er tekin, þegar
þú horfir á PHILIPS litsjónvarpstæki.
Oþarft er að koma með upptalningu á
tæknilegum atriðum hér en bendum aðeins
á að PHILIPS er stærsti framleiðandi
litsjónvarpstækja í Evirópu, hefur framleitt
yfir 40.000.000 sjónvarpstækja. Segir það
ekki sína sögu?
PHILIPS hóf hönnun litsjónvarpstækja
árið 1941 og hefur síðan stefnt markvisst að
tæknilegri fullkomnun.
PHILIPS litsjónvarpstæki fást í mörgum
gerðum, með skermum frá 14” - 26”.
Viö viljum eindregið hvetja væntanlega
kaupendur litsjéínvarpstækja til að
kynna sér umsagnir hlutlausra aöila og þá
verður valið ekki erfitt.
Þaö er og veröur PHILIPS.
Réttarhöld-
in yfir Mól-
ukkum hafín
Assen, Hollandi,
6. september. —Reuter.
RftTTARHÖLDIN yfir S-
Mólúkkaskæruliðunum, sem
rændu farþegalest og tóku 100
skólabörn í gíslingu í júní sl„
hófust í dag og lýstu skæruliðarn-
ir því yfir, að þeir hefðu ekki
gripið til aðgerða sinna með hat-
ur í huga. Börnin hefðu aðeins
verið tekin sem gfslar og þær
aðgerðir hefðu ekki náð að vega
upp á móti þeim skaða, sem S-
Mólúkkaeyjamenn hefðu orðið að
þola.
8 skæruliðar komu fyrir rétt-
inn, en 6 félagar þeirra féllu i
árás hollenzkra vikingasveita á
lestina skammt frá Essen. Þá
féllu einnig tveir gislanna. Eiga
sakborningar yfir höfði sér allt að
10 ára fangelsi. Miklar öryggis-
ráðstafanir voru gerðar og stuðn-
ingsmenn sakborninganna fóru i
kröfugöngu og báru spjöld, sem á
var skrifað m.a. „Ilefnd okkar
kemur er þið sofið".
Leiðtogi skæruliðanna, Willem
Soplant, sagði við réttarhöldin i
dag, að hann hefði ákveðið í janú-
ar að grípa til nýrra aðgerða, þar
sem heimurinn hefði ekki skilið
hvað Mólúkkarnir vildu.
Mólúkkamenn hafa reynt að
þrýsta hollenzkum yfirvöldum til
stuðnings við sjálfstæðisbaráttu
Mólúkkamanna, en Mólúkkaeyjar
eru nú undir yfirráðum Indónes-
iu.
Sýrlenzkir
embættismenn
kyrrsettir
Damaseus, Sýrlandi. — AP.
HATTSETTUM sýrlenzkum emb
ættismönnum hefur verið bannað
að yfirgefa landið, hvort sem er i
sumarleyfi eða til heilsubótar, og
er þetta liður í baráttu sýrlenzku
stjórnarinnar gegn spillingu
þeirri, sem hún telur að hafi búið
um sig innan stjórnkerfisins, seg-
ir i fréttum stjórnarfjölmiðla á
þriðjudag, Al Thawra, opinbert
málgagn sósialistastórnarinnar,
segir „að spillingin sé orðin svo
hóflaus, svo og skortur á ábyrgð-
artilfinningu" að þessara aðgerða
sé þörf. Blaðið sagði, að stjórnin
hefði farið fram á það við alla
háttsetta émbættismenn, að þeir
gæfu ítarlegar skýrslur um
hverja utanlandsferð, sem þeir
hefðu farið frá byrjun ársins og
um hvers konar gestrisni sem
þeir hefðu notið i þeim ferðum.
Jakob hefur
selt 14 myndir
A SYNINGU Jakobs Hafstein i
Tjarnarbúð hafa nú selzt 14
myndir. ' Sýningunni lýkur á
sunnudagskvöld, en hún er opin
frá klukkan 16 til 22 daglega.