Morgunblaðið - 07.08.1980, Page 18

18
MORGUNBLAÐIÐ, FIMMTUDAGUR 7. ÁGÚST 1980
Loðnuveiðar
Norðmanna við
Jan Mayen hafnar
OhIó 6. áicúst. Frá fróttaritara Morgun-
hlaAsins. Jan Erik I>auré.
TVEIR aí þeim hundrað hátum,
sem hófu loðnuveiðar við Jan
Mayen á miðnætti í nótt, fengu
afla um 100 sjómílur vestur af
Jan Mayen og héldu heimleiðis
með 70 tonn hvor.
Morgunblaðið hafði í dag sam-
band við skipstjórann á Melöyvær,
sem fyrstur norskra skipstjóra
veiddi loðnu við Jan Mayen 1968,
en hann sagði aðra loðnubáta ekki
hafa fengið neitt og að um lítil-
fjörlega loðnugöngu væri enn að
ræða.
Um 100 norskir loðnubátar eru
farnir á miðin við Jan Mayen, en
166 bátar verða í flotanum, sem
má veiða allt að 120.000 tonnum.
Sumarloðnuveiðarnar í Bar-
entshafi hefjast 25. ágúst. Þangað
mun sækja 181 bátur, en heild-
arkvótinn er 450.000 tonn.
Bobby Harrison
poppari:
Bíður nýrrar
plötu á Islandi
Um verslunarmannahelgina
kom til landsins maður að nafni
Bobby Harrison. Harrison er
söngvari sem leikið hefur og
sungið með ýmsum hljómsveitum
þ.ám. Procol Ilarum, Freedom
og Snafu.
í viðtali við Slagbrand sem
birtist um næstu helgi kom fram
að Harrison er hér að bíða eftir
útkomu sólóplötu í Bretlandi, en
mun á meðan reyna sig með
íslenskum hljómlistarmönnum og
hefur verið boðið að syngja inn
nokkur lög á plötu. Harrison sem
byrjaði feril sinn 1961, eftir a að
hafa þurft að hætta í fótboltaliði
West Ham eftir alvarlegt slys,
hefur undanfarin ár verið búsett-
ur í Chicago, en hyggst nú sækja á
heimasióðir í Englandi plötu sinni.
Bobby Harrison lýsti einnig yfir
áhuga sínum á að taka upp efni
hér og kvaðst vel geta hugsað sér
að búa á íslandi.
Bobby er mikill íþróttaunnandi
og sagðist hann hlaupa minnst 5
mílur á dag, þannig að hann ætti
að sjá eitthvað af borginni á þeim
sex vikum sem hann dvelst hér til
að byrja með.
SKÚLI Jón Sigurðarson hjá Loft-
ferðaeftirlitinu hafði samband við
Mbl. vegna myndar sem hirtist i
blaðinu í gær af flugi lítillar
flugvélar yfir sportbátum í Aðal-
vik 8.1. sunnudag. Sagði Skúli að
fyrirspurnir og kvartanir hefðu
borist vegna flugmátans og sagði
siðan: „Eftir að hafa séð mynd af
þessum atburði og heyrt lýsingar
fólks þá virðist allt benda til þess
að um gróft brot á flugreglum hafi
verið að ræða, þar sem öryggi
flugvélar og lifi fólks hafi verið
stofnað í hættu. Loftferðaeftirlitið
hefur nú þegar svipt flugmennina
tvo sem hlut áttu að máli, réttind-
um til bráðabirgða meðan málið
verður rannsakað.“
Þá bað Skúli Mbl. um að brýna
fyrir fólki að fara a reglum og
stofna ekki lífi fólks í hættu með
slíkum leik. „Við höfum orðið vitni
að nægilega mörgum flugslysum og
horft upp á afleiðingar þeirra, þó
svo menn bjóði ekki hættunni heim
á þennan hátt," sagði hann — „því
tökum við svo hart á broti sem
þessu“.
Páll við tvö verka sinna
Páll ísaksson sýn-
ir 28 verk í Eden
PÁLL ísaksson myndlistarmaður
opnar á morgun myndlistarsýn-
ingu i Eden í Hveragerði, en á
sýningunni verða 28 verk, flest
þeirra oliupastel og tússpenna-
verk.
Páll sagði í samtali við Mbl., að
þetta væri önnur einkasýning
hans, en hann var með litla
sýningu í Fossnesti á Selfossi á sl.
ári.
Flestar myndirnar, sem á sýn-
ingunni eru, eru málaðar á þessu
ári eða því síðasta og eru allar til
sölu.
Páll er að mestu sjálfmenntað-
ur, nema hvað hann var einn vetur
í kvöldskóla.
Sýningin opnar sem sagt á
morgun 8. ágúst og stendur yfir til
18. ágúst. Hún er opin á opnunar-
tíma Eden, eða frá 09.00—23.30.
