Morgunblaðið - 01.06.1980, Qupperneq 39
MORGUNBLAÐIÐ, SUNNUDAGUR 1. JÚNÍ1980
39
hefur tíðkast hér, að við höfum
alltaf samið sér, þá væri eðlilegra
að við héldum okkur við Alþýðu-
samband Vestfjarða og þá með því
að styrkja Alþýðusamband Vest-
fjarða og það gerði þá meira í því
að skapa samstöðu innan sjó-
mannasamtaka á Vestfjörðum.
Við höfum ekki haft nein not af
Sjómannasambandinu enda ekki
langt síðan við gengum í það,
nema hvað við höfum mátt mæta
á ráðstefnum og fundum hjá því.“
Nýr kjarasamningur
verði gerður áður en
sá gamli rennur út
Eru einhver sérstök hagsmuna-
mál, sem brenna öðrum fremur á
vestfirskum sjómönnum um þess-
ar mundir?
„Það eru þá frekast okkar inn-
anríkismál og þá innan sjómanna-
samtakanna á Vestfjörðum. Það
hlýtur að vera meginverkefni Al-
þýðusambands Vestfjarða að
skapa meiri einingu innan Vest-
fjarða. Eins og sýndi sig í síðustu
deilu þá vantaði alla samstöðu
hérna, og ég held að við munum
leggja höfuðáherzlu á að þetta
verði lagað að einhverju leyti.
Eins munum við leggja mikla
áherslu á í framtíðinni að nýir
samningar verði gerðir áður en sá
gamli rennur út. Við erum alls
ekki sammála þeirri verkalýðs-
pólitík, sem virðist vera í landinu í
dag, að fólk stundi sín störf
kannski með lausa samninga mán-
uðum saman og jafnvel heilu árin.
Verkfallið ekki síst
til að kref ja um viðræður
Eru þið ánægðjr með þá kjara-
samninga, sem þið gerðuð í vetur?
„Togarasjómenn geta kannski
sæmilega vel við unað en hér á
ísafirði er ekki stunduð nema
línuútgerð og togaraútgerð. Varð-
andi línumennina, þá held ég að
þeir hljóti að vera óánægðir og ég
á jafnvel von á átökum í haust
áður heldur en haustvertíðin byrj-
ar. Ég á eftir að sjá það að menn
sætti sig við þessa samninga fyrir
línumenn. Við teljum okkur með
þessum samningum hafa gert þá
samninga, sem Sjómannasam-
bandið er nú að fara út í. Af
kröfugerð þess er sýnt að þeir fara
helst fram á lengri frítíma og í
þeim efnum náðum við töluverðu
fram. Og auðvitað vonum við að
það geti orðið til að greiða fyrir
hjá þeim.“
En sú spurning var sett fram,
þegar þessir kjarasamningar voru
undirritaðir, hvort þetta verkfall
hefði verið þess virði að fara í
það?
„Það er auðvitað alltaf spurn-
ing, hvort verkföll séu þess virði
að fara í þau. En það var alveg
ljóst á sínum tíma að það hefði
ekki verið samið, og við værum
ekki búnir að semja enn þann dag
í dag, ef við hefðum ekki farið í
verkfall. Útgerðarmenn neituðu
hreinlega viðræðum og við vorum
kannski ekki síst með verkfallinu
að krefja þá um viðræður, til að ná
fram samningum. Og þá kem ég
aftur að því, sem ég var að segja
Þetta teljum við algjörlega óeðli-
legt.“
Erum hræddastir við
að fiskveiðikvóti
verði settur á okkur
Hvað segja vestfirskir sjómenn
um þær veiðitakmarkanir, sem
gripið hefur verið til og stjórnun
fiskveiðanna?
„Menn eru auðvitað aldrei alveg
sáttir við það, því þetta er geysileg
tekjuskerðing. Og við sjáum varla
fram á að hægt verði að halda úti
öllum þessum flota í þetta langan
tíma í þorskveiðibanni. Þá er
annað, sem okkur finnst vera
algjörlega óeðlilegt en það er að
verið sé að fjölga í og stækka
skipastólinn á meðan sífellt er
verið að auka þorskveiðibönn.
