Morgunblaðið - 03.12.1977, Síða 31

MORGUNBLAÐIÐ, LAUGARDAGUR 3. DESEMBER 1977
31
— Belgrað-
Framhald af bls. 1
fram að þátttakendurnir 35 telji sig sjá
árangur á nokkrum sviðum en minna
en ekkert hafi miðað hvað mannrétt-
indin áhærir Vesturveldin eru sögð
staðráðin í að forðast loðið orðalag,
sem megi túlka svo, að ekki sé hirt um
brot gegn mannréttindarákvæðum,
eins og talið er að Sovétríkin vonist til
Haft er eftir Goldberg að mannréttinda-
þættinum verði haldið til streitu, jafn-
vel með því að vitna til tiltekinna
dæma, líkt og andófsmennirnir austan-
tjalds hafa gert
— Jarðraskið
Framhald af bls. 1
i dag. föstudag. undir leiðsögn for-
svarsmanna björgunarsveitanna Mjög
margir hafa orðið til að gagnrýna vinnu
björgunarflokkanna, en Antonsson
visaði þessari gagnrýni á bug og sagði
að þeir hefðu gert allt sem I þeirra valdi
stóð
Enn er óljóst hvernig kostnaði við
björgunarstarfið verður deilt milli
borgarinnar og rikis, en Ijóst er þó að
sænska ríkið mun verða að leggja
þarna verulega fjármuni að mörkum
Heildartjónið i Tuve er nú áætlað í
kringum 80 milljónir sænskra króna
eða sem svarar til liðlega 3 5 milljarða
Isl. króna
— Starfsfólki
Framhald af bls. 32.
vélar hússins, og 50—60 manns
hefðu verið á launaskrá hússins
upp á síðkastið. Sagði Steingrim-
ur að unnið hefði verið alla síð-
ustu viku og fram til miðviku-
dags, en þá hefði verið hætt. Um
ástæðuna fyrir þessu væri það að
segja, að um peningaskort væri að
ræða, og hreppsnefnd Stokkseyr-
ar ásamt stjórn frystihússins
hefði verið boðuð til fundar í dag,
laugardag.
Þá sagði Steingrímur, að togari
Árborgar, Bjarni Herjólfsson,
sem keyptur hefði verið til lands-
ins til að auka hráefni frystihúsa
á Eyrarbakka, Stokkseyri og Sel-
fossi, hefði ekki Iandað þar nú í
siðustu veiðiferð, heldur landað á
Isafirði. „Fólki hér á Stokkseyri
finnst svona ráðstöfun einkenni-
leg, ekki sízt vegna þess, að
hreppsfélagið lagði milljónir
króna í þetta skip, sem átti að
vera atvinnulífi hér mikil upp-
lyfting.“ f t ,
— Seiseijú
Framhald af bls. 32.
fræðíngar hafa merkt sér og
verja í líf og blóð fyrir aðskota-
dýrum, góðu heilli. Ég er núna
laungu búinn að gleyma þess-
um „skilgreiníngum" mínum,
en ég man ég fór að finna góð-
kunníngja minn sem lagði þessi
efni fyrir sig, og rakti fyrir
honum hina nýju kenníngu af
kappi lánga hrið. Hann hlustaði
með athygli á hvert mitt orð og
tók aldrei frammí fyrir mér;
því síður hann bæði mig að
útlista nokkurt atriði ögn bet-
ur. Síðan var þögn. Þá segi ég:
Heldurðu annars það sé ekki
eitthvað til í þessu?
Hann ansaði af bragði:
seiseijú, mikil ósköp.
Slíkt svar fær maður ekki á
hverjum degi; og var málið út-
rætt af beggja hálfu. Ég læt
orðin standa hér utaná bókar-
blöðum einsog þau voru töluð
þá, því það er þessa stellíngu
sem ég hef einlægt verið að
reyna að læra.