Keflavíkurflugvöllur:
Sæta aðkasti
við innheimtu
flugvallarskatts
STARFSMENN Flugleiða í
flugafgreiðslunni á Keflavik-
urflugvelli hafa farið fram á
að verða leystir undan þeirri
skyldu, að innheimta flugvall-
argjald ríkisins við brottför
farþega, þar eð þeir hafi orðið
fyrir „verulegum óþægindum
og jafnvel aðkasti“, eins og
segir i bréfi þeirra til Jóns
Óskarssonar stöðvarstjóra á
Keflavíkurflugvelli.
Starfsmennirnir segja er-
lenda farþega bregðast reiða
við þegar þeir séu krafnir um
gjaldið, og telja að þessi inn-
heimta Flugleiða fyrir ríkis-
sjóð hafi valdið félaginu álits-
hnekki í augum erlendra gesta.
Flugvallargjaldið er nú kr.
8.800 á hvern farþega sem
ferðast frá íslandi (650 kr. í
innanlandsflugi), og segir í
„Félagspósti" þeirra Flugleiða-
manna, að gjaldið hafi hækkað
um 586,67% undanfarin fjögur
ár, og sé hvergi hærra í
heiminum nema í ísrael, enda
hafi erlendir ferðamenn gefið
því heitið „killer-tax“.
Fáskrúðsfjörður:
Fiskvimisluhús lokuð og skipin
sigla til útlanda með aflann
Tveir flugmenn sviptir
réttindum til bráðabirgða
Allt bendir til grófs brots á flugreglum
Fáskrúðsfirði 5. ágúst 1980.
VINNA liggur nú niðri í Ilraðfrystihúsi Fáskrúðsfjarðar h.f. og er
kallað að starfsfólk fyrirtækisins sé i sumarleyfi. Er stefnt að því að
vinna í frystihúsinu heíjist á ný eftir næstu mánaðamót. Hjá
fyrirtækinu Pólarsild h.f. hefur ekki verið unnið í allt sumar vegna
endurbóta á tækjum og húsna'ði. og skip Sólborgar h.f. hefur siglt með
afla sinn. Atvinna hefur þvi ekki verið mikil hér i sumar i
fiskvinnslunni, og er aðeins unnin dagvinna. Til atvinnuleysis hefur þó
ekki komið.
Annar togara Hraðfrystihússins,
Ljósafell, hefur að undanförnu selt
afla sinn erlendis, og er nú í
siglingu, selur afla sinn í Englandi.
Hinn togarinn, Hoffell, er hins
vegar bundinn hér við bryggju
vegna þorskveiðibanns, en fer
væntanlega í vikunni á „skrap",
hefur verið rætt um að sá afli verði
seldur í Færeyjum. Að loknum
þeim túr mun skipið síðan hefja
þorskveiðar á ný. Minni bátar hafa
svo aftur getað lagt afla sinn upp
hjá Hraðfrystihúsinu, og er sá
fiskur tekinn í salt.
Hjá Pólarsíld hf. hafa bátarnir
Torfi og Guðmundur Kristinn báð-
ir siglt með afla sinn í sumar, en
þeir hafa nú að undanförnu verið í
þorskveiðibanni einnig, en annar
þeirra er að fara út nú í dag.
Sólborg, skip Sólborgar hf. hefur
einnig siglt með afla sinn sem fyrr
segir.
Rekstrarerfiðleikar hafa verið
miklir hjá Hraðfrystihúsinu að
undanförnu að sögn Gísla Jóna-
tanssonar kaupfélagsstjóra, og hef-
ur fyrirtækið verið í erfiðleikum
með greiðslur til sveitarfélagsins
og hafnarsjóðs af þeim sökum. Nú
nýlega fékkst hins vegar 20 millj-
óna króna fyrirgreiðsla hjá Lands-
bankanum, í formi vaxtaaukaláns,
og ætti það að hjálpa til um
stundarsakir.
Ekki hefur enn komið til at-
vinnuleysis hér eins og áður er að
vikið, en þó hefur mjög kreppt að,
vegna þess að einungis er um
dagvinnu að ræða, og vegna þess að
sveitarfélagið hefur lent í erfiðleik-
um vegna bágrar greiðslugetu
fyrirtækja á staðnum. Mikil vinna
hefur aftur á móti verið í bygg-
ingariðnaðinum hér í sumar, og er
tii dæmis unnið að byggingu nýs
húss Landsbanka ísiands. Hafa
þær framkvæmdir meðal annars
orðið mönnum hér tilefni vanga-
veltna um, hvort húsið sé ef tii vill
byggt fyrir vaxtaaukalán hjá
Seðlabankanum.