Auðvitað er eðlilegt , að það þurfi
að lengja þorskveiðibannið eftir
því, sem skipunum fjölgar. Auð-
vitað þarf að endurnýja skipin en
það hlýtur að verða að setja
einhverjar hömlur á hversu mörg
og stór þau eiga að vera.
Að öðru leyti erum við ekki í
mikilli andstöðu við þessar stjórn-
unaraðgerðir meðan ekki verður
settur á okkur fiskveiðikvóti. Það
er það, sem við erum hræddastir
við að verði gert. Slíkt kvótakerfi
kæmi verst niður á okkur Vest-
firðingum, því skipin hér hafa alla
tíð verið þau aflahæstu. Okkar
megin röksemd gegn kvótakerfinu
er sú að hér er minnsti kostnaður-
inn við hvert tonn, sem kemur að
landi og þar af leiðandi hlýtur það
að vera þjóðhagslega hagkvæmast
að gera út skip einmitt héðan. Við
teljum að þjóðin hafi alls ekki efni
á því að stoppa þessi skip meira
heldur en gert er.“
um þessa verkalýðspólitík, sem
rekin er í landinu, að nýir kjara-
samningar séu ekki gerðir fyrr en
þeir fyrri eru helst löngu úr gildi
fallnir."
Nú ert þú ekki búinn að vera
lengi á sjó. Hvað dregur unga
menn í sjómennsku?
„Sjómennskan er öðruvísi at-
vinna heldur en þessi venjulega
tímavinna í landi og á sjónum er
ekki neitt sem heitir tilbreyting-
arleysi. Það er alltaf eitthvað að
gerast og það er alltaf viss spenn-
ingur í sjómanninum, þegar mikill
afli berst um borð. Á sjónum lærir
maður líka að meta ýmislegt, sem
menn gera ekki, sem eru alltaf í
landi og það er eitthvað sérstakt,
sem dregur mann að sjónum og í
mínu tilviki, þá er ég ekki búinn
að vera sjómaður nema í 3 ár en
hafði áður alltaf unnið í landi.
Það er rétt að fjarvistir sjó-
manna frá heimilum sínum eru
miklar og nú þegar fáum við þær
að vísu nokkuð bættar með þeim
10% frádrætti, sem veittur er við
skattaálagningu. En þessar miklu
fjarvistir hafa sína galla og kosti.
Það hefur alltaf verið sagt að það
sé hvergi meiri hamingja, heldur
en í sjómannsfjölskyldum. Ég held
að það hafi við nokkur rök að
styðjast. Eins og ég sagði er
ýmislegt, sem menn læra að meta,
þegar þeir eru þetta lengi fjarri
heimilum sínum, sem aðrir kunna
ekki að meta. Það er alltaf til-
hlökkun að koma heim, og þegar
menn stoppa kannski sólarhring í
landi, þá er þetta nokkurs konar
hátíð á heimilinu, sem aðrir menn
hafa ekki. Vissulega förum við á
mis við margt og erum til dæmis
útilokaðir frá öllu félagslífi. Okk-
ar félagslíf hlýtur að vera bara um
borð," sagði Gunnar
Bændaferðir
til Norðurlanda
Samvinnuferðir-Landsýn efnir tii tveggja bændaferða tii
Norðurlanda í júní. Enn eru örfá sæti laus i báðum ferðunum
og eru þeir sem hafa áhuga hvattir til að hafa samband sem
fyrst
Noregur
Ferð I - 20.-29. júní
Fararstjóri verður Guðmundur Stefánsson fulltrúi hjá fram-
leiðsluráði landbúnaðarins
Noregur, Svípjóð, Finnland
Ferð II - 20. júní - 3. júlí
Fararstjóri Matthías Eggertsson ritstjóri búnaðarblaðsins
Freys.
Allar nánari upplýsingar gefur starfsfólk Samvinnuferða-
Landsýnar.
Samvinnuferóir-Landsýn
AUSTURSTRÆTI 12 - SIMAR 27077 & 28899
^ J