Morgunblaðið - 16.11.1979, Page 3

i MORGUNBLAÐIÐ, FÖSTUDAGUR 16. NÓVEMBER1979
3
Stjórn SÍNE:
Otrúleg sjálfsumgleði Alþýðubandalags,
rangfærslur og tílhæfuleus þvættíngur
STJÓRN Sambands íslenzkra
námsmanna erlendis hefur slitið
samvinnu þeirri við Alþýðu-
bandalagið, sem stjórnin sam-
þykkti að hafa varðandi kjör-
skrármál námsmanna. Hér fer á
eftir samþykkt stjórnar SÍNE
um þetta:
„Stjórn SÍNE hefur borist bréf
Alþýðubandalags til námsmanna
erlendis og gerir með hliðsjón af
því eftirfarandi samþykkt.
Bréf Alþýðubandalagsins til
íslenzkra námsmanna erlendis er
fullt af staðhæfingum, sem því
miður eru að miklu leyti rangar
og sums staðar tilhæfulaus
þvættingur. Mun þetta nú verða
rakið að nokkru leyti lið fyrir lið.
1. „Baráttan fyrir jafnrétti er
grundvallarþáttur í stefnu Al-
þýðubandalagsins."
Þetta er kannski rétt að því
leyti, að þetta mun standa í
stefnuskrá flokksins. Hins vegar
sýnir raunveruleg stefna allt ann-
að og nægir þar að nefna nokkur
einföld dæmi: Hvað eru margir
þingmenn flokksins kvenkyns?
Hefur launajafnrétti milli kynja
aukist í stjórnartíð bandalagsins?
Hefur launajafnrétti aukist yfir-
leitt í stjórnartíð þess? Þrjú
önnur stefnuskráratriði: Er her-
inn farinn? Er ísland farið úr
NATO? Ræður ekki auðmagnið
enn atvinnulífinu?
2. „Fyrir Alþingiskosningarnar
1978 ítrekaði Alþýðubandalagið
þá afstöðu sína að breyta bæði
lögunum um Lánasjóð íslenskra
námsmanna frá 1976 í samræmi
við þá meginstefnu, sem náms-
mannahreyfingin hafði sett
fram."
Allt frá árinu 1967 hefur það
verið ein meginkrafa námsmanna,
að námslán brúi framfærslu-
kostnað þeirra. Enn nær þessi
brúun aðeins 85% og reglurnar
eru nú þannig úr garði gerðar að
ekki er einu sinni hægt að vinna
fyrir mismuninum. Alþýðubanda-
lagið hefur stutt þessa kröfu fyrir
allar þingkosningar fram að
þessu, en þessi sjálfsagða krafa
hefur enn ekki fengið náð fyrir
augum ríkisvaldsins. Sat þó Al-
þýðubandalagið líka í ríkisstjórn
1971—1974. Einnig er rétt, að það
komi fram að mat Lánasjóðs á
framfærslukostnaði er nú innan
við 200000 krónur á mánuði, en
eins og Magnús Kjartansson segir
í Þjóðviljanum 11. nóvember „eru
300—400 þúsund á mánuði algjört
lágmark til lífsframfæris“.
3. „Það var eitt fyrsta verk
Ragnars Arnalds, menntamála-
ráðherra, að fela stjórn sjóðsins
að hefja endurskoðun á úthlutun-
arreglunum."
Þess ber að geta, að þá var
nýfallinn dómur, sem úrskurðaði
úthlutunarreglur Lánasj óðs, sett-
ar í stjórnartíð íhalds og Fram-
sóknar, í bága við lög og því var
ekki hægt að úthluta eftir þeim
lengur.
4. „Fulltrúar namsmanna
gagnrýndu þó ýmislegt í nýju
reglunum." Þess er að geta, að við
gerð nýrra úthlutunarregla kom
sú meginhugsun fram hjá full-
trúum ríkisvaldsins, að breyt-
ingarnar máttu helst ekki kosta
neitt. Þannig var um að ræða
lækkun lána hjá vissum hópi
námsmanna og lítilsháttar hækk-
un hjá öðrum. Þetta má kannski
kalla pólitískt refspil gagnvart
námsmönnum og tilraun til að
sundra þeim.