Ég bið afsökunar að ég byrja
formálann á fílósófíu, en þa^ er
af því eingin fílósófía er í bók-
inni sjáfri.“
Þess má að lokum geta, að
Kristján Karlsson, bókmennta-
fræðingur Helgafells, skrifar
kynningu á Seiseijú, mikil
ósköp og segir i upphafi, að það
sé viðburður á íslandi, þegar
Halldór Laxness skrifar grein,
og kveðst óhikað fullyrða, að
Laxness sé mestlesni ritgerðar-
höfundur á íslandi og jafn-
framt sá frumlegasti, eins og
Kristján kemst að orði. Kynn-
ing hans er svohljóðandi:
„Það er viðburður á Islandi,
þegar Halldór Laxness skrifar
grein. Oft er eins og annað
blaðamál gleymist þá í svipinn
með öllu. Ef litið er til baka,
eru það heil undur, hve svo
annrikur sagna- og leikritahöf-
undur hefir afkastað af ritgerð-
um og látið margt til sín taka í
ritgerðum: dægurmál, stjórn-
mál, fólk og fénað, mannasiði,
tungu, sögu og bókemnntir.
Þess er skammt að minnast, að
hann gerði hinn ógæfusama
bókstaf z að umtalsefni í grein,
sem er svo skarpleg og kjarn-
viss, að í hennar ljósi virðist
flest, sem um þennan ómaga-
staf hefir verið ritað vera af-
taka raus (greinin er í þessari
bók). Ég er ekki viss um, að vér
gerum oss alltaf ljóst, hve dauf
og málleysisleg svokölluð al-
menn eða opinber umræða í
vorum aðkreppta íslenzka and-
ans heimi myndi reynast, ef
rödd Halldórs brygði ekki
margoft fyrir í ritgerðum og
blaðagreinum. Auðvitað er
stundum ekki síður heilsusam-
legt aó vera honum andvígur
eins og sammála. Eg hefi ekki
trú á því, að ég geri neinum
rangt til, þó ég fullyrði, að Hall-
dór sé mestlesni ritgerðahöf-
undur á landi voru og sá frum-
legasti. I þessu safni, sem hér
birtist er höfuðgreinin vafa-
laust Fáeinar athuganir um
„kirstinréttarákvæði elstu“, og
fjallar um fornsöguleg efni,
sem H.L. hefir mjög látið til sín
taka bæði frá nýstárlegum sjón-
armiðum, útfrá afskekktri
þekkingu og af mikilli fyndni."
— Úrskurður
Framhald af bls. 32.
ar mundir eða 1. desember hefði
nýr grundvöllur átt að taka gildi.
Nefndin hefði því flýtt störfum
og næði úrskurðurinn yfir þessi
tvö verðlagsgrundvallartimabil.
Þá sagði Guðmundur, að hann
gæti ekki að sinni greint frá úr-
skurðinum, þar sem hvorki sex
manna nefndin svokallaða né
landbúnaðarráðuneytið væru bú-
in að fá hann í hendur.
— Óvíst
Framhald af bls. 32.
auðvelda skattyfirvöldum að
fylgjast meðtekjum manna.
Garðar Valdimarsson, skatt-
rannsóknastjóri, sagði, að þessi
nýja löggjöf tæki þó ekki gildi
fyrr en um næstu áramót. Hann
kvað hana ekki aöeins ná til
banka í Danmörku, heldur og til
allra lögfræðinga og annarra er
hefðu fjárvörzlu með höndum
fyrir fólk. Vegna skattasamnings-
ins milli Norðurlandanna senda
dönsk yfirvöld síðan óumbeðið
þessar upplýsingar tii Islands og
sambærilegar upplýsingar til
annarra Norðurlanda. Hann var
spurður um það, hvort ísland
hefði sams konar eða áþekkan
samning við fleiri lönd en
Norðurlöndin. Hann kvað aðra
skattasamvinnusamninga ekki
eins itarlega, en samningar, sem
gæfu tilefni til þess að óskað væri
upplýsinga, eru í gildi bæði við
Bandaríkin og Vestur-Þýzkaland.