En menn vona að birti til innan
tíðar, og ekki hefur annað verið
ákveðið en frystihúsið taki til við
fiskvinnslu aftur í næsta mánuði,
þrátt fyrir erfiðleika og mikla
birgðasöfnun, enda er það hreint
ófremdarástand, að hér skuli ný og
glæsileg fiskvinnsluhús standa auð
og ónotuð á meðan siglt er með
aflann til útlanda. — Albcrt.
Bændafundurinn í Eyjafirði:
Hlaupið úr einu í annað með
stjórnunaraðgerðir í landbúnaði
Myndin sem birtist i blaðinu í
gær.
Vitni vantar
Slysarannsóknadeild lögreglunn--
ar í Reykjavík hefur beðið Morgun-
blaðið að auglýsa eftir vitnum að
umferðaróhappi, sem varð á Klepps-
vegi, rétt vestan Dalbrautar klukk-
an 9.20 í gærmorgun, miðvikudag.
Rauð Lada bifreið ók aftan á
strætisvagn og þarf lögreglan nauð-
synlega að ná tali af vitnum að
atburðinum og aðdraganda hans.
HÉR fer á eftir i heild samþykkt
bændafundarins að Freyvangi:
Almennur bændafundur Búnað-
arsambands Eyjafjarðar, haldinn
að Freyvangi 5. ágúst 1980, harm-
ar þá lítt hugsuðu tilraun til
stjórnunar á framieiðslumálum
landbúnaðarins, sem felst í álagn-
ingu 200% kjarnfóðurskatts.
Fundurinn telur að slík aðgerð
valdi bændastéttinni skaða, og sé
með öllu óþörf, þar sem aðalfund-
uk- Stéttasambands bænda 1979,
ákvað að taka upp búmarkskerfi,
til að stjórna búvöruframleiðsl-
unni í landinu.
Til rökstuðnings framansögðu
vill fundurinn benda á eftirfar-
andi:
1. Tilgangur búmarkskerfis nú er
að draga úr framleiðslunni.
Telja verður að það hafi þegar
borið verulegan árangur.
3.
Mjólkurframleiðslan er minni í
ár, en á síðasta ári, t.d. var hún
6,8% minni í maí, en í maí 1979.
Er vart að búast við að meiri
árangur náist í samdrætti á
framleiðslu, á fyrsta ári bú-
marks þegar tekið er tillit til
þess, að ekki hefur verið ljóst
hvenær búmarkið ætti að taka
gildi, og að hvaða marki.
Kjarnfóðurskattur í þeirri
mynd sem hann er nú lagður á,
kemur mjög misjafnt niður á
bændum m.a. vegna þess að
aðstaða fóðursala til blöndunar
á fóðri úr innlendu hráefni er
misjöfn.
Þá stuðlar kjarnfóðurskattur
mjög eindregið að aukningu í
framleiðslu sauðfjárafurða og
verður ekki séð að það sé nein
lausn að færa vandann á milli
búgreina. Hér verður búmarkið
að koma til stjórnunar.
4. Þeir bændur sem dregið hafa
úr framleiðslu sinni vegna
fyrirhugaðs búmarks, verða nú
fyrir enn auknu tekjutapi
vegna kjarnfóðurskattsins.
Tekjuskerðing kemur bæði sem
minnkandi framleiðsla og auk-
inn kostnaður við kjarnfóð-
ursnotkun.
5. Samhliða þessu er síðan tekið
hæsta innvigtunargjald á
mjólk sem nokkurn tíma hefur
verið tekið, þrátt fyrir það að
búmarkskerfið á að koma til
framkvæmda á árinu, sem ætti
að draga mjög úr þörfinni fyrir
verðjöfnun á mjólk.
Ekki verður séð hvernig bændur
eiga að fjármagna rekstur búa
sinna með slíkri skattheimtu og til
viðbótar því er útborgun á fram-
leiðslueiningu nú lægri en hún
nokkurn tíma hefur verið.
Fundurinn telur eðlilegra að
tekin verði upp skömmtun á
kjarnfóðri á afurðaeiningu og um-
frammagn síðan skattlagt. Ekki
verður talið skynsamlegt að safna
í sjóði í þjóðfélagi með 60%
verðbólgu, jafnvel þó aðeins sé til
þriggja mánaða.
Fundurinn leggur áherslu á að
útreikningi á búmarkskerfi verði
hraðað, þannig að hver framleið-
andi viti um það framleiðslumagn,
sem hann má framleiða, og geti nú
þegar hagað framleiðslu sinni á
þann veg, sem honum er hagstæð-
ast í samræmi við búmarkið.
Fundurinn harmar að hlaupið
skuli úr einu í annað með stjórn-
unaraðgerðir, en gerir kröfur til
forráðamanna landbúnaðarins að
framleiðslustefnan sé ljós og
stjórnunaraðgerðir einnig, þannig
að bændur geti hagrætt rekstri
sínum í samræmi við það.