Morgunblaðið - 12.01.1980, Síða 26

Leikir
jr -
Eg veit hvað þú ert gamall!
Þú getur komið einhverjum á óvart með því að segja, að þú vitir, eða
getir fundið út, hvað viðkomandi er gamall með því að fá að vita eina
ákveðna tölu. — Þú biður viðkomandi aðila að hugsa sér, hvað hann sé
gamall og síðan eigi hann að margfalda þá tölu með 2. Þá á hann að
bæta 5 við þá tölu, og loks að margfalda þá tölu með 5. Þegar því er
lokið, biður þú viðkomandi að segja þér lokatöluna, en þá getur þú líka
sagt honum, hvað hann er gamall. Þú tekur öftustu töluna burt og
dregur 2 frá því sem eftir er.
Dæmi: Drengur er 11 ára x2 = 22 + 5 = 27 x5 = 135. Síðan tekurðu
töluna 5 aftan af og þá eru eftir 13, en frá því dregurður 2, og þá eru eftir
ellefu — en strákurinn var einmitt 11 ára! Reyndu fleiri dæmi.
Heilrœðavísur
Ungum er það allra best
að óttast guð, sinn herra.
Þeim mun viskan veitast mest
og virðing aldrei þverra.
Hafðu hvorki háð né spott,
hugsa um ræðu mína,
elska guð og gerðu gott,
geym vel æru þína.
Foreldrum þínum þéna af dyggð
það má gæfu veita.
Varast þeim að veita styggð,
viljirðu gott barn heita.
Hugsa um það helst og fremst,
sem heiðurinn má næra
Aldrei sá til æru kemst,
sem ekkert gott vill læra.
við engan styggur né í orðum hryggur,
athuga ræðu mína.
Lærður er í lyndi glaður,
lof ber hann
hjá þjóðum.
Hinn er ei nema hálfur maður,
sem hafnar siðum góðum.
Oft er sá í orðum nýtur,
sem iðkar menntun kæra,
en þursinn heimskur þegja hlýtur,
sem þrjóskast við að læra.
Vertu dyggur, trúr og tryggur,
tungu geymdu þína,
Lítillátur, ljúfur og kátur,
leik þér ei úr máta.
Varast spjátur, hæðni, hlátur,
heimskir menn sig státa.
Víst ávallt þeim vana halt:
vinna, lesa, iðja,
umfram allt þó ætíð skalt
elska guð og biðja.
Hallgrímur Pétursson.
Með þessum heilrœðavísum Hallgríms viljum
við óska ykkur gleðilegs árs og friðar með
einlægum þökkumfyrir allt gott á liðnu ári.