5. „Endurskoðun laganna lauk
svo í vor og náðist full samstaða
meðal fulltrúa námsmanna og
menntamálaráðherra.“ Fulltrúar
námsmanna lýstu stuðningi
sínum við, að í frumvarpinu var
gert ráð fyrir að lán myndu brúa
100% framfærslukostnaðar en
voru hins vegar á móti því að
einnig var gert ráð fyrir verulega
auknum endurgreiðslum af lánun-
um. (Þarf að minna á, að lánin eru
að fullu vísitölutryggð.) Einnig
má gagnrýna þá staðreynd, að
menntamálaráðherrann fyrrver-
andi virðist lítið eða ekkert hafa
gert til að fá stuðning fjárveit-
ingarvaldsins við frumvarpið,
enda fór það svo, að frumvarpið
var lagt í salt (nefnd) skömmu
eftir að það kom fram síðastliðið
vor.
6. „Stefna Alþýðubandalagsins
í málefnum Lánasjóðsins er að-
eins • eitt dæmi um stuðning
flokksins við hagsmunabaráttu
námsmanna." Önnur dæmi
myndu þá væntanlega taka upp
stórfelldan niðurskurð á fjárveit-
ingum til Háskóla íslands, sem
hefur í för með sér minni kennslu
og meira álag á jafnt nemendur
sem kennara.
7. „Námsmenn geta treyst á
Alþýðubandalagið til að tryggja
framgang hagsmunamála sinna."
Þetta hljóta námsmenn að gera
upp við sig, og taka þá mið af
bæði stefnu og framkvæmd
flokksins í lánamálum sem öðrum
baráttumálum sósíalista.
8. „Alþýðubandalagið mun
beita sér fyrir því, nú sem fyrr, að
allir námsmenn erlendis verði
teknir inn á kjörskrá." Það er nú
þannig með þetta mál, að stjórnir
SÍNE hafa farið þess á leit við
Alþýðubandalagið að njóta að-
stoðar þeirra við að kæra náms-
menn erlendis inn á kjörskrá. En
þar sem bandalagið hefur nú
kosið að gera þetta að kosningam-
áli og heldur ef til vill að
námsmenn kjósi það af einskæru
þakklæti fyrir að fá að nota
þennan rétt, hefur stjórn SÍNE
ákveðið, einnig með hliðsjón af
því, sem ofan er talið, að nota ekki
þessa aðstoð Alþýðubandalagsins,
heldur sjá sjálf um þessi kærumál
og koma þannig í veg fyrir
hugsanlega mismunun eftir yfir-
lýstum skoðunum.
Að lokum: Af bréfi Alþýðu-
bandalags má skilja, að grund-
vallarbreyting hafi átt sér stað í
viðskiptum námsmanna og ríkis-
valdsins, þegar Ragnar Arnalds
tók við sæti menntamálaráðherra,
en það er nú með það eins og svo
mörg önnur kosningaloforð að
fyrirheitin eru fögur en efndirnar
litlar.
Samþykkt þessi er orðin til
vegna hinnar ótrúlegu sjálfum-
gleði, sem lýsir sér í bréfi Alþýðu-
bandalagsins til námsmanna er-
lendis, en flokkurinn má þó njóta
þess, að hafa heldur meiri skiln-
ing á málefnum námsmanna en
aðrir stjórnmálaflokkar, sem full-
trúa eiga á Alþingi."
hvílíkur munur
Ajax þvottaefni losar úr bletti og óhreinindi strax í forþvotti.
Það er sama hvort um er að ræða hvítan, mislitan eða mjög
viðkvæman þvott, sama hvaða hitastig er notað eða þvotta-
stilling. Með Ajax skilar árangurinn sér í tandurhreinum (^g
blettalausum þvotti. \
■ -

i 111 ■ ■