Þessar upplýsingar bárust ís-
lenzkum skaftyfirvöldum frá
Danmörku í haust og eru á engan
hátt tengdar þeim breytingum,
sem gerðar hafa verið á gjald-
eyrislöggjöfinni nú nýlega og
Ólafur Jóhannesson kynnti á
blaðamannafundi í viðskiptaráðu-
neytinu í vikunni. Engin sam-
vinna hefði verið höfð við gjald-
eyrisyfirvöld i þessari skatta-
rannsókn og Garðar kvað gjald-
eyrisyfirvöld ekki mundu fá þessi
gögn, þar sem skattasamningur-
inn gerði aðeins ráð fyrir að þau
yrðu notuð í skattalegum tilgangi.
Kvaðst hann efast um að heimilt
væri að afhenda gögnin gjald-
eyrisyfirvöldum, þar sem þau eru
afhent íslenzkum skattyfirvöld-
um á allt öðrum forsendum.
Það kom fram, að á iistanum
yfir þessa 80 innstæðueigendur í
dönskum bönkum, eru aðeins
menn með lögheimili á Islandi, en
engir Islendingar, sem lögheimili
eiga í Danmörku, enda eru þeir
skattskyldir þar en ekki hér
heima.
Reikningsyfirlitin frá dönsku
bönkunum ná yfir tímabilið frá
31.12.1975 til 31.12.1976 og sýna
hreyfingar á reikningunum.
Garðar sagði, að islenzk skattyfir-
völd hefðu nú þegar sent öllum
hinum 80 aðilum bréf, þar sem
þess er óskað að þeir geri grein
fyrir þessum fjárhæðum. Hann
kvaðst ekkert geta fullyrt um það,
hvort upphæðirnar væru skatta-
lega löglegar eða ekki. Það yrði að
meta um leið og svörin hefðu
fengizt. Á þessu stigi málsins
kvað hann engan dóm unnt að
leggja á það.
Morgunblaðið leitaði til gjald-
eyrisyfirvalda í gær og spurðist
fyrir um þessar innstæóur. Þau
svör, sem fengust, voru þess efnis
að gjaldeyrisyfirvöldum væri
kunnugt um þessa lista hjá skatt-
rannsóknastjóra. Þeir væru hins
vegar ekki komnir i hendur gjald-
eyrisyfirva'.da, en þau ættu von á
að fá listana fljótlega.
Svo sem menn rekur minni til
breytti Ölafur Jóhainesson, við-
skiptaráðherra, nýlega reglugerð
um gjaldeyrisskil o.fl. og fá þar
ýmsir, sem áður voru lögum sam-
kvæmt skilaskyldir á gjaldeyri,
heimild til þess að eiga erlendan
gjaldeyri á bankareikningi. A
blaðamannafundi, sem ráðherra
hélt, var hann m.a. spurður að
því, hvort mönnum yrði gert að
skyldu að sanna, hvernig þeir
hefðu komizt yfir erlendan gjald-
eyri, er þeir létu inn á reikning í
banka hérlendis. Ólafur
Jóhannesson kvaðst ekki telja að
menn ættu nú aó vera of smá-
munasamir í þeim efnum. Mestu-
máli skipti áð fá fjármunina heim
og því yrðu menn fremur að fara
eftir „brjóstvitinu en bók-
stafnum."
ÁRNI Hansson húsasmiSur verður
sjötugur á mánudaginn kemur, 5.
desember. AfmælisbarniS tekur á
móti gestum I kvöld eftir kl. 20 aS
Hamraborg 11 (Þinghóli). Kópavogi.
Jólasveinar
B ómaval
Kertasníkir, stúfur,
og kjötkrókur.
Heimsækja okkur
í dag kl. 3—6
KENWOOD
heimilistæki
spara fé og fyrirhöfn
frystikistur og isskápar
eru hvaö naudsynlegust allra heimilistækja. KENWOOD
býöur hvort tveggja ímjög mismunandi stæröarúrvaliog
af ýmsum gerðum.
THORN
HEKLA HF. laugavegi 170-172,- Síml 21240