Morgunblaðið - 21.01.1981, Page 1

32 SÍÐUR
16. tbl. 69. árg.
MIÐVIKUDAGUR 21. JANÚAR 1981
Prentsmiðja Morgunblaðsins.
Ronald Reagan, 40. forseti Bandarikjanna:
Sameinumst og hefjum
nýtt viðreisnarskeið
444 daga ófrelsi á enda:
Til V-I>ýzkalands með
sjúkraflutningavéliim
Washinjfton. 20. janúar.
AP og Anna Bjarnadóttir,
fréttaritari MorgunblaÖsins.
HVATNING til að sameinast or
hefja þróttmikið viðreisnar-
skeið í sögu handarísku þjóðar-
innar var boðskapur 40. forseta
Bandarikjanna, repúhlíkanans
Ronald Reagans. er hann tók
við cmbætti ki. 17 að isienzkum
tíma i dag. Tveimur stundum
éftir að hann sór embættiseið-
inn tilkynnti Reagan að raunir
bandarísku gíslanna í íran, 52ja
að tölu, væru á enda og væru
þeir nú komnir út úr loftheltri
írans. Ilann minntist ekki'á
gislana í ræðu sinni, þar sem
hann lýsti þeirri skoðun sinni
að sérhver Bandarikjamaður
væri hetja.
Um leið og klukkan sló tólf á
hádegi, að Washington-tíma,
lyfti Ronald Wilson Reagan,
fyrrum ríkisstjóri í Kaliforníu og
áður Hollywood-stjarna, sem yf-
irgnæfandi meirihluti banda-
rískra kjósenda kaus til hins háa
embættis í nóvember sl., hægri
hönd sinni og lagði þá vinstri á
bibliu látinnar móður sinnar, um
leið og hann sór þess dýran eið að
rækja embætti sitt og skyldur
við bandaríska þjóð svo vel sem
honum væri frekast unnt. Carter,
sem féll í kosningunni, horfði á
alvarlegur í bragði, en stundar-
korni fyrr hafði nýr varaforseti,
George Bush, sem á sínum tíma
keppti við Reagan um útnefningu
Repúblikanaflokksins, svarið
embættiseið sinn.
Um sjötíu þúsundir manna
fylgdust með athöfninni á svöl-
um þinghússins, en um leið og
Reagan, elzti maður sem tekið
hefur við embættinu, var orðinn
forseti drundi við 21 fallbyssu-
skot, á meðan viðstaddir fögnuðu
hinum nýja forseta og nýrri
stjórn í landinu með lófataki.
„Þið, borgarar þessa blessaða
tands, eruð allir hetjur. Draumar
ykkar, vonir og þrár verða
draumar, vonir og þrár þessarar
stjórnar," sagði Reagan, um leið
og hann bað um fulltingi guðs til
að svo mætti verða. Reagan lagði
aðaláherzlu á efnahagsmál í
ræðu sinni. Hann kvað fast að
orði og sagði að ekki væri til
setunnar boðið, heldur ætlaði
hann að hefjast handa þegar í
dag. Og hann lét ekki sitja við
orðin tóm, heldur lét það verða
sitt fyrsta verk eftir athöfnina,
að undirrita frumvarp um bann
við nýjum mannaráðningum á
vegum alríkisstjórnarinnar. For-
setanum varð tíðrætt um nauð-
syn einstaklingsfrelsis og einka-
framtaks, og kvað það ætlun sína
að stjórn ríkisins starfaði við
hlið borgaranna en væri ekki ok
á þeim.
Hann hét bandamönnum
tryggð og dyggilegum stuðningi,
um leið og hann kvað frið æðsta
takmark stjórnar sinnar.
Sjá nánar á miðopnu.
Aþenu, 20. janúar. — AP.
UM MIÐNÆTURBIL hóf alsírsk
Boeing 727-þota sig til flugs frá
Aþenuflugvelli með 52 frjálsa
Bandarikjamenn innanborðs ogi
tók stefnu á Algeirsborg, þar sem
ætlunin er að lenda á þriðja
timanum í nótt. Þotan, sem fór
frá Teheran. eftir að brottförin
hafði dregizt á langinn timum
saman vegna formlegrar af-
greiðslu mikilvægs skjals, að þvi
er næst verður komizt, kom við i
Aþenu til að taka eldsneyti og fór
enginn þar frá borði. Enginn
fékk leyfi til að fara um borð
nema bandariski sendiherrann i
Grikklandi, en við komuna til
Alsir verða Bandaríkjamennirn-
ir, sem eiga að haki 444 daga
gislingu i íran, fluttir um borð i
handariskar sjúkraflutningavél-
ar, sem flytja þá rakleiðis til
Wicsbaden i Vestur-Þýzkalandi.
I Vestur-Þýzkalandi dveljast
Bandaríkjamennirnir í bandarísk-
um herspítala í 3—5 daga, áður en
þeir fara til Bandaríkjanna, en
heilsufar þeirra mun vera upp og
ofan, eins og ummæli alsírsks
læknis sem skoðaði þá fyrir brott-
förina frá Teheran benda til, en
hann sagði ástand þeirra vera
„viðunandi".
Jimmy Carter, fráfarandi
Bandaríkjaforseta, er eignaður
heiðurinn af því að gíslunum var
sleppt nú, en hann fer áleiðis til
Vestur-Þýzkalands í kvöld í boði
Reagans forseta, til að fagna
þeim.
í Bandaríkjunum og víða um
heim er því ákaft fagnað að
Bandaríkjamennirnir, sem frá því
í nóvember í fyrra hafa verið á
valdi byltingarstjórnarinnar í ír-
an, fara nú loks frjálsir ferða
sinna. Carter og Reagan hafa
báðir fengið fjölda heillaóska-
skeyta vegna þess að Iausn er nú
fengin á þessu vandamáli, m.a. frá
Jóhannesi Páli páfa II., en ekki fer
á milli mála að ráðamenn víðsveg-
ar telja einræðisstjórnina í íran
ekki hafa aukið hróður sinn með
því að selja gíslana með þeim
hætti sem gert var.
„Þeir grétu, hlógu og féllust í
faðma," sagði svissneskur sendi-
ráðsmaður, sem var viðstaddur
brottför Bandaríkjamannanna frá
Teheran. Hann sagði að þeir elztu
í hópnum hefðu verið meðteknir
eftir að hafa verið fangar svo
lengi, og hefðu sumir vart getað
gengið óstuddir. Þá kvað hann
greinilegt að við brottförina hefðu
margir verið að sjást í fyrsta sinn
í langan tíma, og hefðu ýmsir
verið stirðir í lund og ekki viljað
trúa að nú væri komið að því að
þeir fengju frelsi.
Joseph Subic. einn gíslanna fyrrverandi. við brottförina frá Teheran í
gærkvöldi. \ flugvellinum var fjöldi æstra áhangenda stjórnarinnar í
Teheran, sem steyttu hnefa og hrópuðu ókvæðisorð. Simamynd ap.