Morgunblaðið - 17.05.1981, Blaðsíða 23

MORGUNBLAÐIÐ, SUNNUDAGUR 17. MAÍ 1981
63
fclk í
fréttum
Móðir og dóttir mæður sama dag
Yarð móðir
og amma samdægurs
Það var margt um manninn á þorrablótinu uk fóik skemmti sér hið
besta.
+ Því var slegið upp í þættinum
„Pólk í fréttum" hér í blaðinu
laugardaginn 9. þ.m. að mæðgur
í Ameríku hafi báðar eignast
dætur sama daginn og þótti það
tíðindum sæta.
En þetta sama gerðist reyndar
hér á Islandi fyrir nákvæmlega
22 árum. ,Þá áttu mæðgurnar
Margrét Sigurjónsdóttir og
Kristín Haraldsdóttir dætur
sama dag og varð Margrét þann-
ig móðir og amma samdægurs.
Dóttir Margrétar heitir Svava
Haraldsdóttir og dóttir Kristín-
ar Erla Dagný Stefánsdóttir.
Við fengum þær Margréti,
Kristínu og Erlu til að koma
saman og leyfa okkur að smella
af þeim mynd en því miður gat
Svava ekki verið með á henni þar
sem hún er búsett í Keflavík. Við
verðum því að birta sér mynd af
henni sem tekin var nýlega.
Að lokinni myndatöku spjall-
aði blaðamaður Morgunblaðsins
við þær mæðgurnar um þetta
óvenjulega tilfelli.
— Já, þetta þótti töluvert
óvenjulegt og starfsfólkið á fæð-
ingardeildinni sagði að þetta
hefði ekki komið fyrir áður þau
16 ár sem hún hafði starfað,
sagði Kristín Haraldsdóttir. Það
var dálítið asnalegt að lenda
uppá fæðingardeild með móður
sinni. Annars vakti þetta ekki
mikla athygli útífrá á sínum
tíma — en manninum mínum
þótti það voðalega sniðugt að
þegar hann kom í heimsókn á
fæðingardeildina þá heimsótti
hann dóttur sína, eiginkonu,
tengdamóður og mágkonu allar í
einu.
— Þetta var mikið vesen á
sínum tima — við vorum hafðar
saman í stofu og mikið við okkur
haft, sagði Margrét. Fæðingarn-
ar uppá hvítasunnudag 1959 og
fæddist Svava kl. 7 um morgun-
inn en Erla Dagný kl. 13. Ég
Þorrablótið var haldið á heimili Schrader-hjónanna og þá var
tekin af þeim þessi mynd.
Mæðgurnar ásamt dóttur dótturinnar. F.v. Margrét Sigurjónsdóttir, Kristín Haraldsdóttir og Erla
Dagný Stefánsdóttir. Ljósm. Kristján.
Þorrablót í Flórida
+ Íslendingaíélagið í Orlando, Florida, hélt Þorra-
blót 14. febrúar 1981. Blótið sóttu um 65 manns, en
það var haldið á heimili formanns íslendingafélags-
ins, hr. B. Schrader, en hann er kvæntur íslenzkri
konu. Að sögn heimildarmanns okkar er mikill áhugi
fyrir því að Flugleiðir hefji flug til Orlando, sem er
miðsvæðis á skaganum og því tiltölulega stutt þaðan
til allra staða á Florida.
Svava Magnúsdóttir með Krist-
ján litia, en hún er ömmusystir
hans.
man að þegar ég var búin að eiga
mina þá var hún sett inn til
Kristínar og þegar hún var búin
að eiga sína þá var hún sett inn
til mín. Þetta var allt svolítið
skrítið.
Ég hef aldrei heyrt um annað
tilvik þar sem mæðgur hafi átt
börn sama daginn hér á landi —
en það væri gaman að frétta af
fleiri tilfellum.
Að lokum spurði blaðamaður
Mbl. Erlu Dagnýju, dóttur Krist-
ínar, hvort hún vildi leggja orð í
belg.
— Nei, það læt ég alveg lönd
og leið, sagði Erla Dagný — ég
stórskammast mín fyrir að þú
skulir ætla að fara að skrifa um
þessa vitleysu í blöð.
Og þar með sláum við botninn
í þetta og óskum þeim Erlu
Dagnýju Stefánsdóttur og Svövu
Magnúsdóttur til hamingju með
22ja ára afmælið, sem þær eiga í
dag.
- bó
Fjórir fulltrúar útskriftaraðals Grunnskóla Garðabæjar 1981. F.v. Steinar Pálmason, Ásdis
Paulsdóttir, Lovisa Vattnes og Magnús (Superman) Jónsson. LjÓ9m. RAX.
Húllumhæ
útskriftaraðals frá Garðabæ
+ Mikið húllumhæ varð hér fyrir
framan Morgunblaðshúsið er 70
unglingar söfnuðust þar saman
um hádegisbilið sl. þriðjudag um
það leyti sem blaðamenn voru að
mæta til vinnu. Höfðu ungl-
ingarnir búist ýmsum gervum og
voru í hópnum hin furðulegustu
skrípi — höfðu sumir brugðið
sér í dýrslíki en flestir létu sér
þó nægja að klæðast einkenni-
lega. Blaðamaður og ljósmynd-
ari Morgunblaðsins fóru á stúf-
ana til að finna út hverju þetta
sætti og tókum við tali fjór-
menningana Steinar, Ásdísi,
Lovísu og Magnús.
— Þetta húllumhæ gerum við
í tilefni þess að Grunnskóla
Garðabæjar er lokið og við öll
útskrifuð úr grunnskóla núna —
það hefur áreiðanlega oft verið
gert húllumhæ af minna tilefni,
sögðu þau.
Ja, hvað við gerum í framtíð-
inni? — því verður framtíðin
náttúrulega að skera úr.
Þau Asdis, Lovísa og Magnús
voru þó að velta því fyrir sér að
fara í menntaskóla næsta vetur
en Steinar hugðist helzt verða
kokkur er tímar liðu.
Þetta voru eldhressir krakkar.
Að lokum sögðust þau vona að
aðrir bekkir í Grunnskóla
Garðabæjar myndu halda við
þessum sið — að efna til húllum-
hæs við skólaslit — þannig að
þetta yrði fastur siður í framtíð-
inni og setti árlega svip á bæinn.